11
1 ထီးဟၫဇၧၫအစဎွၩယၫဘံၫ့နါဂၧၫ့ဝ့ၫတၭ, ဆၧမၩ အၥၭလၧအအၪ့မၧၫ့လၩ့ဆၧလၧမၫဒၧၫ့အစဎွၩယိဘၭ
2 ဒဲၡံမအၧၫ့အစဎွၩ, ဒဲအၭကၡၭအစဎွၩ,- ဒဲစဎွၩအီၪ လၧခိၪလီၩ့ထိၩ့ချိၬ လၧမုဖၩလခီၫ, ဒဲလၧဆၧဒၩဖၧၩ့ လၧခံၫ့နရ့ၭလၧမုခံၫ့လခီၫ, ဒဲလၧခိၪလီၩ့ဆူၭ, ဒဲလၧ
3 ဒီၫအနဲၩ့လၧမုနုၬလခီၫ,- ဒဲၦကၫနအၫ့ဖိၪလၧမုထၪ့ ဒဲလၧမုနုၬ, ဒဲၦအၫမိၫဖိၪ, ဒဲၦဟံၥၭဖိၪ, ဒဲၦပံရ့ၭဖိၪ, ဒဲၦယ့ဘုၫဖိၪလၧခိၪလီၩ့ခိၪ, ဒဲၦဟံဝဲၫဖိၪလၧဟၧမၧၫ့
4 အခၪ့ထံၭလၧခးမံဇပၫအဖၧၩ့နီၪလီၫ.- တၭအဝ့ၫၥံၪ စဲၪ့ထၪ့ဝ့ၫ အဝ့ၫၥံၪဒဲအၥုၭမုထီးအလူၬ ဖိၬထၪ့အခဲၫ့, ၦခမျၧးအၪအၪလ့ၬ, အၪဝ့ၫဘဲၫမ့ၭအီၪလၧမၫဆမံၭ နဲၩ့အၥိၭနီၪ, အီၪလၧကၥ့ၪလဖၪ ဒဲလဲၪ့ၥုၭအၪအၪ
5 လ့ၬလီၫ.- တၭထီးစဎွၩထီးအလူၬနီၪ အီၪကိၩ့အီၪ ကီၪ့လၧအဖၭနံၩဖၭၥၫ့အထီတၭ, ဂဲၫၥုၪ့တဲၩစီၪ့ဎး လၧမံရိၫ့အထံၫနဲၩ့, ဘဲၫၥိၭအမိဒုၭဆၧထၫ့ဒၩအံၫစရ့ လၭအဂဲးလီၫ.
6 တၭယဟိဝၩစံၭစယီရှုၫအ့ၫ, ထီးအၪ့ယိၪဆၧလၧ အဝ့ၫၥံၪအကၠီၩ့နီၪလဂ့ၩ, အဂဲးဘဲၫယီၩ, ကဲဂီၩခိၬအ ခၫဘဲၫယီၩ ယမိဖ့ၪလၫ့အဝ့ၫၥံၪဘၪဆၧမၩၥံၫ ထီးအ လူၬလၧအံၫစရ့လၭ အမ့ၬယၫလီၫ. တၭနမိဘၪဖ့ၬ ထ့ၬအကၥ့ၪအခၪ့ထီၪ့, ဒဲဆူၭထၪ့ခွံၬအလဲၪ့ၥုၭလၧမ့ၪ
7 လီၫ.- စယီရှုၫအ့ၫလ့ၩဝ့ၫတၭ, ၦၥုၭဖိၪထီးအလူၬဖိၬ အခဲၫ့ထၫ့ဒၩရှုၭအဝ့ၫၥံၪ လၧထံၫမံရိၫ့အနဲၩ့တၭ, ဖ့ၬ
8 ခွံၬဝ့ၫလီၫ.- တၭယဟိဝၩ ဖ့ၪလၫ့ခွံၬအဝ့ၫၥံၪလၧအံၫ စရ့လၭအစူၪဖၧၩ့, လၧအဖ့ၬခွံၬဝ့ၫတၭ, လီၩ့ဆီးဝ့ၫဖိး လၧဇဲဒၧၫ့ဖၭဒိၪ, ဒဲဖိးလၧအမံၭစြံၫဖီၭမ့အံၫ့, ဒဲဖိးလၧ ခိၪလီၩ့ဆူၭမံဇပၫလၧမုထၪ့လခီၫတၭ, ဖ့ၬခွံၬအဝ့ၫၥံၪ
9 ထီးအအီၪလၩ့ထးလၧအဂးနးဂၩအ့ၬ.- တၭစယီရှုၫ အ့ၫမၩဘၪအဝ့ၫၥံၪ ဘဲၫယဟိဝၩ မၪလူၬဝ့ၫအၥိၭနီၪ လီၫ. ဖ့ၬထ့ၬကၥ့ၪအခၪ့ထီၪ့တၭ, ဆူၭထၪ့ခွံၬအလဲၪ့ ၥုၭလၧမ့ၪလီၫ.
