10
1 တၭထီးယရုစလံၫ့ အစဎွၩ အဒိၫနဲၫဇံၫဒ့ၭနါဂၧၫ့ ဝ့ၫလၧစယီရှုၫအ့ၫမၩန့ဟဲၫ, ဒဲမၩဂၭဂီၩ့ခွံၬဝ့ၫ, ဘဲၫအ မၩယ့ၫရခိၫဒဲအစဎွၩအၥိၭနီၪ, မွဲအမၩဟဲၫအစဎွၩ ဘဲၫနီၪအၥိၭး ဒဲလၧၦဂံဘအၧၫ့ဖိၪ မၩဘၪလိၬအိၭ လိၬအၥၭလၧၦအံၫစရ့လၭဖိၪ, ဒဲအီၪဝ့ၫလၧအကျၩ
2 နီၪတၭ,- ဆၧမၩအၥၭ လၧအၥၭမဲၪၥၭဖျဲၩ့ဝ့ၫဒိၪမၬ လီၫ. အဂဲးဘဲၫယီၩ ဂံဘအၧၫ့မွဲဒိၩ့ဖၭဒိၪလဖျိၪ့, ဘဲၫ စဎွၩအဒိၩ့လဒိၩ့အၥိၭဒဲဒိၪနဲၪ့ဟဲၫဒံၭ, ဒဲအၦၡၩထီး
3 အလူၬနီၪမွဲၦအဆီၪ့လီၫ.- တၭယရုစလံၫ့အစဎွၩအ ဒိၫနဲၫဇံၫဒ့ၭအၪ့မၧၫ့လၩ့ဆၧလၧ ဟံဘြၧၫ့အစဎွၩဟိ ဟၫ့,ဒဲယၫမုၫၥၫအစဎွၩပဲရၫ့, ဒဲလၫခံၭအစဎွၩယၫဖဲၫ
4 အၫ,ဒဲအ့ၭဂလၫ့အစဎွၩဒံဘၧၫတၭ, စံၭဝ့ၫဒၪ,- ဂဲၫထၪ့ လၧယအီၪဘီၪး တၭမၩဆၧၩ့ယၧၩ ဘဲၫၥိၭပမိဖ့ၬခွံၬ ဂံဘအၧၫ့နီၪဆံၭး အဂဲးဘဲၫယီၩ အဝ့ၫမၩဘၪလိၬအိၭ
5 လိၬလၧစယီရှုၫအ့ၫ ဒဲၦအံၫစရ့လၭဖိၪလီၫ.- တၭၦ အၫမိၫဖိၪ အစဎွၩယဲဂၩ, ယရုစလံၫ့အစဎွၩလဂၩ, ဟံဘြၧၫ့အစဎွၩလဂၩ, ယၫမုၫၥၫအစဎွၩလဂၩ, လၫ ခံၭအစဎွၩလဂၩ, အ့ၭဂလၫ့အစဎွၩလဂၩ, အီၪကိၩ့ အီၪကီၪ့, ဒဲလ့ၩထၪ့ဝ့ၫဒၪ, အဝ့ၫၥံၪဒဲအၡၩၥုၭဖိၪထီး အလူၬတၭ, ၥုၪ့တဲၩလၧဂံဘအၧၫ့အမ့ၬယၫ, ဒဲဒုၭဆၧ ထၫ့ဒၩဝ့ၫလီၫ.
6 ဂံဘအၧၫ့အၡၩအၪ့မၧၫ့လၩ့ ဆၧလၧစယီရှုၫအ့ၫအ အီၪ, ထီးၦၥုၪ့တဲၩအလးလၧဂံလဂၫလၭတၭ, စံၭဝ့ၫ ဒၪ,အီၪက့ၪလၩ့ဆါနစူၪလၧနခ့ၫနၡၩအဂးလဂ့ၩ, ဂဲၫ ထၪ့လၧပအီၪချဲၫ့ချဲၫ့, ဒဲမၩဖီၩ့မၩဖျ့ၭပၧၩ, ဒဲမၩဆၧၩ့ ပၧၩဆံၭ,အဂဲးဘဲၫယီၩ, ၦအၫမိၫဖိၪအစဎွၩ ထီးအ လူၬလၧအအီၪလၧခိၪလီၩ့ထိၩ့ချိၬနီၪ အီၪကိၩ့အီၪကီၪ့
7 ထၫ့ဒၩယူၭပၧၩယူၭ.- တၭစယီရှုၫအ့ၫ လ့ၩထၪ့ခွံၬ လၧဂံလဂၫလၭ, အဝ့ၫဒၪ, ဒဲၦၥုၭဖိၪထီးအလူၬဒဲကယဲ ၦၡၩၥံၪလၧအဂဲးဆီၪ့ထီးအလူၬလီၫ.
