2
1 ထီးယဟိဝၩမိမၩန့ထၪ့ စအံၫလဲယၫလၧမူၭခိၪလၧ လံၩၥဝံၭအဖၧၩ့တၭ, ဆၧမၩအၥၭ လၧစအံၫလဲယၫ
2 ဒဲစအံၫလဲၡၫစဲၪ့ထၪ့ခွံၬ လၧဂံလဂၫလၭလီၫ.- တၭ စအံၫလဲယၫစံၭစအံၫလဲၡၫ, အီၪဒၪခလူၬထီးယီၩဆံၭ. အဂဲးဘဲၫယီၩ ယဟိဝၩအၪ့မၧၫ့လၩ့ယၧၩ လၧဘ့ၫၥ လၭလီၫ. တၭစအံၫလဲၡၫစံၭဝ့ၫဒၪ, ယဟိဝၩမၧၫ့ဝ့ၫ, ဒဲနၥၭမၧၫ့ဝ့ၫတၭ, ယလၩ့ဖၭလၧနၧၩအ့ၬ. တၭအဝ့ၫ
3 ၥံၪလ့ၩလၩ့လၧဘ့ၫၥလၭလီၫ.- မီၪအဖိၪခွၫလဖၪလၧ အအီၪလၧဘ့ၫၥလၭအဖၧၩ့နီၪ ဂဲၫလၧစအံၫလဲၡၫအ အီၪတၭ,စံၭဝ့ၫ, ယဟိဝၩမိမၩန့ခွံၬနကဆါ လၧနခိၪ လၧမုဆၫလနံၩယီၩ, မွဲနၥ့ၪယၫဆ့ဧၪ. တၭအဆၧစံၭ
4 ဝ့ၫဒၪ,ယၥ့ၪယၫလီၫ. အီၪလၩ့မါပံၭဆံၭ.- တၭစအံၫလဲ ယၫစံၭအဝ့ၫ, စအံၫလဲၡၫဧ့, အီၪဒၪခလူၬထီးယီၩဆံၭ. အဂဲးဘဲၫယီၩ ယဟိဝၩအၪ့မၧၫ့လၩ့ယၧၩ လၧယ့ၫရ ခိၫလီၫ. တၭအဆၧစံၭဝ့ၫဒၪ, ယဟိဝၩမၧၫ့ဝ့ၫ,ဒဲနၥၭ မၧၫ့ဝ့ၫနီၪယလၩ့ဖၭလၧနၧၩအ့ၬ. တၭအဝ့ၫၥံၪဂဲၫဝ့ၫ လၧယ့ၫရခိၫလီၫ.
5 မီၪအဖိၪခွၫၥံၪလၧအအီၪလၧ ယ့ၫရခိၫလဖၪ ဂဲၫ လၧစအံၫလဲၡၫအအီၪတၭ, စံၭဝ့ၫဒၪ,ယဟိဝၩမိမၩန့ ခွံၬနကဆါလၧနခိၪလၧမုဆၫလနံၩယီၩ, မွဲနၥ့ၪယၫဆ့ ဧၪးတၭအဆၧစံၭဝ့ၫဒၪ, ယၥ့ၪယၫလီၫ. အီၪလၩ့မါ
6 ပံၭဆံၭ.- တၭစအံၫလဲယၫစံၭဝ့ၫ, အီၪဒၪခလူၬထီး ယီၩဆံၭ. အဂဲးဘဲၫယီၩ ယဟိဝၩအၪ့မၧၫ့လၩ့ယၧၩ လၧယီၫဒၫ့လီၫ. တၭအဆၧစံၭဝ့ၫဒၪ, ယဟိဝၩ မၧၫ့ ဝ့ၫ,ဒဲနၥၭမၧၫ့ဝ့ၫနီၪ, ယလၩ့ဖၭလၧနၧၩအ့ၬ. တၭအဝ့ၫ
7 ၥံၪလ့ၩဆၧနံၫဂၩလူၬလီၫ.- ၦၡၩယဲဆံၫလၧမီၪၥံၪအ ဖိၪခွၫလဖၪအကျၩလ့ၩဝ့ၫတၭ, ဆၧၫ့ထုၪ့လၧအယဲၩ့ တၭယိဆၧလီၫ. တၭၦနံၫဂၩနီၪ ဆၧၫ့ထုၪ့လၧယီၫဒၫ့
8 အနဲၩ့လီၫ.- စအံၫလဲယၫမၩန့အၡၫ့တၭ, ထုၫထၪ့ဝ့ၫ တၭ,ထးထံၫတၭ, ထံၫနီၪလၩ့ဖၭဝ့ၫနံၫခီၫတၭ, အဝ့ၫ ၥံၪလ့ၩခၫ့ဂၬဆၧလၧခီၫ့နံၫဂၩလူၬလီၫ.
