5
1 စဲၪ့တလဲးဝံၩ့ဝၩ့လၧ ယရုစလံၫ့အဖၧၩ့ၥၭဖၧၩ့တၭ, အၪ့ဎၬၥ့ၪယၫဒဲယိဆၧလၧအလးဖၭလဲနီၪဘီၪ. နၥံၪ အ့ၪဒၪၦၡၩလဂၩ, ၦအ့ၪအီၪလၧအမၩဆၧစ့ၩရၫ့တီၩ လၧအအၪ့ဎၬဆၧမွဲဆၧတီၩတၭ, ယမိမၩဖီၩ့ဖျ့ၭဝ့ၫ
2 လီၫ.- တၭယဟိဝၩမၧၫ့ဝ့ၫနီၪ,အဝ့ၫၥံၪအ့ၪစံၭလါနၫ့ တၭမွဲအဆိၪလၩ့အၥၭ ကဘျံၭကဘျၪၡါမၫလ့ၬလီၫ.
3 ယဟိဝၩဧ့, နမ့ၬၥၪယိဆၧတီၩဆၧလီၩ့မွဲအ့ၬဧၪ.နထး အဝ့ၫၥံၪလါနၫ့တၭ,အၥုၪ့အုၭအၥၭအုၭဝ့ၫအ့ၬး နမၩ လူၬခွံၬဝ့ၫလါနၫ့နီၪ, အဝ့ၫၥံၪဒိၭန့ဆၧအၪ့ၥီၪ့ဝ့ၫဆ့အ့ၬး တၭအဝ့ၫၥံၪအီၪက့ၪအမ့ၬနီၩ့နဲၪ့ဒံၭလိးလီၫ. ဂဲၫထဲၩ့
4 ထဲၩ့နီၪအၥၭအီၪအ့ၬ.- မၩအၥၭဘဲၫနီၪတၭ, ယစံၭ, အဝ့ၫၥံၪယီၩ,မွဲန့ၫၦၡၪ့ဖိၪယၬဖိၪ,မွဲၦဂၭဂီၩ့ဖိၪလီၫ. အဂဲးဘဲၫယီၩမွဲအၥ့ၪယၫယဟိဝၩအဖၧၩ့ၥၭဒဲအယွၩ
5 အဆၧစ့ၩရၫ့အ့ၬ.- ယမိလ့ၩလၧၦအဒိၪလဖၪအအီၪ တၭ,ယမိချဲၩ့ဆၧလၧအဝ့ၫၥံၪလီၫ. အဂဲးဘဲၫယီၩအ ဝ့ၫၥံၪနီၪၥ့ၪယၫယဟိဝၩအဖၧၩ့ၥၭ အယွၩအဆၧစ့ၩ ရၫ့လီၫ.မွဲလါနၫ့တၭ အဝ့ၫၥံၪနီၪ, မၩခါနိၪယိၭဘီၩ့,
6 မၩထ့ၬခွံၬဖျံၩစၧၩ့ထၬနီၪလီၫ.- မၩအၥၭဘဲၫနီၪတၭ, ဆၬလၥၧၫ့လၧမံၩ့လၬကျၩ မိမၩၥံၫအဝ့ၫၥံၪ, မုဂၪလၩ့ အထွံၪမံၩ့မိမၩဂၭဂီၩ့ဝ့ၫ, ခ့ၫစံၫဖီးအီၪခိၭၥူၪလၧအ ဒိၩ့အနဲၩ့ထံၭလီၫ. ကယဲၦလၧအလ့ၩထၪ့ လၧခီၫ့လ ဂၩလါလါနီၪ, ဆၧမိအဲၪ့ၡၫ့ခွံၬဝ့ၫလီၫ. အဂဲးဘဲၫယီၩ အဆၧမၪအီၪအၪမၬ, ဒဲအၥၭဂၭဂီၩ့အဘျၩ့အၪထၪ့
