9
1 ဘဲၫၥိၭယမ့ၬထံၫမိလၩ့မုဆၫဆၫမုနၩနၩ လၧၦဘၪ ဆဲၫ့လၧယၡၩခမျၧးအဖိၪမုၪနီၪ ဘၪဆၧမၩၥံၫဝ့ၫအ ကၠီၩ့တၭ,ယခိၪဎွံၪမွဲလါထံၫၥံၪနီၫ့ၥံၪ, ဒဲယမ့ၬၥၪၥံၪမွဲ လါမ့ၬထံၫအထံၫထၪ့ဖျိၭနီၪဆံၭၬ
2 ဘဲၫၥိၭယမိစဲၪ့ဒၪယၡၩခမျၧး, ဒဲစဲၪ့ထၪ့ခွံၬလၧအဝ့ၫ ၥံၪအအီၪနီၪ, မွဲယအီၪလါလၧၥရိၬဘၪဆဲၫ့ လၧၦမွံၩ နီၪလၧၡါမုနၧၫ့ဖၫနးဖျိၪ့ဆံၭၬ အဂဲးဘဲၫယီၩအဝ့ၫၥံၪ မွဲၦအဲၪဘိၩ့မၫထီးအလူၬ, ၦအၪ့လီၫဆၧအဆၧအီၪ
3 ကီၪ့လီၫ.- မွဲအဘိၭထၪ့အဖျ့ၩဘဲၫအချံၪအၥိၭလၧအၪ့ လီၫဆၧအဂး, ဒဲအီၪက့ၩဒူၩအၥၭလၧအဆၧမွဲဆၧတီၩ အဂးလၧခးဖၧၩ့အ့ၬ. အဂဲးဘဲၫယီၩအဝ့ၫၥံၪလ့ၩဆၧ လၧအဆၧအၧၩ့ နၭထၪ့ထူထူ လၧအဆၧအၧၩ့တၭ,
4 ၥ့ၪယၫယၧၩအ့ၬး ယဟိဝၩစံၭဝ့ၫဒၪ.- ထီးလၩ့နၥံၪအ ၥၭကိၭဂၩဒ့ၭ လၧနၥံၪအထံၩအၥိၭအကၠီၩ့ဘီၪ. တၭ ဒိၭနဲၩ့နၥံၪအၥၭလၧနၥံၪအထၧၫ့ဖုဝဲနးဂၩလဂ့ၩ. အဂဲး ဘဲၫယီၩကယဲထၧၫ့ဖုဝဲလဂၩလါလါနီၪ မိအၪ့လီၫဆၧ တၡါ, ဒဲကယဲၦထံၩၦၥိၭလဂၩလါလါနီၪ မိလ့ၩချဲၩ့
5 ခဲၪဆၧလီၫ.- အဝ့ၫၥံၪမိအၪ့လီၫန့ၦလၧအနဲၩ့ထံၭတၭ, ချဲၩ့ဆၧမွဲဆၧတီၩအ့ၬ. အဝ့ၫၥံၪၥီၪ့လိၪအဖျ့ၩဘဲၫၥိၭ မိချဲၩ့ဆၧအဘျံၭအဘျၪ, မၩဆၧအၧၩ့ ထီးဆၧပွံၭအ
6 ၥၭလီၫ.- နအီၪအလးနီၪ မွဲဆၧအၪ့လီၫအကျၩလီၫ. မွဲအအၪ့လီၫဆၧအကၠီၩ့တၭ, မိၥ့ၪယၫယၧၩယီၩအၥၭ