9 ထီးအဝ့ၫၥံၪ လ့ၩခၫ့ဂၬခွံၬတၭ, ဆၧမၩအၥၭလၧ စအံၫလဲယၫစံၭစအံၫလဲၡၫ, ဆၧလချႃၭမၩန့ထၪ့ခွံၬ ဒံၭဘၪယၧၩလၧနအီၪတၭ, အၪ့ကံၩ့ဆၧလၧယမိမၩ လၧနဂးဆံၭ. တၭစအံၫလဲၡၫစံၭဝ့ၫဒၪ, မွဲနၥၭနံၫစၩ
10 အီၪလါလၧယလီၩ့ဆံၭ.- တၭအဆၧစံၭဝ့ၫဒၪ, နအၪ့ ကံၩ့ဆၧကၪလမံၩ့လီၫ. ထီးဆၧမၩန့ထၪ့ခွံၬယၧၩလၧ နအီၪတၭ, နအ့ၪဒၪဘၪယၧၩတၭ, ဆၧမိမၩအၥၭလၧ နဂးဘဲၫနီၪလီၫ. အ့ၪလမွဲဘၪဘဲၫနီၪတၭ, ဆၧကဲၪထၪ့ လၧနဂးအ့ၬ.
11 တၭလၧအဝ့ၫၥံၪလ့ၩဆၧလၧယၫ, ဒဲချဲၩ့ဒုၪ့လိၬအ ၥၭအဘိၩ့ဘၭနီၪ,ယိခွါ, ဆၧမၩအၥၭလၧလဲၪ့မ့ၪဒဲက ၥ့ၪမ့ၪလဖၪ မၩလၩ့ဖၭအဝ့ၫၥံၪနံၫဂၩတၭ, စအံၫလဲ ယၫလ့ၩထၪ့လၧမူၭခိၪလၧလံၩၥဝံၭအဖၧၩ့လီၫ.
12 စအံၫလဲၡၫဒၪဘၪဝ့ၫတၭ, ကိၭထၪ့ဆၧ, ယဖါဧ့, ယဖါဧ့, အံၫစရ့လၭအလဲၪ့, ဒဲအကၥ့ၪလဖၪနီၪဘီၪၬ တၭဒၪဘၪလၧၩ့ဝ့ၫအ့ၬ. အဝ့ၫဖီၪ့အကီၩ့အၥိၭဒၪဝ့ၫ
13 တၭ,ၡၫ့ခွံၬဝ့ၫနံၫကဲၩ့လီၫ.- အၪ့မၩန့ထၪ့စအံၫလဲယၫ အဖၬဘဲၩ့လၧအလၩ့ထ့ၬခွံၬလၧအလီၩ့တၭ, ထဲၩ့က
14 ဒၩထဲၩ့တၭ, ဆၧၫ့ထုၪ့လၧယီၫဒၫ့အနဲၩ့လီၫ.- တၭမၩ န့စအံၫလဲယၫအဖၬဘဲၩ့လၧ အလၩ့ထ့ၬခွံၬလၧအလီၩ့ တၭ,ထးထံၫတၭ, စံၭဝ့ၫဒၪ, ယဟိဝၩစအံၫလဲယၫအ ယွၩနီၪ,မွဲအအီၪခီၫခီၫလဲၪး ထးထံၫဂီၩ့တၭ, ထံၫလၩ့ ဖၭဝ့ၫနံၫခီၫတၭ, စအံၫလဲၡၫခၫ့ဂၬဝ့ၫလီၫ.
