25
(၂ကွ့ၭ ၃၆;၉-ၥဝ).
1 တၭလၧအကဲၪစဎွၩ အနံၪ့ခွံၫနံၪ့လနံၪ့လၧလၩဆံၫ ဘံၪ့လဘံၪ့လၩထၪ့ဆံၫနံၩလနံၩနီၪ, ဆၧမၩအၥၭ လၧဘၭဘလၧၫ့အစဎွၩန့ၭဘူၫခၭန့ဇၫ ဂဲၫထၫ့ဒၩယ ရုစလံၫ့, အဝ့ၫဒၪဒဲအၡၩၥုၭမုခမျၧးထီးအလူၬတၭ, ၥုၪ့တဲၩထၫ့ဒၩဝ့ၫ, မၩထၪ့ထိၬလဖၪထၫ့ဒၩအီၪဖီၩ့ဝ့ၫ
2 ဝၬဝၬလီၫ.- တၭဒိၩ့နီၪဘၪဆၧဝၩ့ထၬဝ့ၫထီးအဘၪ
3 စဎွၩဇ့ၭဒကဲအၫအနံၪ့လဆံၫလနံၪ့နီၪလီၫ.- တၭလၩ ထၪ့ခွံၫနံၩလနံၩနီၪ ဆၧၥၭဝံလၩ့ဒိၩဆီၪ့ထၪ့ဝ့ၫလၧ ဒိၩ့ဖၧၩ့တၭ, ကိၪအီၪလၧခးအၡၩခမျၧးအဂးအ့ၬ.
4 ဒိၩ့နီၪဂၭဂီၩ့ဝ့ၫတၭ, ကယဲၦၥုၭဖိၪထီးအလူၬစဲၪ့ထၪ့ ခွံၬဝ့ၫလၧမုနၩလခီၫ လၧတရၫ့အဖၧၩ့ၥၭ လၧအအီၪ လၧဆၧခိၪဒၧၩ့နံၫစီၪ့ အဘိၩ့ဆၧၩ့လၧအအီၪဝ့ၫလၧ စဎွၩအကျိၭအနဲၩ့ထံၭနီၪလီၫ. တၭၦခၫလဒံအၫဖိၪ အီၪဝၬဖီၩ့ထၫ့ဒၩဒိၩ့နီၪတၭ, စဎွၩလ့ၩလၧဖၧၩ့ၥၭ
5 တီၩလၧဆၧပျၩ့ဖၧၩ့လခီၫလီၫ.- ၦခၫလဒံအၫဖိၪၥုၭမု ခမျၧးၥံၪလီၩ့ဆီးစဎွၩတၭ, ချႃၭန့ဝ့ၫလၧယ့ၫရခိၫအ ဆၧပျၩ့ဖၧၩ့တၭ, အၡၩၥုၭမုခမျၧးထီးအလူၬနီၪလၩ့
6 ပြံၩလၩ့ပၩခွံၬလၧအဝ့ၫလီၫ.- အဝ့ၫၥံၪဖီၪ့န့စဎွၩဂဲၫ ထဲၩ့ဆိၬဝ့ၫလၧဘၭဘလၧၫ့ အစဎွၩအအီၪလၧရံၭ
7 ဘျၫအဖၧၩ့တၭ,အဝ့ၫၥံၪစ့ၩရၫ့အဝ့ၫလီၫ.- အဝ့ၫၥံၪမၩ ၥံၫစဇ့ၭဒကဲအၫအဖိၪခွၫ လဖၪလၧအမ့ၬယၫတၭ,အီၩ့ ခွ့ၭထၪ့ခွံၬစဇ့ၭဒကဲအၫအမ့ၬၥၪတၭ, စၧၩ့ထၬဝ့ၫလၧ ၥွ့ၫထၭထီးဘၩ့တၭ, ဆိၬန့အဝ့ၫထီၩ့လၧဘၭဘလၧၫ့ နီၪလီၫ.
(ယ့ၫ ၅၂:ၥ၂-၃၃).
