10
1 အံၫစရ့လၭအၡၩဂံၪ့ဖိၪၥံၪဧ့, ခိၭနၪဆၧချဲၩ့လၧယ
2 ဟိဝၩချဲၩ့ဆၧလၧနၥံၪဆံၭ.- ယဟိဝၩစံၭဝ့ၫဘဲၫယီၩ, ထီးမၩလိၪၦဆၨၩလဖၪအဖၧၩ့ၥၭလဂ့ၩး တၭမူၭခိၪ အဆၧလၩ့လၭလဖၪနီၪ ၦဆၨၩလဖၪ ၥၭမဲၪလါနၫ့,
3 ထီးၥၭမဲၪ နၥံၪဝ့ၫလဂ့ၩး- အဂဲးဘဲၫယီၩ ၦခမျၧးအ ထူၫအရူၫနီၪမွဲဆၧပျီၩပျီၩလီၫ. အဂဲးဘဲၫယီၩၦလဂၩ ခူၬလၩ့ဝ့ၫလၧၥံၪ့လထံၭလၧမံၩ့လၬကျၩ, ၦမၩဆၧၥ့ၪ
4 အစူၪစိၭဝ့ၫလၧကွၩလီၫ.- အဝ့ၫၥံၪကယၧၩ့ကယီၫဝ့ၫ လၧကျိၪၥံၪစ့ၩၥံၪ, ဒဲထီၫ့ၥံၪလွ့ၫၥံၪတၭ, ဖျၩထၬဝ့ၫ လၧထၭစဲၩၥံၪ ဒဲစၭခုၪဘဲၫၥိၭ အထီးဂဲၩဝၭလဂ့ၩ.
5 မွဲအအီၪထုၪ့လုၪ့ ဘဲၫၥံၪ့ စီၩ့မလီၫ့အၥိၭလါနၫ့တၭ, ချဲၩ့ဆၧၥ့ၪအ့ၬ. ၦၡၩဘၪဆိၬဝ့ၫနီၪ, အဂဲးဘဲၫယီၩလ့ၩ ဆၧၥ့ၪအ့ၬ. ထီးၥၭမဲၪအဝ့ၫၥံၪလဂ့ၩး အဂဲးဘဲၫယီၩ
6 မၩအၧၩ့ဆၧၥ့ၪအ့ၬ, ဒဲမၩဂ့ၩဆၧၥ့ၪဆ့အ့ၬ.- မွဲမၬ, ဆၧလၩ့ဂၬလၧနၧၩအီၪအ့ၬ, ယဟိဝၩဧ့,နမွဲဆၧအဒိၪ
7 တၭ,နမံၩ့ဒိၪဝ့ၫလၧဆၧအစီၩ့အမၩ့အကၠီၩ့လီၫ.- ၦ ဆၨၩလဖၪအစဎွၩဧ့, ၦလၧအလၥၭမဲၪဘၪနၧၩနီၪ, မွဲပလၫလဂၩလဲၪ. အဂဲးဘဲၫယီၩဆၧၥၭမဲၪကြၨၭလၧ နၧၩလီၫ. အဂဲးဘဲၫယီၩလၧၦကိၪ့ၥ့ၪထီးအလူၬလၧ ၦဆၨၩလဖၪအကျၩ, ဒဲလၧအဘၩ့အမုး ထီးအလူၬ
8 အဖၧၩ့နီၪဆၧလၩ့ဂၬနၧၩအီၪအ့ၬ.- တၭအဝ့ၫၥံၪမွဲ ၦဘၪဆဲၫ့လၧဆၧဖိၪဆၧဎါ, ဒဲၦဂၭဂီၩ့ဖိၪလစီၪ့ဎးလီၫ. ၥံၪ့အထုၪ့နီၪမွဲဆၧၥီၪ့ထဲၩ့ၥၫ့ထဲၩ့ အဆၧပျီၩပျီၩလီၫ.