7 အီၪအ့ၬး ယဟိဝၩစံၭဝ့ၫဒၪ.- မၩအၥၭဘဲၫနီၪတၭ, ဆၧၥုၭမုးခမျၧးအယဟိဝၩစံၭဝ့ၫဘဲၫယီၩ, ယိခွါ,ယမိ မၩဖံၪထၪ့အဝ့ၫၥံၪဒဲမၩခွါဝ့ၫလီၫ. အဂဲးဘဲၫယီၩလၧ ယၡၩခမျၧးအဖိၪမုၪအဂးနီၪ, ယမိမၩဆၧအဂူၫဂၩၥ့ၪ
8 ဘဲၫၥ့ၪလဲၪ.- အဝ့ၫၥံၪအဖျ့ၩမၩအၥၭ ဘဲၫဖျါခၭယူၭ အၥိၭနီၪတၭ, ချဲၩ့အၪ့လီၫဆၧလီၫ. ၦလဂၩချဲၩ့ဆၧ ဘၪလိၬအိၭလိၬ လၧၦလၧအနဲၩ့ထံၭ လၧအနိၭလခီၫ လီၫ.အ့ၪမွဲလၧအၥၭခံဖၧၩ့နီၪ အီၪခိၭၥူၪဆၧလၧအဂး
9 လီၫ.- ယမိဘၪစ့ၩရၫ့အဝ့ၫၥံၪ လၧဆၧလဖၪနီၪအကၠီၩ့ မွဲအ့ၬဧၪ. ယဟိဝၩ စံၭဝ့ၫဒၪ, ယၥၭမိမၩဆၧၫ့ဆၧ
10 အၧၩ့လၧၦဆၨၩဘဲၫယီၩၥိၭမွဲအ့ၬဧၪ.- ယမ့ၬထံၫမိ လၩ့တၭ, ယမိဂၪ့လၧခိၪလီၩ့ထိၩ့ချိၬအကၠီၩ့, ယမိဂၪ့ လၧၡါမုနၧၫ့ဖၫ အၪ့အဆၪအလးအကၠီၩ့လီၫ. အဂဲး ဘဲၫယီၩ မ့ၪအၪ့ခွံၬဝ့ၫထီးၦလ့ၩခၫ့ဂၬအလးနီၪၥ့ၪနး ဂၩအ့ၬ.ဒဲဆၧဖိၪဆၧဎါအဒိၩ့အလူနီၪ ၦၡၩနါဂၧၫ့ဘၪ လၧၩ့အ့ၬ. တၭထိၪၥံၪလံၪၥံၪလၧဆၧဖိၭဖၫ့နီၪ ဒဲဆၧ
11 ဖိၪဆၧဎါနီၪစဲၪ့ခွံၬယူၭး- ယမိမၩယရုစလံၫ့လၧဆၧ ပိၩ့လဖၪ, ထွံၪဂၪ့ခိၪအီၪအလးတၭ, ယမိမၩအီၪယူ ယုဒၫအဒိၩ့လဖၪ ထီးၦအီၪဝ့ၫလၧအဖၧၩ့နးဂၩအ့ၬ.
12 ၦကိၪ့ဆၧၥ့ၪလၧအနၪၥ့ၪဆၧယီၩ မွဲပလၫလဂၩလဲၪ. တၭၦလၧယဟိဝၩအနိၭမိချဲၩ့ဝ့ၫ, ဘဲၫၥိၭအမိဒုၭနဲၪ ဝ့ၫနီၪ,မွဲပလၫလဂၩလဲၪ. ခးဂၭဂီၩ့, မ့ၪအၪ့ခွံၬဝ့ၫဘဲၫ ၡါမုနၧၫ့ဖၫအၥိၭနီၪ, ထီးၦၡၩလလ့ၩခၫ့ဂၬဘၪဝ့ၫနး ဂၩနီၪမွဲဘၪလဲၪ.
