7
1 အ့ၪမွဲၦအံၫစရ့လၭဖိၪ မၩမၪဆၧလၧဆၧဆိၪအၧၩ့ လၧအဖၧၩ့နီၪလီၫ. အဂဲးဘဲၫယီၩ ၦယုဒၫအဒီၪ့ဖိၪ,စ ကၫမဲၫအဖိၪခွၫ,စဇၭဘဒံၫအဖိၪခွၫ, စဇံရၫအဖိၪခွၫ, စအၫခၫ့လဂၩ မၩန့ဆၧ ဘၪဆၧဆိၪအၧၩ့နီၪလီၫ. တၭယဟိဝၩ အၥၭထၪ့ ခဲၩထၪ့ဘၪ ၦအံၫစရ့လၭဖိၪ လီၫ.
2 တၭစယီရှုၫအ့ၫအၪ့မၧၫ့ ၦစဲၪ့ထၪ့ခွံၬလၧယ့ၫရခိၫ လ့ၩထီၩ့လၧဟဲၫလၧအအီၪဝ့ၫ လၧဘ့ၭၥအ့ဝံၫ့အနဲၩ့ ထံၭလၧဘ့ၫၥလၭ မုထၪ့လခီၫနီၪ, ချဲၩ့ဆၧလၧအဝ့ၫ ၥံၪတၭ,စံၭဝ့ၫဒၪ, လ့ၩထၪ့တၭယိၥူၪထံၫၥံၪခးၥံၪနီၪ ဘီၪးၦလဖၪနီၪ လ့ၩထၪ့ဝ့ၫတၭ ယိၥူၪဟဲၫနီၪလီၫ.
3 အဝ့ၫၥံၪဂဲၫထဲၩ့ထဲၩ့ လၧစယီရှုၫအ့ၫအအီၪတၭ, စံၭ အဝ့ၫဒၪ, ဒုၭလ့ၩထၪ့ၦခမျၧးထီးအလူၬလဂ့ၩ, အ့ၪမွဲ ဒုၭလ့ၩၦနံၫထီၫ့ ၥၧၫ့ထီၫ့ ဘဲၫၥိၭအမိဖ့ၬခွံၬ ဟဲၫနီၪ ဆံၭ,ဒုၭမၩၦခမျၧး ထီးအလူၬနီၪလဂ့ၩး အဂဲးဘဲၫ
4 ယီၩအဝ့ၫၥံၪမွဲၦၡၩခိၬဂၩလီၫ.- ၦၥၧၫ့ထီၫ့ကၪယူၭ လၧၦခမျၧးအကျၩနီၪလ့ၩထၪ့ဝ့ၫတၭ, အဝ့ၫၥံၪစဲၪ့ခွံၬ
5 ဝ့ၫလၧၦဟဲၫဖိၪအမ့ၬယၫလီၫ.- တၭၦဟဲၫဖိၪဖ့ၬခွံၬ ၦၥၧၫ့ဆံၫဎူၫဂၩလၧအကျၩလီၫ. အဂဲးဘဲၫယီၩမွဲအ လီၩ့ဆီးဝ့ၫလၧဒိၩ့အတရၫ့ အမ့ၬယၫဖိးလၧၡ့ဘရံၫ့ တၭ,ဖ့ၬခွံၬအဝ့ၫၥံၪ ဖိးလၧဆၧလၩ့ဆိၬ အဖၧၩ့လီၫ. ၦခမျၧးအၥၭဖံၪထၪ့ခွံၬတၭ, မၩအၥၭဘဲၫထံၫအၥိၭ နီၪလီၫ.
6 စယီရှုၫအ့ၫ ၡၫ့အကီၩ့အၥိၭတၭ, ထိၪလၩ့ထံၩဖါ အၥၭလၧဂၪ့ခိၪလၧယဟိဝၩ အတလၫအမ့ၬယၫထီး မုဂၪလၩ့လီၫ. အဝ့ၫဒၪ ဒဲၦအံၫစရ့လၭဖိၪ အၥုၪ့က့ၭ ၥၭၡါနီၪ,အီၪက့ၪဂၪ့ခိၪအမုၬ လၧအခိၪအလီၩ့လီၫ.
