13
1 ယဟိဝၩချဲၩ့ဆၧလၧစမိစ့ၭ ဒဲစအၫရၧၫ့တၭ,စံၭဝ့ၫ
2 ဒၪ,- ထီးၦလဂၩအ့ၪအီၪလၧ ဆၧၡိၪထၪ့လဖျိၪ့ဖျိၪ့မွဲ ဂ့ၩ,အလးလၧဆၧဖံၭလၩ့ကျိၭမွဲဂ့ၩ, အလးလၧအလၩ့ ဘွၩမွဲဂ့ၩ, လၧအယၪအဖံၭလီၩ့တၭ, အ့ၪအီၪလၧအ ဖံၭအယၪလီၩ့ ဘဲၫဆၧဆၫအၧၩ့အၥိၭး ၦဘၪဂဲၫဆိၬ လၧစအၫရၧၫ့အအီၪ, အ့ၪလမွဲဘၪဘဲၫနီၪတၭ လၧအ
3 ဖိၪခွၫလဂၩဂၩ ၦလုဆၧလဂၩအအီၪလီၫ.- ၦလုဆၧ လဂၩနီၪဘၪယိဆၧကဲၪထၪ့ လၧအဖံၭအယၪလီၩ့တၭ အဆီၪ့လၧဆၧကဲၪထၪ့အလး အ့ၪထၪ့ဘွၩတၭ, ဆၧ ကဲၪထၪ့အလးအ့ၪလၩ့အိၪ့နဲၪ့အဖံၭအယၪတၭ, မွဲဆၧ ဆၫအၧၩ့ အဆၧကဲၪထၪ့လီၫ. တၭၦလုဆၧလဂၩနီၪ ဘၪယိဝ့ၫ, ဒဲဘၪအီၪက့ၪဝ့ၫ လၧဆၧလဆံၫ့ဘၪလီၫ.
4 တၭအလးကျံၩ့ လၧအဖံၭထၪ့ဘွၩ လၧအဖံၭအယၪ လီၩ့, ဒဲအ့ၪလလၩ့အိၪ့နဲၪ့ဘၪအဖံၭလၧအလီၩ့, ဒဲအ ဆီၪ့လထၪ့ဘွၩဘၪတၭ, ၦလုဆၧလဂၩနီၪဘၪအီၪက့ၪ
5 ထၬ ၦလၧဆၧကဲၪထၪ့လဂၩနွ့ၫနံၩလီၫ.- တၭနွ့ၫနံၩ လနံၩနီၪၦလုဆၧလဂၩဘၪယိဒီၭဝ့ၫတၭ, ယိခွါ,ဆၧ ကဲၪထၪ့လၧအလီၩ့ အ့ၪအီၪဒၪဆၧ, ဒဲဆၧကဲၪထၪ့အ လးအ့ၪလလဲထၪ့ဘၪလၧအဖံၭလီၩ့တၭ, ၦလုဆၧလ
6 ဂၩနီၪဘၪအီၪက့ၪထၬဒံၭနွ့ၫနံၩနီၪလီၫ.- နွ့ၫနံၩလနံၩ နီၪၦလုဆၧလဂၩဘၪယိဒီၭဝ့ၫတၭ, ယိခွါ,ဆၧကဲၪထၪ့ အလးအ့ၪထၪ့ၥၧၫ့လဆံၭဆံၭ ဒဲဆၧကဲၪထၪ့အလးအ့ၪ လလဲထၪ့ဘၪ လၧအဖံၭလီၩ့နီၪတၭ, ၦလုဆၧဘၪအီၪ က့ၪဝ့ၫလၧအဆံၫ့လီၫ. မွဲအလးလၧအဖံၭလၩ့ကျိၭလီၫ. ဘၪအၪ့ဆူၫဝၭအကီၩ့အၥိၭတၭ, မိဆံၫ့ထၪ့ဝ့ၫလီၫ.
