1-2 မုလ နံၩလၧဆၧခံၫထူၬဆၫအၧၩ့ဆံၫ့ထၪ့နီၪ, အယီၩမွဲဆၧ ၥနိၫဘၪဆဲၫ့လၧအဝ့ၫ, ၦမိဒုၭဂဲၫဝ့ၫ လၧၦလုဆၧအ 3 အီၪ,- တၭၦလုဆၧဘၪလ့ၩထၪ့ လၧၦၥုၪ့တဲၩအလး လၧခီၫ့လခီၫတၭ, ၦလုဆၧဘၪယိတၭ, ယိခွါ, ဆၧဆၫ အၧၩ့အဆၧကဲၪထၪ့နီၪ အ့ၪဘျၪထဲၩ့ လၧၦခံၫထူၬဆၫ 4 အၧၩ့အလီၩ့တၭ,- ၦလုဆၧဘၪမၪလူၬဆၧလၧၦလၧ အဆံၫ့ထၪ့ဝ့ၫအဂးနီၪ, အဆၧဘၪမၩန့ထိၪအဆံၫ့ နံၫ ဘံၪ့လၧအမၧၫ့ဝ့ၫ, ဒဲၥံၪ့ၡိၫအ့ရ့ၭ, ဒဲဆၧဝီၩ, ဒဲဟံစိၭ 5 လီၫ.- တၭၦလုဆၧဘၪမၪလူၬ လၧၦၡၩမိမၩၥံၫထိၪနီၪ လဘံၪ့ လၧဖၧၩ့ဂၪ့ခိၪအဖၧၩ့ လၧထံၫယွၩလၩ့ဝ့ၫအ 6 ဖၫ့ခိၪလီၫ.- ထိၪလၧအမၧၫ့ဝ့ၫလဘံၪ့နီၪ ဘၪမၩန့ဝ့ၫ, ဒဲၥံၪ့ၡိၫအ့ရ့ၭ, ဒဲဆၧဝီၩ, ဒဲဟံစိၭနီၪတၭ, ဘၪစုၪလၩ့ အဝ့ၫၥံၪဒဲထိၪမၧၫ့ဝ့ၫနီၪ လၧထိၪလဘံၪ့ဘၪဆၧမၩၥံၫ ဝ့ၫလၧထံၫယွၩလၩ့အဖၫ့ခိၪနီၪ လၧအၥွံၪအဖၧၩ့လီၫ. 7 ဘၪဎွံၪဆၧလၧၦလၧအဆံၫ့ထၪ့ လၧဆၧဆၫအၧၩ့လ ဂၩအလီၩ့နွ့ၩဘျၩ့တၭ, ဘၪအီၪက့ၪဝ့ၫ လၧဆၧဆံၫ့ တၭဘၪကွဲၪဖျါခွံၬ ထိၪလၧအမၧၫ့ဝ့ၫလဘံၪ့ လၧဆၧ ပျၩ့ဖၧၩ့လီၫ.

8 ၦလၧအဆံၫ့ထၪ့လဂၩနီၪ ဘၪအၪ့ဆူၫဝၭအကီၩ့အ ၥိၭတၭ, လိၩ့ခွံၬအခိၪၥူၫထီးအလူၬ, ဒဲၥူၫဝၭဆံၫ့အၥၭ လၧထံၫကျၩဘဲၫၥိၭအမိဆံၫ့ထၪ့လီၫ. လၧခဲၫ့ထဲၩ့တၭ မိဂဲၫထဲၩ့ လၧၦၥုၪ့တဲၩအလးဖၧၩ့တၭ, မိအီၪလၧအ 9 တဲၩလၧခီၫ့လခီၫနွ့ၫနံၩလီၫ.- နွ့ၫနံၩလနံၩနီၪဘၪလိၩ့ အခိၪထၧၫ့ဖျိၪ့ယၫ, ဒဲအခၪဆီၪ့, ဒဲအမ့ၬထုးတၭ, ဘၪ လိၩ့ခွံၬအဆီၪ့ထီးအလူၬတၭ, ဘၪအၪ့ဆူၫဝၭအကီၩ့ အၥိၭတၭ ဘၪၥူၫဝၭဆံၫ့အယၪ လၧထံၫကျၩတၭ, မိ ဆံၫ့ထၪ့ဝ့ၫလီၫ.