7 တၭစယီရှုၫအ့ၫစံၭဝ့ၫဒၪ, အၩလါၬ ယဟိဝၩယွၩဧ့, နဒုၭခၫ့ဂၬ ၦခမျၧးလၧယီၫဒၫ့ ဘဲၫၥိၭနမိဖ့ၪလၫ့ပၧၩ လၧၦအၫမိၫဖိၪအစူၪဖၧၩ့ လၧအမိမၩဂၭဂီၩ့ပၧၩယီၩ, မွဲဘၪလဲၪ. မွဲလၧပမံၫ့ၥုၪ့မံၫ့ၥၭယူၭ, ဒဲပအီၪဝဲၩလၧ
8 ယီၫဒၫ့ဝါလခီၫနီၪဂ့ၩဒၪဆၧဒံၭ.- ကဆါဧ့, ထီးအံၫစ ရ့လၭကၠၪဒိၭချိၫ့အၥၭ လၧအဒုၪအဒၩအမ့ၬယၫတၭ,
9 ယမိစံၭဘဲၫၥ့ၪလဲၪၬ- အဂဲးဘဲၫယီၩၦကၫနအၫ့ဖိၪ,ဒဲ ၦခးဖိၪထီးအလူၬမိနါဂၧၫ့တၭ, မိဝၩ့ထဲၩ့ပၧၩတၭ,မိ ဒၪ့ထ့ၬခွံၬ ပမံၩ့လၧဂၪ့ခိၪချိၫ့တၭ, မွဲနမိမၩဆၧနီၪလၫ လၧနမံၩ့ဖၭဒိၪနီၪလမံၩ့လဲၪ.
10 တၭယဟိဝၩစံၭစယီရှုၫအ့ၫ, ဂဲထုၪ့နဝ့ၫ,နထိၪလၩ့
11 ထံၩဖါနၥၭနီၪမွဲဘၪလဲၪ.- အံၫစရ့လၭမၩယူၭဆၧဒဲၩ ဘၭတၭ, မွဲအလၨၪခၫ့ဖၬယူၭယဆၧအုၩ့လၩ့လၧယမၪ လူၬဝ့ၫယူၭး အဂဲးဘဲၫယီၩ အဝ့ၫၥံၪမၩန့ဆၧဘၪဆိၪ အၧၩ့တၭ, အၪ့ဂူၪဆၧ, ဒဲအၪ့လီၫဆၧဆ့တၭ, အီၪက့ၪ
12 ဝ့ၫလၧအဆၧဖိၪဆၧလံၩ ဒၪဝ့ၫအကျၩလီၫ.- အခိးမွဲ ဘဲၫနီၪတၭ ၦအံၫစရ့လၭဖိၪဆၧၫ့ထုၪ့လၧအဒုၪအဒၩ အမ့ၬယၫၥ့ၪအ့ၬး ကၠၪဒိၭချိၫ့အၥၭလၧအဒုၪအဒၩအ မ့ၬယၫလီၫ. အဂဲးဘဲၫယီၩ ဘၪဆၧဆိၪအၧၩ့ဝ့ၫလီၫ. တၭနၥံၪအ့ၪလမိမၩဂၭဂီၩ့ဘၪ ဆၧဆိၪအၧၩ့ လမံၩ့ လၧနၥံၪအကျၩတၭ, ယအီၪလၧၩ့ လၧနၥံၪ အၥိၭ