7 အ့ၪမွဲအလးလၧအဖံၭလၩ့ကျိၭနီၪ အ့ၪလဲထၪ့အၪအၪ လ့ၬ လၧၦလုဆၧလဂၩယိဝ့ၫ လၧအဆံၫ့ထၪ့အလးခဲၫ့
8 နီၪတၭ, ၦလုဆၧလဂၩဘၪယိဒီၭလီၫ.- ၦလုဆၧလဂၩ နီၪအ့ၪယိတၭ, ယိခွါ, အလးလၧအဖံၭလၩ့ကျိၭနီၪ အ့ၪလဲထၪ့တၭ, ၦလုဆၧဘၪအီၪက့ၪဝ့ၫ လၧဆၧလဆံၫ့ ဘၪလီၫ. မွဲဆၧဆၫအၧၩ့လီၫ.
9 ထီးဆၧဆၫအၧၩ့အ့ၪကဲၪထၪ့ဝ့ၫ လၧၦလဂၩအလီၩ့
10 တၭ, ၦဘၪဂဲၫဆိၬဝ့ၫလၧၦလုဆၧအအီၪတၭ,- ၦလု ဆၧမိယိတၭ, ယိခွါ, ဆၧၡိၪထၪ့လဖျိၪ့အ့ၪဘွၩလၧ အဖံၭလီၩ့, ဒဲမၩဘွၩထၪ့အဆီၪ့တၭ ဆၧယၪမၧၫ့အ့ၪ
11 အီၪလၧအဖၧၩ့လးတၭ,- မွဲဆၧဆၫအၧၩ့လးလံၩလၧ အယၪအဖံၭလီၩ့တၭ, ၦလုဆၧဘၪအီၪက့ၪဝ့ၫ လၧ ဆၧလဆံၫ့ဘၪဒဲအီၪက့ၪထၬဝ့ၫအ့ၬ. အဂဲးဘဲၫယီၩမွဲ
12 ဆၧလဆံၫ့ဘၪလီၫ.- ဆၧဆၫအၧၩ့အ့ၪလဲထၪ့လၧအ ဖံၭလီၩ့, ဒဲဆၧဆၫအၧၩ့ အ့ၪအီၪလၧအဖံၭလီၩ့ထၧၫ့ ဂၩယၫ, ဆၧကဲၪထၪ့နီၪအီၪလၧအခိၪဖိး လၧအခၪ့,
13 ထီးဒၪအလးၦလုဆၧယိဝ့ၫတၭ,- ၦလုဆၧဘၪယိဆီၫ့ မီၪ့ဝ့ၫနီၪ, ယိခွါ, ဆၧဆၫအၧၩ့အ့ၪအီၪလၧအယၪအ လီၩ့ထၧၫ့ဂၩယၫတၭ, ဘၪအီၪက့ၪဆၧထၪ့နီၪလၧဆၧ ဆံၫ့လီၫ. ဘွၩထၪ့ဝ့ၫထီးအလူၬတၭ, မွဲဆၧဆံၫ့လီၫ.
14 မွဲလါနၫ့ မုလနံၩ လၧဆၧယၪမၧၫ့ အီၪဖျီၪထၪ့လၧအ
15 လီၩ့နီၪမိကဲၪထၪ့ဆၧလဆံၫ့ဘၪလီၫ.- တၭၦလုဆၧ ဘၪယိအယၪမၧၫ့နီၪတၭ အီၪက့ၪဝ့ၫလၧဆၧလဆံၫ့ ဘၪလီၫ. ဆၧယၪမၧၫ့နီၪမွဲဆၧအဆံၫ့အ့ၬး မွဲဆၧဆၫ
16 အၧၩ့လီၫ.- အ့ၪလမွဲဘၪဘဲၫနီၪတၭ ဆၧယၪမၧၫ့နီၪ အ့ၪကဒံၩကဒၩအၥၭ, ဒဲထၪ့ဘွၩတၭ, ဘၪဂဲၫဆိၬထဲၩ့
17 လၧၦလုဆၧအအီၪတၭ,- ၦလုဆၧဘၪယိဝ့ၫတၭ, ယိ ခွါ, ဆၧကဲၪထၪ့နီၪအ့ၪထၪ့ဘွၩတၭ, ၦလုဆၧဘၪအီၪ က့ၪဆၧကဲၪထၪ့နီၪလၧဆၧဆံၫ့တၭ, မိဆံၫ့ထၪ့ဝ့ၫလီၫ.