9 စ့ၩပၪပဲၪအဘံၪ့ၥံၪနီၪ ၦဂဲၫဆိၬဝ့ၫလၧတၫၡံၭ, ဒဲဂဲၫန့ ထီၫ့လၧယုဖဇၭနီၪ, ၦမၩဆၧ, ဒဲၦၥိၫ့ဆၧအဆၧမၩ လီၫ.ဆၧလၫဒဲဆၧလုၭဖုၭနီၪမွဲအကီၩ့အၥိၭလီၫ. ဆၧ
10 ထီးအလူၬနီၪမွဲၦမၩဆၧၥ့ၪအဆၧမၩလီၫ.- အ့ၪမွဲယ ဟိဝၩမွဲယွၩ အမွဲအတီၩ, အဝ့ၫဒၪမွဲယွၩ လၧအမၧၫ့ ဝ့ၫ,ဒဲစဎွၩအဆိၩအကၠၪလီၫ. ဂၪ့ခိၪမိဝၭလၧအၥၭထၪ့ အကၠီၩ့, ဒဲၦဆၨၩလဖၪအီၪဝ့ၫလၧအၥၭခဲၩထၪ့အမ့ၬ ယၫကဲၪအ့ၬ.
11 (နၥံၪမိဘၪစံၭအဝ့ၫၥံၪဘဲၫယီၩ, ယွၩလဖၪလၧအ လတဲၩ့လၩ့ဘၪမူၭခိၪဒဲဂၪ့ခိၪနီၪ, မိလၩ့မါခွံၬလၧဂၪ့
12 ခိၪချိၫ့ဒဲလၧမူၭခိၪယီၩအဖၫ့လၬလီၫ.)- အဝ့ၫဒၪတဲၩ့ လၩ့ဂၪ့ခိၪလၧအစီၩ့အမၩ့, မၩခၧၫ့ဂၪ့ခိၪထၧၫ့ဖျိၪ့ယၫ လၧအဆၧကိၪ့ၥ့ၪကိၪ့ဘၪ ဒဲပၠၪထၪ့မူၭခိၪလၧအဆၧ
13 ကိၪ့ဆၧဖၭလီၫ.- ထီးအဒုၭၥီၫထၪ့အလူနီၪ, ထံၫခမျၧး အီၪဝ့ၫလၧမူၭဖိၭဖၫ့, ဒဲဒုၭအွံၩထၪ့ဆၧ လၧဂၪ့ခိၪအ ထုၬနီၪလီၫ. အဆၧတဲၩ့လၫ့ဝဲဒံၭ အီၪလၧဆၧဆၧၩ့ တၭ,ဂဲၫဆိၬထၪ့ခွံၬလံၩ လၧအဆၧအီၪက့ၪကီၪ့အလး
14 ဖၧၩ့လီၫ.- လၧဆၧၥ့ၪယၫအဖၧၩ့နီၪအဝ့ၫၥံၪဘၪဆဲၫ့ လၧဆၧဖိၪ ဆၧဎါကိၭဂၩဒ့ၭလီၫ. ကယဲၦၥိၫ့ဆၧအ ဆၧဂၩ့နီၪအီၪက့ၪမဲအမ့ၬလီၫ. အဂဲးဘဲၫယီၩအဆၧ ဂၩ့ၥိၫ့အၥၭနီၪမွဲဆၧအဘျံၭအဘျၪတၭ, အၥၪၡိၫအီၪ
15 လၧအဖၧၩ့အ့ၬ.- အဝ့ၫၥံၪမွဲဆၧပျီၩပျီၩ, ဆၧဒုၪဒွ့ၪအ လးလီၫ. ထီးဆၧစ့ၩရၫ့အဆၧၫ့အထီနီၪ, အဝ့ၫၥံၪမိ
16 ဂၭဂီၩ့လီၫ.- စယၫကူၭအဂးနီၪလၩ့ဂၬအဝ့ၫၥံၪအ့ၬ. အဂဲးဘဲၫယီၩ အဝ့ၫဒၪ မွဲၦတဲၩ့ဆၧထီးအလူၬတၭ, အံၫစရ့လၭ မွဲအဆၧန့ၥၫ အနိၪထိၪလီၫ. ဆၧၥုၭမု ခမျၧးအယဟိဝၩနီၪမွဲအမံၩ့လီၫ.