13 အ့ၬ.- ဂဲထုၪ့ဘီၪ, မၩဆံၫ့ဎံၪၦခမျၧးတၭ, စံၭ,မၩဆံၫ့ ဎံၪထၪ့ နၥံၪအၥၭ လၧကဲဂီၩခိၬ အဂးနီၪဆံၭ. အဂဲး ဘဲၫယီၩယဟိဝၩအံၫစရ့လၭအယွၩ စံၭဝ့ၫဘဲၫယီၩ, ဆၧဘၪဆိၪအၧၩ့အီၪဝ့ၫ လၧနၥံၪအကျၩလမံၩ့, အံၫ စရ့လၭဧ့, ဘိၩ့နၥံၪလချႃၭမၩထၪ့ခွံၬဒံၭဘၪဆၧဆိၪ အၧၩ့လၧနၥံၪအကျၩနီၪတၭ, နဆၧၫ့ထုၪ့လၧနဒုၪနဒၩ
14 အမ့ၬယၫၥ့ၪအ့ၬ.- တၭလၧဆၧဖၩ့ထၪ့နီၪ ဆၧမိဒုၭ ဂဲၫနၥံၪဝ့ၫဘဲၫနၥံၪ အဒီၪ့လဖၪအၥိၭနီၪတၭ, ဆၧမိ မၩအၥၭလၧၦလဒီၪ့ လၧယဟိဝၩမၩန့ဝ့ၫနီၪ မိဘၪဂဲၫ ဘဲၫအဂံၪ့ဒီၪ့လဖၪအၥိၭတၭ, ၦအဂံၪ့ဒီၪ့လၧယဟိဝၩ မိမၩန့ဝ့ၫနီၪ မိဘၪဂဲၫဘဲၫ အၡၩဂံၪ့ဒီၪ့ဖိၪအၥိၭနီၪ လီၫ. အၡၩဂံၪ့ဖိၪလၧယဟိဝၩ မိမၩန့ဝ့ၫနီၪမိဘၪဂဲၫ
15 လဂၩဘၪလဂၩလီၫ.- တၭဆၧမိမၩအၥၭလၧ ၦလၧ အဘၪဆၧမၩန့ဝ့ၫအီၪလၧ ဆၧဘၪဆိၪအၧၩ့လမံၩ့လ ဂၩနီၪ,မိဘၪဆၧဆူၭထၪ့ခွံၬဝ့ၫလၧမ့ၪ, အဝ့ၫဒၪ, ဒဲက ယဲအဆၧအီၪ ထီးအလူၬလီၫ. အဂဲးဘဲၫယီၩ မွဲအလၨၪ ခၫ့ဖၬယဟိဝၩအဆၧအုၩ့လၩ့လီၫ. ဒဲမၩဆၧဂၭဂီၩ့ လၧအံၫစရ့လၭအကျၩလီၫ.
16 ထီးဆၧဖၩ့ထၪ့နီၪ စယီရှုၫအ့ၫဂဲထုၪ့ဂီၩဂီၩလ့ၬတၭ ဒုၭဂဲၫၦအံၫစရ့လၭဘဲၫအဒီၪ့လဖၪအၥိၭနီၪတၭ, ဆၧ မၩန့စယုဒၫအဒီၪ့လီၫ.
17 ဒုၭဂဲၫစယုဒၫအဂံၪ့လဒီၪ့တၭ, ဆၧမၩန့ၦဇၫဟဲၭ ဖိၪအဂံၪ့ဒီၪ့လီၫ. တၭမွဲအဒုၭဂဲၫၦဇၫဟဲၭဖိၪအဂံၪ့ဒီၪ့ လဂၩဘၪလဂၩ, လဂၩဘၪလဂၩတၭ, ဆၧမၩန့စဇၭ
18 ဘဒံၫလီၫ.- တၭအဝ့ၫဒၪဂဲၫဆိၬအၡၩဂံၪ့ဖိၪလဂၩဘၪ လဂၩတၭ, ဆၧမၩန့ၦယုဒၫအဒီၪ့ဖိၪ, စကၫမဲၫအဖိၪ ခွၫစဇၭဘဒံၫအဖိၪခွၫ စဇံရၫအဖိၪခွၫ စအၫခၫ့လဂၩ နီၪလီၫ.