8 လၩယဲဘံၪ့လဘံၪ့လၩထၪ့ နွ့ၫနံၩလနံၩနီၪ,လၧအ မွဲဘၭဘလၧၫ့အစဎွၩန့ၭဘူၫခၫန့ဇၫ, အနံၪ့ထၪ့လဆံၫ ခွံၫနံၪ့လနံၪ့နီၪ, ဘၭဘလၧၫ့အစဎွၩ အခ့ၫအၡၩ,ၦပၧၩ့ ဆၧအခိၪစန့ၭဘူၫဇၫရဒၫ့ဂဲၫဝ့ၫ လၧယရုစလံၫ့အဖၧၩ့
9 လီၫ.- အဝ့ၫဒၪဆူၭထၪ့ခွံၬယဟိဝၩအဂံၪ့, ဒဲစဎွၩအ ဂံၪ့လၧယရုစလံၫ့အဖၧၩ့ ထီးအလူၬတၭ, ကယဲၦအဒိၪ
10 ထီးအလူၬအဂံၪ့နီၪဆူၭထၪ့ခွံၬဝ့ၫလၧမ့ၪလီၫ.- တၭၦ ခၫလဒံအၫဖိၪအၡၩၥုၭမုထီးအလူၬ လၧအအီၪဝ့ၫလၧ ၦခိၭဆၧအခိၪနီၪ, မၩလၩ့ဎီးခွံၬယရုစလံၫ့အခိၪဒၧၩ့
11 ဝၬဖီၩ့ဝ့ၫလီၫ.- ၦခမျၧးလၧအအီၪ လၩ့ထးလၧဒိၩ့ ဖၧၩ့,ဒဲၦစဲၪ့ဖျိၭလဖၪလၧအစဲၪ့ဒၪဆၧလၧဘၭဘလၧၫ့ အစဎွၩအအီၪ ဒဲၦခမျၧးအဆၧအီၪလၩ့ထးနီၪ ၦပၧၩ့ ဆၧအခိၪစန့ၭဘူၫဇၫရဒၫ့ ဆိၬအၪ့မၧၫ့ ဎီးဝ့ၫလီၫ.
12 အ့ၪမွဲၦခးဖိၪအၡၪ့အယၬ လဖၪနီၪၦခိၭဆၧအခိၪအီၪ လၩ့ထးဝ့ၫဘဲၫၥိၭအမိကဲၪထၪ့ ၦမၩစဘံၭအလး,ဒဲၦ မၩကၩလၧဂၪ့ခိၪနီၪလီၫ.
13 တၭထုၪ့ထီးဘၩ့လဖၪ လၧအအီၪလၧယဟိဝၩအ ဂံၪ့ဖၧၩ့,ဒဲဆၧအခၪ့လဖၪ, ဒဲကမၫထီးဘၩ့လၧအအီၪ ဝ့ၫလၧယဟိဝၩအဂံၪ့ဖၧၩ့နီၪ, ၦခၫလဒံအၫဖိၪမၩခါ ခွံၬဝ့ၫတၭ, ဆိၬန့ခွံၬထီးဘၩ့လၧဘၭဘလၧၫ့နီၪလီၫ.
14 တၭဖၧၩ့ၥံၪ, ဒဲဎ့ၬချီၩ့ၥံၪ, ဒဲထၭထံၬမ့ၪၥံၪ, ဒဲနိၪထိၩ့ ၥံၪ,ဒဲကယဲဆၧအဎၧၩ့အဎီ ထီးဘၩ့လၧၦမၩဆၧလၧ
15 အဝ့ၫထီးအလူၬနီၪ အဝ့ၫၥံၪဆိၬန့ခွံၬဝ့ၫလီၫ.- တၭ ဖၧၩ့မ့ၪၥံၪ,ဒဲထွ့ၫၥံၪ ဒဲဆၧလၧၦမၩလၧထီၫ့မွဲထီၫ့,ဒဲ
16 လၧစ့ၩမွဲစ့ၩ, ၦခိၭဆၧအခိၪဆိၬန့ခွံၬဝ့ၫလီၫ.- ထုၪ့နံၫ ထုၪ့,ဒဲကမၫနီၪ ဒဲဆၧအခၪ့ၥံၪလၧစစီလမၧၫ့မၩကဲၪ ထၪ့ဝ့ၫလၧယဟိဝၩအဂံၪ့အဂးနီၪ, ဆၧထီးအလူၬအ
17 ထီးဘၩ့အလယၧးအီၪအ့ၬ.- ထုၪ့လထုၪ့အထီၫမွဲလ ဆံၫဎိၭဖျါတၭ, အခိၪစီၪ့လၧအဖၫ့ခိၪမွဲထီးဘၩ့, အခိၪ အထီၫမွဲၥၧၫ့ဖျါ, ဒဲဆၧၥံၪအၥၭ, ဒဲၥလဲၩၥၪလၧအခိၪ ဝၬဖီၩ့ဝ့ၫနီၪ, မွဲထီးဘၩ့ထီးအလူၬလီၫ. တၭဘဲၫအဝ့ၫ ၥံၪအၥိၭနီၪ ထုၪ့နံၫထုၪ့ လထုၪ့ဒၪနီၪအီၪလၧဆၧၥံၪ အၥၭလီၫ.
