50
1 ယဟိဝၩအလူ လၧအချဲၩ့ထၫ့ဒၩဘၭဘလၧၫ့,ဒဲ ထၫ့ဒၩၦခၫလဒံအၫဖိၪၥံၪအခး လၧမီၪစယ့ၫရမဲအၫနီၪ လီၫ.
2 လီၩဘၪနၥံၪဝ့ၫလၧၦဆၨၩၥံၪအကျၩ, ဒဲမၩဂၧၫ့ထၪ့ ၥၩလၩ့, ဒဲအီၪက့ၪထၪ့ဆၧအလၫ့လမံၩ့း မၩဂၧၫ့ထၪ့ ၥၩလၩ့ဘီၪး ထီးမၩဘံၭခွံၬလဂ့ၩး စံၭ,ဘၭဘလၧၫ့ ဘၪဆၧမၩန့ဝ့ၫ, ဘံလၫဘၪဆၧမ့ၬမဲဝ့ၫ, မရိဒၭဘၪ ဆၧမၩလၩ့ဘျ့ၭဝ့ၫး အဆၧဂၩ့ဆၧဖၪ့ၥံၪဘၪဆၧမ့ၬမဲ
3 ဝ့ၫ,ဒဲဘၪဆၧမၩလၩ့ဘျ့ၭဝ့ၫဒၪလီၫ.- အဂဲးဘဲၫယီၩ လၧမုဖၩလခီၫနီၪ ၦဆၨၩလၧအထၫ့ဒၩဝ့ၫဂဲၫတၭ, မွဲ အမိမၩအခးအီၪယူဝ့ၫတၭ, ၦၡၩအီၪလၧအဖၧၩ့နး ဂၩအ့ၬ.အဝ့ၫၥံၪမိၥုၭခွံၬအၥၭ, မွဲအမိစဲၪ့ဒၪခွံၬဝ့ၫ, ၦၡၩဒဲဆၧဖိၪဆၧဎါနံၫခီၫလူၬလီၫ.
4 ယဟိဝၩစံၭဝ့ၫ,လၧမုနံၩလဖၪနီၪ, ဒဲအဆၧၫ့အထီ နီၪ,ၦအံၫစရ့လၭဖိၪၥံၪမိဂဲၫ, အဝ့ၫၥံၪဒဲၦယုဒၫဖိၪၥံၪ စီၪ့ဎးတၭ,လ့ၩဆၧလခီၫဂၪ့လခီၫတၭး အဝ့ၫၥံၪမိလ့ၩ
5 ဆၧ,ဒဲမိအၪ့ဎၬယဟိဝၩအဝ့ၫၥံၪအယွၩလီၫ.- အဝ့ၫ ၥံၪဒိၭစိၩအမ့ၬၥံၪ လၧဇံအိၫ့နီၪ အၪ့စၪ့ဖၧၩ့ၥၭအဂဲး အကၠီၪ့,စံၭဝ့ၫဒၪ, ဂဲၫဘီၪ,မွဲပစဲၩဘုၭထၬၡီၩ့ပနၫ့ဆါ ဒၪပဝ့ၫလၧယဟိဝၩနီၪ လၧဆၧအုၩ့လၩ့လိၬပၥၭလ ထံၪဎးလဘီၩ့ဎး လၧဆၧလၥၭနၪ့လၧၩ့ဘၪနီၪဆံၭ.
6 ယၡၩခမျၧးၥံၪ မွဲၥိၪလၩ့မါယူၭး အဝ့ၫၥံၪအၡၩယူၬ ၥိၪလဖၪဒုၭဂၭဖျိၭအဖၧၩ့ၥၭတၭ, ဒုၭကၠၪခွံၬအဝ့ၫၥံၪ လၧခိၪလီၩ့လဖၪတၭ, အဝ့ၫၥံၪလ့ၩဆၧနီၪစဲၪ့ထၪ့ခွံၬ လၧခိၪလီၩ့လစီၪ့ဘၪလစီၪ့တၭ, ၥၭနၪ့ခွံၬအဆၧအီၪ
7 ပွံၭအလးလီၫ.- ကယဲၦလၧအဒၪအဝ့ၫၥံၪ အၪ့ခွံၬဝ့ၫ တၭး အဝ့ၫၥံၪအဒုၪအဒၩစံၭဝ့ၫ, ပမၪဘၪဆၧအ့ၬ, အ ဂဲးဘဲၫယီၩ အဝ့ၫၥံၪမၪဘၪယဟိဝၩနီၪး ဆၧတီၩဆၧ လီၩ့အီၪဝ့ၫအလး, ယဟိဝၩဒၪလ့ၬ, အဝ့ၫၥံၪအဖါလ ဖၪအဆၧယိလါနီၪလီၫ.