7 ဝ့ၫလီၫ.- ယမိမၩဖီၩ့မၩဖျ့ၭနၧၩ လၧဆၧယီၩအကၠီၩ့ ဘဲၫၥ့ၪလဲၪ. နဖိၪနလံၩစဲၪ့ဒၪယၧၩယူၭး ဒဲဆိၪလၩ့အ ၥၭလၧဆၧလၧအလမွဲဘၪယွၩအမ့ၬယၫလီၫ. ယဒုၭ ဘျဲၩအၪ့အဝ့ၫၥံၪလါနၫ့တၭ, အဲၪဘိၩ့မၫအဲၪဘိၩ့ဝၩ,
8 ဒဲအီၪကိၩ့အီၪကီၪ့လၧမဲၩဎွဲၩမုၪအဂံၪ့ဖၧၩ့လီၫ.- မွဲဝ့ၫ ဘဲၫကၥ့ၪဖၫလၧအအၪ့ဘျဲၩအၪ့လီၫ. ကိၭထၪ့ဆိၫ့န့
9 ဘၪဂူၫဂၩအမၫကိၭဂၩဒ့ၭဆုၬဆုၬလီၫ.- ယမိစ့ၩရၫ့ ဆၧလၧဆၧနီၪလဖၪအကၠီၩ့မွဲအ့ၬဧၪး ယဟိဝၩစံၭဝ့ၫ ဒၪ.တၭယၥၭမိမၩဆၧၫ့ဆၧအၧၩ့ လၧၦလဆၨၩဘဲၫ
10 ယီၩမွဲအ့ၬဧၪ.- ထၪ့ဘၭအခိၪဒၧၩ့, မၩဂၭဂီၩ့ဆၧဆံၭ. မွဲလါနၫ့တၭမၩထီးအလူၬလဂ့ၩ. မၩန့ခွံၬအစဘံၭမု အစူၪဖုၬဆံၭ. အဂဲးဘဲၫယီၩမွဲယဟိဝၩအဆၧအ့ၬ.
11 အဂဲးဘဲၫယီၩအံၫစရ့လၭအၡၩဂံၪ့ဖိၪ ဒဲယုဒၫအၡၩ ဂံၪ့ဖိၪအၪ့လီၫဆၧထၫ့ဒၩယၧၩဒိၪမၬ, ယဟိဝၩစံၭ ဝ့ၫဒၪ.
12 အဝ့ၫၥံၪချဲၩ့ဆၧကဘျံၭကဘျၪ လၧယဟိဝၩ အဂဲးတၭ, စံၭဝ့ၫဒၪ,ယဟိဝၩအီၪအ့ၬး တၭဆၧအၧၩ့ ဘၪပၧၩအ့ၬ. တၭဖၩ့ၥံၪနၭၥံၪ ဒဲဆၧၥၭဝံလၩ့ဒိၩနီၪ
13 ပမိဒၪဘၪဆ့အ့ၬ.- ဒဲမီၪလဖၪနီၪ မွဲလံၩမုတၭဆၧအ လူနီၪအီၪလၧအဖၧၩ့အ့ၬ. ဆၧမိမၩဘဲၫနီၪၥိၭလီၫ.
14 မၩအၥၭဘဲၫနီၪတၭ, ဆၧၥုၭမုခမျၧးအယဟိဝၩစံၭ ဝ့ၫဘဲၫယီၩ, မွဲနၥံၪချဲၩ့ဆၧချဲၩ့လထံၪနီၪအကၠီၩ့တၭ, ယိခွါ,ယမိအီၪက့ၪယဆၧချဲၩ့လၧနနိၭဖၧၩ့လၧမ့ၪ, ဒဲ
