18
1 တၭယဟိဝၩစံၭစအၫရၧၫ့နဝ့ၫဒၪ, ဒဲနဖိၪခွၫလဖၪ, ဒဲနဖါအဂံၪ့အီၪလၧနၥိၭနီၪ မိဘၪထိးဆၧအလးဆံၫ့ဎံၪ အဆၧအၧၩ့လီၫ. တၭနၧၩဒဲနဖိၪခွၫလဖၪအီၪလၧနၥိၭ နီၪမိဘၪထိးနၥံၪ အၦလုဆၧအလး အဆၧအၧၩ့လီၫ.
2 နထၧၫ့ဖုဝဲဆ့, ၦလံဝဲၫဖိၪလဒီၪ့, နဖါအဒီၪ့ဖိၪ, ဂဲၫဆိၬ လၧနၥိၭဘဲၫအဝ့ၫၥံၪမိအီၪလၧနၥိၭ, ဒဲမၩနခ့ၫနၡၩအ ဆၧနီၪဆံၭ. အ့ၪမွဲနဝ့ၫဒၪဒဲနဖိၪခွၫ အီၪလၧနၥိၭလဖၪ နီၪဘၪမၩဆၧလၧဆၧအုၩ့လၩ့ အတဲၩဆံၫ့ဎံၪအမ့ၬ
3 ယၫလီၫ.- တၭအဝ့ၫၥံၪနီၪ ဘၪယိနဆၧယိ, ဒဲအဆၧယိ ဘၪဆဲၫ့လၧတဲၩဆံၫ့ဎံၪထၧၫ့ဖျိၪ့ယၫလီၫ. အ့ၪမွဲအၥုၭ ဘူၭအၥၭ လၧဆၧအလးဆံၫ့ဎံၪ အဆၧဖိၪဆၧလံၩဒဲ ဆၧလုလးအ့ၬ. ဘဲၫၥိၭအဝ့ၫၥံၪမွဲဂ့ၩ, နၥံၪဝ့ၫဆ့မွဲဂ့ၩ,
4 ထီးၥံၫဘၪလဂ့ၩအဂဲးလီၫ.- အဝ့ၫၥံၪနီၪမိအီၪလၧနစူၪ ဖၧၩ့တၭ, ယိဆၧယိဘၪဆဲၫ့ လၧဆၧအီၪကီၪ့ဆံၫ့ဎံၪ နီၪ,ဒဲတဲၩဆံၫ့ဎံၪ အဆၧမၩထီးအလူၬအဂးလီၫ. တၭ ၦလခီၫဘၩ့မုးဖိၪ ၥူၭဘူၭဘၪအၥၭ လၧနၥံၪအအီၪ
5 အ့ၬ.- နၥံၪဝ့ၫလဖၪ နၥံၪဘၪယိဆၧဘၪဆဲၫ့လၧအလး ဆံၫ့ဎံၪ, ဒဲဆၧယိဘၪဆဲၫ့ လၧဆၧလုလး, ဘဲၫၥိၭဆၧ
6 ၥၭထၪ့ထီးဘၪလၧၩ့ ၦအံၫစရ့လၭဖိၪလဂ့ၩလီၫ.- တၭ ယဝ့ၫဒၪယီၩ, ယိခွါ, ယမၩန့နၥံၪအထၧၫ့ဖုဝဲ ၦလံဝဲၫ ဖိၪလၧၦအံၫစရ့လၭဖိၪ အကျၩလီၫ. ဆၧဖ့ၪလၫ့ဝ့ၫ လၧဆၧဖ့ၪလၫ့ လၧယဟိဝၩလမံၩ့, ဘဲၫၥိၭအမိမၩဆၧ အီၪကီၪ့အတဲၩဆံၫ့ဎံၪ အခ့ၫအၡၩ အဆၧမၩလီၫ.