18 ၦၡၩအယၪလၧဆၧဝံၫ့အီၪယူၭ လၧအလီၩ့တၭ,ဘျၪ
19 ယူၭ.- တၭလၧဝံၫ့အလးနီၪဆၧၡိၪထၪ့ဘွၩမွဲဂ့ၩ, ဆၧ အလးကျံၩ့ ဝီၩဝီၩဘွၩဘွၩမွဲဂ့ၩ အ့ၪအီၪတၭ, ၦအ့ၪ
20 ဒုၭနဲၪဝ့ၫလၧၦလုဆၧ,- တၭထီးၦလုဆၧအ့ၪဒၪဘၪဝ့ၫ တၭ,ယိခွါ, အလးအ့ၪလၩ့အိၪ့နဲၪ့အဖံၭလီၩ့တၭ, အ ဆီၪ့အ့ၪထၪ့ဘွၩတၭ, ၦလုဆၧဘၪအီၪက့ၪဝ့ၫလၧဆၧ လဆံၫ့ဘၪ, မွဲဆၧဆၫအၧၩ့အဆၧကဲၪထၪ့အီၪထၪ့လၧ
21 ဆၧဝံၫ့အဖၧၩ့လီၫ.- အ့ၪမွဲၦလုဆၧအ့ၪယိဝ့ၫတၭ, ယိ ခွါ, အဆီၪ့ဘွၩအီၪအ့ၬ, ဒဲအလးလလၩ့အိၪ့နဲၪ့ဘၪ အဖံၭ, ဒဲအ့ၪထၪ့ၥၧၫ့လဆံၭဆံၭ ၦလုဆၧဘၪအီၪက့ၪ
22 ထၬနွ့ၫနံၩလီၫ.- အ့ၪလဲထၪ့အၪအၪလ့ၬ လၧအဖံၭလီၩ့ တၭ,ၦလုဆၧဘၪအီၪက့ၪဝ့ၫလၧအလဆံၫ့ဘၪ, မွဲဝ့ၫ
23 လၧဆၧကဲၪထၪ့လီၫ.- အ့ၪမွဲအလးနီၪအ့ၪအီၪဒၪဆၧ ဒဲလလဲထၪ့ဘၪတၭ, မွဲဝ့ၫလၧဝံၫ့မ့ၪအၪ့လီၫ. တၭၦလု ဆၧဘၪအီၪက့ၪဝ့ၫလၧဆၧဆံၫ့လီၫ.
24 အ့ၪလမွဲဘၪဘဲၫနီၪတၭ, ဆၧယၪလစီၪ့စီၪ့အီၪလၧ အဖံၭခိထၪ့ဝ့ၫ ဘဲၫမ့ၪအၪ့အၥိၭနီၪ ဆၧမၧၫ့လၧဆၧ ဆၫမ့ၪအၪ့အ့ၪၡိၪထၪ့ ဝီၩဝီၩမွဲဂ့ၩ, ဘွၩဘွၩမွဲဂ့ၩ,
25 တၭၦလုဆၧဘၪယိဝ့ၫတၭ ယိခွါ, အဆီၪ့လၧဆၧအ လးကျံၩ့အ့ၪထၪ့ဘွၩ, ဒဲအလးလၩ့အိၪ့နဲၪ့အဖံၭတၭ, မွဲဆၧဆၫအၧၩ့ လၧအအီၪထၪ့ လၧဆၧဆၫခိထၪ့အ လးလီၫ. တၭၦလုဆၧဘၪအီၪက့ၪ လၧအလဆံၫ့ဘၪ,
26 မွဲဝ့ၫလၧဆၧဆၫအၧၩ့ အဆၧကဲၪထၪ့လီၫ.- အ့ၪမွဲၦလု ဆၧအ့ၪယိဝ့ၫတၭ, ယိခွါ, အဆီၪ့ဘွၩလအီၪဘၪလၧ ဆၧအလးကျံၩ့, ဒဲလလၩ့အိၪ့နဲၪ့ဘၪအဖံၭ, ဒဲထၪ့ၥၧၫ့
