8
1 တၭယဟိဝၩစံၭစယီရှုၫအ့ၫ, ထီးၥၭမဲၪဆၧလဂ့ၩ, အၪ့ယိၪဆၧလဂ့ၩ, မၩန့ၦၥုၭဖိၪထီးအလူၬ လၧနၥိၭ တၭ, ဂဲထုၪ့လ့ၩလၧဟဲၫနီၪဆံၭ, ယိခွါ,ယဖ့ၪလၫ့ဟဲၫ အစဎွၩ, ဒဲအၡၩခမျၧး, ဒဲအဒိၩ့, ဒဲအထံၫအခးလၧန
2 စူၪဖၧၩ့လီၫ.- နမိဘၪမၩဟဲၫဒဲအစဎွၩ, ဘဲၫနမၩယ့ၫ ရခိၫဒဲအစဎွၩအၥိၭနီၪလီၫ. အ့ၪမွဲအဆၧဖိၪဆၧလံၩ ဒဲအဆၧဖိၪဆၧဎါအဒိၩ့လဖၪနီၪ နၥံၪမိမၩန့ဘၪဆၧ အၪ့ဂူၬန့ လၧနၥံၪအဂး ဒၪနၥံၪဝ့ၫလီၫ. အီၪက့ၪနဝ့ၫ လၧၦခိၭၥူၪဆၧ လၧအထၫ့ဒၩဒိၩ့နီၪ လၧအချိၫ့လခီၫ ဆံၭ.
3 စယီရှုၫအ့ၫဂဲထုၪ့, ဒဲၦၥုၭဖိၪထီးအလူၬဘဲၫၥိၭအမိ လ့ၩထၪ့ထၫ့ဒၩဟဲၫတၭ, စယီရှုၫအ့ၫရွံန့ၦၥုၭဖိၪၦအ
4 ဆီၪ့ၥၧၫ့လၬတၭ,- အၪ့မၧၫ့လၩ့အဝ့ၫၥံၪ လၧမုနၩလ ခီၫတၭမၪလူၬအဝ့ၫၥံၪတၭ, စံၭဝ့ၫဒၪ, ယိခွါ,နၥံၪမိ ဘၪအီၪခိၭၥူၪလၧဒိၩ့အနဲၩ့ထံၭ, ဒဲလၧအချိၫ့လခီၫနီၪ လီၫ. လ့ၩဆၧယဲၩ့လၧဒိၩ့နီၪလဂ့ၩတၭ, အီၪတဲၩ့ဝဲၩ နၥံၪအၥၭထီးအလူၬဆံၭ.
5 ယဝ့ၫဒၪဒဲကယဲၦလၧအအီၪ လၧယၥိၭထီးအလူၬ မိၥုၭဘူၭပၥၭလၧဒိၩ့တၭ, ဆၧမိမၩအၥၭထီးအဝ့ၫၥံၪ ဂဲၫထၪ့ထၫ့ဒၩပၧၩဘဲၫလၧ အၥၫ့အၥိၭတၭ, ပမိစဲၪ့လၧ
6 အမ့ၬယၫ,- (အဂဲးဘဲၫယီၩအဝ့ၫၥံၪမိဂဲၫဆီးပၧၩ) ထီးပထုၭထၪ့ခွံၬအဝ့ၫၥံၪ လၧဒိၩ့အဖၧၩ့နီၪလီၫ. အဂဲး ဘဲၫယီၩအဝ့ၫၥံၪမိစံၭဝ့ၫ, ၦလဖၪနီၪစဲၪ့လၧပမ့ၬယၫ ဘဲၫလၧအခၪ့ထံၭအၥိၭနီၪတၭ, ပမိစဲၪ့လၧအမ့ၬယၫ
