24
1 လၧအဝ့ၫဒၪအမုနံၩလဖၪ အထးဖၧၩ့နီၪဘၭဘ လၧၫ့ အစဎွၩန့ၭဘူၫခၫန့ဇၫဂဲၫထၪ့တၭ, စယဟီအကံၫ့ ကဲၪ ထၪ့အခ့ၫအၡၩၥၧၫ့နံၪ့တၭ, ထီးနီၪလဖၧၫ့, ကၠၪခွံၬ
2 အၥၭပိၩ့ထၪ့ဝ့ၫလီၫ.- တၭယဟိဝၩအၪ့မၧၫ့ဆၧလ့ၩ ထၫ့ ဒၩအဝ့ၫနီၪ, မွဲၦခၫလဒံအၫဖိၪအဒီၪ့လဖၪ, ဒဲၦစံ ရအၫ ဖိၪအဒီၪ့လဖၪ, ဒဲၦမိအၭဖိၪအဒီၪ့လဖၪ, ဒဲၦအၫမၧၫ့ဖိၪ အဒီၪ့လဖၪတၭ, ဆၧအၪ့မၧၫ့လၩ့အ ဝ့ၫၥံၪ ထၫ့ဒၩယု ဒၫဘဲၫၥိၭအမိမၩဂၭဂီၩ့ဝ့ၫ, ဘဲၫ ယဟိဝၩအလူအထၫ လၧအချဲၩ့ဝ့ၫလၧအခ့ၫအၡၩ
3 မီၪၥံၪအစူၪဖၧၩ့အၥိၭနီၪလီၫ.- မွဲမၬ, ဆၧဂဲၫဘၪယုဒၫ လၧယဟိဝၩအဆၧမၪ လူၬဘဲၫၥိၭအမိၥုၭခွံၬဝ့ၫလၧ အမ့ၬယၫလၧစမနၭစ့ၫ အဆၧဒဲၩဘၭအကၠီၩ့ ဘဲၫ
4 ကယဲဆၧလၧအမၩဝ့ၫအၥိၭနီၪ,- ဒဲလၧဆၧၥွံၪ လၧ ဆၧဒဲၩဘၭလအီၪဘၪလၧ အလူၫလၩ့ဝ့ၫ လၧယဟိ ဝၩလဖျါခွံၬဘၪဝ့ၫ အကၠီၩ့နီၪလီၫ. အဂဲးဘဲၫယီၩ အ ဝ့ၫဒၪမၩဎွ့ၩထၪ့ ယရုစလံၫ့ လၧဆၧၥွံၪလၧဆၧဒဲၩဘၭ လအီၪဘၪနီၪလီၫ.
5 ဆၧအီၪလၩ့ထးဘၪဆဲၫ့လၧ စယဟီအကံၫ့,ဒဲကယဲ ဆၧလၧအမၩဝ့ၫ ထီးအလူၬနီၪကွ့ၭအၥၭ လၧယုဒၫ
6 အစဎွၩအလံၬကွ့ၭနဲၪ့ဆၧအဖၧၩ့နီၪ, မွဲအ့ၬဧၪ.- စယ ဟီအကံၫ့,မံၫဝ့ၫလၧအဖါၥံၪအၥိၭတၭ, အဖိၪခွၫစယ ဟီအခံၫ့ကဲၪထၪ့စဎွၩလၧအလးလီၫ.
7 တၭအံဇံၭအစဎွၩ စဲၪ့ထၪ့ခွံၬလၧၩ့လၧအခးဒၪဝ့ၫ အဖၧၩ့အ့ၬ. အဂဲးဘဲၫယီၩဘၭဘလၧၫ့အစဎွၩမၩန့ ကယဲဆၧဘၪဆဲၫ့ လၧအံဇံၭအစဎွၩ ပၧၩ့ဝ့ၫနီၪ, လၧ အံဇံၭအထံၫမိၡါ ထီၩ့လၧယုၫဖ့ထံၫ အထံၫမိၡါနီၪ လီၫ.
(၂ကွ့ၭ ၃၆;၉-ၥဝ).
8 လၧစယဟီအခံၫ့ကဲၪၥၫ့စဎွၩနီၪ အၥၭအီၪလဆံၫ ဎိၭနံၪ့တၭ,ကဲၪစဎွၩလၩၥၧၫ့ဘံၪ့ လၧယရုစလံၫ့အဖၧၩ့ တၭ,အမိအမံၩ့မွဲနးနံၫဟုၡတၫ, စအ့လနၫၥၫ့အဖိၪ
9 မုၪလၧယရုစလံၫ့လီၫ.- အဝ့ၫဒၪမၩဆၧအၧၩ့လၧယ ဟိဝၩအမ့ၬယၫ ဘဲၫကယဲဆၧလၧအဖါမၩဝ့ၫအၥိၭနီၪ လီၫ.