27 လဆံၭဆံၭတၭ, ၦလုဆၧဘၪအီၪက့ၪနွ့ၫနံၩလီၫ.- တၭ နွ့ၫနံၩလနံၩနီၪ ၦလုဆၧဘၪယိဝ့ၫတၭ, အ့ၪလဲထၪ့အၪ အၪလ့ၬလၧအဖံၭလီၩ့တၭ ၦလုဆၧဘၪအီၪက့ၪဝ့ၫလၧ ဆၧလဆံၫ့ဘၪ, မွဲဝ့ၫလၧဆၧဆၫအၧၩ့ အဆၧကဲၪထၪ့
28 လီၫ.- အ့ၪမွဲဆၧအလးကျံၩ့ အ့ၪအီၪဒၪဆၧ, လလဲ ထၪ့ဘၪလၧအဖံၭလီၩ့ ဒဲထၪ့ၥၧၫ့လဆံၭဆံၭတၭ, မွဲဝ့ၫ လၧဆၧၡိၪထၪ့လၧဆၧဆၫ မ့ၪအၪ့အလးတၭ, ၦလု ဆၧဘၪအီၪက့ၪလၧဆၧဆံၫ့လီၫ. အဂဲးဘဲၫယီၩ မွဲဝ့ၫ
29 လၧဆၧဆၫမ့ၪအၪ့အလးလီၫ.- ၦမုၪမွဲဂ့ၩ, ၦခွၫမွဲဂ့ၩ, လၧအခိၪမွဲဂ့ၩ, လၧအခၪဆီၪ့မွဲဂ့ၩ, အ့ၪအီၪလၧဆၧ
30 ကဲၪထၪ့တၭ,- ၦလုဆၧဘၪယိဆၧကဲၪထၪ့နီၪတၭ, ယိ ခွါ, အလးအ့ၪလၩ့အိၪ့နဲၪ့အဖံၭ, ဒဲအဆီၪ့ဘၩ့ၡၩဘီၩ့ အ့ၪအီၪလၧအဖၧၩ့တၭ, ၦလုဆၧဘၪအီၪက့ၪဝ့ၫလၧ ဆၧလဆံၫ့ဘၪလီၫ. မွဲဆၧဆၫဎၬအၧၩ့ ဆၧဆၫအၧၩ့
31 လၧခိၪမွဲဂ့ၩ လၧအခၪဆီၪ့မွဲဂ့ၩလီၫ.- အ့ၪမွဲၦလုဆၧ အ့ၪယိဆၧဎၬထၪ့တၭ, ယိခွါ, အလးလလၩ့အိၪ့နဲၪ့ ဘၪအဖံၭ, ဒဲဆီၪ့ၥၧၫ့လအီၪဘၪလၧအဖၧၩ့တၭ, ၦလု
32 ဆၧဘၪအီၪက့ၪထၬ ဆၧကဲၪထၪ့နီၪနွ့ၫနံၩလီၫ.- တၭ နွ့ၫနံၩလနံၩနီၪ ၦလုဆၧဘၪယိဆၧကဲၪထၪ့တၭ, ယိခွါ, ဆၧဎၬထၪ့အ့ၪလလဲထၪ့ဘၪ, ဒဲဆီၪ့ဘၩ့ အ့ၪလအီၪ ဘၪတၭ, အလး အ့ၪလလၩ့အိၪ့နဲၪ့ဘၪ အဖံၭတၭ,
33 ၦၡၩဘၪလိၩ့ဝ့ၫလီၫ. အ့ၪမွဲဆၧဎၬထၪ့အလးနီၪ လိၩ့ ဘၪဝ့ၫအ့ၬ. တၭၦလုဆၧဘၪအီၪက့ၪထၬ ဒံၭဆၧကဲၪ
34 ထၪ့နီၪနွ့ၫနံၩဒံၭလီၫ.- နွ့ၫနံၩလနံၩနီၪ ၦလုဆၧဘၪယိ ဆၧဎၬတၭ, ယိခွါ, ဆၧဎၬအ့ၪလလဲထၪ့ဘၪ လၧအ ဖံၭလီၩ့ဒဲအလးအ့ၪလလၩ့အိၪ့နဲၪ့ဘၪအဖံၭတၭ, ၦလု ဆၧဘၪအီၪက့ၪဝ့ၫ လၧဆၧအဆံၫ့လီၫ. တၭအဝ့ၫဒၪ ဘၪအၪ့ဆူၫဝၭ အကီၩ့အၥိၭတၭ မိဆံၫ့ထၪ့ဝ့ၫလီၫ.