8 တၭယဟိဝၩစံၭစယီရှုၫအ့ၫ, ထီးၥၭမဲၪအဝ့ၫၥံၪလ ဂ့ၩး အဂဲးဘဲၫယီၩယဖ့ၪလၫ့ယူၭအဝ့ၫၥံၪ လၧနစူၪဖၧၩ့ ယူၭ, ၦအီၪလၧအဝ့ၫၥံၪအကျၩ မိဆၧၫ့ထုၪ့လၧနမ့ၬ
9 ယၫနးဂၩအ့ၬ.- အခိးမွဲစယီရှုၫအ့ၫလ့ၩထၪ့ခွံၬလၧဂံ
10 လဂၫလၭၥၫ့နၩချီၩ့တၭ, ဒုၭရှုၭအဝ့ၫၥံၪလီၫ.- ယဟိ ဝၩမၩစၪအဝ့ၫၥံၪ လၧအံၫစရ့လၭအမ့ၬယၫတၭ, မၩ ၥံၫဝ့ၫလၧဆၧမၩၥံၫဖၭဒိၪ, ထီးဂံဘအၧၫ့ အနဲၩ့ထံၭ နီၪ,ဒဲလီၩ့ဆီးဝ့ၫလၧဖၧၩ့ၥၭ လ့ၩထၪ့လၧဘ့ၭၥဟိရၧၫ့ တၭဖ့ၬခွံၬဝ့ၫဖိးလၧအဇံကၫ ဒဲဖိးလၧမၭကံဒၫလီၫ.
11 တၭအဝ့ၫၥံၪစဲၪ့လၧအံၫစရ့လၭ အမ့ၬယၫလၧအလ့ၩ လၩ့လၧဘ့ၭၥဟိရၧၫ့အဘိၩ့ဘၭနီၪ, ဆၧမၩအၥၭလၧ ယဟိဝၩခွံၬလၩ့လိးဖၭဒိၪလဖၪ လၧမူၭခိၪလၧအဝ့ၫ ၥံၪအလီၩ့ ထီၩ့လၧအဇံကၫနီၪတၭ, အဝ့ၫၥံၪၥံၫဝ့ၫဒၪ လီၫ. ၦၥံၫလၧမုၥၪအလိးနီၪအၪနဲၪ့ၦလၧၦအံၫစရ့လၭ ဖိၪမၩၥံၫဝ့ၫလၧနၭနီၪဒံၭလီၫ.
12 ထီးနီၪလဖၧၫ့မုလနံၩလၧယဟိဝၩဖ့ၪလၫ့ခွံၬ ၦအၫ မိၫဖိၪလၧၦအံၫစရ့လၭဖိၪ အမ့ၬယၫနီၪစယီရှုၫအ့ၫချဲၩ့ ဆၧလၧယဟိဝၩတၭ, စံၭဝ့ၫလၧအံၫစရ့လၭ အမ့ၬ ယၫ, မုဧ့, အီၪထီနဝ့ၫလၧဂံဘအၧၫ့အလီၩ့, ဒဲနဝ့ၫဒၪ, လၩဧ့, လၧအၭဇလၧၫ့အခိၪလီၩ့ဆူၭဖၧၩ့နီၪဆံၭၬ
13 တၭမုနီၪအီၪထီဝ့ၫ, ဒဲလၩနီၪအီၪဂုးဝ့ၫထီးၦခမျၧး မၩဆၧၫ့ဆၧအၧၩ့ လၧအဒုၪအဒၩအလီၩ့ဂီၩ့လီၫ. အ ယီၩဘၪဆၧကွ့ၭအၥၭ လၧလံၬယၫၡၧၫအဖၧၩ့နီၪမွဲ အ့ၬဧၪ. တၭမုနီၪအီၪထီလၧမူၭခိၪအၥၭကျၩ, လနံၩ
14 ထၧၫ့နံၩယၫကၪယူၭလၩ့နုၬအ့ၬ.- လၧယဟိဝၩခိၭနၪ ယူၭၦၡၩအလူတၭး လၧအၥၫ့မွဲဂ့ၩ,လၧခဲၫ့မွဲဂ့ၩ,မုနံၩ ဘဲၫနီၪၥိၭအီၪအ့ၬ, အဂဲးဘဲၫယီၩ ယဟိဝၩဒုၭဆၧ လၧအံၫစရ့လၭအဂးလီၫ.
