49
1 ယဟိဝၩစံၭဘဲၫယီၩး အံၫစရ့လၭအဖိၪခွၫၥံၪမွဲအ အီၪနးဂၩအ့ၬဧၪ. ၦလၧအမိန့ၥၫဆၧနီၪ အီၪအ့ၬဧၪ. အဝ့ၫၥံၪအစဎွၩ န့ဘၪၥၫဂၭအခးနီၪ မွဲအဂဲးဘဲၫၥ့ၪ လဲၪးဒဲအၡၩလဖၪ အီၪလၧအဒိၩ့ၥံၪနီၪ မွဲဘၪလဲၪ.
2 အခိးမွဲယဟိဝၩစံၭဝ့ၫး ယိခွါ, မုနံၩလဖၪမိဂဲၫ, လၧ ယမိဒုၭအီၪထၪ့ဆၧဒုၭၥုၭ အဆၧၥၭမဲၪအလးလၧအ မိဂၧၫ့ထၪ့ဝ့ၫဖိးလၧၦအၫမၧၫ့ဖိၪ အဒိၩ့ရၫဘၫအဖၧၩ့ နီၪလီၫ.တၭမွဲအမိကဲၪဆၧအပိၩ့အီၪယူဝ့ၫနီၪး ဒဲအ ဖိၪမုၪၥံၪမိဘၪဆၧဆူၭခွံၬလၧမ့ၪတၭး ထီးနီၪလဖၧၫ့ အံၫစရ့လၭမိကဲၪ ၦန့ၥၫဆၧလၧအဝ့ၫၥံၪအဆၧန့ၥၫလ
3 ဖၪအလး, ယဟိဝၩစံၭဝ့ၫဒၪ,- ဟ့ၭၡဘၫ့ဧ့,အိၩ့ယိၩ့ နဝ့ၫဘီၪး လၧဟဲၫဘၪဆၧဂၭဂီၩ့အကၠီၩ့, ရၫဘၫအဖိၪ မုၪၥံၪဧ့,ဂၪ့ကိၭၡၭထၪ့နၥံၪဝ့ၫဘီၪး ခၧၩ့ထၪ့နယးဒံၩ့ လၧရၧၬအဆၧယၬတၭး ၥုၪ့အုၭၥၭအုၭလဲးလီၩ့လၧ ထနါၥံၪအနဲၩ့ထံၭနီၪဘီၪး အဝ့ၫၥံၪအစဎွၩ ဘၪလ့ၩ နုၬလၧဆၧအၪ့မၧၫ့ဎီးအဖၧၩ့, အၡၩလုဆၧလဖၪဒဲအ
4 ၦဒိၪဖၭဒိၪၥံၪစီၪ့ဎးလိၬအၥၭဆ့လီၫ.- တၭနမၩဖိၫ နၥၭလၧခိၪလီၩ့ဆူၭလဖၪ အဖၧၩ့နီၪ, မွဲအဂဲးဘဲၫၥ့ၪ လဲၪး နခိၪလီၩ့ဆူၭနီၪယွၩလၩ့ဝ့ၫ, ဖိၪမုၪလၧအၥၭဂၭ ဂီၩ့း လၧအဒိၭနဲၩ့အၥၭ လၧအဎၧၩ့အဎီအဖၧၩ့တၭ,
5 စံၭဝ့ၫ,မွဲပလၫမိဂဲၫလၧယအီၪလဲၪနီၪ,လဂၩဧ့,- ယိခွါ, ယဟိဝၩၥုၭမုခမျၧးအယွၩစံၭဝ့ၫဒၪ, ယမိဒုၭဂဲၫဆၧ ၥၭမဲၪလၧနလီၩ့နီၪ, လၧကယဲၦအီၪဖီၩ့နၧၩဝၬဝၬ ထီး အလူၬလီၫ. တၭဆၧမိနၫ့ထၪ့ခွံၬနၥံၪကိၭဂၩလၧအမ့ၬ ယၫဆုၬဆုၬတၭ, ၦလၧအလ့ၩဝံၩ့ဝၩ့နီၪဆၧမိကိၭကီၪ့ ဝ့ၫနးဂၩအ့ၬ.
