3
1 တၭလၧယုဒၫအစဎွၩစယဟီၡဖၭအနံၪ့ လဆံၫဎိၭ နံၪ့လနံၪ့နီၪ, စအၫဟၭအဖိၪခွၫစယဟိရၫ့ကဲၪၥၫ့စဎွၩ လၧအံၫစရ့လၭအဖၫ့ခိၪ လၧစမ့ရအၫအဖၧၩ့တၭ,ကဲၪ
2 စဎွၩလဆံၫနံၫနံၪ့လီၫ.- အဝ့ၫဒၪမၩဆၧအၧၩ့လၧယ ဟိဝၩအမ့ၬယၫလါနၫ့တၭ, မီၪ့ဎီၩ့လၧအမိအဖါအ့ၬ. အဂဲးဘဲၫယီၩ ၥုၭခွံၬဘၫအလၭ အဆၧဂၩ့ လၧအဖါ
3 တဲၩ့ဝ့ၫလီၫ.- မွဲလါနၫ့ဘဲၫနီၪတၭ, ဘုၭထၬအၥၭလၧ စနံဘၭအဖိၪခွၫ စယ့ၫရဘိအၫ့ အဆၧဒဲၩဘၭလၧအ ဒုၭမၩအံၫစရ့လၭ လၧဆၧဒဲၩဘၭတၭ, ခွံၬၡိၭခွံၬဝ့ၫအ့ၬ.
4 မိအၭအစဎွၩမ့ၡၫမွဲၥိၪအကဆါတၭ, ဖ့ၪလၫ့ၥိၪ ဖိၪလကုၬအီၪလၧအဆီၪ့လၧ အံၫစရ့လၭအစဎွၩလီၫ.
5 ထီးစအၫဟၭၥံၫဝ့ၫတၭ, ဆၧမၩအၥၭလၧမိအၭအ
6 စဎွၩပိၩ့ထၪ့အံၫစရ့လၭလီၫ.- တၭဆၧလၧမုလနံၩနီၪ စဎွၩယဟိရၫ့စဲၪ့ထၪ့ခွံၬ လၧစမ့ရအၫတၭ, ဝံထၪ့နၬ
7 ထၪ့အံၫစရ့လၭထီးအလူၬလီၫ.- လ့ၩဆၧတၭအၪ့မၧၫ့ လၩ့ဆၧလၧယုဒၫအစဎွၩ ယဟီၡဖၭအအီၪ,စံၭဝ့ၫဒၪ, မိအၭအစဎွၩပိၩ့ထၪ့ယူၭယၧၩယူၭ. မွဲနမိလ့ၩဆၧ လၧယၥိၭထၫ့ဒၩမိအၭလၧ ပမိဒုၭၥုၭအဂဲးဆ့ဧၪ.တၭ အဆၧစံၭဝ့ၫဒၪ, ယမိလ့ၩဆၧလီၫ. ယမွဲဘဲၫနၧၩအ ၥိၭ,ယၡၩခမျၧးဘဲၫနၡၩခမျၧးအၥိၭ, ယကၥ့ၪလဖၪ
8 ဘဲၫနကၥ့ၪလဖၪအၥိၭနီၪလီၫ.- တၭစံၭဝ့ၫဒၪ,ပမိဘၪ လ့ၩလၧဖၧၩ့ၥၭလဘီၩ့ဘီၩ့လဲၪ. တၭအဆၧစံၭဆၧၫ့
9 ဝ့ၫဒၪ,ဖၧၩ့ၥၭခၫ့ဂၬ အံဒၧၫ့အၡါမုနၧၫ့ဖၫနီၪလီၫ.- အံၫ စရ့လၭအစဎွၩလ့ၩဆၧ, ဒဲယုဒၫအစဎွၩ, ဒဲအံဒၧၫ့အ စဎွၩတၭ, လ့ၩဎဲၪ့ဆၧနွ့ၫနံၩဖၧၩ့ၥၭတၭ, လၧၦၥုၭမု ခမျၧးအဂး,ဒဲလၧဆၧဖိၪဆၧဎါအဒိၩ့ လၧအဖိၬအခဲၫ့ အဂးနီၪထံၫအီၪအ့ၬ.