8 စဲၪ့ထၪ့ခွံၬလၧဘၭဘလၧၫ့အၥၭကျၩ, ဒဲစဲၪ့ထၪ့ခွံၬ လၧၦခၫလဒံအၫဖိၪအခးဘီၪး ဒဲအီၪဘဲၫဘ့ၪဖၫၥံၪအ
9 ၥိၭလၧအဒီၪ့လဖၪအမ့ၬယၫနီၪဘီၪ.- အဂဲးဘဲၫယီၩ, ယိခွါ,လၧခးမုဖၩနီၪ ယမိဒုၭဂဲထုၪ့ၦဆၨၩဖၭဒိၪၥံၪ အဆၧအီၪကီၪ့တၭ, ယမိဒုၭဂဲၫထၫ့ဒၩ ဘၭဘလၧၫ့ တၭ,အဝ့ၫၥံၪမိတဲၩ့ဝဲၩအနၫ့ဆါလဖၪလၧဆၧဒုၭထၫ့ ဒၩအဝ့ၫဒၪ, ဒဲမိမၩန့ဝ့ၫဒၪဆ့လီၫ. အဝ့ၫၥံၪအဖျါလဖၪ အီၪဘဲၫၦအဆီၪ့လၧအမၩယုၩယါဝ့ၫတၭ, ၦဂဲၫထဲၩ့ ပျီၩပျီၩနးဂၩအ့ၬ.
10 ခၫလဒံအၫနီၪမိကဲၪဆၧအၪ့ဂူၬန့, ကယဲၦလၧ အအၪ့ဂူၬန့ဝ့ၫနီၪအၥုၪ့မိမံၫ့အၥၭမိမံၫ့ဆ့, ယဟိဝၩ စံၭဝ့ၫဒၪ.
11 အဂဲးဘဲၫယီၩနၥံၪအၥုၪ့မုၬၥၭမုၬတၭ, မွဲနၥံၪၥုၪ့ထိၬ ၥၭထိၬ,ၦလၧအမၩဂၭဂီၩ့ ယဆၧန့ၥၫ အလးၥံၪဧ့, အဂဲးဘဲၫယီၩ နၥံၪဘီၪ့ထၪ့ၥိၪထၪ့ဘဲၫချီမိလၧအအၪ့ အဆၪအလးမုၬတၭ,ဂၪ့ကိၭထၪ့ဘဲၫကၥ့ၪဖၫအၥိၭး
12 နၥံၪအမိနီၪအမ့ၬမိမဲဝ့ၫ နၭနၭလ့ၬတၭ, ၦလၧအဆီၫ့ အီၪန့နၥံၪနီၪ အမ့ၬမိမဲဝ့ၫလီၫ. ယိခွါ,ၦဆၨၩၥံၪလၧ အခဲၫ့ထုၬနီၪ,မိအီၪဘဲၫမံၩ့လၬကျၩအၥိၭ, ဒဲဂၪ့ခိၪဎဲၫ့
13 ထၬ,ဒဲဆၧပွ့ၪခိၪအလးနီၪလီၫ.- မွဲလၧယဟိဝၩအ ဆၧၥၭထၪ့အကၠီၩ့နီၪ, ၦၡၩမိအီၪလၧအဖၧၩ့အ့ၬး မွဲ အဘၪအီၪယူဝ့ၫ ဎံၩ့ဎံၩ့လ့ၬလီၫ. ကယဲၦလၧအလ့ၩ ဖီၩ့ခွံၬဘၭဘလၧၫ့နီၪ မိထီၫမံၫထီၫမၪကိၭဂၩဒ့ၭ, ဒဲမိ
14 ဒုၪဒွ့ၪဆၧလၧအဆၧၡၪ့ဆၧနၭအကၠီၩ့လီၫ.- တဲၩ့ဝဲၩ နၥံၪအနၫ့ဆါၥံၪ လၧဆၧဒုၭထၫ့ဒၩဘၭဘလၧၫ့ဝၬဝၬ နီၪဘီၪ.ကယဲၦလၧအခၭချံၪ နၥံၪဝ့ၫဧ့, ခၭအဝ့ၫဒၪ ဘီၪးထီးလီၫ့ကီၩ့ဖျါၥံၪလဂ့ၩ, အဂဲးဘဲၫယီၩမွဲအမၪ