35 လၧအဆံၫ့ထၪ့အလးခဲၫ့နီၪ ဆၧအဎၬအ့ၪလဲထၪ့တၡါ
36 လၧအဖံၭလီၩ့တၭ,- ၦလုဆၧဘၪယိတၭ, ယိခွါ,ဆၧ ဎၬ အ့ၪလဲထၪ့လၧအဖံၭအလီၩ့တၭ, ၦလုဆၧနီၪအၪ့
37 ဎၬဘၪဆီၪ့ဘၩ့အ့ၬ. မွဲဝ့ၫလၧဆၧလဆံၫ့ဘၪလီၫ.- အ့ၪ မွဲဆၧဎၬအလီၩ့ အ့ၪအီၪဒၪဆၧ, ဆီၪ့ၥၧၫ့အ့ၪထၪ့လၧ အဖၧၩ့ဒဲဆၧဎၬဘျၪယူၭတၭ, ဆံၫ့ထၪ့ယူၭဝ့ၫယူၭတၭ, ၦလုဆၧဘၪအီၪက့ၪလၧဆၧဆံၫ့လီၫ.
38 တၭၦမုၪမွဲဂ့ၩ, ၦခွၫမွဲဂ့ၩ, အ့ၪအီၪလၧဆၫ့ဎွံၫဘွၩ
39 လၧအဖံၭအယၪအလီၩ့တၭ,- ၦလုဆၧဘၪယိဝ့ၫတၭ, ယိခွါ, ဆၫ့ဎွံၫလၧအယၪအဖံၭလီၩ့အ့ၪဘွၩၥၧၫ့တၭ, မွဲဝ့ၫလၧဆၫ့ဎွံၫ လၧအအီၪထၪ့လၧအဖံၭလီၩ့လီၫ. မိ ဆံၫ့ဝ့ၫလီၫ.
40 ၦလၧအခိၪၥွံၫလၩ့ခွံၬနီၪ မွဲအခိၪချၩလါနၫ့တၭ မိ
41 ဆံၫ့ဝ့ၫလီၫ.- ၦလၧအခိၪၥွံၫတီၩလၧအမ့ၬလခီၫနီၪမွဲ ဝ့ၫလၧအခိၪချၩ လၧအမ့ၬတဒၧၩ့လခီၫလီၫ. မွဲလါနၫ့
42 ဆံၫ့ဝ့ၫလီၫ.- အ့ၪချၩလၧအခိၪလီၩ့မွဲဂ့ၩ, အ့ၪချၩလၧ အမ့ၬတဒၧၩ့လခီၫမွဲဂ့ၩ, ဆၧဆၫဝီၩဘွၩအ့ၪအီၪတၭ, မွဲဆၧဆၫအၧၩ့လၧအအီၪထၪ့ လၧခိၪချၩမွဲဂ့ၩ, အခိၪ
43 ချၩလၧအမ့ၬတဒၧၩ့လခီၫမွဲဂ့ၩလီၫ.- တၭၦလုဆၧဘၪ ယိဝ့ၫတၭ, ယိခွါ, ဆၧကဲၪထၪ့အၡိၪထၪ့လဖျိၪ့လၧအ ခိၪချၩအလီၩ့မွဲဂ့ၩ, လၧအခိၪချၩလၧအမ့ၬတဒၧၩ့လ ခီၫမွဲဂ့ၩ, အ့ၪဝီၩဘွၩမၩအၥၭ ဘဲၫဆၧဆၫအၧၩ့ လၧ
44 အဖံၭအယၪအလီၩ့တၭ,- မွဲဝ့ၫလၧၦၡၩဘၪဆၧဆၫ အၧၩ့မွဲအဆံၫ့အ့ၬ. ၦလုဆၧဘၪအီၪက့ၪဝ့ၫလၧဆၧလ ဆံၫ့ဘၪတၡါလီၫ. အဆၧထၪ့နီၪ အီၪလၧအခိၪလီၩ့ လီၫ.
45 တၭၦခံၫထူၬဆၫအၧၩ့လၧအအီၪ လၧဆၧကဲၪထၪ့ နီၪအဆဲၫ့မိဘၪၡၫ့ယၬ ဒဲအီၪဘိၪ့ခိၪ, ဒဲမၩဘံၭခွံၬအ နိၭဖံၭလၧထၭနီၪ, ဒဲဘၪကိၭၡၭထၪ့, ဆၧစံၪစၪ, ဆၧစံၪ
46 စၪဖီၩၬ- လၧဆၧကဲၪထၪ့အီၪလၧအလီၩ့ ကိၭမုနံၩကိၭ မုနၩနီၪဆံၫ့ဝ့ၫအ့ၬ. မွဲဝ့ၫလၧဆၧလဆံၫ့ဘၪတၭ, ဘၪ အီၪဝ့ၫလဂၩဎးလီၫ. အီၪဝ့ၫအလးနီၪ မိဘၪအီၪလၧ ၦၥုၪ့တဲၩလၧခီၫ့လခီၫလီၫ.