10 တၭအံၫစရ့လၭအစဎွၩစံၭဝ့ၫဒၪ, အၩလါ,ယဟိ ဝၩကိၭကီၪ့စဎွၩၥၧၫ့ဂၩယီၩ ဘဲၫၥိၭအမိဖ့ၪလၫ့ခွံၬဝ့ၫ
11 လၧမိအၭအစူၪဖၧၩ့ဖီၩၬ- အ့ၪမွဲစယဟီၡဖၭ စံၭဝ့ၫ ဒၪ,ဘဲၫၥိၭပမိအၪ့စၪ့ယဟိဝၩတၭ, မွဲယဟိဝၩအမီၪ လဂၩဂၩလအီၪဘၪထီးယီၩဧၪ. အံၫစရ့လၭအစဎွၩ အခ့ၫအၡၩလဂၩစံၭဆၧၫ့ဆၧတၭစံၭဝ့ၫဒၪ, စၡ့ဖၭအ ဖိၪခွၫစအံၫလဲၡၫလၧအဂါလၩ့ထံၫ လၧစအံၫလဲယၫ
12 အစူၪလီၩ့လဂၩအီၪထီးယီၩလီၫ.- တၭစယဟီၡဖၭ စံၭဝ့ၫဒၪ, ယဟိဝၩအလူအီၪလၧအဝ့ၫလီၫ. တၭအံၫ စရ့လၭအစဎွၩ, ဒဲစယဟီၡဖၭ, ဒဲအံဒၧၫ့အစဎွၩလ့ၩ
13 ထၪ့လၧအအီၪလီၫ.- တၭစအံၫလဲၡၫစံၭ အံၫစရ့လၭ အစဎွၩ, ဆၧဘၪဆဲၫ့လၧနၧၩဒဲယၧၩမွဲဆၧနီၪ လမံၩ့ လဲၪ.လ့ၩလၧနဖါအမီၪလဖၪအအီၪ, ဒဲလၧနမိအမီၪ လဖၪအအီၪဆံၭ. တၭအံၫစရ့လၭအစဎွၩစံၭဝ့ၫ, မွဲ အ့ၬ.အဂဲးဘဲၫယီၩ ယဟိဝၩကိၭကီၪ့ၦၥၧၫ့ဂၩယီၩဘဲၫ
14 ၥိၭအမိဖ့ၪလၫ့ခွံၬဝ့ၫလၧ မိအၭအစူၪဖၧၩ့လီၫ.- စအံၫ လဲၡၫစံၭဝ့ၫဒၪ, ၦခမျၧးလၧအယဟိဝၩမၧၫ့ဝ့ၫလၧယ ဆၧၫ့ထုၪ့လၧအမ့ၬယၫနီၪ, မွဲမၬ,အ့ၪလမွဲဘၪလၧယ ယိမ့ၬယုဒၫအစဎွၩယဟီၡဖၭတၭ, ယယိဆၧလၧန
15 အီၪအ့ၬ. တၭယဒၪဘၪနၧၩဆ့အ့ၬ.- တၭဘိၩ့နဲၪ့ယီၩ ဂဲၫဆိၬန့ယၧၩၦဒံၩ့ဆၧဖိၪနးဂၩဆံၭး ထီးၦဒံၩ့ဆၧဖိၪ ဒံၩ့ဆၧအဘိၩ့ဘၭတၭ, ဆၧမၩအၥၭလၧယဟိဝၩအ
16 စူၪအီၪလၧအလီၩ့လီၫ.- တၭအဆၧစံၭဝ့ၫဒၪ, ယဟိ ဝၩစံၭဘဲၫယီၩ, လၧခိၪလီၩ့ဆူၭဖၧၩ့ယီၩ မၩထံၫကၠီၪ့
17 ထီးအဎံၩ့ဆံၭ.- အဂဲးဘဲၫယီၩယဟိဝၩစံၭဘဲၫယီၩ, နၥံၪလဒၪဘၪလံၩ, ဒဲဆၧဂဲၫဆၧၩ့လၩ့နီၪ, နၥံၪလဒၪ ဘၪလါနၫ့ဘိၩ, ဆၧဖၧၩ့ယီၩမိဎွ့ၩဝ့ၫ လၧထံၫဘဲၫၥိၭ နၥံၪမိအီၩဆၧ, နၥံၪဝ့ၫဒၪ, ဒဲနၥံၪအဆၧဖိၪဆၧဎါ,ဒဲန
18 ၥံၪအဆၧဖိၪဆၧဎါအဒိၩ့လဖၪလီၫ.- တၭဆၧယီၩမွဲ ဆၧဎွံၫလမံၩ့လၧယဟိဝၩအမ့ၬယၫလီၫ. မိဖ့ၪလၫ့ခွံၬ
19 ဆ့ၦမိအၭဖိၪလဖၪလၧနၥံၪအစူၪဖၧၩ့လီၫ.- နၥံၪမိဘၪ ကျီၪ့ခွံၬကယဲဒိၩ့အီၪ လၧအခိၪဒၧၩ့ဒဲကယဲဒိၩ့လၧ ဆၧရွံန့ဝ့ၫတၭ, မိဘၪခူၬလၩ့ခွံၬ ကယဲၥံၪ့လၧအဂ့ၩ တၭ,နၥံၪမိဘၪဆွံၫဘံၭ ကယဲထံၫထၪ့ဖျိၭ, ဒဲကယဲဂၪ့ ခိၪအဝၩ့ဂ့ၩမိဘၪမၩဂၭဂီၩ့လၧ လိးလဖၪလီၫ.