6 လၧခဲၫ့ထဲၩ့တၭ, ယမိဒုၭဂဲၫထဲၩ့ထဲၩ့ ၦအၫမၧၫ့ဖိၪ အဆၧအၪ့မၧၫ့ဎီးဝ့ၫနီၪး ယဟိဝၩစံၭဝ့ၫဒၪ.
7 ၥုၭမုခမျၧး အယဟိဝၩစံၭဝ့ၫဘဲၫယီၩ, လၧတံမၧၫ့ အဖၧၩ့နီၪဆၧကိၪ့ၥ့ၪကိၪ့ဘၪအီၪလၧၩ့အ့ၬဧၪ. လၧၦ ကိၪ့ၥ့ၪကိၪ့ဘၪ အဆၧဒုၭကိၪ့နီၪဂၭဂီၩ့ဆ့ဧၪ, အဝ့ၫ
8 ၥံၪအဆၧကိၪ့ၥ့ၪကိၪ့ဘၪနီၪ, စဲၪ့လၩ့မါဆ့ဧၪ.- စဲၪ့ဖျိၭ ထဲၩ့ထဲၩ့ကဒၩထဲၩ့, အီၪလၧဆၧယိၬအဖၧၩ့ဘီၪ, ၦ အီၪလၧဒံဒၫ့ အဖၧၩ့ၥံၪဧ့း အဂဲးဘဲၫယီၩ ယမိဒုၭဂဲၫ ဘၪအဝ့ၫဒၪ လၧစအံစီၫအဆၧၡၪ့ဆၧနၭနီၪး အဆၧၫ့
9 အထီလၧယမိစ့ၩရၫ့ဝ့ၫလီၫ.- ၦလၧအအၪ့ထုၫ့ကီၪ့ စဘံၭၥၪၥံၪ အ့ၪဂဲၫလၧနအီၪတၭ, အဝ့ၫၥံၪမိဒုၭအီၪ လၩ့ထးစဘံၭၥၪလနၩ့နၩ့နီၪမွဲအ့ၬဧၪ. ဆၧအၪ့ဂူၪအ့ၪ ဂဲၫလၧမုနၩလခီၫနီၪး အဝ့ၫၥံၪမိမၩဂၭဂီၩ့ဆၧထီးအန့
10 ဘၪဆၧလၧၫ့လၧၫ့ဎွ့ၩဎွ့ၩလီၫ.- အ့ၪမွဲယမၩလိၩ့ကိၩ့ ယူၭစအံစီၫ, ဒဲယဒုၭဖျီၪထၪ့ယူၭအလး အီၪၥူၪဝ့ၫလ ဖၪတၭ, မွဲအမိအီၪက့ၪၥူၪခွံၬအၥၭၥ့ၪနးစီၪ့အ့ၬ, အချံၫ အၥၪဘၪဆၧဂၭဂီၩ့ယူၭ, ဒဲအထၧၫ့ဖုဝဲၥံၪ, ဒဲၦအီၪလၧ
11 အနဲၩ့ထံၭလဖၪတၭ, အဝ့ၫဒၪအီၪလၧၩ့အ့ၬ.- နဖိၪဎွ့ၪ လဖၪနီၪဒုၭအီၪလၩ့ထးဘီၪ, တၭယမိဒုၭမၧၫ့အဝ့ၫၥံၪ လီၫ.ဒဲနၡၩမုၪမဲၫၥံၪ, မွဲအဒိၭနဲၩ့အၥၭလၧယစူၪဖၧၩ့
12 ဆံၭ.- အဂဲးဘဲၫယီၩယဟိဝၩစံၭဝ့ၫဘဲၫယီၩး ယိခွါ, ၦလၧအဆၧစ့ၩရၫ့နီၪ, ထီးအီၩလိၫ့နီၪလဂ့ၩတၭ, မွဲအ အီၩမၧၩ့ဝ့ၫတၡါလ့ၬလီၫ. နမွဲၦလၧအမိဖီၩ့ဖျ့ၭ ဆၧ စ့ၩရၫ့စၪနီၪလူၬဆ့ဧၪ. နဖီၩ့ဖျ့ၭဆၧဒဲၩဘၭနီၪၥ့ၪအ့ၬး