15 ဘၪယဟိဝၩနီၪလီၫ.- ကိၭၡၭထၫ့ဒၩအဝ့ၫအီၪဖီၩ့ဝၬ ဝၬတၭ,မွဲအဖ့ၪလၫ့ယူၭအစူၪယူၭတၭ, အခၪ့ထံၭလ ဖၪဂၭဂီၩ့ယူၭ, အခိၪဒၧၩ့ၥံၪလၩ့ဎီးခွံၬတၭ, မွဲလၧယ ဟိဝၩစ့ၩရၫ့ဖ့ၪဆၧၫ့ဝ့ၫအကၠီၩ့နီၪလီၫ. မၩဆၧၫ့အဝ့ၫ အဆၧအၧၩ့ဆံၭ. ဘဲၫအဝ့ၫဒၪမၩဝ့ၫအၥိၭနီၪ မၩအ
16 ဝ့ၫဘဲၫနီၪအၥိၭဆံၭ.- ဒၪ့ထ့ၬခွံၬ ၦဎွံၪဆၧချံၫနီၪလၧ ဘၭဘလၧၫ့,ဒဲၦလၧအဖီၪ့ထၭဂ့ၬ လၧကူၭဆၧအထီ နီၪဘီၪ. အဂဲးဘဲၫယီၩလၧအၥၭမဲၪနၭအၪ့မၧၫ့ဎီးဆၧ နီၪအကၠီၩ့တၭ, မွဲအကၠၪထဲၩ့ လၧအဆၨၩဒၪဝ့ၫကိၭ ဂၩဒ့ၭဆုၬဆုၬတၭ, မွဲအမိစဲၪ့ဖျိၭလၧအထံၫအခးဒၪ ဝ့ၫကိၭဂၩဒ့ၭလီၫ.
17 အံၫစရ့လၭမွဲၥိၪအီၪပြံၩပၩဝ့ၫ, ဆၬလၥၧၫ့ၥံၪနၫ့ ထၪ့ခွံၬဝ့ၫ, လၧအခၪ့ထံၭအစံရအၫအစဎွၩနီၪအၪ့ဂၭ ဂီၩ့အဝ့ၫတၭ, လၧအခဲၫ့ထုၬနီၪ ဘၭဘလၧၫ့ အစဎွၩ
18 န့ၭဘူၫခၭန့ဇၫမၩခါခွံၬ အဎွံၪလဖၪနီၪလီၫ.- မၩအ ၥၭဘဲၫနီၪတၭဆၧၥုၭမုခမျၧးအယဟိဝၩ, အံၫစရ့လၭ အယွၩနီၪ, စံၭဝ့ၫဘဲၫယီၩး ယိခွါ, ယမိစ့ၩရၫ့ဘၭဘ လၧၫ့အစဎွၩ ဒဲအထံၫအခးနီၪ, ဘဲၫယစ့ၩရၫ့အစံရ
19 အၫအစဎွၩအၥိၭနီၪလီၫ.- တၭယမိဒုၭဂဲၫထဲၩ့ဒီၭအံၫ စရ့လၭထီၩ့လၧအအီၪဝ့ၫအလးတၭ, မွဲအမိဘုၪလၩ့ အၥၭလၧကၫမလၭဒဲဘၫၡၫ့, ဒဲလၧခိၪလီၩ့အံဖြံၫ့ ဒဲဂံ
20 လအၭတၭ,အၥုၪ့မိမံၫ့အၥၭမိမံၫ့ဝ့ၫဒၪဆ့လီၫ.- လၧ မုနံၩလဖၪနီၪ, ဒဲလၧအဆၧၫ့အထီနီၪ, ယဟိဝၩစံၭဝ့ၫ, ဆၧမိအၪ့ဎၬအံၫစရ့လၭ အဆၧအၧၩ့နီၪတၭ, ဒၪဘၪ ဝ့ၫအ့ၬးဒဲယုဒၫအဆၧဒဲၩဘၭၥံၪတၭ,ဒၪဘၪဝ့ၫဆ့အ့ၬ. အဂဲးဘဲၫယီၩၦလၧယဒုၭအီၪလၩ့ထးလဖၪနီၪ, ယမိ မၩဖီၩ့မၩဖျ့ၭအဝ့ၫၥံၪလီၫ.