20 လၧမုဆဲၪ့ထၪ့နီၪ ထီးၦမၩဘိၪ့ဆၧမၩဘိၪ့ကိၪမုၬ အဘိၩ့ဘၭယိခွါ, ဆၧမၩအၥၭလၧထံၫဂဲၫလၧအံဒၧၫ့
21 အဖၧၩ့ၥၭတၭ, ခးဎွ့ၩဝ့ၫလၧထံၫလီၫ.- တၭထီးၦမိအၭ ဖိၪထီးအလူၬနါဂၧၫ့ လၧစဎွၩလဖၪဂဲၫဒုၭဆၧလၧအ ဝ့ၫၥံၪတၭ, ဒုၭအီၪကီၪ့ကယဲၦလၧအၥိၭထၪ့စူၪဝဲၩၥ့ၪ, ဒဲၦလၧအၥၭၡါနဲၪ့ဝ့ၫလဖၪ, ဆၧၫ့ထုၪ့လၧခးအနဲၩ့ထံၭ
22 နီၪလီၫ.- မုဆဲၪ့ထၪ့နီၪအဝ့ၫၥံၪဂဲထုၪ့ဂီၩဂီၩတၭ, မုအ ဂိးဆ့ၭဘၪထံၫဖံၭခိၪတၭ, ၦမိအၭဖိၪဒၪဘၪထံၫလၧဝါ
23 လခီၫဝီၩဝ့ၫဘဲၫဆၧၥွံၪအၥိၭနီၪလီၫ.- တၭစံၭဝ့ၫဒၪ, အယီၩမွဲဆၧၥွံၪလီၫ. စဎွၩလဖၪ ဘၪဆၧမၩၥံၫယူၭ ဝ့ၫတၡါတၭ, ကျီၪ့လိၬအၥၭယူၭတၭ, ဘိၩ့နဲၪ့ယီၩ,
24 မိအၭဧ့,ဂဲၫလၧဆၧအၪ့ဂူၬန့အအီၪဆံၭ.- အဝ့ၫၥံၪဂဲၫ ဝ့ၫလၧအံၫစရ့လၭ ၥုၪ့တဲၩအလးတၭ, ၦအံၫစရ့လၭ ဖိၪဂဲထုၪ့တၭ, ကျီၪ့ခွံၬၦမိအၭဖိၪတၭ, အဝ့ၫၥံၪစဲၪ့ဝ့ၫ လၧအမ့ၬယၫတၭ, ၦလဖၪနီၪကျီၪ့ခွံၬဆၧတၭ, လ့ၩ
25 ဆၧ,ဒဲဖ့ၬခွံၬၦမိအၭဖိၪဆီၪ့ဆီၪ့လ့ၬလီၫ.- တၭမၩလၩ့ ဎီးအဝ့ၫၥံၪအဒိၩ့လဖၪ, ဒဲလၧကယဲဂၪ့ခိၪအဝၩ့လၧအ ဂ့ၩအဖၫ့ခိၪနီၪလဂၩ ခွံၬလိးလဖျိၪ့လဂၩ ခွံၬလိးလဖျိၪ့ တၭ,မၩဎွ့ၩဝ့ၫလီၫ. အဝ့ၫၥံၪဆွံၫဘံၭထံၫထၪ့ဖျိၭထီး အလူၬတၭ, ခူၬလၩ့ခွံၬၥံၪ့အဂ့ၩထီးအလူၬလီၫ. အီၪ က့ၪလၩ့ထးဝ့ၫ ကၧၫဟၫရစ့ၭအခိၪဒၧၩ့း မွဲလါနၫ့ဘိၩ ၦခွံၬဖလီဖိၪလ့ၩဎဲၪ့ဆၧတၭခၭဝ့ၫလီၫ.
26 မိအၭအစဎွၩဒၪဘၪဝ့ၫလၧ ဆၧဒုၭၥုၭဆီၪ့လၨၪလၧ အဂးတၭ,မၩန့ၦၡၩနွ့ၫယၩလၧအထုၭထၪ့နၭ, ဘဲၫ ၥိၭအမိဘုၪ့ဖျီၫ့ဆၧလၧအံဒၧၫ့ အစဎွၩအအီၪတၭ,မၩ
27 ဝ့ၫၥ့ၪအ့ၬ.- ထီးနီၪလဖၧၫ့မၩန့အဖိၪဝဲၡါလၧအကြၨၭ ကဲၪစဎွၩလၧအလးတၭလုထၪ့ဝ့ၫ လၧဆၧလုမ့ၪလၧ ဒိၩ့ခိၪဒၧၩ့အဖၫ့ခိၪလီၫ. ဆၧၥၭခိထၪ့ဖၭဒိၪ အီၪလၧ အံၫစရ့လၭအကျၩနီၪတၭ, အဝ့ၫၥံၪစဲၪ့ထၪ့ခွံၬလၧအ အီၪတၭ,ထဲၩ့ထဲၩ့လၧအခးဒၪဝ့ၫနီၪလီၫ.