9
1 တၭဎိၭနံၩလနံၩနီၪ ဆၧမၩအၥၭ လၧစမိစ့ၭကိၭန့ စအၫရၧၫ့ ဒဲအဖိၪခွၫလဖၪ, ဒဲၦအံၫစရ့လၭဖိၪအၥုၪ့
2 က့ၭအၥၭၡါလဖၪလီၫ.- တၭစံၭစအၫရၧၫ့မၩန့ချီဖိၪ လဒုၩ လၧဆၧလုဆၧဒဲၩဘၭအဂး, ၥိၪဖၫအလၧၫ့အ ဎွ့ၩလဒုၩ လၧဆၧလုမ့ၪအဂးတၭ, လုထၪ့လၧယဟိ
3 ဝၩအမ့ၬယၫဆံၭ.- နဘၪချဲၩ့ဆၧလၧၦအံၫစရ့လၭဖိၪ တၭ,စံၭ, မၩန့ဘ့ၪဖိၪလၧဆၧလုဆၧဒဲၩဘၭအဂး, ဒဲ ချီဖိၪ, ဒဲၥိၪဖိၪအလၧၫ့အဎွ့ၩ, ဆၧလနံၪ့ဖိၪလၧဆၧလု
4 မ့ၪအဂး,- ဒဲချီလဒုၩ, ဒဲၥိၪဖၫလဒုၩလၧဆၧလုဘၪလိၬ အိၭလိၬအဂး, အီၪလၧဆၧမၩဘိၪ့ကိၪမုၬလဲၩဎုၬလၧ ၥိၪ,ဘဲၫၥိၭ နၥံၪမိလုထၪ့ဝ့ၫ လၧယဟိဝၩ အမ့ၬယၫ ဆံၭ.အဂဲးဘဲၫယီၩ ဆၧလၧမုလနံၩယီၩ ယဟိဝၩမိအီၪ ဖျီၪထၪ့လၧနၥံၪအမ့ၬယၫလီၫ.
5 ဆၧလၧစမိစ့ၭမၪလူၬဝ့ၫနီၪ အဝ့ၫၥံၪဂဲၫဆိၬလၧဆၧ အီၪကီၪ့အတဲၩဆံၫ့ဎံၪအမ့ၬယၫတၭ, ကယဲၦအီၪကီၪ့ ဖိၪၥုၭဘူၭအၥၭတၭ ဆၧၫ့ထုၪ့လၧယဟိဝၩအမ့ၬယၫ
6 လီၫ.- တၭစမိစ့ၭစံၭအဝ့ၫဒၪ, အယီၩမွဲဆၧလၧယဟိဝၩ မၪလူၬနၥံၪဘၪမၩတၭ, ယဟိဝၩ အလၩအဖၩ့မိအီၪ ဖျီၪထၪ့လၧနၥံၪအမ့ၬယၫလီၫ.
7 စမိစ့ၭ စံၭစအၫရၧၫ့, လ့ၩလၧဆၧလုလး အအီၪ တၭ, လုထၪ့နဆၧလုဆၧဒဲၩဘၭ, ဒဲနဆၧလုမ့ၪ, ဒဲမၩ ဆၧဖီၩ့ဖျ့ၭလၧနဂးဒၪနဝ့ၫ, ဒဲလၧၦခမျၧးအဂး, ဒဲလုထၪ့ ၦခမျၧးအဆၧတၭ, မၩဆၧဖီၩ့ဖျ့ၭ လၧအဝ့ၫၥံၪအဂး, ဘဲၫယဟိဝၩ မၪလူၬဝ့ၫအၥိၭနီၪဆံၭ.
8 မၩအၥၭဘဲၫနီၪတၭ စအၫရၧၫ့လ့ၩလၧဆၧလုလးအ အီၪတၭ, မၩၥံၫဆၧလုဆၧဒဲၩဘၭအချီဖိၪ လၧအဂးဒၪ
9 ဝ့ၫလီၫ.- တၭစအၫရၧၫ့ အဖိၪခွၫလဖၪဂဲၫဆိၬ ဆၧၥွံၪ လၧအအီၪတၭ, အဝ့ၫဒၪ ဘၧၩ့လၩ့အစူၪနိၩ့ လၧဆၧ ၥွံၪဖၧၩ့တၭ, အီၪက့ၪဝ့ၫလၧဆၧလုလး အနိၩ့လဖၪအ လီၩ့လီၫ. တၭဂါလၩ့ခွံၬ အၥွံၪနီၪ လၧဆၧလုလးအ
10 ခၪ့ထံၭလီၫ.- အ့ၪမွဲဆၧလုဆၧဒဲၩဘၭအဆၧၥိၪ, ဒဲအ လ့လဖၪ, ဒဲဒံၩအီၪလၧအၥုၪ့အဖၫ့ခိၪနီၪဆူၭခဲၩခွံၬဝ့ၫ လၧဆၧလုလးအဖၫ့ခိၪ, ဘဲၫယဟိဝၩမၪလူၬစမိစ့ၭအ
11 ၥိၭနီၪလီၫ.- တၭအယၪ, ဒဲအဖံၭနီၪဆူၭထၪ့ခွံၬဝ့ၫလၧ
12 မ့ၪလၧၦၥုၪ့တဲၩအလးလၧခီၫ့လခီၫလီၫ.- မၩၥံၫဆၧ လုမ့ၪတၭ, စအၫရၧၫ့အဖိၪခွၫလဖၪ ဖ့ၪလၫ့အၥွံၪတၭ, အဝ့ၫဒၪဎွံၪဝ့ၫ လၧဆၧလုလးအဖၫ့ခိၪဝၬဖီၩ့ဝ့ၫလီၫ.