7 အခိးမွဲဘဲၫနီၪတၭ, နဝ့ၫဒၪဒဲနဖိၪခွၫလဖၪ အီၪလၧနၥိၭ မိဘၪယိနၥံၪအၦလုဆၧ အဆၧမၩလၧကယဲဆၧဘၪ ဆဲၫ့လၧဆၧလုလး, ဒဲလၧကလကၫလၧယၫလခီၫတၭ, နၥံၪမိမၩဆၧလီၫ. ယဖ့ၪလၫ့ယူၭနၥံၪ လၧၦလုဆၧအ ဆၧမၩ, ဆၧဖ့ၪလၫ့ဘၪဆဲၫ့လၧဆၧမၩလီၫ. တၭၦလ ခီၫဘၩ့မုးဖိၪ လၧအၥုၭဘူၭအၥၭ မိဘၪဆၧမၩၥံၫဝ့ၫလီၫ.
8 ယဟိဝၩစံၭစအၫရၧၫ့, ယိခွါ, ယဖ့ၪလၫ့ယူၭနၧၩ လၧဆၧယိဘၪဆဲၫ့ လၧဆၧမၩဘိၪ့ယၧၩ လၧဆၧမၩ ဘိၪ့ဆိၬထၪ့ဝံဝါဝ့ၫ, လၧၦအံၫစရ့လၭဖိၪ အဆၧဆံၫ့ဎံၪ လဖၪထီးအလူၬ အကျၩလီၫ. ယဖ့ၪလၫ့ဝ့ၫလၧနၧၩ ဒဲလၧနဖိၪခွၫလဖၪ လၧဆၧဂုၪဝ့ၫအကၠီၩ့, လၧဆၧအ
9 ထူၫအရူၫအဆိၩအကၠၪလီၫ.- လၧဆၧဆံၫ့ဎံၪထုၬ လဖၪအကျၩလၧအဖီၩ့ဖျ့ၭမ့ၪနီၪ, မိကဲၪထၪ့နဆၧလဖၪ တၭ,မွဲအယီၩး ကယဲအဝ့ၫၥံၪမၩဘိၪ့ဆၧ, ကယဲအဆၧ မၩဘိၪ့ကိၪမုၬ, ဒဲကယဲအဆၧလုဆၧဒဲၩဘၭ, ဒဲကယဲ အဆၧလုမၪဘၪဆၧ ထီးအလူၬ လၧအမၩဘိၪ့ယၧၩ နီၪ,မွဲဆၧဆံၫ့ဎံၪထုၬလၧနဂး ဒဲလၧနဖိၪခွၫလဖၪအဂး
10 လီၫ.- တၭနမိဘၪအၪ့ဝ့ၫ လၧဆၧအလးဆံၫ့ဎံၪထုၬအ ဖၧၩ့လီၫ. ကယဲၦခွၫမိအၪ့ဘၪဝ့ၫတၭ, မိကဲၪထၪ့ဆၧ
11 ဆံၫ့ဎံၪလၧအဂးလီၫ.- အယီၩမွဲနဆၧဆ့း ဆၧမၩဘိၪ့ ဆိၬထၪ့ဝံဝါဝ့ၫလၧအဆၧဖ့ၪလၫ့အဖၧၩ့, ဒဲကယဲၦအံၫ စရ့လၭဖိၪအဆၧမၩဘိၪ့ဝံဝါဝ့ၫလဖၪလီၫ. ယဖ့ၪလၫ့ ယူၭလၧနၧၩ, ဒဲလၧနဖိၪခွၫလဖၪ, ဒဲလၧနဖိၪမုၪလဖၪ အီၪလၧနၥိၭ, လၧဆၧအထူၫအရူၫအဆိၩအကၠၪလီၫ. ကယဲၦလၧအဆံၫ့ လၧနဂံၪ့ဖၧၩ့နီၪ မိအၪ့ဘၪဝ့ၫကိၭ
12 ဂၩဒ့ၭလီၫ.- ဆၧၥိၪအဂ့ၩထုၬထီးအလူၬ,ဒဲဘုၪကၠိၩ့ အဂ့ၩထုၬထီးအလူၬ, ဒဲအဆၧၥၪဆိၫလၧအမၩဘိၪ့ ယဟိဝၩနီၪ, ယဖ့ၪလၫ့ယူၭယဝ့ၫလၧနၧၩယူၭလီၫ.