13 ယဟိဝၩစံၭဝ့ၫဒၪ, မွဲအဝ့ၫၥံၪခွံၬၡိၭ ယဆၧၥီၪ့ဆၧ ၥၫ့လၧယအီၪက့ၪလၩ့ လၧအမ့ၬယၫတၭ, လခိၭနၪ
14 ဘၪယလူတၭ,လ့ၩဝ့ၫလၧအဖၧၩ့ဆ့အ့ၬ.- အ့ၪမွဲလ့ၩ ဖိၬအၥၭဒၪဝ့ၫအနါကဲၪ့အခဲၫ့တၭ, လ့ၩဖိၬဘၫအလၭ
15 လဖၪအခဲၫ့လၧပဖါၥံၪၥီၪ့လိၪဝ့ၫလီၫ.- မၩအၥၭဘဲၫနီၪ တၭ, ဆၧၥုၭမုခမျၧး အယဟိဝၩ အံၫစရ့လၭအယွၩ စံၭဝ့ၫဒၪ, ယိခွါ, ယမိဒုၭအၪ့ၦခမျၧးယီၩလၧရီးခၥီၫ,
16 ဒဲဒုၭအီၩဝ့ၫလၧၥံၪခၪအထံၫလီၫ.- ယမိမၩလၩ့ပြံၩ လၩ့ပၩအဝ့ၫၥံၪလၧၦဆၨၩလဖၪအကျၩ လၧအဝ့ၫၥံၪ မွဲဂ့ၩ,ဒဲအဖါလဖၪမွဲဂ့ၩၥ့ၪယၫဝ့ၫအ့ၬ, တၭယမိအၪ့ မၧၫ့နၭလဘံၪ့လ့ၩဖိၬအခဲၫ့ ထီးယမၩလူၬခွံၬဝ့ၫလီၫ.
17 ဆၧၥုၭမုခမျၧးအယဟိဝၩစံၭဘဲၫယီၩ, ဆီၫ့မီၪ့ဆၧ တၭကိၭန့ၦမုၪလၧအဂၪ့ဆၧဘဲၫၥိၭအမိဂဲၫတၭ, အၪ့ မၧၫ့လၩ့ဆၧလၧ ၦမၩဆၧၥ့ၪအအီၪနီၪ ဘဲၫၥိၭအမိဂဲၫ
18 ဆံၭ.- တၭမွဲအမၩဆၧချဲၫ့ချဲၫ့, ဒဲဂၪ့လၧပကၠီၩ့ဘဲၫၥိၭ ပမ့ၬထံၫမိယွၩလၩ့, ဒဲပမ့ၬထံၫဂဲၫဖျိၭထၪ့ လၧပမ့ၬ
19 ဖံၭနီၪဘီၪ.- မွဲမၬ, ဂၪ့ဆၧယၧၩ့ဆၧအၥီၫဂၧၫ့ထၪ့ဝ့ၫ လၧဇံအိၫ့အဖၧၩ့လီၫ. ပဘၪဆၧမၩဆီၪ့န့ပၧၩဆံၭဒိၪ လဲၪၬပအီၪက့ၪမဲပမ့ၬ ဒိၪမၬလီၫ. အဂဲးဘဲၫယီၩ ပ စဲၪ့ထၪ့လၧခးဖၧၩ့, မွဲၦၡၩမၩလၩ့ဎီးခွံၬ ပဂံၪ့အဂဲး
20 လီၫ.- မွဲလါနၫ့တၭ, ၦမုၪၥံၪဧ့, ခိၭနၪယဟိဝၩအလူ တၭ,ဒုၭနါဂၧၫ့နၥံၪအနါ လၧအနိၭအဆၧချဲၩ့တၭ,ၥီၪ့ လိၪနၥံၪအဖိၪမုၪလၧအမိဂၪ့ဆၧဘီၪ. တၭမွဲၦၡၩၥီၪ့ လိၪလဂၩအလိၭဖၪ့ လဂၩအလိၭဖၪ့ လၧဆၧဂၪ့ဆၧ
21 ယၧၩ့ဆံၭ.- အဂဲးဘဲၫယီၩဆၧၥံၫဂဲၫနုၬ လၧပဂံၪ့တရၫ့ လံၩလဖၪနီၪ, ဒဲဂဲၫနုၬဝ့ၫလၧပနီးလဖၪအဖၧၩ့နီၪ,ဘဲၫ ၥိၭအမိဖ့ၬခွံၬ ဖိၪဒံၩဖိၪၥၪလၧဖၧၩ့ၥၭဖၧၩ့, ဒဲၦဖိၪၥၪ
22 ခွၫလၧဖၧၩ့ၥၭမုဖၭလဲအဖၧၩ့နီၪလီၫ.- စံၭ, ယဟိဝၩ စံၭဝ့ၫဘဲၫယီၩ, ၦၡၩအစွၪနီၪမိလၩ့ထ့ၬဘဲၫဆၧအ့ၪ လၧဆၧပျၩ့ဖၧၩ့အၥိၭနီၪ, ဒဲဘဲၫဘုၪအစူၪၥံၪလၧၦကူၭ ဆၧအလးခဲၫ့ လၧၦလအၪ့ထုၫ့ထၪ့ဘၪနးဂၩအၥိၭနီၪ လီၫ.