15 တၭစယီရှုၫအ့ၫထဲၩ့ထဲၩ့ဝ့ၫ, ဒဲအံၫစရ့လၭထီးအ လူၬဆ့, လၧၦၥုၪ့တဲၩအလးလၧဂံလဂၫလၭအဖၧၩ့နီၪ လီၫ.
16 အ့ၪမွဲစဎွၩယဲဂၩနီၪစဲၪ့ဖျိၭတၭ, အီၪက့ၪၥူၪအၥၭ
17 လၧဆၧအိၩဖၧၩ့လၧမၭကံဒၫအဖၧၩ့လီၫ.- တၭၦလီၩ ဘၪစယီရှုၫအ့ၫတၭ, စံၭဝ့ၫဒၪ, ၦဒၪန့စဎွၩယဲဂၩအီၪ က့ၪၥူၪအၥၭလၧဆၧအိၩဖၧၩ့ လၧမၭကံဒၫအဖၧၩ့နီၪ
18 လီၫ.- တၭစယီရှုၫအ့ၫစံၭဝ့ၫဒၪ, ချံးစိၩလိးဖၭဒိၪလဖၪ လၧဆၧအိၩဖၧၩ့အခိၪထိၭနီၪ, ဒဲအီၪက့ၪၦၡၩဘဲၫၥိၭအ
19 မိခိၭဝ့ၫထီးနီၪဆံၭ.- တၭအီၪထီနၥံၪဝ့ၫလဂ့ၩ,လီၩ့ ဆီးနၥံၪအဒုၪအဒၩကျီၪ့ခွံၬ ၦလၧအအီၪလၧခဲၫ့ထုၬ လဖၪနီၪဆံၭ, ဒုၭလ့ၩနုၬဝ့ၫလၧအဒိၩ့လဖၪနီၪအဖၧၩ့ လဂ့ၩး အဂဲးဘဲၫယီၩ နၥံၪအယွၩဖ့ၪလၫ့ခွံၬ အဝ့ၫၥံၪ
20 လၧနၥံၪအစူၪဖၧၩ့လီၫ.- တၭထီးစယီရှုၫအ့ၫဒဲၦအံၫ စရ့လၭဖိၪမၩၥံၫဝ့ၫ လၧဆၧမၩၥံၫဖၭဒိၪထီးအလူၬဂီၩ့ တၭ,ဆၧမၩအၥၭလၧၦအီၪလၩ့ထးလဖၪနီၪ လ့ၩနုၬ
21 လၧဒိၩ့အီၪလၧအခိၪဒၧၩ့လဖၪအဖၧၩ့နီၪလီၫ.- တၭ ၦခမျၧးထဲၩ့ထဲၩ့ လၧၦၥုၪ့တဲၩအလး ထီးစယီရှုၫအ့ၫ အအီၪထီးမၭကံဒၫနီၪမုၬမုၬလီၫ. ၦမၩဂဲၩအဖျ့ၩလၧ အံၫစရ့လၭဖိၪလဂၩလါလါအလီၩ့ နးဂၩအ့ၬ,
22 ထီးနီၪလဖၧၫ့စယီရှုၫအ့ၫစံၭဝ့ၫဒၪ, ဝဲထၪ့ဆၧအိၩ ဖၧၩ့အခိၪထိၭတၭ, ဂဲၫဆိၬထၪ့ခွံၬစဎွၩယဲဂၩလၧဆၧ