10 တၭဎိၭနံၩလနံၩနီၪ ဘၪမၩန့ ၥိၪဖၫဖိၪ နံၩဒုၩအ လၧၫ့အဎွ့ၩ, ဒဲကိၪမုၬၥၧၫ့အ့စရိၫလဲၩဎုၬ လၧၥိၪလၧ 11 ဆၧမၩဘိၪ့ကိၪမုၬအဂး, ဒဲၥိၪလလီၭလီၫ.- တၭၦလု ဆၧလၧအအီၪက့ၪ ဆၧလၧအဆံၫ့ လဂၩနီၪ ဘၪအီၪ က့ၪၦလၧအဆံၫ့ထၪ့လဂၩ, ဒဲဆၧလဖၪနီၪလၧယဟိ ဝၩအမ့ၬယၫထီးဆၧအီၪကီၪ့အတဲၩဆံၫ့ဎံၪ အတရၫ့ 12 နီၪလီၫ.- ၦလုဆၧဘၪမၩန့ၥိၪဖၫဖိၪလဒုၩတၭ မၩဘိၪ့ ဝ့ၫလၧဆၧလုမၪဘၪဆၧအဂး, ဒဲၥိၪလလီၭနီၪတၭ, ဝါ ဝ့ၫလၧဆၧလုဝါဝ့ၫနီၪ လၧယဟိဝၩ အမ့ၬယၫလီၫ. 13 တၭဘၪမၩၥံၫၥိၪဖိၪထီးအလး လၧအမိမၩၥံၫဆၧလု ဆၧဒဲၩဘၭဒဲဆၧလုမ့ၪ, လၧဆၧအလးဆံၫ့ဎံၪအဖၧၩ့ လီၫ. အဂဲးဘဲၫယီၩ ဘဲၫဆၧလုဆၧဒဲၩဘၭနီၪ, မွဲၦလု ဆၧအဆၧအၥိၭ, ဆၧလုမၪဘၪဆၧ မွဲဘဲၫနီၪၥိၭဆ့ 14 လီၫ. မွဲဆၧဆံၫ့ဎံၪထုၬလီၫ.- ၦလုဆၧဘၪမၩန့ဆၧ လုမၪဘၪဆၧအၥွံၪတၭ, ၦလုဆၧဘၪအီၪက့ၪဝ့ၫလၧ ၦလၧအဆံၫ့ထၪ့အနါကျူၩခိၪအထွ့ၪအဖၫ့ခိၪ, ဒဲလၧ အစူၪမုအထွ့ၪအဖၫ့ခိၪ, ဒဲလၧအခၪ့မုအထွ့ၪအဖၫ့ခိၪ 15 လီၫ.- ၦလုဆၧဘၪမၩန့ဆၧလုမၪ ဘၪဆၧအၥွံၪတၭ, ၦလုဆၧဘၪမၩန့ၥိၪလလီၭတၭ, ဂါလၩ့ဝ့ၫလၧအစူၪ 16 ယၫၥၭဒၪဝ့ၫအစ့ၪလခီၫလီၫ.- ၦလုဆၧဘၪဘၧၩ့လၩ့ အစူၪနိၩ့ အထွ့ၪလဘီၩ့ လၧၥိၪလၧအအီၪလၧအစူၪ စ့ၪဖၧၩ့အကျၩတၭ, ဘၪဎွံၪဆၧၥွံၪ လၧအစူၪနိၩ့လၧ 17 ယဟိဝၩအမ့ၬယၫ နွ့ၫဘျၩ့လီၫ.- ၥိၪလၧအအီၪလၩ့ ထးလၧအစူၪဖၧၩ့နီၪ ၦလုဆၧဘၪအီၪက့ၪလၧၦအဆံၫ့ ထၪ့လဂၩအနါကျူၩခိၪအထွ့ၪအဖၫ့ခိၪ, ဒဲလၧအစူၪမု အထွ့ၪအဖၫ့ခိၪ, ဒဲလၧအခၪ့မုအထွ့ၪအဖၫ့ခိၪ, လၧဆၧ 18 လုမၪဘၪဆၧအၥွံၪအဖၫ့ခိၪလီၫ.- ၥိၪလၧအအီၪလၩ့ ထးလၧၦလုဆၧအစူၪဖၧၩ့နီၪ ဘၪလူၫလၩ့ဝ့ၫလၧၦလၧ အဆံၫ့ထၪ့လဂၩအခိၪတၭ, ၦလုဆၧလဂၩဘၪမၩဆၧ 19 ဖီၩ့ဖျ့ၭလၧအဂးလၧယဟိဝၩအမ့ၬယၫလီၫ.- ၦလုဆၧ ဘၪလုထၪ့ဆၧလုဆၧဒဲၩဘၭ, မၩဆၧဖီၩ့ဖျ့ၭလၧၦလၧ အဆံၫ့ထၪ့လၧအဆၧလဆံၫ့ဘၪအဂးလီၫ. လၧခဲၫ့ထဲၩ့ 20 တၭဘၪမၩၥံၫဆၧလုမ့ၪလီၫ.- ၦလုဆၧဘၪလုထၪ့ဆၧ လုမ့ၪဒဲဆၧမၩဘိၪ့ကိၪမုၬ လၧဆၧလုလးအဖၫ့ခိၪတၭ, ၦလုဆၧဘၪမၩဆၧဖီၩ့ဖျ့ၭလၧအဂးတၭ, မိဆံၫ့ထၪ့ဝ့ၫ လီၫ.