19 တၭစယီရှုၫအ့ၫစံၭစအၫခၫ့, ယဖိၪခွၫဧ့, ဖ့ၪလၩဖၩ့ ယဟိဝၩအံၫစရ့လၭအယွၩတၭ, လီၩလၩ့ဆၧလၧအ ဝ့ၫအမ့ၬယၫတၭ, လီၩဘၪလါယၧၩဆၧလၧနမၩန့နီၪ
20 ဘီၪ,ထီးအီၪက့ၪၥူၪဆၧလၧယၧၩလဂ့ၩ,- စအၫခၫ့စံၭ ဆၧၫ့စယီရှုၫအ့ၫတၭ, စံၭဝ့ၫဒၪ, မွဲမၬ, ယမၩမၪဘၪ ယူၭယဟိဝၩအံၫစရ့လၭအယွၩယူၭတၭ, ယမၩဘဲၫ
21 အံၩဘဲၫအိၩလီၫ.- တၭယဒၪဘၪဆဲၫ့ ဘၭဘလၧၫ့အ ဂ့ၩလဘံၪ့ လၧဆၧအၪ့ဂူၬန့အကျၩ ဒဲစ့ၩၡက့လၭနံၫ ယၩ,ဒဲထီၫ့လလီၪ့လၩ့လယၧးၡက့လၭ ယဲဆံၫတၭ, ယၥၭကွံၩဝ့ၫတၭ ယမၩန့ဝ့ၫလီၫ. ယိခွါ, အီၪၥူၪဝ့ၫ လၧဂၪ့ခိၪဖၧၩ့ လၧယတဲၩအၥၭကျၩတၭ, စ့ၩနီၪအီၪ လၧအဖၫ့လၬလီၫ.
22 စယီရှုၫအ့ၫအၪ့မၧၫ့လၩ့ အၥီၫ့လဖၪတၭ အဝ့ၫၥံၪ စဲၪ့ထီၩ့လၧတဲၩဖၧၩ့တၭ, ယိခွါ, မွဲအအီၪက့ၪၥူၪဝ့ၫ လၧတဲၩဖၧၩ့တၭ, စ့ၩအီၪလၧအဖၫ့လၬလီၫ.
23 တၭအဝ့ၫၥံၪမၩန့ဝ့ၫလၧတဲၩအၥၭကျၩတၭ, ဂဲၫထဲၩ့ ဆိၬအဝ့ၫၥံၪလၧစယီရှုၫအ့ၫ ဒဲအံၫစရ့လၭထီးအလူၬ အအီၪတၭ, အီၪက့ၪလၩ့အဝ့ၫၥံၪ လၧယဟိဝၩအမ့ၬ ယၫလီၫ.
24 တၭစယီရှုၫအ့ၫ ဒဲအံၫစရ့လၭ ထီးအလူၬစီၪ့ဎးနီၪ မၩန့စဇံရၫအဖိၪခွၫစအၫခၫ့ ဒဲကျိၪၥံၪစ့ၩၥံၪ, ဒဲဆဲၫ့ လဘံၪ့နီၪ,ဒဲထီၫ့လလီၪ့နီၪ, ဒဲအဖိၪခွၫလဖၪ, ဒဲအဖိၪ မုၪလဖၪ, ဒဲအချီ, ဒဲအကၥ့ၪယီၩ့, ဒဲအၥိၪဒဲအဘ့ၪ,ဒဲ အတဲၩ,ကယဲအဆၧထီးအလူၬတၭ, ဂဲၫဆိၬဝ့ၫလၧခိၪ
25 လီၩ့ဆူၭအၫခီၫနီၪလီၫ.- တၭစယီရှုၫအ့ၫစံၭဝ့ၫဒၪ, နမၩခိမၩဝီၩပၧၩမွဲဘၪလဲၪ, ယဟိဝၩမိမၩခိမၩဝီၩ နၧၩလၧမုဆၫလနံၩယီၩလီၫ. တၭအံၫစရ့လၭထီးအ လူၬခွံၬဝ့ၫလၧလိးတၭ, ခွံၬဝ့ၫလၧလိးဂီၩ့နီၪဆူၭထၪ့ခွံၬ
26 ဝ့ၫလၧမ့ၪလီၫ.- တၭအဝ့ၫၥံၪအီၪက့ၪကီၪ့လိးလပိၩ့ဖၭ ဒိၪလၧအဖၫ့ခိၪ ထီးမုဆၫလနံၩယီၩလီၫ. တၭယဟိ ဝၩကၠၪထဲၩ့အၥၭလၧအၥၭထၪ့ဆီၪ့နီၪလီၫ. မၩအၥၭ ဘဲၫနီၪတၭ, ဆၧကိၭအလးထီးနီၪ အမံၩ့လၧခိၪလီၩ့ ဆူၭအၫခီၫနီၪ ထီးမုဆၫလနံၩယီၩလီၫ.