21 လ့ၩထၫ့ဒုၪဒၩခးမ့ၫရၥ့အံၫ့နီၪဘီၪ, ထၫ့ဒၩအဝ့ၫ,ဒဲ ထၫ့ဒၩၦပံကီၭဖိၪၥံၪဘီၪ. မၩယူဝ့ၫဒဲမၩဂၭဂီၩ့ထီးအ လူၬလၧအဝ့ၫၥံၪအလးခဲၫ့ဆံၭး ယဟိဝၩစံၭဝ့ၫဒၪ,ဒဲ
22 မၩဘဲၫယမၪလူၬနၧၩအၥိၭထီးအလူၬဆံၭ.- ဆၧဒုၭ ၥုၭအၥီၫအီၪလၧခးဖၧၩ့, ဒဲဆၧဂၭဂီၩ့ဖၭဒိၪဆ့လီၫ.
23 ဂၪ့ခိၪထၧၫ့ဖျိၪ့ယၫအစၭခုၪနီၪ ဘၪဆၧခါထူၬခွံၬယူၭ ကၨၬလၧၦဆၨၩၥံၪအကျၩနီၪ ဘၭဘလၧၫ့ကဲၪထၪ့
24 ဆၧအီၪယူဝ့ၫအလးဆံၭဒိၪလဲၪး- ယအီၪက့ၪဖျံၩခွၩ့ လၧနဂးတၭ, ဆၧဖီၪ့ထၬနၧၩ, ဘၭဘလၧၫ့ဧ့,တၭနလ ၥ့ၪယၫဘၪနဝ့ၫတၭ, ဆၧဒၪဘၪနၧၩတၭ, ဖီၪ့ထၬနၧၩ ဆ့း အဂဲးဘဲၫယီၩ နထိၪဂဲၩနၥၭထၫ့ဒၩ ယဟိဝၩနီၪ
25 လီၫ.- ယဟိဝၩဝဲထၪ့ဆၧအီၪက့ၪကီၪ့အစူၪဝဲၩၥံၪအ လးတၭ,မွဲအဂဲၫဆိၬထၪ့အၥၭခိထၪ့အစူၪဝဲၩလဖၪး အဂဲးဘဲၫယီၩဆၧမၩယီၩ မွဲယဟိဝၩဆၧၥုၭမုခမျၧး
26 အယွၩအဆၧမၩလၧခၫလဒံအၫအခးဖၧၩ့လီၫ.- လၧ အနဲၩ့ထံၭထုၬလဖၪနီၪ ဂဲၫထၪ့ထၫ့ဒၩအဝ့ၫဘီၪးဝဲထၪ့ အဆၧအီၪက့ၪကီၪ့ အလးလဖၪတၭး မၩထၪ့ဝ့ၫဘဲၫ ဆၧအပိၩ့လဖၪအၥိၭး ဒဲမၩဂၭဂီၩ့ဝ့ၫထီးအလူၬတၭး
27 ထီးဒုၭအီၪလၩ့ထးအဆၧနးမံၩ့လဂ့ၩ.- မၩၥံၫအချီ ဖၫၥံၪထီးအလူၬဘီၪး ဒုၭလ့ၩလၩ့အဝ့ၫၥံၪလၧဆၧမၩ ၥံၫအလးနီၪဘီၪး အဝ့ၫၥံၪဘၪဆၧၡၪ့လီၫၬ အဂဲးဘဲၫ ယီၩအမုနံၩနီၪဘၪယူၭဝ့ၫယူၭး အဆၧၫ့အထီလၧအ
28 မိဘၪဆၧစ့ၩရၫ့နီၪလီၫ.- ၦလၧအစဲၪ့ဖျိၭ ဖီၩ့ဖျ့ၭလၧ ဘၭဘလၧၫ့နီၪအလူၥီၫထၪ့ဝ့ၫ လၧအမိလီၩဖျီၪထၪ့ လၧဇံအိၫ့အဖၧၩ့ ယဟိဝၩပယွၩ အဆၧဖ့ၪဆၧၫ့ဆၧ အၧၩ့နီၪ ဆၧလုဂံၪ့အဆၧဖ့ၪဆၧၫ့ ဆၧအၧၩ့နီၪလီၫ.