(ယ့ၫ ၅၂;၂၄-၂၇).
18 တၭၦခိၭဆၧအခိၪ မၩန့ၦလုဆၧအခိၪ စစံၫရအဲ အၫ,ဒဲၦလုဆၧနံၫဂၩလဂၩစဇ့ၭဖနဲအၫ, ဒဲၦပၧၩ့တ
19 ရၫ့ၥၧၫ့ဂၩလီၫ.- တၭလၧဒိၩ့ဖၧၩ့နီၪအဝ့ၫမၩန့ၦဒိၪ လဂၩလၧအအီၪဝ့ၫ လၧၦၥုၭဖိၪအဖၫ့ခိၪ, ဒဲၦယဲဂၩ လၧအအီၪဒၪအဆၧလၧစဎွၩ အမ့ၬယၫလၧအဒၪန့ဝ့ၫ လၧဒိၩ့ဖၧၩ့တၭ, ၦၥုၭမုခမျၧးအၡၩ ၦကွ့ၭလံၬအခိၪ လၧအဒုၭအီၪကီၪ့ခးၥံၪအၡၩခမျၧး, ဒဲၦဎူၫဆံၫလၧခး
20 အၡၩခမျၧးအကျၩလၧအဒၪန့ဝ့ၫလၧဒိၩ့ဖၧၩ့လီၫ.- ၦ ခိၭဆၧအခိၪစန့ၭဘူၫဇၫရဒၫ့ မၩန့အဝ့ၫၥံၪနီၪတၭ,ဂဲၫ ဆိၬဝ့ၫလၧဘၭဘလၧၫ့အစဎွၩအအီၪ လၧရံၭဘျၫအ
21 ဖၧၩ့နီၪလီၫ.- ဘၭဘလၧၫ့အစဎွၩကျီၪ့ခွံၬဝ့ၫတၭ, မၩ ၥံၫဝ့ၫလၧရံၭဘျၫအီၪလၧခးဟၫမၭ အဖၧၩ့နီၪလီၫ. ယုဒၫဘၪဆၧဆိၬထၪ့ခွံၬဝ့ၫ လၧအထံၫအခးဒၪဝ့ၫဘဲၫ နီၪၥိၭလီၫ.
(ယ့ၫ ၄ဝ;၇-၉;၄ၥ:ၥ-၃).
22 ၦခမျၧးလၧအအီၪလၩ့ထး လၧခးယုဒၫအဖၧၩ့လၧ ဘၭဘလၧၫ့အစဎွၩ န့ၭဘူၫခၭန့ဇၫ အီၪက့ၪလၩ့ထး ဝ့ၫနီၪ,အဝ့ၫဒၪအီၪက့ၪစၡၫဖၫ့အဖိၪခွၫ စအဟဲကၫ့အ ဖိၪခွၫ,စဂ့ၭဒလဲအၫလၧအခိၪ လၧၦၡၩလဖၪနီၪအဖၫ့ ခိၪလီၫ.
