11
1 ၦခမျၧးၥူၭဝံၪၥူၭလၩဆၧအၧၩ့ လၧယဟိဝၩ အနါ ဖၧၩ့တၭ, ယဟိဝၩနါဂၧၫ့ဝ့ၫနီၪ, အၥၭထၪ့ခဲၩထၪ့တၭ, ယဟိဝၩအမ့ၪအၪ့ခွံၬ ၦအီၪလၧဆၧၥုၪ့တဲၩအလးလၧ
2 အနဲၩ့ထံၭအထုၬလဖၪအဖၧၩ့နီၪလီၫ.- ၦခမျၧးနီၪကိၭ ထၪ့စမိစ့ၭတၭ, စမိစ့ၭဘၩဆိၪဖၪ ယဟိဝၩတၭ, မ့ၪ
3 လၩ့ဖံၬခွံၬဝ့ၫဒၪလီၫ.- တၭမွဲအကိၭဆၧအလးနီၪ အ မံၩ့တၫဘံရၫလီၫ. အဂဲးဘဲၫယီၩ ယဟိဝၩအမ့ၪအၪ့ ဆၧလၧအကျၩလီၫ.
4 ၦကျီၪမွံၩလဖၪ လၧၦခမျၧးအကျၩနီၪ ၥၭကွံၩဆၧ တၭ,ၦအံၫစရ့လၭဖိၪ ဆၧၫ့နၩ့ဂၪ့ဒီၭဝ့ၫတၭ, စံၭဝ့ၫဒၪ,
5 မွဲပလၫမိဒုၭအၪ့ပၧၩ လၧဆၧယၪလဲၪ.- ပနၪ့ထၪ့ထဲၩ့ ဒ့ၪၥံၪယၪၥံၪ လၧပအၪ့လၧခးအံဇံၭအဖၧၩ့ အၪအၪ လ့ၬ,ထံၩၥၪၥံၪ, ဒဲတဲၪ့တီၩၥၪၥံၪ, ဒဲၥၧၫ့ခိၪၥၪဖၭဒိၪၥံၪ,
6 ဒဲၥၧၫ့ခိၪၥၪဝီၩ, ၥၧၫ့ခိၪၥၪဘွၩလီၫ.- အ့ၪမွဲဘိၩ့နဲၪ့ယီၩ ပၥၭဎွ့လၩ့ယူၭ, လၧမၪ့နၫယီၩအဖၫ့ခိၪ ဆၧအီၪလၧ
7 ပမ့ၬယၫနးမံၩ့အ့ၬ.- မၪ့နၫနီၪမၩအၥၭ ဘဲၫဟီၫ့ပီၩ့ အချံၫအၥိၭတၭ, အလွ့မၩအၥၭ ဘဲၫချိၪၥဲၪ့အၥိၭနီၪ
8 လီၫ.- ၦခမျၧးစဲၪ့ဝံၩ့ဝၩ့တၭ, အၪ့ထုၫ့ဝ့ၫတၭ, ဂူၬဝ့ၫလၧ ဆုၪ့ဂူၬမွဲဂ့ၩ, အၪ့ဆူၫဝ့ၫလၧဆုၪ့ဖၧၩ့မွဲဂ့ၩတၭ, အၪ့ ဎူဝ့ၫလၧဖၧၩ့ဖၧၩ့, ဒဲအၪ့ဎိၪမံၫ့အပၪပဲၪ လၧဖံၫ့ချၪဖၧၩ့ လီၫ. တၭထဲးယိဝ့ၫနီၪ မၩအၥၭဘဲၫၥိၪၥံၫ့ဆ့ၬအဆၧ
9 ထဲးယိဝ့ၫအၥိၭနီၪလီၫ.- ထီးဆၩ့ထံၫလၩ့ဘၪလၧၦၥုၪ့ တဲၩအလးလၧမုနၩလခီၫတၭ, မၪ့နၫနီၪလၩ့ဘၪလၧ အဖၫ့ခိၪလီၫ.
