6
1 ၦဘံၪ့ယမံၫ့ဖိၪၥံၪဧ့, အီၪကီၪ့နၥံၪဝ့ၫ ဘဲၫၥိၭနၥံၪမိ စဲၪ့ထၪ့ခွံၬလၧယရုစလံၫ့အဖၧၩ့ဘီၪး အူၪထၪ့ခွ့ၩလၧ တကိအၫအဖၧၩ့တၭ, အီၪက့ၪထၪ့ဆၧမၩနဲၪ့လၧမ့ၪ လၧဘ့ၫၥဟ့ၭစရံၫ့အဖၧၩ့ဆံၭ. အဂဲးဘဲၫယီၩ ဆၧ အၧၩ့လၧအမွဲဆၧဂၭဂီၩ့ဖၭဒိၪနီၪ ဂဲၫလၧမုဖၩလခီၫ
2 ဖျီၪထၪ့လီၫ.- ယမိဒီၩ့လၩ့ဇံအိၫ့အဖိၪမုၪ, ဘဲၫၦအီၪ
3 လၧအဎံၫအလၩၦအဆါအၥိၭနီၪလီၫ.- ၦယိၥိၪလ ဖၪအီၪလၧအၥိၪအဘ့ၪၥံၪ မိဂဲၫလၧအအီၪ,မိၥုၪ့အတဲၩ အီၪဝၬဖီၩ့ဝ့ၫတၭ, အဝ့ၫၥံၪမိအၪ့အဆၪလဂၩလၧအ
4 လးဒၪဝ့ၫ,လဂၩလၧအလးဒၪဝ့ၫနီၪလီၫ.- တဲၩ့ဝဲၩဆၧ ဒုၭၥုၭထၫ့ဒၩအဝ့ၫ,ဂဲထုၪ့, မွဲပလ့ၩထၪ့ၡီၩ့ထီးမုထုၪ့ နီၪဘီၪ,ပဘၪအၡၪ့ဖီၩၬ အဂဲးဘဲၫယီၩမုဎဲးလၩ့,မုဂၪ
5 လၩ့အလၩၡုၪထုၭထီၫထၪ့အၥၭလီၫ.- ဂဲထုၪ့ဘီၪ,မွဲ ပလ့ၩၡီၩ့လၧမုနၩလခီၫတၭ, မၩဂၭဂီၩ့ၡီၩ့ အနီးၥံၪ ဆံၭ.
6 အဂဲးဘဲၫယီၩ ဆၧၥုၭမုခမျၧးအယဟိဝၩ စံၭဘဲၫယီၩ, ခူၬလၩ့ၥံၪ့နီၪ, အီၪက့ၪထိၬၥံၪထၫ့ဒၩ ယရုစလံၫ့ဘီၪ, ဒိၩ့လၧဆၧမိစ့ၩရၫ့ဝ့ၫထၧၫ့ဒိၩ့ယၫနီၪမွဲအယီၩး ဆၧ
7 မၩအၧၩ့ထီးအလူၬ အီၪဝ့ၫလၧအၥၭကျၩလီၫ.- ဘဲၫ ထံၫထၪ့ဖျိၭဒုၭယွၩလၩ့အထံၫအၥိၭနီၪ, အဝ့ၫဒၪဒုၭ ယွၩလၩ့အဆၧအၧၩ့ဘဲၫနီၪၥိၭလီၫ. ဆၧမၩအၧၩ့ဒဲ ဆၧအၪ့ဂူၬန့နီၪ ဂၧၫ့ထၪ့ဝ့ၫလၧအဖၧၩ့း ဆၧဘၪထံၭ ဆၫအလး, ဒဲဆၧဖၧၩ့လးအီၪဝ့ၫလၧယမ့ၬယၫလထံၪ
8 ဎးလီၫ.- ဒိၭဆၧအၪ့ၥီၪ့ဆံၭ,ယရုစလံၫ့ဧ့,ယၥၭမိစဲၪ့ ထၪ့ခွံၬဘၪခိၬလၧနအီၪလီၫ. ယမိဒုၭအီၪယူဘၪခိၬ နၧၩ,ခးလၧၦၡၩအီၪလၧအဖၧၩ့နးဂၩအ့ၬ.