21 အ့ၪၡၪ့အ့ၪယၬ မၩဆၧဎွ့ၩနီၪ အ့ၪလၥ့ၪဘၪတၭ, ဘၪမၩန့ ၥိၪဖိၪလဒုၩ လၧဆၧလုမၪဘၪဆၧအဂး, လၧၦမိဝါဝ့ၫ ဘဲၫၥိၭအမိမၩဆၧဖီၩ့ဖျ့ၭလၧအဂး, ဒဲ ကိၪမုၬလအ့စရိၫ လဲၩဎုၬလၧၥိၪ လၧဆၧမၩဘိၪ့ကိၪ 22 မုၬအဂး,ဒဲၥိၪလလီၭ,- ဒဲထိၪလွံနံၫဘံၪ့မွဲဂ့ၩ,ကၪကဲၪ ဖိၪနံၫဘံၪ့မွဲဂ့ၩ, ဆၧလၧအမၩဝ့ၫၥ့ၪလီၫ. တၭအလ ဘံၪ့မိကဲၪထၪ့ ဆၧလုဆၧဒဲၩဘၭ, ဒဲအဝ့ၫလဘံၪ့လၧ 23 ဆၧလုမ့ၪလီၫ.- တၭဎိၭနံၩလနံၩနီၪ ဘၪဂဲၫဆိၬဝ့ၫ လၧၦလုဆၧအအီၪ လၧအမိဆံၫ့ထၪ့အဂး, လၧဆၧ အီၪကီၪ့တဲၩဆံၫ့ဎံၪ အတရၫ့နီၪ လၧယဟိဝၩအမ့ၬ 24 ယၫလီၫ.- ၦလုဆၧဘၪမၩန့ၥိၪဖိၪ, ဆၧလုမၪဘၪဆၧ, ဒဲၥိၪလလီၭနီၪတၭ, ၦလုဆၧဘၪဝါဝ့ၫ လၧဆၧလုဝါ 25 ဝ့ၫလၧယဟိဝၩအမ့ၬယၫလီၫ.- ၦလုဆၧဘၪမၩၥံၫ ၥိၪဖိၪ, ဆၧလုမၪဘၪဆၧတၭ, ၦလုဆၧဘၪမၩန့ဆၧ လုမၪဘၪဆၧအၥွံၪတၭ, အီၪက့ၪဝ့ၫလၧၦလၧအဆံၫ့ ထၪ့အနါကျူၩခိၪ အထွ့ၪလခီၫအဖၫ့ခိၪ, ဒဲလၧအစူၪ မုအထွ့ၪလခီၫအဖၫ့ခိၪ, ဒဲလၧအခၪ့မုအထွ့ၪလခီၫအ 26 ဖၫ့ခိၪလီၫ.- တၭၦလုဆၧဘၪလူၫလၩ့ဆၧၥိၪ လၧအ 27 စူၪယၫၥၭဒၪဝ့ၫအစ့ၪလခီၫအဖၧၩ့လီၫ.- တၭၦလုဆၧ ဘၪဎွံၪဆၧလၧအစူၪနိၩ့ အထွ့ၪလဘီၩ့လၧၥိၪအီၪလၧ အစူၪစ့ၪဖၧၩ့နီၪ လၧယဟိဝၩအမ့ၬယၫ နွ့ၫဘျၩ့လီၫ. 28 တၭၦလုဆၧ ဘၪအီၪက့ၪဆၧ ၥိၪအီၪလၧအစူၪဖၧၩ့ လၧၦလၧအဆံၫ့ထၪ့လဂၩ အနါကျူၩခိၪအထွ့ၪလခီၫ အဖၫ့ခိၪ, ဒဲလၧအစူၪမုအထွ့ၪလခီၫအဖၫ့ခိၪ, ဒဲလၧအ ခၪ့မုအထွ့ၪလခီၫအဖၫ့ခိၪ, လၧဆၧလုမၪဘၪဆၧအ 29 ၥွံၪအလးအဖၫ့ခိၪနီၪလီၫ.