10
1 တၭစအၫရၧၫ့အဖိၪခွၫစနၫဒၭ, ဒဲစအဘဲဟုၫမၩန့ ဖၧၩ့မ့ၪဂၩဖျိၪ့ဂၩဖျိၪ့အီၪက့ၪမ့ၪ လၧအဖၧၩ့တၭ, အီၪ က့ၪဆၧနၧၫ့မၧၫ့ ဆူၭခဲၩလၧအဖၫ့ခိၪတၭ, မၩဘိၪ့ယ ဟိဝၩ လၧမ့ၪလၩ့မဲၩဒၪဆၧလၧ ဆၧလမၪလူၬဘၪဝ့ၫ
2 တၭ,- မ့ၪဂဲၫလၩ့လၧ ယဟိဝၩအအီၪတၭ, အၪ့ခွံၬအ
3 ဝ့ၫၥံၪတၭ, ၥံၫဝ့ၫလၧယဟိဝၩအမ့ၬယၫလီၫ.- ထီးနီၪ လဖၧၫ့စမိစ့ၭစံၭစအၫရၧၫ့, အယီၩမွဲဆၧလၧယဟိဝၩ မၪလူၬဆၧတၭ, စံၭဝ့ၫ, ယမိဒိၭဆၧအီၪက့ၪ ဆံၫ့ဎံၪ ယၧၩလၧၦလၧအၥုၭဘူၭအၥၭ လၧယအီၪ, ဒဲလၧက ယဲၦခမျၧးအမ့ၬယၫနီၪ ယမိဒိၭဆၧမၩလၩဖၩ့ယၧၩ
4 လီၫ. တၭစအၫရၧၫ့အီၪလၩ့မါပံၭလီၫ.- တၭစမိစ့ၭကိၭ န့စအၫရၧၫ့အမၩ့ စအၧၭဇအ့လၭ အဖိၪခွၫ စမၡၫ လၭ, ဒဲစအ့လဇၫဖၫ့တၭ, စံၭဝ့ၫ, ဂဲၫစိၩဘီၪ, ဆိၬခွံၬန ၥံၪအထၧၫ့ဖုဝဲ လၧဆၧအလးဆံၫ့ဎံၪ အမ့ၬယၫလၧၦ
5 ၥုၪ့တဲၩအလးလၧခီၫ့နီၪဆံၭ.- တၭအဝ့ၫၥံၪ ၥုၭဘူၭ အၥၭတၭ, ဆိၬထၪ့ခွံၬအဝ့ၫၥံၪအီၪလၧအဆဲၫ့, လၧၦ ၥုၪ့တဲၩအလးလၧခီၫ့, ဘဲၫစမိစ့ၭ စံၭဝ့ၫအၥိၭနီၪလီၫ.
6 တၭစမိစ့ၭ စံၭစအၫရၧၫ့ဒဲအဖိၪခွၫၥံၪ, စအံၫလအ့ ဇၫ, ဒဲစအံၥမၫ, ထီးမၩအီၪဘိၪ့နၥံၪအခိၪလဂ့ၩ, ထီး ၡၫ့နၥံၪအဆဲၫ့လဂ့ၩ, မွဲဘဲၫၥိၭနၥံၪထီးၥံၫလဂ့ၩတၭ, ဘဲၫၥိၭၦခမျၧးထီးဘၪဆၧၥၭထၪ့ဝ့ၫလဂ့ၩတၭး အ့ၪ မွဲနၥံၪအထၧၫ့ဖုဝဲ ၦအံၫစရ့လၭဖိၪ ထၧၫ့ဂံၪ့ယၫဂၪ့ဆၧ ယၧၩ့ဆၧ လၧမ့ၪလၧယဟိဝၩ ဆူၭခဲၩဝ့ၫအကၠီၩ့နီၪ
7 ဆံၭ.- တၭဘဲၫၥိၭနၥံၪထီးၥံၫလဂ့ၩတၭ, စဲၪ့ထၪ့လၧ ဆၧအီၪကီၪ့ အတဲၩဆံၫ့ဎံၪအတရၫ့နီၪလဂ့ၩး အဂဲး ဘဲၫယီၩ ယဟိဝၩအၥိၪဂုၪဆၧအီၪဝ့ၫ လၧနၥံၪအလီၩ့ လီၫ. တၭအဝ့ၫၥံၪမၩဝ့ၫဘဲၫစမိစ့ၭ အဆၧချဲၩ့အၥိၭနီၪ လီၫ.