9 ဆၧၥုၭမုခမျၧးအယဟိဝၩစံၭဝ့ၫဘဲၫယီၩ, ယၡၩမိ မၩန့အံၫစရ့လၭအၡၩ အီၪလၩ့ထးလူၬထူၬဆံၫ့ဘၩ့ ဘဲၫစဘံၭမုအၥၪအၥိၭနီၪလီၫ. ကၠၪစိၩဒီၭနစူၪဘဲၫၦ
10 အၪ့ဒ့ၭစဘံၭၥၪလၧဒၩ့ဖၧၩ့အၥိၭနီၪဘီၪ.- ယမိချဲၩ့ဆၧ တၭ,ပဂၨၪထၪ့အခဲၫ့ဘဲၫၥိၭ အမိခိၭနၪဆၧလၧပ လၫလဂၩလဲၪ. ယိခွါ,အနါဒိၭဆၧကူၭတရံၭအ့ၬး မွဲ အနါဂၧၫ့ဆၧၥ့ၪအ့ၬ. ယိခွါ, ယဟိဝၩအလူ,မွဲဆၧဒုၪ ဒွ့ၪအလးလၧအဝ့ၫၥံၪအဂး, မုၬလၩလၧအဖၧၩ့နးစီၪ့
11 အ့ၬ.- မၩအၥၭဘဲၫနီၪတၭ, ယလၧၫ့ထၪ့ဎွ့ၩထၪ့လၧ ယဟိဝၩအၥၭခဲၩထၪ့တၭ,ယထိးကဲၪအ့ၬ. ယမိလူၫ လၩ့အဝ့ၫလၧဖိၪၥၪၥံၪအီၪလၧခီၫ့ ဒဲလၧဖိၪၥၪခွၫအီၪ ကိၩ့အီၪကီၪ့အဖၫ့ခိၪနီၪလီၫ. မွဲမၬ,ၦၡၩမိဖီၪ့န့ထၧၫ့ မၫဝၩနံၫဂၩ, ဒဲအၥၭၡါဒဲၦလၧအနံၩအၥၫ့ဎွ့ၩထၪ့ဝ့ၫ
12 လီၫ.- တၭအဝ့ၫၥံၪအဂံၪ့အဎၫ့နီၪဆၧမိဖ့ၪလၫ့ဝ့ၫလၧ ၦဂူၫဂၩအဆံၬအနၩဒဲအဖိၪအမၫလစီၪ့ဎးလီၫ. အဂဲး ဘဲၫယီၩယမိယၩ့ထၪ့ယစူၪလၧၦခးဖိၪအဖၫ့ခိၪ, ယ
13 ဟိဝၩစံၭဝ့ၫဒၪ.- အဂဲးဘဲၫယီၩ ဆၧအဆံၭထုၬထီၩ့ လၧအဒိၪထုၬနီၪၦၡၩၥၭကွံၩဆၧကိၭဂၩဒ့ၭ, ဒဲအမီၪ ၥံၪထီၩ့လၧၦလုဆၧနီၪ ၦၡၩအၪ့လီၫဆၧကိၭဂၩဒ့ၭ
14 လီၫ.- အဝ့ၫၥံၪမၩဘျၪထဲၩ့ ယၡၩခမျၧးအဖိၪမုၪအ ဖၧၩ့လးပျီၩပျီၩတၭ, စံၭဝ့ၫ,ဆၧမုၬလၩ, ဆၧမုၬလၩ
15 တၭး ဆၧမုၬလၩအီၪအ့ၬ.- ထီးအဝ့ၫၥံၪမၩဆၧဘၪ ၥၭလိၪနီၪ,မွဲအမ့ၬမဲဆ့ဧၪ. မွဲအ့ၬး အမ့ၬမဲနးဆံၭအ့ၬ. အမ့ၬထၪ့ဝီၩနီၪဆ့အ့ၬ. မၩအၥၭဘဲၫနီၪတၭ, အဝ့ၫ ၥံၪမိလၩ့ထံၩဖါလၧၦလၩ့ထံၩဖါအကျၩလီၫ. အဆၧၫ့ အထီလၧယစ့ၩရၫ့ဝ့ၫနီၪ အဝ့ၫၥံၪအခၪ့မိဘၪထၧၩ့ လီၫးယဟိဝၩစံၭဝ့ၫဒၪ.