- တၭၥိၪလၧအအီၪလၩ့ထး လၧၦလုဆၧအစူၪဖၧၩ့နီၪ ဘၪအီၪက့ၪဝ့ၫလၧၦလၧအ ဆံၫ့ထၪ့လဂၩအခိၪ, ဘဲၫၥိၭအမိမၩဆၧဖီၩ့ဖျ့ၭ လၧ 30 အဂးလၧယဟိဝၩအမ့ၬယၫလီၫ.- တၭလၧထိၪလွံနံၫ ဘံၪ့နီၪဘၪမၩန့လဘံၪ့, အ့ၪလမွဲဘၪလၧကၪကဲၪဖိၪ နံၫဘံၪ့ဘၪမၩန့လဘံၪ့ လၧဆၧလၧအမၩဝ့ၫနီၪ, ဘၪ 31 လုထၪ့လဘံၪ့,- ထီးဒၪဆၧလၧအမၩဝ့ၫၥ့ၪ, လဘံၪ့ လၧဆၧလုဆၧဒဲၩဘၭအဂး ဒဲလဘံၪ့လၧဆၧလုမ့ၪအ ဂးအီၪလၧဆၧမၩဘိၪ့ကိၪမုၬလီၫ. တၭၦလုဆၧဘၪ မၩဆၧဖီၩ့ဖျ့ၭ လၧၦလၧအဆံၫ့ထၪ့လဂၩအဂး, လၧ ယဟိဝၩအမ့ၬယၫလီၫ.

32 အနီၪမွဲၥနိၫဘၪဆဲၫ့ လၧဆၧဆၫအၧၩ့ အဆၧကဲၪ ထၪ့အီၪလၧၦလဂၩ လၧအစူၪမၩန့ ဆၧဘၪဆဲၫ့လၧ ဆၧမိဆံၫ့ထၪ့ဝ့ၫနီၪ လၥ့ၪဘၪအကၠီၩ့လီၫ.

33 ယဟိဝၩချဲၩ့ဆၧလၧစမိစ့ၭ, ဒဲစအၫရၧၫ့တၭ,စံၭဝ့ၫ 34 ဒၪ,- ထီးနၥံၪလ့ၩနုၬ လၧခးကၫနအၫ့အဖၧၩ့လၧယ မိဖ့ၪလၫ့နၥံၪ လၧအဆၧန့ၥၫအလးတၭ, ယအ့ၪအီၪ က့ၪဆၧဆၫအၧၩ့ အဆၧကဲၪထၪ့လၧဂံၪ့လဖျိၪ့အဖၧၩ့ 35 လၧခးလၧနၥံၪန့ဘၪအဖၧၩ့တၭ,- ဂံၪ့အကဆါမိဂဲၫ လီၩဘၪၦလုဆၧ, စံၭဝ့ၫ ယယိယဝ့ၫဆၧမၩအၥၭလၧ 36 ဆၧကဲၪထၪ့အီၪဝ့ၫလၧဂံၪ့ဖၧၩ့နီၪတၭ,- ၦလုဆၧလ ဂၩနီၪဘၪမၪလူၬဆၧလၧ ၦလုဆၧလဂၩနီၪလချႃၭလ့ၩ နုၬယိဆၧဒံၭဘၪတၭ, ဘဲၫၥိၭကယဲဆၧအီၪ လၧဂံၪ့ ဖၧၩ့ထီးကဲၪထၪ့ ဆၧလဆံၫ့ဘၪလဂ့ၩနီၪဘၪဆိၬထၪ့ ခွံၬထီးအလူၬလီၫ. လၧခဲၫ့ထဲၩ့တၭ, ၦလုဆၧလဂၩနီၪ 37 မိလ့ၩယိဂံၪ့နီၪလီၫ.- မိယိဆၧကဲၪထၪ့နီၪတၭ, ယိခွါ, ဆၧကဲၪထၪ့နီၪ အ့ၪအီၪလၧဂံၪ့အဒီၪ့အလီၩ့တၭ, အ လးလၩ့အိၪ့လဖၪ အ့ၪယ့ၫ လဆံၭဆံၭမွဲဂ့ၩ, ဝီၩလ ဆံၭဆံၭမွဲဂ့ၩ, ဆၧအလးလၩ့အိၪ့နဲၪ့ ဆၧအဒီၪ့လီၩ့ 38 တၭ,- ၦလုဆၧဘၪစဲၪ့ထၪ့လၧဂံၪ့အတရၫ့တၭ, ကၭ 39 ဘံၭထၬအတရၫ့နွ့ၫနံၩလီၫ.