10 အထီထီးနီၪ စယီရှုၫအ့ၫထဲၩ့ထဲၩ့တၭ, မၩန့ဟၫ ဇၧၫဒဲဖ့ၬခွံၬအစဎွၩလၧနၭလီၫ. အဂဲးဘဲၫယီၩ လၧ အခၪ့ထံၭနီၪ ဟၫဇၧၫမွဲဘၩ့မုးထီးအလူၬနီၪ အခိၪ
11 လီၫ.- အဝ့ၫၥံၪဖ့ၬခွံၬကယဲၦအီၪလၧအဖၧၩ့ လၧနၭအ နါထီးအလူၬတၭ, မၩဂၭဂီၩ့ဝ့ၫလီၫ. ၦလၧအၥၪဝ့ၫနီၪ အီၪလၩ့ထးဘၪနးဂၩအ့ၬ. တၭဆူၭထၪ့ခွံၬ ဟၫဇၧၫ
12 လၧမ့ၪလီၫ.- စဎွၩလဖၪနီၪအဒိၩ့ထီးအလူၬ ဒဲအစဎွၩ လဖၪထီးအလူၬနီၪစယီရှုၫအ့ၫမၩန့ဝ့ၫတၭ, ဖ့ၬခွံၬဝ့ၫ လၧနၭအနါလီၫ. မၩဂၭဂီၩ့ဝ့ၫလူၬထူၬဆံၫ့ဘၩ့, ဘဲၫ ယဟိဝၩအခ့ၫအၡၩစမိစ့ၭ မၪလူၬဝ့ၫအၥိၭနီၪလီၫ.
13 အ့ၪမွဲဒိၩ့လၧအဂုးခၧၫ့ လၧဆၧစီၩ့ခိၪလဖၪနီၪအံၫစရ့ လၭဆူၭခွံၬအ့ၬ. ဆူၭခွံၬန့ၫဟၫဇၧၫလဒိၩ့နီၪး အဝ့ၫ
14 နီၪစယီရှုၫအ့ၫဆူၭထၪ့ခွံၬဝ့ၫလီၫ.- တၭဒိၩ့လဖၪအ ဆၧဖိၪဆၧလံၩထီးအလူၬ, ဒဲအဆၧဖိၪဆၧဎါနီၪၦအံၫ စရ့လၭဖိၪမၩန့ဝ့ၫ လၧဆၧအၪ့ဂူၬန့ လၧအဂးဒၪဝ့ၫ လီၫ. အ့ၪမွဲၦၡၩနီၪဖ့ၬခွံၬဝ့ၫ လၧနၭအနါ ထီးအမၩ ဂၭဂီၩ့ဝ့ၫကိၭဂၩဒ့ၭနီၪလီၫး အီၪက့ၪလၩ့ထးၦလၧ
15 အၥၪဝ့ၫနးဂၩအ့ၬ.- ဘဲၫယဟိဝၩမၪလူၬအခ့ၫအၡၩ စမိစ့ၭအၥိၭနီၪ, စမိစ့ၭမၪလူၬ စယီရှုၫအ့ၫ ဘဲၫနီၪအ ၥိၭတၭ, စယီရှုၫအ့ၫမၩဝ့ၫဘဲၫနီၪအၥိၭဆ့လီၫ. ဆၧ လၧယဟိဝၩမၪလူၬစမိစ့ၭထီးအလူၬနီၪ အဝ့ၫဒၪအီၪ က့ၪလၩ့ထးဆၧလၧအလမၩဘၪနီၪ နးမံၩ့အ့ၬ.