29 ကိၭကီၪ့ၦလၧအခၭချံၪလဖၪ ထၫ့ဒၩဘၭဘလၧၫ့နီၪ ဘီၪးကယဲၦလၧအခၭချံၪ, နၥံၪဝ့ၫဧ့,အီၪဖီၩ့အဝ့ၫဝၬ ဝၬနီၪတၭး အၡၩလၧအမိစဲၪ့ဖျိၭနီၪ ထီးဒုၭဖီၩ့ဖျ့ၭနး ဂၩလဂ့ၩ,ဧီၪ. ဖ့ၪဆၧၫ့အဆၧဘဲၫအမၩဒၪဝ့ၫအၥိၭ နီၪဘီၪးဘဲၫအဝ့ၫဒၪမၩဝ့ၫထီးအလူၬအၥိၭနီၪ မၩအ ဝ့ၫဘဲၫနီၪၥိၭဆံၭ. အဂဲးဘဲၫယီၩမွဲအအီၪက့ၪထၪ့ထီၫ အၥၭထၫ့ဒၩယဟိဝၩ, ထၫ့ဒၩ အံၫစရ့လၭ အၡၩ
30 ဆံၫ့ဎံၪလဂၩနီၪလီၫ.- မၩအၥၭဘဲၫနီၪတၭ, အၡၩ ဖိၪၥၪခွၫၥံၪမိလၩ့ထံၩဖါဝ့ၫလၧဖၧၩ့ၥၭၥံၪအဖၧၩ့တၭ, အၡၩၥုၭမုခမျၧးလဖၪ ထီးအလူၬမိဘၪဆၧဒၪ့ထ့ၬခွံၬ
31 ဝ့ၫလၧမုနံၩနီၪ, ယဟိဝၩစံၭဝ့ၫဒၪ.- ယိခွါ,ယဟိဝၩ ဆၧၥုၭမုခမျၧးအယွၩစံၭဝ့ၫဒၪ, ယထၫ့ဒုၪဒၩနၧၩ, ၦလၧအၥၭထၪ့ထီၫထုၬလဂၩဧ့, အဂဲးဘဲၫယီၩနမုနံၩ နီၪဘၪယူၭဝ့ၫယူၭ, အဆၧၫ့အထီလၧယမိစ့ၩရၫ့နၧၩ
32 လီၫ- တၭၦအၥၭထၪ့ထီၫထုၬနီၪအခၪ့မိဘၪထံၭဒဲမိ လၩ့ထံၩဖါဝ့ၫတၭ, ၦလၧအမိဘိၭဂဲထုၪ့ဝ့ၫအီၪနးဂၩ အ့ၬးတၭယမိဒုၭခဲၩထၪ့မ့ၪလၧအဒိၩ့လဖၪအဖၧၩ့နီၪ မိအၪ့ခွံၬဆၧအီၪဖီၩ့ဝ့ၫဝၬဝၬ ထီးအလူၬလီၫ.
