10
1-2 တဲၩ့န့ ခွ့ၩစ့ၩနံၫဖျိၪ့လၧနဂးဆံၭ. နဘၪမၩဝ့ၫလၧဆၧခိလီၪ့ လလီၪ့ဎးလီၫ. တၭမိအီၪလၧနဂး ဘဲၫၥိၭနမိကိၭထၪ့ ဆၧအီၪကီၪ့, ဒဲဘဲၫၥိၭနမိဒုၭလ့ၩထၪ့ ၦၡၩအီၪလၧၥုၪ့
3 တဲၩအလးဖၧၩ့နီၪလီၫ.- ထီးၦအူၪထၪ့ဝ့ၫတၭ, ၦဆၧ အီၪကီၪ့ဖိၪ မိဘၪအီၪကီၪ့ လၧနအီၪထီးဆၧအီၪကီၪ့
4 အတဲၩဆံၫ့ဎံၪအတရၫ့နီၪ ထီးအလူၬလီၫ.- ၦအ့ၪအူၪ ဝ့ၫန့ၫလဖျိၪ့တၭ, ၦဒိၪလဖၪၦအံၫစရ့လၭဖိၪ အထီၫ့
5 လဖၪအခိၪၥံၪနီၪ မိဘၪအီၪကီၪ့လၧနအီၪလီၫ.- ထီးန ၥံၪအူၪဆၧၥၭမဲၪအၥီၫတၭ, ၦအတဲၩၥံၪအီၪလၧမုထၪ့
6 လခီၫနီၪမိလ့ၩဆၧလီၫ.- ထီးနၥံၪအူၪဆၧၥၭမဲၪအၥီၫ နံၫဘျၩ့လဘျၩ့နီၪတၭ, ၦအတဲၩၥံၪအီၪလၧမုခံၫ့လခီၫ နီၪဘၪလ့ၩဆၧလီၫ. လၧအလ့ၩဆၧအဂးနီၪဘၪအူၪ
7 ဆၧၥၭမဲၪအၥီၫလီၫ.- အ့ၪမွဲထီးၦဆၧအီၪကီၪ့ဖိၪ မိ အီၪကီၪ့တၭ, နၥံၪဘၪအူၪဆၧလါနၫ့တၭ, အူၪဆၧၥၭ
8 မဲၪအၥီၫလဂ့ၩ.- တၭၦလုဆၧလဖၪ, စအၫရၧၫ့အဖိၪ ခွၫလဖၪဘၪအူၪခွ့ၩလီၫ. တၭမိကဲၪထၪ့ ဆၧအထူၫ အရူၫအဆိၩအကၠၪ လၧနၥံၪအဆၨၩ အဆၬလဆိၩ
9 ဘၪလဆိၩလီၫ.- တၭနၥံၪအ့ၪဒုၭၥုၭ လၧနၥံၪအခး ဖၧၩ့နီၪ, နၥံၪအဒုၪအဒၩ လၧအမၩအၧၩ့ မၩၥၫ့နၥံၪ တၭ,နၥံၪဘၪအူၪထၪ့ခွ့ၩ လၧဆၧၥၭမဲၪအၥီၫတၭ, န ၥံၪမိဘၪဆၧနၪ့ထၪ့ထဲၩ့နၥံၪ လၧယဟိဝၩနၥံၪအယွၩ အမ့ၬယၫ, ဒဲနၥံၪမိဘၪဆၧမၩဖီၩ့မၩဖျ့ၭနၥံၪ လၧနၥံၪ
10 အဒုၪအဒၩ အစူၪဖၧၩ့လီၫ.- တၭလၧနၥံၪၥုၪ့ထိၬၥၭ ထိၬအမုနံၩလဖၪ, ဒဲလၧနၥံၪမၩဘိၪ့အဆၧၫ့အထီဒဲ လၧနၥံၪအလၩလဖၪအခၪ့ထံၭနီၪ နၥံၪဘၪအူၪခွ့ၩထီး နၥံၪအဆၧလုမ့ၪ, ဒဲထီးနၥံၪ အဆၧလုဘၪလိၬအိၭ လိၬ, ဘဲၫၥိၭအမိကဲၪထၪ့ဆၧနၪ့ထၪ့ထဲၩ့ ဆၧလၧနၥံၪ အဂးလၧနၥံၪအယွၩအမ့ၬယၫလီၫ. ယဝ့ၫဒၪယီၩယ မွဲယဟိဝၩနၥံၪအယွၩလီၫ.
11 တၭလၧနံၫနံၪ့လနံၪ့, လၩနံၫဘံၪ့လဘံၪ့ လၩထၪ့အ နံၩနံၫဆံၫနီၪ, ဆၧမၩအၥၭလၧဆၧမၩန့ထၪ့ခွံၬ ဆၧ အုၪ့လၧဆၧထိးအၥၭ အတဲၩဆံၫ့ဎံၪအဖၫ့ခိၪလီၫ.