7 ဆ့လီၫ.- ထီးနီၪလဖၧၫ့နၥံၪဘၪဂဲထုၪ့လၧဆၧအီၪခိၭ ၥူၪအလးဖၧၩ့တၭ, မၩန့ဆီၪ့ဒိၩ့နီၪလီၫ. အဂဲးဘဲၫ
8 ယီၩယဟိဝၩနၥံၪအယွၩ မိဖ့ၪလၫ့ခွံၬဝ့ၫလၧနၥံၪအစူၪ ဖၧၩ့လီၫ.- ထီးနၥံၪအ့ၪမၩန့ဒိၩ့ဂီၩ့တၭ, ဆၧမိမၩအၥၭ လၧနၥံၪမိဘၪဆူၭထၪ့ခွံၬ ဒိၩ့လၧမ့ၪလီၫ. ဘဲၫယဟိ ဝၩအဆၧမၪလူၬအၥိၭနီၪ, နၥံၪမိဘၪမၩလီၫ. ယိခွါ,
9 ယမၪလူၬယူၭနၥံၪယူၭ.- မၩအၥၭဘဲၫနီၪတၭ, စယီ ရှုၫအ့ၫအၪ့မၧၫ့လၩ့အဝ့ၫၥံၪတၭ, ၦလဖၪနီၪလ့ၩအီၪ ဝ့ၫလၧဆၧအီၪခိၭၥူၪအလးတၭ, အီၪဝ့ၫလၧဘ့ၫၥလၭ ဒဲဟဲၫအဘိၩ့ဆၧၩ့ လၧဟဲၫအမုနုၬလခီၫလီၫ. အ့ၪမွဲ စယီရှုၫအ့ၫအီၪဝ့ၫၥၫ့နၩချီၩ့ လၧမုနၩလနၩနီၪ လၧၦ ခမျၧးအကျၩလီၫ.
10 တၭဆၧဖၩ့ထၪ့နီၪ စယီရှုၫအ့ၫဂဲထုၪ့ဂီၩဂီၩလ့ၬတၭ, ဝံထၪ့နၬထၪ့ၦခမျၧးတၭ, လ့ၩထၪ့ဝ့ၫ, အဝ့ၫဒၪဒဲၦအံၫ စရ့လၭဖိၪအၥုၪ့က့ၭၥၭၡါ လၧၦဟဲၫဖိၪအမ့ၬယၫလီၫ.
11 တၭၦခမျၧးထီးအလူၬ, ၦၥုၭဖိၪလၧအအီၪလၧအၥိၭ လ့ၩထၪ့, ဒဲၥုၭဘူၭအၥၭတၭ, လ့ၩထီၩ့လၧဒိၩ့အမ့ၬ ယၫတၭ, အီၪပထုၬဝ့ၫလၧဟဲၫအမုဖၩလခီၫလီၫ. တၭ လၧအဝ့ၫၥံၪဒဲဟဲၫအဘိၩ့ဆၧၩ့နီၪ ခိၪလီၩ့ဆူၭအီၪဝ့ၫ
12 လီၫ.- အဝ့ၫဒၪမၩန့ၦယဲထီၫ့တၭ, အီၪက့ၪလၩ့ဝ့ၫဘဲၫ ၥိၭအမိအီၪခိၭၥူၪဆၧလၧဘ့ၫၥလၭ ဒဲဟဲၫအဘိၩ့ဆၧၩ့
13 လၧဒိၩ့အမုနုၬလခီၫလီၫ.- တၭအီၪက့ၪလၩ့ၦခမျၧး, ၦၥုၭမုထီးအလူၬလၧအအီၪလၧဒိၩ့ အမုဖၩလခီၫဒဲၦ အီၪခိၭၥူၪလၧဒိၩ့အမုနုၬလခီၫလီၫ. တၭစယီရှုၫအ့ၫ လ့ၩဝ့ၫလၧမုနၩလနၩနီၪ လၧခိၪလီၩ့ဆူၭအၥၭကျၩနီၪ လီၫ.