15 ၦခမျၧးလၧၥံၪ့မုတၭ,မိအၪ့ခွံၬအဝ့ၫၥံၪလီၫ.- ယိခွါ, ယမိဒုၭဂဲၫၦလဆၨၩလၧအယဲၩ့ထၫ့ဒုၪဒၩနၥံၪ, အံၫစ ရ့လၭအၡၩဂံၪ့ဖိၪၥံၪဧ့, ယဟိဝၩစံၭဝ့ၫဒၪ, မွဲၦလ ဆၨၩအဒိၪအဆီၪ့, ၦလဆၨၩလၧအအီၪဝ့ၫလၧဖျိၩ့, ၦလဆၨၩလၧနလၥ့ၪယၫဘၪအလၨ, ဒဲအဆၧချဲၩ့ဘဲၫ
16 ၥ့ၪလဲၪ, ဘဲၫၥ့ၪလဲၪနီၪနနၪၥ့ၪဆ့အ့ၬ.- အလၧၫ့ဖီၩ့နီၪ မွဲဆၧၥွၪခိၪဖၧၩ့အီၪဝဲထၪ့အၥၭလီၫ. အဝ့ၫၥံၪမွဲဝ့ၫ
17 လၧၦအဆီၪ့ထီးအလူၬလီၫ.- တၭအဝ့ၫၥံၪမိအၪ့ခွံၬ နဘုၪကူၭအၥၭ, ဒဲနကိၪလၧနဖိၪမုၪၥံၪ, ဒဲနဖိၪခွၫၥံၪ ကြၨၭအၪ့ဝ့ၫး မိအၪ့ခွံၬနၥိၪနဘ့ၪၥံၪ, ဒဲနချီၥံၪတၭး မိအၪ့ခွံၬနစဘံၭမုၥံၪ ဒဲနချိၪ့ဒိၩ့ၥံၪ, မိမၩလၩ့ၡၪ့ခွံၬန ဒိၩ့ၥံၪအီၪလၧအခိၪဒၧၩ့လၧနဒိၭနဲၩ့နၥၭ လၧအဝ့ၫၥံၪ,
18 လၧနၭၥံၪဖၩ့ၥံၪလီၫ.- မွဲလါနၫ့ဘိၩ,လၧမုနံၩလဖၪနီၪ ယမိမၩလူၬခွံၬနၥံၪထီးနၥံၪမိလူၬလခီၫနီၪဆ့အ့ၬ.
19 ယဟိဝၩစံၭဝ့ၫဒၪ,တၭထီးနၥံၪအ့ၪစံၭ, ယဟိဝၩပ ယွၩမၩပၧၩလၧဆၧလဖၪနီၪမွဲဘၪလဲၪနီၪး ဆၧမိမၩ အၥၭလၧနမိဘၪစံၭဆၧၫ့အဝ့ၫၥံၪ, ဘဲၫနၥံၪစဲၪ့ဒၪ ယၧၩတၭ,မၩၦလခီၫဘၩ့မုးဖိၪအယွၩလဖၪ အဆၧ လၧနၥံၪအထံၫအခးအဖၧၩ့အၥိၭနီၪ, နၥံၪမိဘၪမၩၦ လခီၫဘၩ့မုးဖိၪအဆၧ လၧခးဖၧၩ့လၧအလမွဲဘၪနၥံၪ
20 အဆၧဘဲၫနီၪၥိၭလီၫ.- လီၩလၩ့လၬလၩ့ဆၧယီၩလၧ စယၫကူၭအၡၩဂံၪ့ဖိၪ, ဒဲဒုၭနါဂၧၫ့ဆၧယီၩလၧယုဒၫ
21 အဖၧၩ့ဆံၭး- တၭစံၭ,ၦဂီၩ့ဖိၪခမျၧးလၧအၥုၪ့ဆၭအ ၥၭဆၭလအီၪဘၪ, ဒဲအမ့ၬၥၪအီၪလါနၫ့လဒၪဘၪဆၧ, ဒဲအနါအီၪလါနၫ့လနါဂၧၫ့ဘၪဆၧၥံၪဧ့, ခိၭနၪဆံၭ.