23 ထီးၦၥုၭမုခမျၧးအခိၪထီးအလူၬလဖၪနီၪ, အဝ့ၫၥံၪ ဒဲအၡၩလဖၪနါဂၧၫ့ဝ့ၫလၧဘၭဘလၧၫ့ အစဎွၩအီၪ က့ၪစဂ့ၭဒလဲအၫလၧဆၧအခိၪတၭ, ၦဂဲၫလၧစဂ့ၭဒလဲ အၫအအီၪလၧမံဇပၫအဖၧၩ့ လၧန့ၭၥနဲအၫအဖိၪခွၫ စအံၫၡမၫအ့လၭ, ဒဲစကရံအၫအဖိၪခွၫစယိၫဟၫနၫ့, ဒဲၦနတီၭဖၥဲၭဖိၪ, စတၫ့ဟုမ့ၭအဖိၪခွၫစစံၫရအဲအၫ, ဒဲၦမၫအကၭဖိၪလဂၩအဖိၪခွၫ စယအၭဇနဲအၫ အ
24 ဝ့ၫၥံၪဒဲအၡၩၥံၪလီၫ.- တၭစဂ့ၭဒလဲအၫဆိၪလၩ့အ ၥၭလၧအဝ့ၫၥံၪဒဲအၡၩၥံၪတၭ, စံၭဝ့ၫ,နၥံၪကဲၪထၪ့ၦ ခၫလဒံအၫဖိၪအခ့ၫအၡၩနီၪ အၪ့ယိၪလဂ့ၩ, အီၪလၧ ခးဖၧၩ့,ဒဲမၩဘၭဘလၧၫ့အစဎွၩ အဆၧမၩဆံၭ.တၭ
25 နၥံၪမိဘီၪထၪ့ယီၫထၪ့လီၫ.- အ့ၪမွဲလၧလၩနွ့ၫဘံၪ့လ ဘံၪ့အဖၧၩ့နီၪစဎွၩအချံၫအၥၪ စအံၫလံၭၡမၫအဖိၪ ခွၫစန့ၭၥနဲအၫအဖိၪခွၫစအံၫၡမၫအ့လၭ, ဂဲၫဝ့ၫတၭ, ၦဆံၫဂၩအီၪလၧအၥိၭ, ကျီၪ့ခွံၬစဂ့ၭဒလဲအၫတၭ,အ ဆၧၥံၫဝ့ၫ,ဒဲၦယုဒၫဖိၪ, ဒဲၦခၫလဒံအၫဖိၪလၧအအီၪ
26 လၧအၥိၭလၧမံဇပၫအဖၧၩ့လီၫ.- ၦခမျၧးထီးအလူၬ, ဒဲဒိၪဒဲဆံၭ ဒဲၦၥုၭမုခမျၧးအခိၪလဖၪဂဲထုၪ့တၭ, လ့ၩ လၧအံဇံၭအဖၧၩ့လီၫ. အဂဲးဘဲၫယီၩအဝ့ၫၥံၪၥၭမဲၪၦ ခၫလဒံအၫဖိၪလီၫ.
27 လၧယုဒၫအစဎွၩ ယဟီအခံၫ့ ကဲၪဎီးၥၧၫ့ဆံၫနွ့ၫနံၪ့ လနံၪ့အဖၧၩ့နီၪလၩလဆံၫနံၫဘံၪ့လဘံၪ့, လၩထၪ့နံၫ ဆံၫနွ့ၫနံၩလနံၩနီၪ, ဆၧမၩအၥၭလၧဘၭဘလၧၫ့အစ ဎွၩစအံဝ့ၫမရီဒၭကဲၪၥၫ့စဎွၩလနံၪ့နီၪတၭ, ဘိၭထၪ့ ယုဒၫအစဎွၩ ယဟီအခံၫ့အခိၪဎွံၪထုၭထၪ့ခွံၬဝ့ၫလၧ
28 ထီၫ့ဖၧၩ့လီၫ.- ချဲၩ့ဆၧမုၬမုၬလၧအဝ့ၫတၭ, အီၪက့ၪ အလးဆီၩ့ဆီထီၫနဲၪ့စဎွၩလဖၪအလးဆီၩ့ဆီလၧအ
29 အီၪလၧအၥိၭလၧဘၭဘလၧၫ့အဖၧၩ့နီၪလီၫ.- တၭ အၪ့လဲၩခွံၬအထီၫ့အဆၧကီၩ့ဆၧၥိၭတၭ, အဆၧအၪ့
30 ကိၪလၧအမ့ၬယၫလထံၪဎး လဆိၩဒၪအၥၭလီၫ.- တၭ အဆၧအၪ့နၩ့ဖၭနီၪ မွဲဆၧဖ့ၪလၫ့လၧစဎွၩဖ့ၪလၫ့ဝ့ၫ လထံၪဎး, ဆၧလၧလနံၩအဂးလနံၩအဂး လဆိၩဒၪ အၥၭလီၫ.