17 ၦအီၪလၧထိၬဖၧၩ့ၥံၪဧ့, အၪ့ထုၫ့ထၪ့နဆၧဖိၪဆၧ လံၩလၧခးဖၧၩ့ဘီၪ.-
18 အဂဲးဘဲၫယီၩ ယဟိဝၩစံၭဘဲၫ ယီၩ,ယိခွါ, ယမိခွံၬၡိၭၦခးဖိၪလဖၪလၧဆၧခွံၬလဖၧၫ့ ဎးတၭ, ယမိမၩခိမၩဝီၩဝ့ၫ ထီးအၥ့ၪယၫအၥၭလီၫ.
19 မွဲယဘၪဆၧမၩဆၫယၧၩတၭ, ယဘၪဆၧအၡၪ့, ယဖၧၩ့လးဆၫနၭမၬလီၫ. မွဲလါနၫ့တၭယစံၭ, မွဲမၬ, အဝ့ၫယီၩမွဲယဆၧၡၪ့ဆၧနၭ ဒဲယဘၪအွံၪၥၭဆၧၩ့
20 လီၫ.- ယတဲၩဂၭဂီၩ့ယူၭ, ဒဲယဖျံၩထီးအလူၬထ့ၬခွံၬ ယူၭ,ယဖိၪၥံၪထီးအလူၬ စဲၪ့ထၪ့ခွံၬယူၭလၧယအီၪ တၭအီၪလၧၩ့အ့ၬ. ၦဆုးထၪ့ယတဲၩဒဲဘျၭထၪ့ကလ
21 ကၫနီၪအီၪလၧၩ့အ့ၬ.- အဂဲးဘဲၫယီၩၦယူၬၥိၪၥံၪထီး အလူၬနီၪ ကဲၪထၪ့ၦဘၪဆဲၫ့လၧဆၧဖိၪဆၧဎါတၭ, အၪ့ဎၬယဟိဝၩအ့ၬ. မၩအၥၭဘဲၫနီၪတၭ, ဘီၪထၪ့ ယီၫထၪ့အ့ၬ, တၭအၥိၪအဒီၪ့ၥံၪလၩ့ပြံၩလၩ့ပၩထီး
22 အလူၬလီၫ.- ဆၧအပရၧၫ့ၥီၫထၪ့,ယိခွါ,ဂဲၫဝ့ၫ,ဒဲဆၧ တုၩ့ထၪ့တုၩ့လၩ့ဖၭဒိၪ လၧခးလၧမုဖၩလခီၫဘဲၫၥိၭ အမိမၩယူယုဒၫအဒိၩ့လဖၪ, ဒဲမၩဝ့ၫလၧထွံၪဂၪ့ခိၪ အီၪဝ့ၫအလးလီၫ.
23 ယဟိဝၩဧ့, ယၥ့ၪယၫလၧၦၡၩအဖၧၩ့ၥၭအီၪလၧ အနၫ့ဆါဒၪဝ့ၫအဖၧၩ့အ့ၬး တၭၦလၧအလ့ၩဆၧနီၪ
24 ပၧၩ့အခၫထၪ့လဖၪၥ့ၪအ့ၬ.- ယဟိဝၩဧ့, အၪ့ၥီၪ့ ယၧၩလါနၫ့, မွဲလၧနဆၧစ့ၩရၫ့အဖၧၩ့, မၩလၧနၥၭ
25 ထၪ့လဂ့ၩ, နမိမၩလၩ့မါခွံၬဘၪခိၬယၧၩလီၫ.- လူၫ လၩ့ခွံၬနၥၭထၪ့လၧၦဆၨၩလဖၪ လၧအလၥ့ၪယၫဘၪ နၧၩ,ဒဲလၧၦဂံၪ့ဒီၪ့လဖၪ လၧအလကိၭထၪ့ဘၪနမံၩ့နီၪ အလီၩ့ဆံၭ. အဂဲးဘဲၫယီၩအဝ့ၫၥံၪအၪ့ခွံၬစယၫကူၭ တၭ,ယုလၩ့ခွံၬဝ့ၫဒဲမၩလူၬခွံၬဝ့ၫ, ဒဲမၩယူဝ့ၫအလး လၧအအီၪလီၫ.