15 ထီးမီၪအဖိၪခွၫလဖၪ အီၪလၧယ့ၫရခိၫဒၪဘၪတၭ, စံၭဝ့ၫဒၪ,စအံၫလဲယၫ အၥၭအီၪဝ့ၫလၧစအံၫလဲၡၫ အလီၩ့လီၫ. အဝ့ၫၥံၪဂဲၫအၪ့ဂၬဝ့ၫတၭ, ထွံၩလၩ့ဝ့ၫ
16 လၧအမ့ၬယၫလီၫ.- တၭအဝ့ၫၥံၪနီၪစံၭအဝ့ၫဒၪ,ယိခွါ, ၦၡၩအဆီၪ့ယဲဆံၫအီၪလၧနခ့ၫနၡၩလီၫ. ဒုၭလ့ၩလါ ဝ့ၫ,အၪ့ဎူၫအၪ့ဎၬနကဆါဆံၭ. ဘၪလဘၪယဟိဝၩ အၥၭမၩန့ထၪ့ဝ့ၫတၭ, လၧခိၪလီၩ့လဖျိၪ့ဖျိၪ့ဂ့ၩ,လၧ ခိၪလီၩ့ဆူၭလစီၪ့စီၪ့ဂ့ၩတၭ, ခွံၬလၩ့ဝ့ၫလီၫ. တၭအ
17 ဆၧစံၭဝ့ၫဒၪ, နၥံၪထီးအၪ့မၧၫ့လၩ့လဂ့ၩ.- အဝ့ၫၥံၪ ပဂၨၪထၪ့အခဲၫ့ထီးအမ့ၬမဲတၭ, အဆၧစံၭဝ့ၫဒၪ,အၪ့ မၧၫ့လၩ့ကဒၪဘီၪ. အဝ့ၫၥံၪအၪ့မၧၫ့လၩ့ၦယဲဆံၫတၭ,
18 ၦလဖၪနီၪအၪ့ဎၬဝ့ၫၥၧၫ့နံၩတၭ, ဒၪဘၪဝ့ၫအ့ၬ.- တၭ ဂဲၫထဲၩ့ဒီၭဝ့ၫလၧအအီၪလီၫ. အဂဲးဘဲၫယီၩ အဝ့ၫဒၪ အီၪဒံၭဝ့ၫလၧယ့ၫရခိၫအဖၧၩ့လီၫ. တၭအဆၧစံၭဝ့ၫ, ယစံၭနၥံၪလ့ၩလဂ့ၩနီၪ, မွဲအ့ၬဧၪ.
19 ဒိၩ့အၡၩၥံၪစံၭစအံၫလဲၡၫ, ယိခွါ,ဒိၩ့အလးယီၩ ဂ့ၩဝ့ၫ,ဘဲၫယကဆါဒၪဘၪအၥိၭ, အ့ၪမွဲထံၫနီၪအၧၩ့
20 ဝ့ၫဒၪတၭ, ဂၪ့ခိၪဒုၭမဲၪထၪ့ဆၧအ့ၬ.- အဝ့ၫဒၪစံၭ,ဂဲၫ ဆိၬန့ယၧၩလၧတခီးအၥၫ့နးဖျိၪ့တၭ, ဒုၭနုၬထံၫလၪ လၧအဖၧၩ့ဆံၭ. တၭအဝ့ၫၥံၪ ဂဲၫဆိၬဝ့ၫလၧအအီၪ
21 လီၫ.- အဝ့ၫဒၪလ့ၩထၪ့ဝ့ၫလၧထံၫထၪ့ဖျိၭအအီၪတၭ, ခွံၬလၩ့ထံၫလၪ လၧအဖၧၩ့တၭ, စံၭဝ့ၫဒၪ, ယဟိဝၩ စံၭဘဲၫယီၩ, ယမၩအွံၪထၪ့ထဲၩ့ယူၭထံၫယီၩယူၭ,ထီး ယီၩလၧယၫဆၧၥံၫ, ဒဲဆၧလဒုၭကဲၪထၪ့ဘၪဆၧနီၪ
22 အီၪလၧၩ့အ့ၬ.- တၭထံၫလဖၪနီၪအွံၪထၪ့ထဲၩ့ဝ့ၫထီး မုဆၫလနံၩယီၩဘဲၫစအံၫလဲၡၫအဆၧချဲၩ့ လၧအချဲၩ့
23 ဝ့ၫအၥိၭနီၪလီၫ.- အဝ့ၫဒၪလ့ၩထၪ့လၧဘ့ၫၥလၭတၭ, လ့ၩထၪ့လၧဖၧၩ့ၥၭအဘိၩ့ဘၭနီၪ, ဖိၪၥၪဆံၭလဖၪဂဲၫ ထၪ့လၧဒိၩ့ဖၧၩ့, ဒုၪဒွ့ၪဝ့ၫတၭ,စံၭဝ့ၫ, လ့ၩထၪ့ဘီၪ, ၦချၩခိၪဧ့း လ့ၩထၪ့ဘီၪ, ၦချၩခိၪဧ့း
24 အဝ့ၫဒၪထဲၩ့က ဒၩထဲၩ့တၭ, ယိဝ့ၫတၭ, ဆိၪအၧၩ့အဝ့ၫၥံၪလၧယဟိ ဝၩအမံၩ့လီၫ. ဖူၫထၫ့မိနံၫဒုၩဂဲၫထၪ့လၧၥံၪ့လစီၪ့အ ကျၩတၭ, ၡၫ့ခွံၬဖိၪၥၪလဖၪ လံဆံၫနံၫဂၩလၧအကျၩ
25 နီၪလီၫ.- အဝ့ၫဒၪစဲၪ့ထၪ့ခွံၬထီးနီၪ လ့ၩထီၩ့လၧခိၪလီၩ့ ကၫမလၭတၭ, စဲၪ့ထၪ့ခွံၬထီးနီၪ ထဲၩ့ထဲၩ့လၧစမ့ရ အၫလီၫ.