12 ၦအံၫစရ့လၭဖိၪ စဲၪ့ထၪ့လၧၡါမုနၧၫ့ဖၫ စဲနၫအဖၧၩ့ တၭ, ဆၧအုၪ့အီၪထီဝ့ၫ လၧၡါမုနၧၫ့ဖၫပၫရၫ့နီၪလီၫ.
13 အဝ့ၫၥံၪစဲၪ့ထၪ့ဆိၫဝ့ၫ ဘဲၫယဟိဝၩမၪလူၬဆၧလၧ စမိစ့ၭအစူၪဖၧၩ့အၥိၭနီၪလီၫ.
14 လၧယၫလဆၫ့ၦယုဒၫဖိၪအၡၩ ဆၪ့ထၪ့တဲၩအၥုၭ ဖိၪအလၫ့ဘဲၫအၥုၭမုလဖၪအၥိၭနီၪ လ့ၩဝ့ၫတၭ, စအ မံနဒၭအဖိၪခွၫစနၫၡိၫ့ အီၪဝ့ၫလၧအၥုၭမုအဖၫ့ခိၪလီၫ.
15 တၭစဇုအၫအဖိၪခွၫ စနၥၫ့အ့လၭ အီၪဝ့ၫလၧၦအံ
16 စခၫလဒီၪ့အၥုၭမုအဖၫ့ခိၪလီၫ.- တၭစဟံလၧၫ့အဖိၪ ခွၫစအလဲအၭအီၪဝ့ၫ လၧၦဇ့ၭဘလၧၫ့လဒီၪ့ အၥုၭမု
17 အဖၫ့ခိၪနီၪလီၫ.- ၦရိလၩ့ခွံၬ တဲၩဆံၫ့ဎံၪတၭ, စဂၧ ၡၧၫ့အဖိၪခွၫလဖၪ, ဒဲစမရၫရဲၫအဖိၪခွၫလဖၪ လ့ၩဝ့ၫ
18 တၭ,ဆိၬထၪ့တဲၩဆံၫ့ဎံၪနီၪလီၫ.- တၭၦရုဘံၫ့ဖိၪအ တဲၩၥုၭဖိၪအလၫ့ လ့ၩထၪ့ဝ့ၫဘဲၫအၥုၭမုလဖၪ အၥိၭ နီၪတၭ, စရှ့ဒအၧၫအဖိၪခွၫ စအလဲဇၧၫအီၪဝ့ၫလၧအ ၥုၭမုအဖၫ့ခိၪနီၪလီၫ.
19 တၭစဇုရၡၭဒအဲၫအဖိၪခွၫ စၡလုၫမအ့လၭ အီၪဝ့ၫ
20 လၧၦစံမအၧၫ့လဒီၪ့ အၥုၭမုအဖၫ့ခိၪနီၪလီၫ.- တၭစဒ ယုၫအ့လၭအဖိၪခွၫစအံၫလဲစၭနီၪ အီၪဝ့ၫလၧၦဂၭလ
21 ဒီၪ့အၥုၭမုအဖၫ့ခိၪနီၪလီၫ.- တၭၦကိဟၭဖိၪ လ့ၩ ဆၧတၭ, ဆိၬဆၧအလးဆံၫ့ဎံၪလီၫ. တၭလၧအလ ချႃၭထီၩ့ဒံၭဘၪနီၪ, ၦၡၩၥံၪမၩထၪ့တဲၩဆံၫ့ဎံၪလီၫ.
22 ၦအံဖြံၫ့ဖိၪ အၥုၪ့တဲၩၥုၭဖိၪအလၫ့ လ့ၩထၪ့ဘဲၫအၥုၭ မုလဖၪအၥိၭနီၪတၭ, စအၫမဟၧၭအဖိၪခွၫ စအလံၭ
23 ၡမၫနီၪအီၪဝ့ၫလၧ အၥုၭမုအဖၫ့ခိၪနီၪလီၫ.- တၭစပဒၫ ဇၧၫအဖိၪခွၫစဂမၫလအ့လၭနီၪ အီၪဝ့ၫလၧၦမနၫစ့ၫ
24 ဖိၪလဒီၪ့ အၥုၭမုအဖၫ့ခိၪနီၪလီၫ.- တၭစဂံဒအိၫနဲၫ အဖိၪခွၫ စအၭဘဒၫ့အီၪဝ့ၫ လၧၦဘံၪ့ယမံၫ့ဖိၪ လဒီၪ့
25 အၥုၭမုအဖၫ့ခိၪနီၪလီၫ.- တၭၦဒၫ့ဖိၪအတဲၩၥုၭဖိၪအ လၫ့နီၪလ့ၩဆၧလီၫ. မွဲအအီၪလၧၦၥုၪ့တဲၩအဒီၪ့လဖၪ ထီးအလူၬလၧအၥုၭမုလဖၪ အလးခဲၫ့လီၫ. တၭစအၫ မၡၭဒအဲၫအဖိၪခွၫ စအဟဲအဇၧၫ အီၪဝ့ၫလၧအၥုၭမု
26 အဖၫ့ခိၪနီၪလီၫ.- တၭစအီၭရၫ့အဖိၪခွၫ စပ့ၫဂအ့လၭ အီၪဝ့ၫလၧၦအၭၡၧၫဖိၪလဒီၪ့ အၥုၭမုအဖၫ့ခိၪလီၫ.