10 စမိစ့ၭနါဂၧၫ့ၦခမျၧးဂၪ့ဝ့ၫ လၧအဂံၪ့ဒီၪ့ထီးအလူၬ, လဂၩလၧအတဲၩအတရၫ့, လဂၩလၧအတဲၩအတရၫ့ တၭ, ယဟိဝၩအၥၭထၪ့ ခဲၩထၪ့ဝ့ၫလီၫ. တၭမွဲဆၧ
11 အၧၩ့လၧစမိစ့ၭအမ့ၬယၫဆ့လီၫ.- တၭစမိစ့ၭစံၭဆၧ လၧယဟိဝၩ, မွဲဘၪနီၫလၧနမၩအၧၩ့နခ့ၫနၡၩလဲၪ. မွဲ ဘၪနီၫလၧယလဘၪခိးဘၪတၩ လၧနမ့ၬယၫတၭ, န အီၪက့ၪၦခမျၧးထီးအလူၬယီၩ အဆၧအွံၪဆၧယိၭလၧ
12 ယလီၩ့လဲၪ.- မွဲယဒၧၩ့ထၪ့ယဝ့ၫ ၦခမျၧးထီးအလူၬ ယီၩဧၪ. ယဝ့ၫဒၪယီၩဘဲၫၥိၭနမိစံၭယၧၩ, ဆိၬအဝ့ၫ ၥံၪလၧနၥၭနၫၡါဘဲၫဖါယိဖိၪၥၪဆံၭနီၪ ဆိၬဝ့ၫအၥိၭ, ထီၩ့လၧခးလၧနဆိၪလၩ့နၥၭ လၧအဝ့ၫၥံၪအဖါလဖၪ
13 နီၪ,မွဲယထၪ့ဖိၪအဝ့ၫၥံၪဆ့ဧၪ.- ယမိအီၪလၧဆၧယၪ လၧယမိဖ့ၪလၫ့ၦထီးအလူၬယီၩ ခီၫခီၫလဲၪ. အဂဲးဘဲၫ ယီၩအဝ့ၫၥံၪ ဂၪ့ဝ့ၫလၧယအီၪတၭစံၭဝ့ၫ, ဖ့ၪလၫ့ပၧၩ
14 လၧဆၧယၪဘဲၫၥိၭပမိအၪ့ဆၧဘီၪ.- ယဆိၬယဝ့ၫၦ ထီးအလူၬအဆၧယီၩ လဂၩဎးကဲၪအ့ၬ. အဂဲးဘဲၫယီၩ
15 ဎၧၫ့လါကဲၪကၩလၧယဂးလီၫ.- နအ့ၪမၩယၧၩဘဲၫ နီၪတၭ, ယအ့ၪဘၪခိးဘၪတၩ လၧနမ့ၬယၫတၭ, မၩ ၥံၫလါယၧၩတၡါဆံၭ. မွဲယထီးဒၪဘၪ ယဆၧအၧၩ့ လဂ့ၩ.
16 တၭယဟိဝၩစံၭစမိစ့ၭ, ဒုၭအီၪကီၪ့ၦၥုၪ့က့ၭၥၭၡါ နွ့ၫဆံၫလၧယအီၪယီၩ, ၦလၧနၥ့ၪယၫလၧအမွဲၦခမျၧး အၥုၪ့က့ၭၥၭၡါ, ဒဲကဲၪၦဒိၪၥံၪလၧအဖၫ့ခိၪနီၪ, ဂဲၫဆိၬ ဝ့ၫလၧဆၧအီၪကီၪ့ အတဲၩဆံၫ့ဎံၪဖၧၩ့, ဘဲၫၥိၭအမိ
17 ဆၧၫ့ထုၪ့ထီးနီၪလၧနၥိၭဆံၭ.- ယမိဂဲၫလၩ့ချဲၩ့ဒုၪ့နၧၩ ထီးနီၪတၭ, ယမိမၩန့ၥၭ လၧအအီၪလၧနလီၩ့လနၩ့ တၭ,ယမိအီၪက့ၪလၩ့လၧအဝ့ၫၥံၪအလီၩ့တၭ, အဝ့ၫ ၥံၪဘၪဆိၬ ၦခမျၧးအဆၧအွံၪဆၧယိၭ လၧနၥိၭတၭ,
18 နဆိၬဘၪလဂၩဎးအ့ၬ.- တၭနဝ့ၫဒၪယီၩ စံၭၦခမျၧး, မၩဆံၫ့ဎံၪလၩ့နၥံၪအၥၭ လၧကဲဂီၩခိၬအဂးဆံၭး တၭ နၥံၪမိအၪ့ဆၧယၪလီၫ. အဂဲးဘဲၫယီၩ နၥံၪဂၪ့လၧယ ဟိဝၩ အနါဖၧၩ့တၭ, စံၭ, မွဲပလၫမိဒုၭအၪ့ပၧၩ လၧ ဆၧယၪလဲၪ. အဂဲးဘဲၫယီၩ လၧခးအံဇံၭအဖၧၩ့နီၪ, ဆၧဂ့ၩအီၪလၧပဂးလီၫ. တၭယဟိဝၩ မိဖ့ၪလၫ့နၥံၪ