10 အဆၧၫ့အထီထီးနီၪဘၭဘလၧၫ့ အစဎွၩန့ၭဘူၫခၭ န့ဇၫအခ့ၫအၡၩဂဲၫထၫ့ဒၩ ယရုစလံၫ့တၭ,ဒိၩ့ဘၪဆၧ
11 ဝၩ့ထၬဝ့ၫလီၫ.- ဘၭဘလၧၫ့အစဎွၩန့ၭဘူၫခၭန့ဇၫဂဲၫ
12 ထၫ့ဒၩဒိၩ့တၭ, အခ့ၫအၡၩဝၩ့ထၬဝ့ၫလီၫ.- တၭယုဒၫ အစဎွၩယဟီအခံၫ့ဂဲၫထၪ့ လၧဘၭဘလၧၫ့အစဎွၩအ အီၪ,အဝ့ၫဒၪအမိ, ဒဲအခ့ၫအၡၩလဖၪ, ဒဲအၦဒိၪဖၭဒိၪ လဖၪ,ဒဲအၦဒိၪလဖၪတၭ, လၧအကဲၪစဎွၩဎိၭနံၪ့လ
13 နံၪ့နီၪဘၭဘလၧၫ့အစဎွၩ မၩန့ဝ့ၫလီၫ.- ဆိၬန့ခွံၬထီး နီၪကယဲဆၧလူဒိၪဎွ့ၩဒိၪ လၧယဟိဝၩအဂံၪ့ဖၧၩ့,ဒဲ ဆၧလူဒိၪဎွ့ၩဒိၪလၧစဎွၩအဂံၪ့ဖၧၩ့တၭ, ဒၪ့ဘျ့ၭခွံၬ ကယဲဆၧအထွ့ၫထီၫ့လဖၪ လၧအံၫစရ့လၭ အစဎွၩ စီလမၧၫ့မၩကဲၪထၪ့ဝ့ၫ လၧယဟိဝၩအနီးဖၧၩ့, ဘဲၫ
14 ယဟိဝၩစံၭဝ့ၫအၥိၭနီၪလီၫ.- တၭဆိၬထၪ့ခွံၬအၪ့ မၧၫ့ဎီးယရုစလံၫ့ဖိၪ ထီးအလူၬ, ဒဲၦအဆီၪ့ၦၥုၭဖိၪ ထီးအလူၬ, ၦကဲၪဎီးလလၬ, ဒဲကယဲၦမၩဆၧၥ့ၪ,ဒဲၦ ထမၬၥံၪထီးအလူၬလီၫ. လၧခးအၡၩ ခမျၧးအကျၩ နီၪ,အီၪလၩ့ထးန့ၫၦၡၪ့ဖိၪယၬဖိၪလီၫ.
15 အဝ့ၫဒၪဆိၬထၪ့ခွံၬ စယဟီအခံၫ့ထီၩ့ လၧဘၭဘ လၧၫ့,ဒဲစဎွၩအမိ, ဒဲစဎွၩအမၫလဖၪ, ဒဲၦဒိၪလဖၪ,ဒဲ ထံၫၥံၪခးၥံၪအၡၩဆီၪ့လဖၪလီၫ. ဆိၬထၪ့ခွံၬဝ့ၫလၧ ယရုစလံၫ့ထီၩ့လၧဘၭဘလၧၫ့တၭ, အၪ့မၧၫ့ဎီးဝ့ၫဒၪ
16 လီၫ.- ကယဲၦၥထံၫနွ့ၫထီၫ့,ဒဲၦမၩဆၧၥ့ၪ,ဒဲၦထမၬၥံၪ လထီၫ့,ကယဲၦလၧအအီၪဆီၪ့ ၦၥုၭဖိၪထီးအလူၬနီၪ ဘၭဘလၧၫ့ အစဎွၩဂဲၫဆိၬအၪ့မၧၫ့ဎီး လၧဘၭဘ
17 လၧၫ့နီၪလီၫ.- တၭဘၭဘလၧၫ့ အစဎွၩဒုၭကဲၪအဖါ အထၧၫ့ဖုဝဲစမၭတနဲအၫလၧ စဎွၩလၧအလးတၭ,ဖျိၬ ဝ့ၫအမံၩ့အၥၫ့ လၧစဇ့ၭဒကဲအၫလီၫ.
(၂ကွ့ၭ ၃၆:ၥၥ-ၥ၂, ယ့ၫ ၥ-၃).
18 လၧစဇ့ၭဒကဲ အၫကဲၪထၪ့ၥၫ့စဎွၩနီၪ အၥၭအီၪ နံၫဆံၫလနံၪ့တၭ, ကဲၪစဎွၩလၧယရုစလံၫ့အဖၧၩ့ လ ဆံၫလနံၪ့တၭ,အမိအမံၩ့မွဲနးဟၫမုတလၭ, မွဲစယ့ၫ
19 ရမဲအၫလၧလံၭဘနၫအဖိၪမုၪလီၫ.- အဝ့ၫဒၪမၩဆၧအၧၩ့ လၧယဟိဝၩအမ့ၬယၫ,ဘဲၫကယဲဆၧလၧ စယဟီအခံၫ့
20 မၩဝ့ၫအၥိၭနီၪလီၫ.- အဂဲးဘဲၫယီၩ လၧယဟိဝၩ အၥၭထၪ့အကၠီၩ့ နီၪဆၧမၩအၥၭလၧယရုစလံၫ့, ဒဲလၧယုဒၫအဖၧၩ့ထီး အနၫ့ထၪ့ခွံၬအဝ့ၫၥံၪ လၧအမ့ၬ ယၫတၭ, စဇ့ၭဒကဲအၫပိၩ့ထၪ့ဘၭဘလၧၫ့အစဎွၩနီၪ လီၫ.