23 အိၩဖၧၩ့နီၪလၧယအီၪဆံၭ.- အဝ့ၫၥံၪမၩဝ့ၫဘဲၫနီၪ တၭ,ဂဲၫဆိၬထၪ့ခွံၬ စဎွၩယဲဂၩနီၪ လၧဆၧအိၩဖၧၩ့ လၧအအီၪနီၪ, ယရုစလံၫ့အစဎွၩလဂၩ, ဟံဘြၧၫ့အ စဎွၩလဂၩ, ယၫမုၫၥၫအစဎွၩလဂၩ, လၫခံၭအစဎွၩ
24 လဂၩ,အ့ၭဂလၫ့အစဎွၩလဂၩလီၫ.- ထီးအဝ့ၫၥံၪဂဲၫ ဆိၬစဎွၩလဖၪနီၪလၧစယီရှုၫအ့ၫအအီၪတၭ, ဆၧမၩ အၥၭလၧစယီရှုၫအ့ၫ ကိၭအံၫစရ့လၭအၡၩခွၫထီး အလူၬတၭ, စံၭၦၥုၭမုအခိၪလဖၪ လၧအလ့ၩဖိၬအ ခဲၫ့,ဂဲၫၥုၭဘူၭနၥံၪအၥၭ, အီၪက့ၪနၥံၪအခၪ့လၧစဎွၩ လဖၪယီၩအခိၬလီၩ့နီၪဆံၭ. တၭအဝ့ၫၥံၪၥုၭဘူၭအ ၥၭတၭ,အီၪက့ၪအခၪ့ လၧအဝ့ၫၥံၪ အခိၬအဖၫ့ခိၪ
25 လီၫ.- တၭစယီရှုၫအ့ၫစံၭဝ့ၫ, ၥၭမဲၪဆၧလဂ့ၩ,ဒဲအၪ့ ယိၪဆၧလဂ့ၩတၭ, အီၪက့ၪဆီၪ့နၥံၪအၥၭ, ဒဲမၩဆီၪ့ နၥံၪအဂဲးဆံၭ. အဂဲးဘဲၫယီၩ ယဟိဝၩမိမၩနၥံၪအ ဒုၪအဒၩ လၧနၥံၪဒုၭၥုၭထၫ့ဒၩဝ့ၫ ထီးအလူၬနီၪဘဲၫ နီၪအၥိၭဆ့လီၫ.
26 လၧခဲၫ့ထဲၩ့တၭ စယီရှုၫအ့ၫဖ့ၬခွံၬ စဎွၩလဖၪနီၪ တၭ,မၩၥံၫဝ့ၫ, ဒဲစၧၩ့လၩ့ဆဲၩဝ့ၫလၧၥံၪ့ယဲထံၭအ လီၩ့တၭ,အဝ့ၫၥံၪလၩ့ဆဲၩဝ့ၫ လၧၥံၪ့အလီၩ့ထီးမုဂၪ
27 လၩ့လီၫ.- ထီးမုလၩ့နုၬတၭဆၧမၩအၥၭလၧစယီရှုၫ အ့ၫမၪလူၬဆၧတၭ, ၦမၩန့ခွံၬဝ့ၫလၧၥံၪ့အလီၩ့တၭ, ခွံၬၡိၭခွံၬဝ့ၫလၧဆၧအိၩဖၧၩ့, ထီးအလးလၧအအီၪ က့ၪၥူၪယူၭအၥၭလၧအဖၧၩ့တၭ, အီၪက့ၪလိးဖၭဒိၪ လဖၪလၧဆၧအိၩဖၧၩ့အခိၪထိၭနီၪတၭ, ဆၧအီၪဝ့ၫ ထီးမုဆၫလနံၩယီၩလီၫ.