- နွ့ၫနံၩလနံၩနီၪ ၦလုဆၧ ဘၪဂဲၫယိဒီၭတၭ, ယိခွါ, ဆၧကဲၪထၪ့နီၪအ့ၪလဲထၪ့ 40 လၧဂံၪ့အဒီၪ့လီၩ့တၭ,- ၦလုဆၧဘၪမၪလူၬ ဆၧလၧ ၦမိမၩန့ခွံၬ လိးလၧအအီၪလၧဆၧလဖၪနီၪတၭ, ဘၪ ခွံၬၡိၭခွံၬဝ့ၫလၧ အလးလဆံၫ့ဘၪလၧဒိၩ့လၧခီၫ့လခီၫ 41 လီၫ.- ဘၪဒုၭကွၭခွံၬဂံၪ့ဝၬဖီၩ့တၭ, ဘၪဂါလၩ့ခွံၬအ မုၬလၧအမိကွၭခွံၬဝ့ၫနီၪ လၧဒိၩ့လၧခီၫ့လခီၫ လၧအ 42 လးလဆံၫ့ဘၪလီၫ.- ဘၪမၩန့လိးအဂူၫဂၩလဖၪတၭ, အီၪက့ၪဝ့ၫလၧလိးလဖၪနီၪအလးတၭ, ဘၪမၩန့အၩ့ 43 ကထၨအၥၫ့တၭ, လံၬဂံၪ့နီၪလီၫ.- မၩန့ခွံၬလိးနီၪဂီၩ့ တၭ,ကွၭခွံၬဂံၪ့တၭ, လံၬလၧအၩ့ကထၨအၥၫ့အလး ခဲၫ့နီၪ, ဆၧကဲၪထၪ့အ့ၪဂဲၫထၪ့ဒီၭ, အီၪထၪ့လၧဂံၪ့လ 44 ဖျိၪ့နီၪအဖၧၩ့တၭ,- ၦလုဆၧဘၪဂဲၫယိတၭ, ယိခွါ, ဆၧကဲၪထၪ့နီၪအ့ၪလဲထၪ့ လၧဂံၪ့နီၪအဖၧၩ့တၭ, မွဲဝ့ၫ ဆၧဆၫအၧၩ့အၪ့ဆၧလၧဂံၪ့ဖၧၩ့နီၪတၭ, မွဲဆၧလဆံၫ့ 45 ဘၪလီၫ.- ဘၪမၩလၫ့ဎီးခွံၬဂံၪ့နီၪအလိးလဖၪ, ဒဲအ ၥံၪ့လဖၪ, ဒဲဂံၪ့အအၩ့ကထၨထီးအလူၬတၭ, ဘၪဆိၬ ထၪ့ခွံၬဝ့ၫလၧဒိၩ့လၧခီၫ့လခီၫ, လၧအလးလဆံၫ့ဘၪ 46 လီၫ.- တၭကယဲမုနံၩမုနၩ လၧဂံၪ့ကၭဘံၭ အၥၭအ ဘိၩ့ဘၭနီၪတၭ, ၦလၧအလ့ၩနုၬနီၪမိကဲၪထၪ့ ဆၧလ 47 ဆံၫ့ဘၪထီးမုဂၪလၩ့လီၫ.- တၭၦလၧအမံၫလၧဂံၪ့ ဖၧၩ့နီၪ ဘၪအၪ့ဆူၫဝၭ အကီၩ့အၥိၭတၭ, ၦလၧအ အၪ့ဆၧလၧဂံၪ့ဖၧၩ့နီၪ ဘၪအၪ့ဆူၫဝၭ အကီၩ့အၥိၭ လီၫ.