22 ယဟိဝၩစံၭဝ့ၫဒၪ, နၥံၪဝၭထိၬ လၧယမ့ၬယၫအ့ၬဧၪ. ၦလၧအစ့ၩရၫ့ဂုးဂုးခၧၫ့ခၧၫ့အကၠီၩ့ ယအီၪက့ၪလၩ့မ့ၭ ဘဲၫဆၧမၩထၬမၫဆမံၭနဲၩ့အၥိၭ, ဘဲၫၥိၭအလ့ၩဖီၩ့ ခွံၬၥ့ၪအ့ၬးအလပီၩလဖၪထၪ့ဆီၪ့ဆီၪ့လ့ၬ လါနၫ့မၩ နၧၩ့ဝ့ၫအ့ၬး အဝ့ၫၥံၪၥီၫထၪ့ဖၭဒိၪလါနၫ့ လ့ၩဖၬခွံၬ
23 ဝ့ၫၥ့ၪအ့ၬ.နၥံၪၥၭမဲၪယၧၩအ့ၬဧၪ.- အ့ၪမွဲၦခမျၧးယီၩ အီၪဝ့ၫလၧအၥၭလၧအပိၩ့ထၪ့ဒၪဆၧ, ဒဲတုၩ့ထၪ့တုၩ့
24 လၩ့ဒၪဆၧလီၫ. ပိၩ့ထၪ့ဝ့ၫတၭစဲၪ့ထၪ့ခွံၬယူၭ.- အဝ့ၫ ၥံၪလစံၭဘၪလၧအၥၭဖၧၩ့, မွဲပၥၭမဲၪၡီၩ့ယဟိဝၩ ပ ယွၩလၧအဖ့ၪလၫ့ဆၧဆၧၩ့ လၧအဆိၫမွဲဂ့ၩ, ဒဲလၧခဲၫ့ မွဲဂ့ၩ, လၧအထီဒၪဝ့ၫအဖၧၩ့း လၧအအီၪက့ၪခၧၫ့ဆၧ နွ့ၫလဖၪ လၧပဂးလၧအအီၪဝဲၩဝ့ၫ လၧကူၭဘုၪအဂး
25 နီၪဆံၭ.- နၥံၪအဆၧအၧၩ့ဘိၭကၠၪကဒၩထဲၩ့ဆၧနီၪ လဖၪလၧနၥံၪအအီၪတၭ, နၥံၪအဆၧဒဲၩဘၭပဒၩ့ထၬ
26 ဆၧဂ့ၩလၧနၥံၪလီၫ.- အဂဲးဘဲၫယီၩၦလတီၩလလီၩ့ ဘၪလဖၪ အီၪဝ့ၫလၧယၡၩခမျၧးအကျၩလီၫ. အဝ့ၫ ၥံၪခိၭၥူၪဝ့ၫဘဲၫၦမၩန့ထိၪၥံၪလံၪၥံၪအၥိၭနီၪ, အီၪက့ၪ
27 ဖျံၩခွၩ့ဘဲၫၥိၭအမိဖီၪ့န့ၦၡၩလီၫ.- ဘဲၫထိၪအဎၩလၧ အဎွ့ၩဝ့ၫလၧထိၪၥံၪလံၪၥံၪအၥိၭတၭ, အဝ့ၫၥံၪအဂံၪ့ လဖၪဎွ့ၩဝ့ၫလၧဆၧအၪ့လီၫဝ့ၫဘဲၫနီၪၥိၭဆ့း မၩအ ၥၭဘဲၫနီၪတၭ, အဝ့ၫၥံၪကဲၪဒိၪကဲၪၡါထၪ့, ဒဲအဎၧၩ့
28 အဎီလၧၫ့ထၪ့ဎွ့ၩထၪ့လီၫ.- အဝ့ၫၥံၪဘီၪ့ထၪ့ဝ့ၫယုၩ့ ယဲထၪ့ဝ့ၫ, မွဲမၬ,အမၩဆၧအၧၩ့ဒိၪဒံၭလီၫ. အဝ့ၫၥံၪ စ့ၩရၫ့ၦၡၩအခွးအ့ၬ, ဒဲစ့ၩရၫ့ၦဖိၪဎွ့ၪအခွးဆ့အ့ၬ. မွဲ လါနၫ့တၭဘီၪထၪ့ယီၫထၪ့ဝ့ၫတၭး ၦၡၪ့ဖိၪယၬဖိၪအ
29 ခွးနီၪအဝ့ၫၥံၪစ့ၩရၫ့အ့ၬ.- ယမိစ့ၩရၫ့ဆၧလၧဆၧနီၪ လဖၪအကၠီၩ့မွဲအ့ၬဧၪး ယဟိဝၩစံၭဝ့ၫဒၪ, ယၥၭမိမၩ ဆၧၫ့ဆၧအၧၩ့လၧၦလဆၨၩဘဲၫယီၩၥိၭ, မွဲအ့ၬဧၪ. ဆၧၥၭလိၪလၩ့လၭ မၩအၥၭလၧခးဖၧၩ့,
30-31 မီၪၥံၪ ချဲၩ့ဆၧလၧမီၪအချိၬ အဘျံၭအဘျၪ, ဒဲၦလုဆၧလဖၪ ပၧၩ့ဆၧလၧအဝ့ၫၥံၪအစူၪဖၧၩ့တၭး ယၡၩခမျၧးအဲၪ ဆၧဘဲၫနီၪၥိၭဆ့တၭ, လၧအထုၬနီၪ, မွဲနၥံၪမိမၩဘဲၫ ၥ့ၪလဲၪ.