33 ဆၧၥုၭမုခမျၧးအယဟိဝၩစံၭဝ့ၫဘဲၫယီၩး ၦအံၫစ ရ့လၭဖိၪဒဲၦယုဒၫဖိၪလဖၪ ဘၪဆၧအၪ့မၧၫ့ဎီးစီၪ့ဎး လီၫ.ဒဲကယဲၦလၧအဖီၪ့ဆီၪ့ဝ့ၫနီၪ, ခိၭထၬအဝ့ၫၥံၪ
34 တၭဖျါခွံၬနီၪအၥၭအီၪနးဆံၭအ့ၬ.- ဆၧလၧအဎွ့ၩန့ ထဲၩ့အဝ့ၫၥံၪနီၪမွဲဆီၪ့လ့ၬတၭ, အမံၩ့မွဲဆၧၥုၭမုခမျၧး အယဟိဝၩလီၫ. အဝ့ၫဒၪမိချဲၩ့န့တၡါအဝ့ၫၥံၪအခွး နီၪ,ဘဲၫၥိၭအမိဒုၭအီၪပွံၭ ထံၫၥံၪခးၥံၪနီၪ, ဒဲမၩခိမၩ
35 ဝီၩၦဘၭဘလၧၫ့ဖိၪလဖၪနီၪလီၫ.- နၭလၩ့ဘၪၦခၫလ ဒံအၫဖိၪလဖၪ,ယဟိဝၩစံၭဝ့ၫဒၪ, ဒဲၦဘၭဘလၧၫ့ဖိၪ လဖၪဆ့,ဒဲဘၪအၦဒိၪဖၭဒိၪလဖၪ,ဒဲဘၪအၡၩကိၪ့ၥ့ၪ
36 လဖၪနီၪဆ့လီၫ.- နၭလၩ့ဘၪၦချဲၩ့ဘျံၭချဲၩ့ဘျၪလဖၪ တၭ,အဝ့ၫၥံၪကဲၪၦဂီၩ့ဖိၪလီၫ. နၭလၩ့ဘၪအၡၩဆီၪ့
37 ၥံၪတၭ,အဝ့ၫၥံၪၥၭမဲၪထၪ့ဝ့ၫး- နၭလၩ့ဘၪအကၥ့ၪ လဖၪ,ဒဲအလဲၪ့ၥုၭၥံၪ, ဒဲလၧၦကျီၪမွံၩၥံၪအီၪလၧအ ၥၭကျၩနီၪတၭး အဝ့ၫၥံၪမိကဲၪ ဘဲၫၦမုၪအၥိၭး နၭ လၩ့ဘၪအဝ့ၫၥံၪ အဎၧၩ့အဎီတၭ, ဆၧမိအၪ့ဂူၬန့ဝ့ၫ
38 ဒၪလီၫ.- အထံၫလဖၪမိလၩ့ၥံၭခွံၬဝ့ၫတၭ, မိဎဲၫ့ထၬဝ့ၫ ဒၪလီၫ. အဂဲးဘဲၫယီၩမွဲဆၧဂၩ့စိၭဖျၩအၥၭအခးနီၪ, အဝ့ၫၥံၪဖျႃထၪ့ဝ့ၫ လၧအဆၧဂၩ့ ဆၧဖၪ့ၥံၪအကၠီၩ့
39 လီၫ.- မၩအၥၭဘဲၫနီၪတၭ,ဆၧဖိၪဆၧဎါမံၩ့ၥံၪအီၪ လၧပွ့ၪခိၪနီၪ, ဒဲဆၧဖိၪဆၧဎါမံၩ့ အီၪလၧကျိၩ့ၥံၪအ ဖၧၩ့နီၪမိအီၪဝ့ၫထီးနီၪ, ထိၪကလအူၭ မိအီၪလၧအ ဖၧၩ့တၭ,အဆိၩဆိၩအကၠၪကၠၪနီၪ ၦၡၩမိအီၪဝ့ၫထီး နီၪနးဂၩအ့ၬ. တၭလဆိၩဘၪလဆိၩနီၪ ၦၡၩမိအီၪဂုး ခၧၫ့ဝ့ၫထီးနီၪအ့ၬ.
40 ဘဲၫယွၩမၩဂၭဂီၩ့စီဒၧၫ့ဒဲဂမိရၫအၥိၭနီၪ, ဒဲဒိၩ့လၧ အနဲၩ့ထံၭလဖၪနီၪ, ယဟိဝၩစံၭဝ့ၫဒၪ, ဘဲၫနီၪၥိၭ ၦၡၩအီၪဂုးခၧၫ့ ထီးနီၪနးဂၩအ့ၬ, ၦၡၩအဖိၪခွၫနီၪ အီၪဂုးခၧၫ့လၧအဖၧၩ့နးဂၩအ့ၬ.