47 တၭဆၧအကီၩ့အၥိၭလၧအအီၪ လၧဆၧဆၫအၧၩ့
48 နီၪ,ၥၭကလၭမွဲဂ့ၩ, ဆၧဘွၩမွဲဂ့ၩ,- လူၪအထုၪ့မွဲဂ့ၩ, လူၪအဎၩ့မွဲဂ့ၩ, လၧအမၩဝ့ၫလၧၥၭကလၭမွဲဂ့ၩ, လၧ ဆၧဘွၩမွဲဂ့ၩ, လၧဆၧဖံၭမွဲဂ့ၩ, လၧဆၧမၩလၧဆၧဖံၭ
49 မွဲဂ့ၩ,- ဆၧကဲၪထၪ့အ့ၪယ့ၫမွဲဂ့ၩ, ဝီၩမွဲဂ့ၩ, လၧဆၧ ကီၩ့ဆၧၥိၭအလီၩ့မွဲဂ့ၩ, လၧဆၧဖံၭအလီၩ့မွဲဂ့ၩ, လၧ လူၪအထုၪ့မွဲဂ့ၩ, အဎၩ့မွဲဂ့ၩ, လၧဆၧလမံၩ့မံၩ့မၩဝ့ၫ လၧဆၧဖံၭမွဲဂ့ၩ, မွဲဆၧဆၫအၧၩ့အဆၧကဲၪထၪ့လီၫ.
50 တၭၦဘၪဒုၭနဲၪဝ့ၫ လၧၦလုဆၧလီၫ.- တၭၦလုဆၧ ဘၪယိဆၧကဲၪထၪ့နီၪ, ဒဲအီၪက့ၪထၬဆၧကဲၪထၪ့နီၪ
51 နွ့ၫနံၩလီၫ.- တၭနွ့ၫနံၩလနံၩနီၪ ဘၪယိဆၧကဲၪထၪ့ နီၪလီၫ. ဆၧကဲၪထၪ့နီၪ အ့ၪလဲထၪ့လၧဆၧကီၩ့ဆၧ ၥိၭအလီၩ့မွဲဂ့ၩ, လၧလူၪအထုၪ့မွဲဂ့ၩ, အဎၩ့မွဲဂ့ၩ, လၧဆၧဖံၭလီၩ့မွဲဂ့ၩ, လၧဆၧမၩလမံၩ့မံၩ့မၩဝ့ၫလၧ ဆၧဖံၭမွဲဂ့ၩ, ဆၧဆၫအၧၩ့အၪ့ဆၧနီၪ, မွဲဝ့ၫလၧဆၧ
52 လဆံၫ့ဘၪလီၫ.- တၭဆၧလၧဆၧကီၩ့ဆၧၥိၭနီၪ, လၧ လူၪအထုၪ့မွဲဂ့ၩ, အဎၩ့မွဲဂ့ၩ, လၧၥၭကလၭမွဲဂ့ၩ, လၧဆၧဘွၩမွဲဂ့ၩ, ဆၧလမံၩ့မံၩ့မၩဝ့ၫလၧဆၧဖံၭမွဲဂ့ၩ, လၧဆၧနီၪအီၪလၧအဖၧၩ့တၭ, မွဲဆၧဆၫအၧၩ့အၪ့ဆၧ နီၪ, ၦဘၪဆူၭထၪ့ခွံၬဝ့ၫ လၧမ့ၪလီၫ.