14 ထီးဟဲၫအစဎွၩဒၪဘၪဝ့ၫတၭ, ဆၧမၩအၥၭလၧအ မၩချဲၫ့ချဲၫ့တၭ, ဆၧဖၩ့ထၪ့နီၪအဝ့ၫၥံၪဂဲထုၪ့ဂီၩဂီၩလ့ၬ တၭ,ၦဒိၩ့ဖိၪစဲၪ့ထၪ့ ဘဲၫၥိၭအမိဒုၭဆၧထၫ့ဒၩ အံၫ စရ့လၭထီးအထီ လၧအဖၭဝဲၩဝ့ၫဘၪနီၪ, အဝ့ၫဒၪဒဲ အၡၩခမျၧးထီးအလူၬ လၧဆၧပျၩ့အမ့ၬယၫလီၫ. မွဲ လါနၫ့လၧၦခိၭၥူၪဆၧလဖၪ လၧအထၫ့ဒၩဝ့ၫအီၪလၧ
15 ဒိၩ့အချိၫ့နီၪၥ့ၪယၫဝ့ၫအ့ၬ.- တၭစယီရှုၫအ့ၫဒဲအံၫစရ့ လၭထီးအလူၬအီၪက့ၪအၥၭ ဘဲၫအစၪလၧအမ့ၬယၫ အၥိၭနီၪတၭ, စဲၪ့ဝ့ၫလၧၡါမုနၧၫ့ဖၫ အဖၧၩ့ၥၭလဘီၩ့
16 လီၫ.- တၭဆၧကိၭန့ ကယဲၦအီၪလၧဟဲၫဖၧၩ့ ဘဲၫၥိၭ အမိလီၩ့ဆီးဝ့ၫတၭ, အဝ့ၫၥံၪလီၩ့ဆီးစယီရှုၫအ့ၫတၭ,
17 ဘၪဆၧထုၭန့ခွံၬဝ့ၫလၧဒိၩ့ဖၧၩ့လီၫ.- တၭၦၡၩလၧ အလစဲၪ့ထၪ့လီၩ့ဆီးဘၪ အံၫစရ့လၭနီၪ လအီၪဘၪ လၧဖၧၩ့ၥၭလၧဘ့ၫၥလၭအဖၧၩ့မွဲဂ့ၩ, လၧဟဲၫအဖၧၩ့ မွဲဂ့ၩ, အီၪနးဂၩအ့ၬး တၭအဝ့ၫၥံၪအီၪက့ၪလၩ့ထးဒိၩ့ အီၪဝဲထၪ့အၥၭတၭ, လီၩ့ဆီးအံၫစရ့လၭလီၫ.
18 တၭယဟိဝၩစံၭစယီရှုၫအ့ၫ ယၩ့ထၪ့ဖၩ့လၧအအီၪ လၧနစူၪဖၧၩ့ လဘံၪ့တီၩတီၩလၧဟဲၫနီၪဆံၭ. အဂဲး ဘဲၫယီၩယမိဖ့ၪလၫ့ဝ့ၫလၧနစူၪဖၧၩ့လီၫ. တၭစယီရှုၫ အ့ၫယၩ့ထၪ့ဖၩ့ လၧအအီၪလၧအစူၪဖၧၩ့ လဘံၪ့နီၪ
19 တီၩတီၩလၧဒိၩ့နီၪလီၫ.- တၭၦအီၪခိၭၥူၪဆၧဂဲထုၪ့ ချဲၫ့ချဲၫ့လၧအလးဖၧၩ့တၭ, ထီးအဆၧယၩ့ထၪ့အစူၪ တၭ,အဝ့ၫၥံၪစဲၪ့ဝ့ၫတၭ, လ့ၩနုၬလၧဒိၩ့ဖၧၩ့တၭ, မၩ
20 န့ဝ့ၫဒဲဆူၭထၪ့ခွံၬဝ့ၫလၧမ့ၪချဲၫ့ချဲၫ့လီၫ.- ထီးၦဟဲၫဖိၪ ကၠၪအၥၭလၧအလးခဲၫ့တၭ, ယိဆၧနီၪ, ယိခွါ, ဒိၩ့အ မ့ၪခူၪထၪ့လၧမူၭခိၪတၭ, အဝ့ၫၥံၪစဲၪ့ဝ့ၫလၧအယီၩလ ခီၫမွဲဂ့ၩ, လၧအနီၪလခီၫမွဲဂ့ၩ, မၩၥ့ၪအ့ၬး ၦလၧအစဲၪ့ လၧၡါမုနၧၫ့ဖၫလဖၪနီၪ ကၠၪထဲၩ့ဝ့ၫတၭထၫ့ဒုၪဒၩၦလၧ
21 အလီၩ့ဆီးဝ့ၫလီၫ.- တၭထီးစယီရှုၫအ့ၫဒဲအံၫစရ့ လၭ ထီးအလူၬဒၪဘၪဝ့ၫလၧ ၦခိၭၥူၪဆၧမၩန့ယူၭဒိၩ့ တၭ, ဒိၩ့အမ့ၪခူၪထၪ့ဝ့ၫတၭ, အဝ့ၫၥံၪကၠၪထဲၩ့အၥၭတၭ,
22 မၩၥံၫၦဟဲၫဖိၪလီၫ.- တၭၦဂူၫဂၩၥံၪနီၪစဲၪ့ထၪ့လၧဒိၩ့ ဖၧၩ့ထၫ့ဒၩဝ့ၫလီၫ. တၭၦလဖၪနီၪအီၪဝ့ၫ လၧအံၫစရ့ လၭအကျၩတၭ, လနၩ့နၩ့အီၪလၧအယီၩလခီၫ, ဒဲလ နၩ့နၩ့အီၪလၧအနီၪလခီၫတၭ, အဝ့ၫၥံၪဖ့ၬခွံၬဝ့ၫထီး
23 ၦလအီၪလၩ့ထးဘၪ, ဒဲဖီၩ့ဖျ့ၭနးဂၩအ့ၬ.- တၭအဝ့ၫ ၥံၪဖီၪ့န့မၧၫ့ဟဲၫအစဎွၩတၭ, ဂဲၫဆိၬဝ့ၫလၧစယီရှုၫအ့ၫ အအီၪလီၫ.