8 ယဟိဝၩ ချဲၩ့ဆၧလၧစအၫရၧၫ့တၭ, စံၭဝ့ၫဒၪ,
9 ဘဲၫၥိၭနၥံၪ ထီးၥံၫလဂ့ၩတၭ, ထီးနၥံၪလ့ၩနုၬ လၧ ဆၧအီၪကီၪ့အတဲၩဆံၫ့ဎံၪအဖၧၩ့နီၪ, စဘံၭထံၫမွဲဂ့ၩ, ၥံၭထံၫဂၬထံၫမွဲဂ့ၩ, နဝ့ၫဒၪဒဲနဖိၪခွၫလဖၪနီၪ ထီးအီၩ လဂ့ၩ, မွဲဆၧအထူၫအရူၫ အဆိၩအကၠၪထီၩ့လၩ့လၧ
10 နၥံၪအဆၨၩအဆၬ လဆိၩဘၪလဆိၩလီၫ.- တၭမွဲ ဘဲၫၥိၭနၥံၪမိအၪ့နၩ့ဖၭဆၧဆံၫ့ဎံၪ, ဒဲဆၧလဆံၫ့ဎံၪ ဘၪအဆၧၫ့, ဒဲဆၧအဆံၫ့, ဒဲဆၧလဆံၫ့ဘၪအဆၧၫ့,
11 ဒဲဘဲၫၥိၭနၥံၪမိၥီၪ့လိၪ ၦအံၫစရ့လၭဖိၪလၧကယဲဆၧ မၪလူၬလၧယဟိဝၩလီၩဘၪဝ့ၫ လၧစမိစ့ၭအစူၪဖၧၩ့ နီၪဆ့လီၫ.
12 တၭစမိစ့ၭစံၭစအၫရၧၫ့ ဒဲအဖိၪခွၫလဖၪလၧအအီၪ လၩ့ထး, စအံၫလအ့ဇၫ, ဒဲစအံၥမၫ, မၩန့ဆၧမၩဘိၪ့ ကိၪမုၬလၧအအီၪလၩ့ထး, ယဟိဝၩအဆၧလုမၩလၧ မ့ၪနီၪတၭ, လၧမံၪလအီၪဘၪအၪ့ဝ့ၫ လၧဆၧလုလးအ နဲၩ့ထံၭနီၪဆံၭ. အဂဲးဘဲၫယီၩမွဲဆၧဆံၫ့ဎံၪထုၬလီၫ.
13 တၭနၥံၪဘၪအၪ့ဝ့ၫလၧ အလးဆံၫ့ဎံၪဖၧၩ့လီၫ. အဂဲး ဘဲၫယီၩ မွဲနဂး ဒဲနဖိၪခွၫလဖၪအဂး လၧဆၧလုၦမၩ လၧမ့ၪလၧယဟိဝၩအဂးအဖၧၩ့လီၫ. အဂဲးဘဲၫယီၩ
14 ဆၧမၩလူၬယၧၩဘဲၫနီၪလီၫ.- တၭၥၭနၫၡါဝါဝ့ၫ, ဒဲခိၬ ထံၭခိၪအဆိၬထၪ့ဝါဝ့ၫနီၪ နၥံၪဘၪအၪ့လၧဆၧအလး ဆံၫ့, နဝ့ၫဒၪ ဒဲနဖိၪခွၫၥံၪ, ဒဲနဖိၪမုၪၥံၪ အီၪလၧနၥိၭ လီၫ. အဂဲးဘဲၫယီၩ မွဲလၧနဂး ဒဲနဖိၪခွၫၥံၪ အဂးလၧ ဆၧဖ့ၪလၫ့ၦအံၫစရ့လၭဖိၪ အဆၧလုဘၪလိၬအိၭလိၬ အကျၩလီၫ.