13 ကယဲဆၧၥၪလၧအမံၫ့ဆိၫ လၧခးဖၧၩ့နီၪလၧအဝ့ၫၥံၪမိ ဂဲၫဆိၬလၧယဟိဝၩအအီၪထီးအလူၬနီၪ မိကဲၪထၪ့န ဆၧလီၫ. ၦအဆံၫ့လၧနဂံၪ့ဖၧၩ့နီၪ မိအၪ့ဘၪဝ့ၫကိၭအ
14 ဂၩဒ့ၭလီၫ.- ကယဲဆၧလၧၦဆိၪလၩ့အၥၭတၭ, အီၪ
15 က့ၪဝ့ၫနီၪ မိကဲၪထၪ့နဆၧထီးအလူၬလီၫ.- ကယဲဆၧ လၧအဝဲထၪ့ဆၧဒၧၩ့လး လၧဆၧယၪထီးအလူၬအကျၩ လၧၦဂဲၫဆိၬဝ့ၫ လၧယဟိဝၩအအီၪ, ၦၡၩမွဲဂ့ၩ, ဆၧ ဖိၪဆၧဎါမွဲဂ့ၩ, မိကဲၪထၪ့နဆၧထီးအလူၬလီၫ. မွဲလါ နၫ့ၦၡၩအဝဲၡါနီၪ နမိဘၪဎွ့ၩန့ထဲၩ့တၡါတၭ, ဆၧဖိၪ
16 ဆၧဎါလဆံၫ့ဘၪနီၪ နမိဘၪဎွ့ၩန့ထဲၩ့ဆ့လီၫ.- တၭ ဆၧလၧအမိဘၪဎွ့ၩန့ထဲၩ့ဝ့ၫနီၪ, လၧအအီၪလၩလံဘံၪ့ နဘၪဎွ့ၩန့ထဲၩ့ဝ့ၫတၭ, ဘဲၫနအီၪက့ၪအဎွ့ၩအၥိၭလၧ စ့ၩယဲၡက့လၭအဂး, ဘဲၫဆၧအလးဆံၫ့ဎံၪၡက့လၭ
17 အၥိၭလၧအမွဲဂ့ရၫနံၫဆံၫလီၫ.- အ့ၪမွဲချီမိအဖိၪဝဲၡါ, ဒဲၥိၪအဖိၪဝဲၡါ, ဒဲဘ့ၪအဖိၪဝဲၡါနီၪ နဎွ့ၩန့ထဲၩ့ဘၪအ့ၬ. မွဲဆၧဆံၫ့ဎံၪလီၫ. နမိဘၪဎွံၪအၥွံၪ လၧဆၧလုလးအဖၫ့ ခိၪတၭ, နမိဘၪဆူၭခဲၩခွံၬအၥိၪ, ဆၧလုမၩလၧမ့ၪ,
18 လၧဆၧနၧၫ့မၧၫ့မုၬ လၧယဟိဝၩအဂးလီၫ.- တၭအဝ့ၫ ၥံၪအဆၧယၪလဖၪမိကဲၪထၪ့နဆၧ, ဘဲၫဆၧဝံဝါဝ့ၫအ ၥၭနၫၡါ, ဒဲခိၬထံၭခိၪအထွ့ၪနီၪ, မွဲနဆၧအၥိၭလီၫ.