13 အဝ့ၫၥံၪဖ့ၪလၫ့ဆၧလုမ့ၪ, ဒဲအကုၭလဖၪ, ဒဲအခိၪတၭ,
14 အဝ့ၫဒၪ ဆူၭထၪ့ဝ့ၫလၧဆၧလုလးအဖၫ့ခိၪလီၫ.- ၥူၫ ဝၭဆံၫ့ခွံၬအဎွံၬဒဲအခၪ့တၭ, ဆူၭခဲၩခွံၬဝ့ၫလၧဆၧလု မ့ၪအလးအဖၫ့ခိၪလီၫ.
15 အဝ့ၫဒၪဂဲၫဆိၬၦခမျၧးအဆၧလုတၭ, မၩန့ဘ့ၪလၧ အမွဲဆၧလုဆၧဒဲၩဘၭလၧ ၦခမျၧးအဂးတၭ, မၩၥံၫဝ့ၫ တၭလုထၪ့ဝ့ၫလၧဆၧဒဲၩဘၭအဂး, ဘဲၫဆၧအခၪ့ထံၭ
16 အၥိၭနီၪလီၫ.- အဝ့ၫဒၪဂဲၫဆိၬဆၧလုမ့ၪတၭ, လုထၪ့
17 ဝ့ၫ ဘဲၫဆၧစ့ၩရၫ့အၥိၭနီၪလီၫ.- အဝ့ၫဒၪဂဲၫဆိၬဆၧ မၩဘိၪ့ကိၪမုၬတၭ မၩန့ထၪ့လစူၪလၧအဖၧၩ့တၭ, ဆူၭ ထၪ့ခွံၬဝ့ၫ လၧဆၧလုလးအဖၫ့ခိၪ လၧဆၧလုမ့ၪလၧ
18 ဂီၩအဆၧလုမ့ၪ အနဲၩ့ထံၭနီၪလီၫ.- အဝ့ၫဒၪမၩၥံၫချီ ဖၫလဒုၩဆ့, ဒဲၥိၪဖၫလဒုၩ, ဆၧဘၪလိၬအိၭလိၬ အ ဆၧလုလၧ အမွဲလၧၦခမျၧးအဂးလီၫ. တၭစအၫရၧၫ့ အဖိၪခွၫလဖၪ ဖ့ၪလၫ့အဝ့ၫဆၧၥွံၪနီၪတၭ, အဝ့ၫဒၪဎွံၪ
19 ဝ့ၫလၧဆၧလုလးအဖၫ့ခိၪဝၬဖီၩ့ဝ့ၫ,- ဒဲချီဖၫ ဒဲၥိၪဖၫ အၥိၪ, ဒဲအမ့, ဒဲဆၧအီၪလၧအဎွံၬအဖၫ့ခိၪ, ဒဲအလ့
20 လဖၪ, ဒဲဒံၩအီၪလၧအၥုၪ့အဖၫ့ခိၪလီၫ.- အဝ့ၫၥံၪအီၪ က့ၪအၥိၪ လၧအၥၭနၫၡါ အဖၫ့ခိၪတၭ, ဆူၭထၪ့ခွံၬ
21 ဆၧၥိၪလၧဆၧလုလးအလီၩ့လီၫ.- တၭအၥၭနၫၡါ, ဒဲအခိၬထံၭခိၪအထွ့ၪနီၪ စအၫရၧၫ့ဝါဝ့ၫလၧဆၧလုဝါ ဝ့ၫလၧယဟိဝၩအမ့ၬယၫ ဘဲၫစမိစ့ၭမၪလူၬဝ့ၫအၥိၭ နီၪလီၫ.
22 စအၫရၧၫ့ ယူၬထၪ့အစူၪ လၧၦခမျၧးအအီၪတၭ, ဆိၪဂ့ၩဝ့ၫတၭ, ဂဲၫလၩ့ဝ့ၫ လၧအလုထၪ့ ဆၧလုဆၧ ဒဲၩဘၭ, ဒဲဆၧလုမ့ၪ, ဒဲဆၧလုဘၪလိၬအိၭလိၬလဖၪအ
23 လးနီၪလီၫ.- စမိစ့ၭဒဲစအၫရၧၫ့ လ့ၩနုၬလၧဆၧအီၪ ကီၪ့အတဲၩဆံၫ့ဎံၪ အဖၧၩ့တၭ, ဂဲၫထဲၩ့ထၪ့လၧခီၫ့ တၭ, ဆိၪဂ့ၩၦခမျၧးတၭ, ယဟိဝၩအလၩအဖၩ့အီၪ
24 ထၪ့လၧၦခမျၧးထီးအလူၬအမ့ၬယၫလီၫ.- မ့ၪဂဲၫလၩ့ ဝ့ၫလၧယဟိဝၩအမ့ၬယၫနီၪတၭ, အၪ့ခွံၬဆၧလုမ့ၪ, ဒဲဆၧၥိၪလၧဆၧလုလးအဖၫ့ခိၪလီၫ. တၭၦခမျၧးဒၪ ဘၪဝ့ၫတၭ, ကိၭၡၭထၪ့ဒဲထွံၩလၩ့ဝ့ၫ လၧအမ့ၬလီၩ့ လီၫ.