48 ၦလုဆၧအ့ၪဂဲၫယိဝ့ၫတၭ, ယိခွါ, ဆၧကဲၪထၪ့နီၪ အ့ၪလလဲထၪ့ ဘၪလၧဂံၪ့ဖၧၩ့ လၧအဘၪဆၧလံၬဝ့ၫ လၧအၩ့ကထၨအလးခဲၫ့နီၪတၭ, ၦလုဆၧဘၪအီၪက့ၪ ဂံၪ့လဖျိၪ့နီၪ လၧအဆံၫ့လီၫ. အဂဲးဘဲၫယီၩ ဆၧကဲၪ 49 ထၪ့နီၪဘျၪယူၭဝ့ၫယူၭ.- ဘဲၫၥိၭအမိမၩဆံၫ့ထၪ့ဂံၪ့ နီၪတၭ, ဘၪမၩန့ထိၪနံၫဘံၪ့, ဒဲၥံၪ့ၡိၫအ့ရ့ၭ, ဒဲဆၧဝီၩ, 50 ဒဲဟံစိၭ,- တၭဘၪမၩၥံၫထိၪလဘံၪ့ လၧဖၧၩ့ဂၪ့ခိၪအ 51 ဖၧၩ့လၧထံၫယွၩလၩ့ဝ့ၫအဖၫ့ခိၪလီၫ.- ဘၪမၩန့ၥံၪ့ၡိၫ အ့ရ့ၭ, ဒဲဟံစိၭ, ဒဲဆၧဝီၩ, ဒဲထိၪလၧအမၧၫ့ဝ့ၫလဘံၪ့ တၭ, စုၪလၩ့ဝ့ၫလၧထိၪ လၧအဘၪဆၧမၩၥံၫဝ့ၫ လ ဘံၪ့အၥွံၪဖၧၩ့, ဒဲလၧထံၫယွၩလၩ့အဖၧၩ့တၭ, ဎွံၪဂံၪ့ 52 နီၪနွ့ၫဘျၩ့လီၫ.- ဘၪမၩဆံၫ့ထၪ့ဂံၪ့လၧထိၪအၥွံၪ, ဒဲ ထံၫယွၩလၩ့ဒဲထိၪလၧအမၧၫ့ဝ့ၫ, ဒဲၥံၪ့ၡိၫအ့ရ့ၭ, ဒဲဟံ 53 စိၭ,ဒဲဆၧဝီၩလီၫ.- အ့ၪမွဲထိၪလၧအမၧၫ့ဝ့ၫလဘံၪ့နီၪ, ဘၪဖျါလၩ့ခွံၬဝ့ၫ လၧဒိၩ့လၧခီၫ့လၧဆၧပျၩ့ဖၧၩ့လခီၫ တၭ, ဘၪမၩဆၧဖီၩ့ဖျ့ၭလၧဂံၪ့အဂးတၭ, မိဆံၫ့ထၪ့ 54 ဝ့ၫလီၫ.- အနီၪမွဲၥနိၫဘၪဆဲၫ့လၧကယဲဆၧဆၫအၧၩ့, 55 ဒဲဆၧအဎၬအဆၧကဲၪထၪ့,- ဒဲဆၧအကီၩ့အၥိၭ,ဒဲဂံၪ့ 56 ၥံၪဎၫ့ၥံၪအဆၧဆၫအၧၩ့,- ဒဲဆၧၡိၪထၪ့ အဖံၭလၩ့ 57 ကျိၭအလး, အလးကျံၩ့,- ဘဲၫၥိၭအမိၥီၪ့လိၪဆၧလၧ မုနံၩလၧအလဆံၫ့ဘၪ, ဒဲမုနံၩလၧအဆံၫ့ထၪ့နီၪလီၫ. အနီၪမွဲၥနိၫ ဘၪဆဲၫ့လၧဆၧဆၫအၧၩ့နီၪလီၫ.