53 ၦလုဆၧဘၪယိတၭ, ယိခွါ, ဆၧကဲၪထၪ့နီၪအ့ၪလ လဲထၪ့ဘၪ လၧဆၧအကီၩ့အၥိၭအလီၩ့, လၧလူၪအ ထုၪ့မွဲဂ့ၩ, အဎၩ့မွဲဂ့ၩ, လၧဆၧလမံၩ့မံၩ့မၩဝ့ၫလၧဆၧ
54 ဖံၭအလီၩ့မွဲဂ့ၩ,- ၦလုဆၧဘၪမၪလူၬလၧၦဘၪအၪ့ ဆူၫဝၭအဆၧအီၪလၧဆၧကဲၪထၪ့နီၪတၭ, ဘၪအီၪက့ၪ
55 ထၬဒံၭနွ့ၫနံၩလီၫ.- လၧအဘၪဆၧအၪ့ဆူၫဝၭအလး ခဲၫ့နီၪ, ၦလုဆၧဘၪယိဆၧကဲၪထၪ့တၭ, ယိခွါ,ဆၧကဲၪ ထၪ့နီၪအလွ့အ့ၪလအၪ့လဲၩဘၪအၥၭ ဒဲဆၧကဲၪထၪ့ အ့ၪလလဲထၪ့ဘၪတၭ, မွဲလဆံၫ့ဘၪလီၫ. တၭနဘၪ ဆူၭထၪ့ခွံၬလၧမ့ၪလီၫ. ချၩဝ့ၫလၧအဖၫ့ခိၪမွဲဂ့ၩ, လၧ
56 အဖၫ့လၬမွဲဂ့ၩ, မွဲဆၧအၪ့လၧအဖၧၩ့လီၫ.- ၦလုဆၧ အ့ၪယိတၭ, ယိခွါ, ဆၧကဲၪထၪ့လၧအအၪ့ဆူၫဝၭဝ့ၫ အလးခဲၫ့နီၪ, အ့ၪထၪ့ၥၧၫ့လဆံၭဆံၭတၭ, လၧဆၧအ ကီၩ့အၥိၭအဖၧၩ့မွဲဂ့ၩ, လၧဆၧဖံၭအဖၧၩ့မွဲဂ့ၩ, လၧ
57 လူၪအထုၪ့မွဲဂ့ၩ, အဎၩ့မွဲဂ့ၩဘၪၡၫ့ခွံၬဝ့ၫလီၫ.- တၭ အ့ၪအီၪဖျီၪထၪ့ဒံၭ လၧဆၧအကီၩ့အၥိၭအဖၧၩ့, လၧ လူၪအထုၪ့မွဲဂ့ၩ, အဎၩ့မွဲဂ့ၩ, လၧဆၧလမံၩ့မံၩ့မၩဝ့ၫ လၧဆၧဖံၭတၭ, မွဲလၧအလဲထၪ့ဒၪဆၧလီၫ. နဘၪဆူၭ ထၪ့ခွံၬလၧအဆၧကဲၪထၪ့အီၪလၧအလီၩ့ လၧမ့ၪလီၫ.
58 တၭဆၧအကီၩ့အၥိၭ အလူၪအထုၪ့မွဲဂ့ၩ, အဎၩ့မွဲ ဂ့ၩ, ထီးဒၪဆၧလၧဆၧမၩဝ့ၫ လၧဆၧဖံၭလမံၩ့မံၩ့ မွဲ ဂ့ၩ,လၧနအၪ့ဆူၫဝၭနီၪ ဆၧကဲၪထၪ့အ့ၪစဲၪ့ထၪ့ခွံၬလၧ အလီၩ့တၭ, ဘၪအၪ့ဆူၫဝၭဝ့ၫနံၫဘျၩ့လဘျၩ့တၭ မိ ဆံၫ့ထၪ့ဝ့ၫလီၫ.
59 လၧဆၧအကီၩ့အၥိၭၥၭကလၭမွဲဂ့ၩ, ဆၧဘွၩမွဲဂ့ၩ, လၧလူၪအထုၪ့မွဲဂ့ၩ, အဎၩ့မွဲဂ့ၩ, လၧဆၧမၩဝ့ၫလၧ ဆၧဖံၭလမံၩ့မံၩ့မွဲဂ့ၩ, အနီၪမွဲဆၧၥနိၫဘၪဆဲၫ့ လၧ ဆၧဆၫအၧၩ့လၧအဖၧၩ့နီၪ, ဘဲၫၥိၭဆၧမိအီၪက့ၪဝ့ၫ လၧဆၧအဆံၫ့မွဲဂ့ၩ, လဆံၫ့ဘၪမွဲဂ့ၩလီၫ.