16 တၭဘဲၫနီၪအၥိၭစယီရှုၫအ့ၫ မၩန့ခးထၧၫ့ဘံၪ့ယၫ နီၪဒဲခိၪလီၩ့ထိၩ့ချိၬ, ဒဲခးလၧမုခံၫ့ထၧၫ့ဘံၪ့ယၫ, ဒဲဂိ ၡံၫ့ထၧၫ့ခးယၫ, ဒဲခိၪလီၩ့ဆူၭ,ဒဲဆၧဒၩဖၧၩ့, ဒဲအံၫစရ့
17 လၭအခိၪလီၩ့ထိၩ့ချိၬ, ဒဲခိၪလီၩ့ဆူၭနီၪ,- လၧခိၪလီၩ့ ဟၫလၭလၧအလ့ၩထၪ့လၧစံအၫဖိး လၧဘၫအလၭဂၬ လၧလ့ၭဘနၧၫ့အခိၪလီၩ့ဆူၭဖၧၩ့း လၧခိၪလီၩ့ဟၧမၧၫ့ အခၪ့ထံၭလီၫ. တၭမၩန့အဝ့ၫၥံၪအစဎွၩ ထီးအလူၬ
18 နီၪတၭ, ဖ့ၬခွံၬဝ့ၫ,ဒဲမၩၥံၫဝ့ၫလီၫ.- စယီရှုၫအ့ၫဒုၭၥုၭလၧ
19 စဎွၩထီးအလူၬနီၪအၪနံၩအၪၥၫ့ ယံၬယံၬလီၫ.- တၭ ဒိၩ့လၧအမၩဘၪလိၬအိၭလိၬအၥၭ လၧၦအံၫစရ့လၭ ဖိၪအီၪနးဒိၩ့အ့ၬ. အီၪန့ၫဟံဝဲၫဖိၪ, ၦအီၪဝ့ၫလၧဂံဘ အၧၫ့အဖၧၩ့နီၪလီၫ. တၭအဝ့ၫၥံၪမၩန့ဂူၫဂၩၥံၪ ထီး အလူၬလၧဆၧဒုၭၥုၭအဖၧၩ့လီၫ.
20 အဂဲးဘဲၫယီၩ လၧအဝ့ၫၥံၪအၥၭမိဆီၪ့ထၪ့ဘဲၫၥိၭ အမိဂဲၫထၫ့ဒၩ အံၫစရ့လၭ လၧဆၧဒုၭၥုၭအဖၧၩ့နီၪ မွဲအအီၪထၪ့လၧယဟိဝၩလခီၫ, ဘဲၫၥိၭအမိမၩဂၭဂီၩ့ အဝ့ၫၥံၪလူၬထူၬဆံၫ့ဘၩ့ ဘဲၫၥိၭအဝ့ၫၥံၪထီးဘၪခိး ဘၪတၩလဂ့ၩ, အ့ၪမွဲဘဲၫၥိၭအမိမၩဂၭဂီၩ့ခွံၬဝ့ၫ, ဘဲၫ ယဟိဝၩမၪလူၬစမိစ့ၭအၥိၭနီၪလီၫ.
21 တၭဆၧအထီထီးနီၪစယီရှုၫအ့ၫဂဲၫဒၪ့ထ့ၬခွံၬၦအၫ နၭဖိၪလၧခိၪလီၩ့ထိၩ့ချိၬလၧဟံဘြၧၫ့, လၧဒံဘၧၫ, လၧ အၫနၭ, ဒဲလၧခိၪလီၩ့ယုဒၫထီးအလူၬ, ဒဲလၧခိၪလီၩ့ အံၫစရ့လၭ ထီးအလူၬလီၫ. တၭစယီရှုၫအ့ၫ မၩဂၭ ဂီၩ့ဝ့ၫဒဲအဒိၩ့လဖၪနီၪလီၫ.
22 တၭၦအၫနၭဖိၪအီၪလၩ့ထးဘၪ လၧၦအံၫစရ့လၭ ဖိၪအကျၩအ့ၬ. အီၪန့ၫလၧဂၫဇၫအဖၧၩ့, ဒဲလၧဂၭၥၭ အဖၧၩ့, ဒဲလၧအၭစဒီၭအဖၧၩ့နီၪ, အီၪလၩ့ထးထီးနီၪ လီၫ.
23 တၭစယီရှုၫအ့ၫမၩန့ခးထၧၫ့ဘံၪ့ယၫ, ဘဲၫကယဲဆၧ လၧယဟိဝၩစံၭစမိစ့ၭအၥိၭနီၪတၭ, စယီရှုၫအ့ၫဖ့ၪ လၫ့ဝ့ၫလၧအံၫစရ့လၭ လၧဆၧန့ၥၫအလးဘဲၫအဆၧ အၪ့နၩ့ဖၭလစီၪ့လစီၪ့အၥိၭ, ဘဲၫအဒီၪ့လဖၪအၥိၭနီၪ လီၫ. တၭထံၫၥံၪခးၥံၪနီၪ အီၪပွံၭဝ့ၫ လၧဆၧဒုၭၥုၭ လီၫ.