23 ယဟိဝၩစံၭဘဲၫယီၩ, ၦကိၪ့ဆၧၥ့ၪနီၪ,မွဲအထီးအၪ့ အူၭလၩ့အၥၭ လၧဆၧကိၪ့ၥ့ၪအကၠီၩ့နီၪလဂ့ၩး တၭ ၦလၧအဂဲးဆီၪ့အဘၭဆီၪ့နီၪ, မွဲအထီးအၪ့အူၭလၩ့ အၥၭလၧအဂဲးအဘၭအကၠီၩ့လဂ့ၩး တၭၦၥထံၫနီၪ, မွဲအထီးအၪ့အူၭလၩ့အၥၭလၧအဆၧထူၭဆၧလၧၫ့
24 အကၠီၩ့နီၪလဂ့ၩ.- အ့ၪမွဲၦလၧအအၪ့အူၭလၩ့အၥၭ နီၪ,မွဲအအၪ့အူၭလၩ့အၥၭ လၧအယီၩလမံၩ့အကၠီၩ့, လၧအနၪၥ့ၪယဂဲးယကၠီၪ့, ဒဲၥ့ၪယၫယၧၩလၧယမွဲယ ဟိဝၩလၧအမၩဆၧအဲၪအခိးအတၩ ဒဲဆၧစ့ၩရၫ့တီၩ, ဒဲဆၧတီၩဆၧလီၩ့လၧဂၪ့ခိၪချိၫ့နီၪဆံၭ. အဂဲးဘဲၫယီၩ ဘၪယၥၭလၧဆၧနီၪလဖၪ, ယဟိဝၩ စံၭဝ့ၫဒၪ.
25 ယဟိဝၩစံၭဝ့ၫဒၪ, ယိခွါ,မုနံၩလဖၪဂဲၫလၧယမိစ့ၩ ရၫ့စၪကယဲၦဒိၭဆၧကူၭတရံၭအီၪဝ့ၫလၧၦလဒိၭဘၪ
26 ဆၧကူၭတရံၭအၥိၭနီၪ,- အံဇံၭဒဲယုဒၫ, ဒဲအံဒၧၫ့, ၦ အၫမၧၫ့ဖိၪ, ဒဲၦမိအၭဖိၪ, ဒဲၦလၧအလိၩ့အခၪလၬဆီၪ့ အနိၪ့လဖၪ လၧအအီၪဝ့ၫလၧၡါမုနၧၫ့ဖၫလီၫ. အဂဲး ဘဲၫယီၩၦဆၨၩထီးအလူၬနီၪ ဒိၭဆၧကူၭတရံၭအ့ၬ. တၭအံၫစရ့လၭအဂံၪ့ဖိၪထီးအလူၬ ဒိၭဆၧကူၭတရံၭ လၧအၥၭခံဖၧၩ့ဆ့အ့ၬ.