19 တၭကယဲဆၧမၩဘိၪ့ ဆိၬထၪ့ဝံဝါဝ့ၫ လၧဆၧဆံၫ့ဎံၪ လဖၪလၧၦအံၫစရ့လၭဖိၪ မၩဘိၪ့ယဟိဝၩ အကျၩ ထီးအလူၬနီၪ, ယဖ့ၪလၫ့ယူၭနၧၩ,ဒဲနဖိၪခွၫလဖၪ,ဒဲန ဖိၪမုၪလဖၪအီၪလၧနၥိၭ, လၧဆၧအထူၫအရူၫအဆိၩ အကၠၪလီၫ. မွဲဆၧအုၩ့လၩ့အဆိၩအကၠၪဘၪဆဲၫ့လၧ ထံၫလၪအဆၧအုၩ့လၩ့ လၧယဟိဝၩအမ့ၬယၫ လၧန ဂး, ဒဲလၧနချံၫနၥၪအီၪလၧနၥိၭအဂးလီၫ.
20 တၭယဟိဝၩ စံၭစအၫရၧၫ့, နန့ၥၫဆၧလၧခးဖၧၩ့, ဒဲန့ဘၪဆၧအလးလၧအကျၩအ့ၬ. ဆၧလၧယၧၩယီၩ ယမွဲနဆၧ, ဒဲနန့ၥၫဆၧလၧၦအံၫစရ့လၭဖိၪ အကျၩ
21 လီၫ.- တၭယိခွါ, ယဖ့ၪလၫ့ယူၭၦလံဝဲၫဖိၪ လၧအန့ၥၫ ဆၧအလးလၧဆံၫပိၩ့လပိၩ့ လၧၦအံၫစရ့လၭအဖၧၩ့ လၧအဝ့ၫၥံၪ အဆၧလၧအမၩဝ့ၫအကၠီၩ့, ဆၧအီၪကီၪ့
22 အတဲၩဆံၫ့ဎံၪအဆၧမၩလီၫ.- တၭၦအံၫစရ့လၭဖိၪၥုၭ ဘူၭဘၪလၧၩ့အၥၭ လၧဆၧအီၪကီၪ့ အတဲၩဆံၫ့ဎံၪနီၪ
23 အ့ၬးမိဘၪဘၪခိၬအဆၧဒဲၩဘၭတၭၥံၫဝ့ၫလီၫ.- အ့ၪ မွဲၦလံဝဲၫဖိၪ ဘၪမၩဆၧအီၪကီၪ့အတဲၩဆံၫ့ဎံၪ အဎီး အၡၩအဆၧမၩ, ဒဲမိထိးအဆၧအၧၩ့လီၫ. မွဲဆၧအထူၫ အရူၫအဆိၩအကၠၪ လၩ့လၧနၥံၪအဆၨၩအဆၬ လ ဆိၩဘၪလဆိၩ လၧအဝ့ၫၥံၪန့ၥၫဆၧ လၧၦအံၫစရ့လၭ
24 ဖိၪအကျၩအ့ၬ.- တၭၦအံၫစရ့လၭဖိၪ အဆၧဆံၫပိၩ့ လပိၩ့လၧအဝ့ၫၥံၪ မၩဘိၪ့လၧဆၧမၩဘိၪ့ ဝံဝါဝ့ၫလၧ ယဟိဝၩအဂးနီၪ, ယဖ့ၪလၫ့ယူၭ လၧၦလံဝဲၫဖိၪလၧ ဆၧန့ၥၫအဂးလီၫ. မၩအၥၭဘဲၫနီၪတၭ, ယလီၩဘၪ ဝဲၩယူၭအဝ့ၫၥံၪ လၧၦအံၫစရ့လၭဖိၪ အကျၩနီၪမိန့ၥၫ ဆၧနးစီၪ့အ့ၬ.