19 လၧဆၧယၪဘဲၫၥိၭနၥံၪမိအၪ့ဘၪလီၫ.- တၭနၥံၪမိအၪ့ ဆၧလနံၩနီၪကၭအ့ၬ, နံၫနံၩကၭအ့ၬ, ယဲနံၩကၭအ့ၬ,
20 ဆံၫနံၩကၭအ့ၬ, အနံၩနံၫဆံၫကၭအ့ၬ,- အ့ၪမွဲလၩ ထၧၫ့ဘံၪ့ယၫထီးအဂဲၫထၪ့ လၧနၥံၪအနၫဖၧၩ့တၭ, မိ ကဲၪထၪ့ဆၧၥၭလဲၩလၧနၥံၪအဂးလီၫ. အဂဲးဘဲၫယီၩ နၥံၪလဒူၩလယၪ့ဘၪယဟိဝၩလၧအအီၪ လၧနၥံၪအ ကျၩတၭ, နၥံၪဂၪ့ယူၭလၧအမ့ၬယၫတၭ, စံၭ,ပဂဲၫစဲၪ့
21 ထၪ့ခွံၬလၧအံဇံၭနီၪ မွဲအဂဲးဘဲၫၥ့ၪလဲၪ.- တၭစမိစ့ၭ စံၭဝ့ၫဒၪ, ၦခမျၧးလၧယအီၪလၧအကျၩနီၪမွဲၦလ့ၩဝ့ၫ လၧအခၪ့ဎူၫကုၬလီၫ. တၭနစံၭယူၭ, ယမိဖ့ၪလၫ့အ ဝ့ၫၥံၪလၧဆၧယၪတၭ, မိအၪ့ဘၪလၩထၧၫ့ဘံၪ့ယၫ
22 လ့ၬၬ- ၥိၪဒဲဘ့ၪအဒီၪ့လဖၪ, ဒဲချီၥံၪအဒီၪ့လဖၪ, မွဲအမိ ဘၪဆၧမၩၥံၫဝ့ၫလၧအဝ့ၫၥံၪ မိဘျဲၩအၪ့အဂးနီၪဆ့ဧၪး အ့ၪလမွဲဘၪတၭ ကယဲဒ့ၪၥံၪယၪၥံၪလၧမၫဆမံၭဖၧၩ့ နီၪမွဲဆၧဘၪဒုၭအီၪကီၪ့ဝ့ၫ လၧအဝ့ၫၥံၪမိဘျဲၩအၪ့အ
23 ဂးဆ့ဧၪ.- တၭယဟိဝၩစံၭစမိစ့ၭ,ယဟိဝၩအစူၪနီၪ မွဲအလၩ့ဖၨၪယူၭဧၪ. ယလူယီၩတီၩဧၪ,လတီၩဘၪ ဧၪနီၪ, နမိဒၪဘၪဘိၩ့နဲၪ့ယီၩလီၫ.
24 စမိစ့ၭစဲၪ့ထၪ့ဝ့ၫတၭ, လီၩဘၪၦခမျၧးလၧယဟိဝၩ အလူတၭ, ဒုၭအီၪကီၪ့ၦအံၫစရ့လၭဖိၪ အၥုၪ့က့ၭအၥၭ ၡါနွ့ၫဆံၫတၭ, အီၪက့ၪဝ့ၫဝၬဖီၩ့ တဲၩဆံၫ့ဎံၪနီၪလီၫ.
25 ယဟိဝၩဂဲၫလၩ့လၧဆၧအုၪ့အဖၧၩ့တၭ, ချဲၩ့ဆၧလၧ အဝ့ၫနီၪတၭ, မၩန့ၥၭအီၪလၧအလီၩ့လနၩ့တၭ, ဖ့ၪ လၫ့ဝ့ၫလၧၦၥုၪ့က့ၭၥၭၡါ နွ့ၫဆံၫနီၪလီၫ. တၭထီးၥၭ နီၪအီၪပွံၭလၧအဝ့ၫၥံၪအလီၩ့တၭ, ဆၧမၩအၥၭလၧ အဝ့ၫၥံၪချဲၩ့ထၪ့ဝ့ၫ လၧမီၪအချိၬလီၫ. အ့ၪမွဲလၧခဲၫ့မၩ
26 လၧၩ့အ့ၬ.- တၭၦနံၫဂၩအီၪထး လၧၦၥုၪ့တဲၩအလး ဖၧၩ့လီၫ. လဂၩအမံၩ့မွဲစအ့လဒၭ,နံၫဂၩလဂၩအမံၩ့မွဲ စမံဒၭလီၫ. တၭၥၭမုနီၪအီၪဝ့ၫလၧအဝ့ၫၥံၪအလီၩ့လီၫ. တၭအီၪဝ့ၫလၧၦအမံၩ့ကွ့ၭအၥၭလါနၫ့တၭ, လ့ၩထၪ့ လၧတဲၩဆံၫ့ဎံၪအဖၧၩ့အ့ၬ, မွဲအချဲၩ့ဆၧလၧမီၪအချိၬ