28 တၭဆၧလၧမုလနံၩနီၪ စယီရှုၫအ့ၫမၩန့မၭကံဒၫ, ဒဲဖ့ၬခွံၬဝ့ၫလၧနၭအနါ, ဒဲမၩဂၭဂီၩ့ခွံၬအစဎွၩ, အဝ့ၫ ဒၪဒဲကယဲၦအီၪလၧဒိၩ့ဖၧၩ့လီၫ. အီၪက့ၪလၩ့ထးဝ့ၫ နးဂၩအ့ၬ. တၭအဝ့ၫဒၪ မၩမၭကံဒၫအစဎွၩ ဘဲၫအ မၩယ့ၫရခိၫအစဎွၩအၥိၭနီၪလီၫ.
29 ထီးနီၪလဖၧၫ့ စယီရှုၫအ့ၫ စဲၪ့ထၪ့ခွံၬလၧမၭကံဒၫ နီၪဒဲအံၫစရ့လၭထီးအလူၬ ဖိၬအခဲၫ့ထီၩ့လၧလံဘနၫ
30 တၭ,ဒုၭဆၧထၫ့ဒၩ လံဘနၫလီၫ.- တၭယဟိဝၩဖ့ၪ လၫ့ဝ့ၫဆ့, ဒဲအစဎွၩလၧအံၫစရ့လၭ အစူၪဖၧၩ့တၭ, မွဲအဖ့ၬဝ့ၫလၧနၭအနါ ဒဲကယဲၦအီၪလၧအဖၧၩ့လီၫ. ဒုၭအီၪလၩ့ထးဝ့ၫလၧအဖၧၩ့နးဂၩအ့ၬ. မွဲအမၩအစ ဎွၩဘဲၫအမၩယ့ၫရခိၫအစဎွၩအၥိၭနီၪလီၫ.
31 တၭစယီရှုၫအ့ၫ စဲၪ့ထၪ့ခွံၬလၧလံဘနၫ ဒဲအံၫစရ့ လၭထီးအလူၬဖိၬအခဲၫ့ ထီၩ့လၧလၫခံၭတၭ, ၥုၪ့အ
32 တဲၩထၫ့ဒၩဝ့ၫတၭဒုၭဆၧထၫ့ဒၩဝ့ၫလီၫ.- တၭယဟိ ဝၩဖ့ၪလၫ့ခွံၬ လၫခံၭလၧအံၫစရ့လၭအစူၪဖၧၩ့လၧ အမၩန့ဝ့ၫလၧနံၫနံၩလနံၩ ဒဲဖ့ၬခွံၬဝ့ၫလၧနၭအနါ, ဒဲ ကယဲၦအီၪလၧအဖၧၩ့, ဘဲၫကယဲ ဆၧလၧအမၩယူၭ လံဘနၫအၥိၭနီၪလီၫ.
33 ထီးနီၪလဖၧၫ့ဂံဇၧၫ အစဎွၩ ဟိရၫ့ဂဲၫထၪ့ဝ့ၫဘဲၫ ၥိၭအမိမၩဆၧၩ့လၫခံၭတၭ, စယီရှုၫအ့ၫဖ့ၬခွံၬအဝ့ၫ ဒဲအၡၩခမျၧးတၭ, အီၪက့ၪလၩ့ထးဝ့ၫနးဂၩအ့ၬ.
34 စယီရှုၫအ့ၫစဲၪ့ထၪ့ခွံၬဝ့ၫ လၧလၫခံၭထီၩ့လၧအ့ၭဂ လၫ့ဒဲအံၫစရ့လၭထီးအလူၬဖိၬအခဲၫ့တၭ, အဝ့ၫၥံၪ
35 ၥုၪ့တဲၩထၫ့ဒၩဝ့ၫ, ဒဲဒုၭဆၧထၫ့ဒၩဝ့ၫ,- တၭမၩန့ဝ့ၫ လၧမုလနံၩနီၪ ဒဲဖ့ၬခွံၬဝ့ၫလၧနၭအနါ, ဒဲကယဲၦအီၪ လၧအဖၧၩ့ထီးအလူၬနီၪ မၩဂၭဂီၩ့ဝ့ၫလၧမုလနံၩနီၪ ဘဲၫကယဲဆၧလၧအမၩယူၭ လၫခံၭအၥိၭနီၪလီၫ.