24 ဆၧမၩအၥၭလၧအံၫစရ့လၭမၩၥံၫ ၦဟဲၫဖိၪထီးအ လူၬလၧဆၧပျၩ့ဖၧၩ့, လၧၡါမုနၧၫ့ဖၫ ထီးအလီၩ့ဆီး ဝ့ၫတၭ, ထီးလၩ့ထံၩဖါလၧအနၭအနါအဖၫ့ခိၪထီးအ လူၬတၭ, ၦအံၫစရ့လၭထီးအလူၬထဲၩ့ထဲၩ့လၧဟဲၫအ
25 ဖၧၩ့တၭ, ဖ့ၬဝ့ၫလၧနၭအနါလီၫ.- တၭၦလၧအလၩ့ ထံၩဖါလၧမုလနံၩနီၪထီးအလူၬ, ၦမုၪမွဲဂ့ၩ,ၦခွၫမွဲဂ့ၩ,
26 အီၪလလၬနံၫထီၫ့,ၦဟဲၫဖိၪထီးအလူၬလီၫ.- အဂဲးဘဲၫ ယီၩစယီရှုၫအ့ၫလထုၭထဲၩ့ဘၪအစူၪ လၧအယၩ့ထၪ့ ဖၩ့လဘံၪ့နီၪ, ထီးအမၩဂၭဂီၩ့ခွံၬ ၦဟဲၫဖိၪထီးအလူၬ
27 လီၫ.- အ့ၪမွဲန့ၫဆၧဖိၪဆၧဎါအဒိၩ့, ဒဲဒိၩ့အဆၧဖိၪဆၧ လံၩနီၪအံၫစရ့လၭမၩန့ဝ့ၫ လၧဆၧအၪ့ဂူၬန့ဘၪလၧအ ဂးဒၪဝ့ၫ,ဘဲၫယဟိဝၩအလူ လၧအမၪလူၬစယီရှုၫအ့ၫ
28 အၥိၭနီၪလီၫ.- စယီရှုၫအ့ၫဆူၭထၪ့ခွံၬ ဟဲၫလၧမ့ၪတၭ, အီၪက့ၪဝ့ၫလၧဆၧပိၩ့အဆိၩအကၠၪ, ဆၧအီၪယူထီး
29 မုဆၫလနံၩယီၩလီၫ.- တၭအဝ့ၫစၧၩ့လၩ့ဆဲၩ ဟဲၫအ စဎွၩလၧၥံၪ့လီၩ့ထီးမုဂၪလၩ့လီၫ. ထီးမုလၩ့နုၬတၭ, စယီရှုၫအ့ၫမၪလူၬဝ့ၫ လၧၦမိမၩန့အစွၪ လၧၥံၪ့လီၩ့ တၭ, ခွံၬၡိၭဝ့ၫလၧဒိၩ့အတရၫ့အခၪ့ထံၭ, ဒဲမၩထၪ့ လိးအပိၩ့ဖၭဒိၪလပိၩ့ထီးနီၪလီၫ. အီၪဝ့ၫထီးမုဆၫလ နံၩယီၩလီၫ.