41 ယိခွါ,ၦဆၨၩလၧမုဖၩလခီၫနီၪမိဂဲၫတၭ, ဒဲအဆၨၩ ဖၭဒိၪနီၪ,ဒဲလၧခးအနဲၩ့ထံၭလဖၪနီၪ စဎွၩၥံၪအၪဂၩ
42 မိဂဲထုၪ့ဝ့ၫဒၪလီၫ.- အဝ့ၫၥံၪမိဖီၪ့ချံၪဒဲဖၩ့နီၪး အၥၭ အၧၩ့တၭ,ဒုၭနဲၪဆၧယၫ့ၥၭအ့ၬး အဝ့ၫၥံၪအလူမိၥီၫ ထၪ့ဘဲၫမၫဆမံၭအၥိၭ, ဒဲမိထူၬထၪ့ကၥ့ၪလဖၪနီၪ, အီၪတဲၩ့ဝဲၩအၥၭလၧဒုၭၥုၭအဂး, ဘဲၫၦၡၩဒုၭၥုၭဝ့ၫ
43 အၥိၭနီၪ,ထၫ့ဒုၪဒၩနၧၩ,ဘၭဘလၧၫ့အဖိၪမုၪဧ့,- ဘၭ ဘလၧၫ့အစဎွၩနီၪနါဂၧၫ့အဝ့ၫၥံၪအပရၧၫ့တၭ, အစူၪ ၥံၪလၩ့ဆါထဲၩ့ဝ့ၫဒၪး ဆၧဂၪ့အုၩ့ဂၪ့ထိၬဖီၪ့ထၬဝ့ၫ, ဒဲအဂူၭဆၫဝ့ၫ ဘဲၫၦမုၪဆီၫ့အီၪန့အဖိၪအၥိၭနီၪလီၫ.
44 ယိခွါ,အဝ့ၫဒၪမိဂဲၫထၪ့, မွဲဘဲၫဆၬလၥၧၫ့လၧယီၫဒၫ့ လုၬဘံၭဆၧအၥိၭနီၪ, ထီးလၧၦအဆီၪ့အီၪဝ့ၫအလး နီၪလီၫ. အ့ၪမွဲမိမၩၡုၭ အဝ့ၫၥံၪလၧအမိစဲၪ့ဒၪဝ့ၫနီၪ လီၫ.ၦလၧအဘၪဆၧရွံန့ဝ့ၫဘဲၫၥိၭ ယမိအီၪက့ၪလၧ အဖၫ့ခိၪနီၪ, မွဲၦလဂၩလဲၪ. တၭမွဲၦလၩ့ဂၬယၧၩလ ဂၩလဲၪး ၦလၧအမိဖၭနံၩဖၭၥၫ့ လၧယဂးနီၪ, မွဲၦလ ဂၩလဲၪ.ဒဲၦယိၥိၪနီၪ လၧအမိဆၧၫ့ထုၪ့လၧယမ့ၬယၫ, မွဲၦလဂၩလဲၪ.
45 အခိးမွဲယဟိဝၩအဆၧဒုၭကိၪ့ လၧအကၩ့ကၩထၫ့ ဒၩဘၭဘလၧၫ့အဂဲးနီၪ, ခိၭနၪနၥံၪဝ့ၫဆံၭ. ဒဲအဆၧ စ့ၩရၫ့လဖၪ, လၧအစ့ၩရၫ့ဝဲၩဝ့ၫထၫ့ဒၩ ၦခၫလဒံအၫ အခးနီၪလီၫ. တၭဆၧအဆံၭထုၬလၧၥိၪဒီၪ့အကျၩနီၪ မိမီၩ့ထၪ့ခွံၬတၡါအဝ့ၫၥံၪလၧခီၫ့နီၪးမွဲမၬ, အဝ့ၫဒၪ
46 ဒုၭအီၪယူအဝ့ၫၥံၪ အီၪဝ့ၫအလးလီၫ.- လၧဆၧမၩန့ ဘၭဘလၧၫ့နီၪအၥီၫအကၠီၩ့တၭ, ဂၪ့ခိၪဝၭဝ့ၫတၭ, အ ဆၧကိၭၡၭထၪ့နီၪ ဂၧၫ့ထၪ့ဝ့ၫ လၧၦဆၨၩၥံၪအကျၩ လီၫ.