36 တၭစယီရှုၫအ့ၫစဲၪ့ထၪ့ခွံၬလၧအ့ၭဂလၫ့, ဒဲအံၫစ ရ့လၭထီးအလူၬဖိၬအခဲၫ့ထီၩ့လၧဟံဘြၧၫ့တၭ, ဒုၭ
37 ဆၧထၫ့ဒၩဝ့ၫ,- ဒဲဖ့ၬခွံၬဝ့ၫလၧနၭအနါ, ဒဲအစဎွၩဒဲ အဒိၩ့လဖၪထီးအလူၬ, ဒဲကယဲၦအီၪလၧအဖၧၩ့ထီး အလူၬတၭ, အီၪက့ၪလၩ့ထးဝ့ၫနးဂၩအ့ၬ. ဘဲၫကယဲ ဆၧလၧအမၩယူၭအ့ၭဂလၫ့အၥိၭနီၪတၭ, မၩဂၭဂီၩ့ ခွံၬဝ့ၫဒဲကယဲၦအီၪလၧအဖၧၩ့ ထီးအလူၬလီၫ.
38 တၭစယီရှုၫအ့ၫထဲၩ့ထဲၩ့, ဒဲအံၫစရ့လၭထီးအလူၬ
39 ဖိၬအခဲၫ့ထီၩ့လၧဒံဘၧၫတၭဒုၭဆၧထၫ့ဒၩဝ့ၫး- ဒဲမၩ န့ဝ့ၫ,ဒဲအစဎွၩ, ဒဲအဒိၩ့ထီးအလူၬလဖၪတၭ, ဖ့ၬခွံၬ ဝ့ၫလၧနၭအနါ, ဒဲမၩဂၭဂီၩ့ခွံၬကယဲၦအီၪလၧအဖၧၩ့ ထီးအလူၬလီၫ. အီၪက့ၪလၩ့ထးဝ့ၫနးဂၩအ့ၬ. ဘဲၫအ မၩယူၭဟံဘြၧၫ့အၥိၭနီၪမၩဒံဘၧၫ ဒဲအစဎွၩဘဲၫနီၪ အၥိၭး ဘဲၫအမၩယူၭဆ့လံဘနၫ ဒဲအစဎွၩအၥိၭနီၪ လီၫ.
40 တၭစယီရှုၫအ့ၫကျီၪ့ခွံၬ ခိၪလီၩ့ထိၩ့ချိၬအခးထၧၫ့ ခးယၫ,ဒဲမုခံၫ့အခး, ဒဲဆၧဒၩဖၧၩ့အခး, ဒဲထံၫထၪ့ဖျိၭ အခး,ဒဲအဝ့ၫၥံၪ အစဎွၩလဖၪထီးအလူၬလီၫ. အီၪ က့ၪလၩ့ထးဝ့ၫနးဂၩအ့ၬ. မၩဂၭဂီၩ့ကယဲဆၧလၧအ ၥၪဝ့ၫ,ဘဲၫယဟိဝၩ အံၫစရ့လၭအယွၩ မၪလူၬဝ့ၫအ
41 ၥိၭနီၪလီၫ.- တၭစယီရှုၫအ့ၫဖ့ၬခွံၬဆၧလၧကၫဒ့ၭဘၫ န့အၫဖိးလၧဂၫဇၫ, ဒဲဂိၡံၫ့အခးထၧၫ့ခးယၫဖိးလၧဂံ
42 ဘအၧၫ့လီၫ.- တၭစဎွၩထီးအလူၬလဖၪယီၩ ဒဲအ ထံၫၥံၪခးၥံၪနီၪ စယီရှုၫအ့ၫမၩန့ဝ့ၫလစီၪ့ဎးလီၫ. အ ဂဲးဘဲၫယီၩ ယဟိဝၩအံၫစရ့လၭအယွၩ ဒုၭဆၧလၧ
43 အံၫစရ့လၭအဂးလီၫ.- တၭစယီရှုၫအ့ၫ ထဲၩ့ထဲၩ့ဒဲ အံၫစရ့လၭထီးအလူၬ ဖိၬအခဲၫ့ထီၩ့လၧၦၥုၪ့တဲၩအ လးလၧဂံလဂၫလၭအဖၧၩ့နီၪလီၫ.