15 ခိၬထံၭခိၪအဆိၬထၪ့ဝါဝ့ၫ, ဒဲၥၭနၫၡါအဆၧဝါဝ့ၫနီၪ ၦဘၪဂဲၫဆိၬ ဒဲဆၧလုမ့ၪလၧဆၧၥိၪ, ဘဲၫၥိၭအမိဝါဝ့ၫ လၧဆၧမၩဘိၪ့ဝါဝ့ၫ လၧယဟိဝၩအမ့ၬယၫလီၫ. တၭ မိကဲၪထၪ့နဆၧ ဒဲနဖိၪခွၫၥံၪလၧအအီၪ လၧနၥိၭအဆၧ လီၫ. မွဲဆၧအထူၫအရူၫ အဆိၩအကၠၪဘဲၫယဟိဝၩမၪ လူၬဝ့ၫအၥိၭနီၪလီၫ.
16 စမိစ့ၭအၪ့ဎၬတၡါဆၧလုဆၧဒဲၩဘၭအဘ့ၪလဒုၩ တၭ, ယိခွါ, မ့ၪအၪ့ခွံၬယူၭတၭအၥၭထၪ့ဘၪစအၫ ရၧၫ့အဖိၪခွၫ လၧအအီၪလၩ့ထး, စအံၫလအ့ဇၫ ဒဲစ
17 အံၥမၫတၭ, စံၭဝ့ၫဒၪ,- ဆၧလုဆၧဒဲၩဘၭ, မွဲဆၧဆံၫ့ ဎံၪထုၬအကၠီၩ့တၭ, ဆၧဖ့ၪလၫ့နၥံၪဘဲၫၥိၭနၥံၪမိဆိၬ ဆၧအီၪကီၪ့အဆၧဒဲၩဘၭ, ဒဲမၩဆၧဖီၩ့ဖျ့ၭလၧအဝ့ၫ ၥံၪအဂးလၧယဟိဝၩအမ့ၬယၫနီၪ, မွဲဘၪနီၫလၧနၥံၪ
18 လအၪ့ဘၪလၧလးဆံၫ့ဎံၪအဖၧၩ့နီၪလဲၪ.- ယိခွါ,ၦၡၩ ဂဲၫဆိၬဘၪအၥွံၪလၧဆၧအလးဆံၫ့ဎံၪအဖၧၩ့အ့ၬ. န ၥံၪဂ့ၩအၪ့လၧဆၧအလး ဆံၫ့ဎံၪအဖၧၩ့, ဘဲၫယမၪ
19 လူၬဆၧအၥိၭနီၪလီၫ.- စအၫရၧၫ့စံၭစမိစ့ၭ, ယိခွါ,ဆၧ လၧမုဆၫလနံၩယီၩ အဝ့ၫၥံၪလုထၪ့အဆၧလုဆၧဒဲၩ ဘၭဒဲဆၧလုမ့ၪလၧယဟိဝၩအမ့ၬယၫတၭ, ဆၧဘၪ ယၧၩဘဲၫဆၧနီၪလဖၪအၥိၭတၭ, ယအ့ၪအၪ့ဘၪဆၧ လုဆၧဒဲၩဘၭ လၧမုဆၫလနံၩယီၩတၭ, မွဲအဂ့ၩလၧ ယဟိဝၩအမ့ၬယၫဆ့ဧၪး
20 စမိစ့ၭခိလၧ အမ့ၬယၫလီၫ.