16 ယဟိဝၩစံၭဘဲၫယီၩ, ဆၧၫ့ထုၪ့လၧဖၧၩ့ၥၭဖၧၩ့,ယိ ဆၧဒဲအၪ့စၪ့ဆၧလၧဖၧၩ့ၥၭလးလံၩလဖၪအဂဲး, ဖၧၩ့ ၥၭအဂ့ၩနီၪ, မွဲအအီၪခီၫခီၫလဲၪနီၪဘီၪး တၭဖိၬဖၧၩ့ ၥၭနီၪဘီၪ.တၭနၥံၪမိဒၪန့ဆၧအီၪပွံၭ လၧနၥံၪအၥၭ
17 အဂးလီၫ.အ့ၪမွဲအဝ့ၫၥံၪနီၪစံၭဝ့ၫဒၪ,ပဖိၬအ့ၬ.- ယ အီၪက့ၪဆ့ၦခိၭဆၧလၧနၥံၪအဖၫ့ခိၪတၭ, စံၭ, ခိၭနၪ ခွ့ၩအၥီၫဘီၪ. တၭအဝ့ၫၥံၪစံၭ,ပခိၭနၪအ့ၬ.
18 မၩအၥၭဘဲၫနီၪတၭ, ၦဆၨၩၥံၪဧ့,ခိၭနၪဆံၭ.ၦခ မျၧးအီၪကီၪ့ၥံၪဧ့,ၥ့ၪယၫဆၧအီၪလၧအကျၩဘီၪ.
19 ဂၪ့ခိၪဧ့,ခိၭနၪဘီၪ, ယိခွါ,ယမိဒုၭဘၪၦခမျၧးယီၩ လၧဆၧအၧၩ့အကိၪ့ထၪ့ဖၭလၩ့ဆၧအဆၧၥၪ, အဂဲး ဘဲၫယီၩအဝ့ၫၥံၪလခိၭနၪဘၪ ယဆၧချဲၩ့လဖၪမွဲဂ့ၩ, ယဆၧၥီၪ့ဆၧၥၫ့နီၪမွဲဂ့ၩ, အ့ၪမွဲခွံၬၡိၭခွံၬဝ့ၫဒၪလခီၫ
20 လီၫ.- ၦဂဲၫဆိၬလီဘၫ့လၧၡံဘၫနီၪ, ထီၩ့လၧယအီၪ, ဒဲဆံၫဖိၬလၧထံၫယဲၩ့ခးယဲၩ့တၭ, မွဲအအိၭနီၪလဲၪ.န ၥံၪအဆၧလုမ့ၪဘၪယၥၭအ့ၬ. နၥံၪလုထၪ့ဆၧနီၪယ
21 အဲၪဒိၭအ့ၬ.- မၩအၥၭဘဲၫနီၪတၭ,ယဟိဝၩစံၭဘဲၫ ယီၩ,ယိခွါ,ယမိအီၪက့ၪဆၧဘၪထၧၩ့အလးယီၩလၧ ၦခမျၧးအမ့ၬယၫတၭ, ဖါလဖၪဒဲဖိၪခွၫၥံၪမိလၩ့ထံၩ ဖါလၧအဖၫ့ခိၪလစီၪ့ဎးနီၪ, ဒဲၦလၧအနဲၩ့ထံၭ, ဒဲအ ထံၩအၥိၭမိထီၩ့လၧဆၧဂၭဂီၩ့လစီၪ့ဎးလီၫ.