25-26 ချဲၩ့ဆၧ လၧၦလံဝဲၫဖိၪတၭ, စံၭအဝ့ၫၥံၪ, ထီးနၥံၪမၩန့ဆၧဆံၫ ပိၩ့လပိၩ့လၧၦအံၫစရ့လၭဖိၪအစူၪဖၧၩ့, ဆၧလၧယမၩ န့လၧအဝ့ၫၥံၪဖ့ၪလၫ့နၥံၪ လၧအဝ့ၫလၧနၥံၪ န့ၥၫဆၧ အဂးတၭ, နၥံၪမိဘၪမၩန့လၧအဖၧၩ့နီၪ မၩဘိၪ့လၧဆၧမၩ ဘိၪ့ဝံဝါဝ့ၫ လၧယဟိဝၩအဂးဆံၫပိၩ့လပိၩ့, လၧဆၧ
27 ဆံၫပိၩ့လပိၩ့နီၪအကျၩလီၫ.- တၭနၥံၪအဆၧဆိၬထၪ့ ဝံဝါဝ့ၫနီၪဆၧမိအီၪက့ၪဝ့ၫ လၧနၥံၪအဂးဘဲၫဘုၪ လၧ ခရဲးဖၧၩ့, ဒဲဘဲၫဆၧလၧၫ့ဎွ့ၩလၧဆၧဘံၭစဘံၭၥၪ အထံၫ
28 အၥိၭနီၪလီၫ.- ဘဲၫနီၪအၥိၭနၥံၪမၩဘိၪ့ဝံဝါဝ့ၫဆ့ လၧယ ဟိဝၩအဂးလၧဆံၫပိၩ့လပိၩ့လၧ နၥံၪထိးန့လၧၦအံၫစရ့ လၭဖိၪထီးအလူၬအစူၪဖၧၩ့တၭ, နၥံၪဘၪဖ့ၪလၫ့ယဟိဝၩ အဆၧမၩဘိၪ့ဆိၬထၪ့ဝံဝါဝ့ၫနီၪ လၧၦလုဆၧစအၫရၧၫ့
29 လဂၩနီၪလီၫ.- လၧနၥံၪဖ့ၪလၫ့ဆၧထီးအလူၬအကျၩနီၪ နၥံၪဘၪမၩဘိၪ့ ကယဲယဟိဝၩအဆၧမၩဘိၪ့ ဆိၬထၪ့ ဝံဝါဝ့ၫလၧအဆၧဂ့ၩထုၬ ထီးအလူၬအကျၩ, ဆၧဆံၫ့
30 ဎံၪလၧအကျၩလီၫ.- တၭနၥံၪဘၪစံၭဆၧလၧအဝ့ၫၥံၪ, ထီးနၥံၪဆိၬထၪ့ဝံဝါဝ့ၫ ဆၧအဂ့ၩထုၬလၧအကျၩ, ဆၧ မိအီၪက့ၪဝ့ၫလၧ ၦလံဝဲဖိၪအဂး, ဘဲၫဆၧအီၪထၪ့လၧ ခရဲးဖၧၩ့အဆၧအၪထၪ့အၥိၭ, ဒဲဘဲၫဆၧအီၪလၧဆၧဘံၭ
31 စဘံၭၥၪအဖၧၩ့ အဆၧအၪထၪ့အၥိၭနီၪလီၫ.- တၭနၥံၪ မိအၪ့ဘၪဝ့ၫလၧကိၭစီၪ့ဒ့ၭ, နၥံၪဝ့ၫဒဲနၥံၪအဂံၪ့ဖိၪၥံၪလီၫ. အဂဲးဘဲၫယီၩ မွဲနၥံၪမၩဆၧလၧဆၧအီၪကီၪ့ အတဲၩဆံၫ့
32 ဎံၪဖၧၩ့အလံၩ့အလဲၫလီၫ.- ထီးနၥံၪဆိၬထၪ့ဝံဝါဝ့ၫ ဆၧအဂ့ၩထုၬလၧအကျၩတၭ, နၥံၪဘၪဆၧဒဲၩဘၭလၧ အကၠီၩ့အ့ၬ. တၭနၥံၪမိမၩၥၭလိၪဘၪ ၦအံၫစရ့လၭဖိၪ အဆၧဆံၫ့ဎံၪလဖၪဆ့အ့ၬး နၥံၪမိၥံၫဘၪခိၬလီၫ.