30 ထီးနီၪလဖၧၫ့စယီရှုၫအ့ၫ မၩထၪ့ဆၧလုလးလၧယ ဟိဝၩအံၫစရ့လၭအယွၩအဂး, လၧခိၪလီၩ့အံဘလၭ
31 အလီၩ့,- ဘဲၫယဟိဝၩအခ့ၫအၡၩစမိစ့ၭမၪလူၬၦအံၫ စရ့လၭဖိၪအၥိၭနီၪ, ဘဲၫဆၧကွ့ၭအၥၭ လၧစမိစ့ၭအ လံၬဆၧၥီၪ့ဆၧၥၫ့အဖၧၩ့အၥိၭနီၪ, ဆၧလုလးလၧလိး ထၧၫ့ဖျိၪ့ယၫလဖၪ, လၧၦလမၩဘၪလၧထၭတၭ, အ ဝ့ၫၥံၪလုထၪ့ဆၧလုမ့ၪလၧယဟိဝၩအဖၫ့ခိၪ, ဒဲလုထၪ့
32 ဆၧလုမၩဘၪလိၬအိၭလိၬလီၫ.- တၭစမိစ့ၭအဆၧၥီၪ့ ဆၧၥၫ့လၧအကွ့ၭဝ့ၫ လၧၦအံၫစရ့လၭဖိၪ အမ့ၬယၫ
33 နီၪအဝ့ၫဒၪကွ့ၭဆဲၫဝ့ၫလၧလိးအလီၩ့လီၫ.- တၭအံၫစ ရ့လၭထီးအလူၬ, ဒဲၦၥုၪ့က့ၭၥၭၡါ, ဒဲၦကွ့ၭလံၬဒဲၦစ့ၩ ရၫ့ခွးလဖၪနီၪဆၧၫ့ထုၪ့ဝ့ၫ လၧတလၫအနဲၩ့ထံၭလၧ အယီၩလခီၫ,ဒဲလၧအနီၪလခီၫ, လၧၦလုဆၧလဖၪဒဲၦ လံဝဲၫဖိၪလဖၪ လၧအဆိၬယဟိဝၩအဆၧအုၩ့လၩ့အ တလၫအမ့ၬယၫ, ၦလခီၫဘၩ့မုးဖိၪမွဲဂ့ၩ, ဒဲၦအီၪဖျဲၪ လၧအကျၩမွဲဂ့ၩတၭး ၦလဖၪနီၪဖိၭဖၫ့အီၪဝ့ၫလၧခိၪ လီၩ့ဂ့ၫရဇံၫ့အမ့ၬယၫ, ဒဲဖိၭဖၫ့နီၪအီၪဝ့ၫ လၧခိၪလီၩ့ အံဘလၭအမ့ၬယၫ ဘဲၫယဟိဝၩအခ့ၫအၡၩ စမိစ့ၭ မၪလူၬဝဲၩဝ့ၫလၧအခၪ့ထံၭ, ဘဲၫၥိၭအမိဆိၪဂ့ၩအံၫစ
34 ရ့လၭအၡၩခမျၧးလီၫ.- လၧခဲၫ့ထဲၩ့တၭ အဝ့ၫဒၪဖီ ထၪ့ဝ့ၫလၧကယဲဆၧၥီၪ့ဆၧၥၫ့ အဆၧချဲၩ့ထီးအလူၬ, ဆၧဆိၪဂ့ၩလဖၪ, ဒဲဆၧဆိၪအၧၩ့လဖၪ, ဒဲကယဲဆၧ
35 ကွ့ၭအၥၭလၧလံၬဆၧၥီၪ့ဆၧၥၫ့အဖၧၩ့နီၪလီၫ.- ဆၧ ချဲၩ့လၧစမိစ့ၭမၪလူၬလဖၪ, လၧစယီရှုၫအ့ၫလဖီဘၪ ဝ့ၫလၧအံၫစရ့လၭအဆၧအီၪကီၪ့အမ့ၬယၫနီၪ, ဒဲလၧ ၦမုၪၦမၧၩ့ဖိၪဒံၩဖိၪၥၪ, ဒဲၦလခီၫဘၩ့မုးဖိၪလၧအလ့ၩ ဆၧလၧအကျၩလဖၪအမ့ၬယၫနီၪ အီၪနးထံၪအ့ၬ.