27 တၭစအံၫနၫ့အဖိၪခွၫ စအဟဲရၫအီၪဝ့ၫလၧၦနၭၥလဲၫ
28 ဖိၪလဒီၪ့အၥုၭမုအဖၫ့ခိၪနီၪလီၫ.- ထီးၦအံၫစရ့လၭဖိၪ လ့ၩဆၧတၭ, ဆၧလဖၪနီၪမွဲအလ့ၩဆၧဘဲၫအၥုၭမုလ ဖၪအၥိၭနီၪလီၫ.
29 စမိစ့ၭလီၩဘၪ ၦမံဒအၫ့ဖိၪ စရဂုၫအ့လၭ အဖိၪခွၫ စဟိဘၭ ထၧၫ့ဘူၭထၧၫ့ထံး လၧစမိစ့ၭ, ပဝ့ၫဒၪယီၩ ပလ့ၩဆၧလၧဆၧအလး လၧယဟိဝၩစံၭ, ယမိဖ့ၪလၫ့ နၥံၪတၭ, ဂဲၫနဝ့ၫဒၪလၧပၥိၭဘီၪ, တၭပမိမၩဂ့ၩနၧၩ လီၫ. အဂဲးဘဲၫယီၩ ယဟိဝၩချဲၩ့ဆၧဂ့ၩ လၧၦအံၫစရ့
30 လၭဖိၪအဂဲးအကၠီၪ့လီၫ.- တၭအဝ့ၫဒၪစံၭဝ့ၫ, ယလ့ၩ အ့ၬ, ယမိထဲၩ့ထဲၩ့လၧယခးဒၪယဝ့ၫ, ဒဲလၧယဘူၭယ
31 ထံးဒၪယဝ့ၫအအီၪလီၫ.- တၭအဝ့ၫနီၪစံၭဝ့ၫ, ထီးလ့ၩ ဒၪလါပၧၩလဂ့ၩ, အဂဲးဘဲၫယီၩ နၥ့ၪယၫလၧပဘၪၥုၪ့ တဲၩၥံၪလၧၡါမုနၧၫ့ဖၫနီၪတၭ, နမိကဲၪထၪ့မ့ၬၥၪအလး
32 လၧပဂးလီၫ.- နအ့ၪလ့ၩလၧပၥိၭတၭ, ဆၧမၩအၥၭ လၧဆၧဂ့ၩလၧယဟိဝၩမၩပၧၩနီၪ ပမိမၩထဲၩ့နၧၩလၧ ဆၧလမံၩ့ဎးလီၫ.
33 အဝ့ၫၥံၪစဲၪ့ထၪ့ခွံၬ လၧယဟိဝၩအခိၪလီၩ့နီၪ လ့ၩ ၥၧၫ့နံၩဖၧၩ့ၥၭတၭ, လၧအၥၧၫ့နံၩဖၧၩ့ၥၭနီၪ ယဟိဝၩ အဆၧအုၩ့လၩ့အတလၫ လ့ၩလၧအဝ့ၫၥံၪအမ့ၬယၫ ဘဲၫၥိၭအမိအၪ့ဎၬန့ ဆၧအီၪပွံၭအလး လၧအဝ့ၫၥံၪအ ဂးလီၫ.
34 ထီးအဝ့ၫၥံၪစဲၪ့ထၪ့ခွံၬ လၧၥုၪ့တဲၩအလးဖၧၩ့တၭ, ယဟိဝၩ အဆၧအုၪ့အီၪလၧအဖၫ့ခိၪ လၧမုဆၫလခီၫ လီၫ.
35 ထီးတလၫနီၪလ့ၩထၪ့ဆၧတၭ, ဆၧမၩအၥၭလၧစမိ စ့ၭစံၭဝ့ၫဒၪ, ယဟိဝၩဧ့, ဂဲထုၪ့ဘီၪ, မွဲနဒုၪနဒၩလၩ့ ပြံၩလၩ့ပၩဆံၭ. မွဲၦလၧအၥၭဂဲၫ့နၧၩနီၪ စဲၪ့ဖျိၭလၧ နမ့ၬယၫဆံၭ.
36 ထီးအအီၪပွံၭဝ့ၫတၭ, စံၭဝ့ၫဒၪ, ယဟိဝၩဧ့,ဂဲၫထဲၩ့ ထဲၩ့ လၧၦအံၫစရ့လၭဖိၪ အထီၫ့ၥံၪအဘျၩ့အလၬလ ဖၪအအီၪနီၪဆံၭ.