22 ယဟိဝၩစံၭဘဲၫယီၩ,ယိခွါ, ၦခမျၧးမိဂဲၫလၧမုဖၩ,
23 ၦလဆၨၩဖၭဒိၪမိဂဲထုၪ့လၧဂၪ့ခိၪအထုၬလီၫ.- အဝ့ၫ ၥံၪဖီၪ့ထၬချံၪဒဲဖၩ့း အၥုၪ့နီၩ့အၥၭနီၩ့တၭ, ယၫ့ၥၭ ဆၧအ့ၬ.အလူၥီၫထၪ့ဘဲၫမၫဆမံၭအၥိၭး တဲၩ့ဝဲၩက ၥ့ၪတၭ,ထူၬဝ့ၫဘဲၫၦၥုၭဖိၪအၥိၭထၫ့ဒၩနၧၩ, ဒဲဇံအိၫ့
24 အဖိၪမုၪဧ့,- ပနါဂၧၫ့အပရၧၫ့,ပစူၪလၩ့ဆါ,ဆၧၡၪ့ ဆၧနၭဖီၪ့ထၬပၧၩ, ဆၧဆိၭက့ၭဘဲၫၦမုၪဘၪဆၧဂူၭ
25 ဆၫအၥိၭနီၪလီၫ.- လ့ၩထၪ့လၧဆၧပျၩ့ဖၧၩ့လဂ့ၩ,ဖိၬ ဖၧၩ့ၥၭမုလဂ့ၩ. အဂဲးဘဲၫယီၩဆၧအဒုၪအဒၩအနၭ,
26 ဆၧၥၭမဲၪအီၪကိၭစီၪ့ဒ့ၭလီၫ.- ယၡၩခမျၧးအဖိၪမုၪ ဧ့,ခဲးထူၬနယးဒံၩ့လၧရၧၬအဆၧယၬတၭ, လွၫလၩ့န ၥၭလၧဖံၫ့ချၪအကျၩ, ၥုၪ့အုၭၥၭအုၭဘဲၫဖိၪလဂၩဎး အၥိၭနီၪ,ဂၪ့ကိၭၡၭထၪ့ဘီၪ. အဂဲးဘဲၫယီၩဆၧမၩ
27 ဂၭဂီၩ့ဆၧနီၪမိဂဲၫဘၪၡုၭပၧၩလီၫ.- ယအီၪက့ၪနၧၩ လၧၦအၪ့ကဲၪ့စ့ၩ လၧယၡၩခမျၧးအကျၩ, ၦခိၭဆၧ
28 ဘဲၫၥိၭနမိၥ့ၪယၫ, ဒဲမၩခွါအဖၧၩ့ၥၭလီၫ.- အဝ့ၫၥံၪ ထီးအလူၬနီၪမွဲၦပိၩ့ထၪ့ဆၧတၭ, ပိၩ့ထၪ့ဝ့ၫလၧဆၧချဲၩ့ ခဲၪၥံၪလီၫ. မွဲထီးဒဲထၭး ၦမၩဘၪၥၭလိၪဆၧကိၭဂၩ
29 ဒ့ၭလီၫ.- အဎီၫ့နီၪမ့ၪအၪ့ခွံၬယူၭ.ၡၬနီၪလူၬယူၭလၧ မ့ၪဖၧၩ့ယူၭ. ၦအၪ့ကဲၪ့ဆၧနီၪမၩဝ့ၫပျီၩပျီၩလီၫ. အဂဲး
30 ဘဲၫယီၩၦလတီၩလလီၩ့ဘၪနီၪလၩ့ဖၭအ့ၬ.- ၦၡၩ မိကိၭအဝ့ၫၥံၪ စ့ၩလၧဆၧခွံၬၡိၭခွံၬဝ့ၫနီၪ, အဂဲးဘဲၫ ယီၩယဟိဝၩခွံၬၡိၭဝ့ၫလီၫ.