27 လၧၦၥုၪ့တဲၩအလးဖၧၩ့လီၫ.- ၦဖိၪၥၪခွၫလဂၩစဲၪ့လီၩ ဘၪစမိစ့ၭတၭ,စံၭဝ့ၫဒၪ, စအ့လဒၭ,ဒဲစမံဒၭနီၪချဲၩ့ဆၧ
28 လၧမီၪအချိၬလၧၦၥုၪ့တဲၩအလးဖၧၩ့လီၫ.- တၭစမိစ့ၭ အခ့ၫအၡၩ လၧအၡၩဖိၪၥၪခွၫအကျၩ, စနိၫ့အဖိၪခွၫ စယီရှုၫအ့ၫလဂၩချဲၩ့ဆၧၫ့ဆၧတၭ, စံၭဝ့ၫဒၪ, ယက
29 ဆါစမိစ့ၭဧ့, ပဒၩ့အဝ့ၫၥံၪဘီၪ.- တၭစမိစ့ၭစံၭဝ့ၫ, နၥၭ ခ့ၬဝ့ၫလၧယဂးဧၪ. ယဆိၫ့လၧကယဲယဟိဝၩအၡၩ ခမျၧးထီးအလူၬ,မွဲမီၪၥံၪလီၫ. မွဲယဟိဝၩအီၪက့ၪအ
30 ၥၭမုလၧအဝ့ၫၥံၪအလီၩ့ဆံၭ.- တၭစမိစ့ၭလ့ၩနုၬလၧ ၦၥုၪ့တဲၩအလး, အဝ့ၫနီၪဒဲၦအံၫစရ့လၭဖိၪအၥုၪ့က့ၭ အၥၭၡါလဖၪလီၫ.
31 လံၩလမံၩ့ စဲၪ့ထၪ့ခွံၬလၧယဟိဝၩတၭ, ဂဲၫဆိၬ ထိၪဝံၪလၧမၫဆမံၭနီၪတၭ, ဒုၭလၩ့ထ့ၬဝ့ၫလၧၦၥုၪ့ တဲၩအလးအနဲၩ့ ဘူၭထၪ့လနံၩဖၧၩ့ၥၭကၪယူၭ, အ ယီၩလခီၫတၭ, လနံၩဖၧၩ့ၥၭကၪယူၭ အနီၪလခီၫဝၬ ဖီၩ့ၦၥုၪ့တဲၩအလး အဆီၩ့ဆီထၪ့ဘူၭကၪနံၫဖျါ လၧ
32 ဂၪ့ခိၪအဖၫ့ခိၪလီၫ.- ၦခမျၧးဆၧၫ့ထုၪ့ၥံၫ့နံၩချီၩ့နီၪ, ဒဲၥၫ့နၩချီၩ့နီၪ, ဒဲဆၧဖၩ့ထၪ့လနံၩၥံၫနံၩချီၩ့တၭ, အၪ့ ထုၫ့ထိၪဝံၪလဖၪလီၫ. တၭၦလၧအအၪ့ထုၫ့ကီၪ့အၡၩ ထုၬနီၪအၪ့ထုၫ့ဟိမၧၫဆံၫဖျိၪ့လီၫ. တၭအၪ့လိၫလၩ့ ဝ့ၫဝၬဖီၩ့ၦၥုၪ့တဲၩအလး ကိၭစီၪ့ဒ့ၭလီၫ.
33 ဆၧယၪအီၪဒံၭ လၧအၥွၫဆူၭဖၧၩ့ အဘိၩ့ဘၭနီၪ လချႃၭအဲၪ့ဘျ့ၭဒံၭဘၪတၭ, ယဟိဝၩ အၥၭထၪ့ခဲၩ ထၪ့ဘၪၦခမျၧးတၭ, ကျီၪ့ၦခမျၧးလၧဆၧၥံၫချဲၫ့နၭမၬ
34 လီၫ.- တၭကိၭဆၧအလးနီၪအမံၩ့ လၧကံၭဘြိၫဟၭ တဝၫလီၫ. အဂဲးဘဲၫယီၩ မွဲအခုၪ့လၩ့ဘၧၩ့ခွံၬၦလၧ
35 အၥၭကွံၩဆၧလဖၪနီၪလီၫ.- တၭၦခမျၧးစဲၪ့ထၪ့လၧ ကံၭဘြိၫဟၭတဝၫတၭ, လ့ၩဝ့ၫထီၩ့လၧဟၫဇရီၭတၭ, အီၪဝ့ၫလၧဟၫဇရီၭနီၪလီၫ.