13 နမိဘၪအီၩတၡါလီၫ.- အဂဲးဘဲၫယီၩယဟိဝၩစံၭဝ့ၫ ဒၪ,ယဆိၪလၩ့ယၥၭ လၧယနၫ့ဆါဒၪယဝ့ၫ, လၧဘီ ဇရၫဘၪကဲၪထၪ့ဆၧအီၪယူဝ့ၫအလး, ဆၧမၩကြၩ့ ထမးဝ့ၫ,ဆၧဎဲၫ့ထၬအလး, ဒဲဆၧဆိၪအၧၩ့အလး, ဒဲကယဲအဒိၩ့လဖၪထီးအလူၬနီၪ မိကဲၪထၪ့အလးဎဲၫ့
14 ထၬလထံၪဎးလဘီၩ့ဎးလီၫ.- ယနါဂၧၫ့ယူၭဆၧလမံၩ့ လၧယဟိဝၩနီၪ, အၥီၫ့လဂၩဘၪဆၧအၪ့မၧၫ့ဝ့ၫလၧၦ ဆၨၩၥံၪအအီၪ, စံၭဝ့ၫ, ဂဲၫအီၪကီၪ့နၥံၪဝ့ၫ, ဒဲထၫ့ဒုၪ ဒၩအဝ့ၫနီၪဘီၪ. ဒဲဂဲထုၪ့လၧဆၧဒုၭၥုၭအဂးဘီၪ.
15 အဂဲးဘဲၫယီၩ,ယိခွါ, ယမိအီၪက့ၪနၧၩလၧအဆံၭလၧ ၦဆၨၩၥံၪအကျၩ, ၦလန့ဘၪဆၧယူၭယၪ့ လၧၦၡၩ
16 အကျၩလီၫ.- နဆၧမၩၥၭမဲၪနီၪအၪ့လီၫန့ယၧၩ, ဒဲနၥၭ အဆၧထၪ့ထီၫ,ၦလၧအအီၪလၧလိးအိၩဖၧၩ့, နဝ့ၫဒၪ ယီၩလၧအဖီၪ့ထၬဆၧစီၩ့ခိၪနီၪး နမၩနၥွံၫထၪ့ထီၫ ဘဲၫလံၬကျီၫ့ကျီၫ့အၥိၭလါနၫ့တၭ, ယမိဂဲၫဆိၬလၩ့ခွံၬ
17 နၧၩလၧအလးနီၪ,ယဟိဝၩစံၭဝ့ၫဒၪ.- အံဒၧၫ့နီၪဘၪ ကဲၪဆၧအီၪယူဝ့ၫအလးဆ့း ကယဲၦလၧအလဲးလီၩ့ဝ့ၫ နီၪမိထီၫမံၫထီၫမၪဝ့ၫဒၪ, ဒဲမိဒုၪဒွ့ၪဝ့ၫ လၧအဆၧၡၪ့
18 ဆၧနၭၥံၪအကၠီၩ့လီၫ.- ဘဲၫလၧစီဒၧၫ့ဒဲဂမိရၫအဆၧ မၩဂၭဂီၩ့အဖၧၩ့နီၪ, ဒဲဒိၩ့ၥံၪအီၪဘူၭဆ့, ယဟိဝၩစံၭ ဝ့ၫဒၪ,ၦၡၩမိအီၪထီးနီၪနးဂၩအ့ၬး ဒဲၦၡၩအဖိၪခွၫ မိအီၪဂုးခၧၫ့လၧအဖၧၩ့နးဂၩဆ့အ့ၬ.
19 ယိခွါ, အဝ့ၫဒၪမိဂဲၫထၪ့ဝ့ၫ,ဘဲၫဆၬလၥၧၫ့လၧယီၫ ဒၫ့အဆၧလုၬဘံၭအၥိၭနီၪ, ထၫ့ဒၩၦအဆီၪ့နီၪအီၪဝ့ၫ အလး အ့ၪမွဲယဝ့ၫဒၪယမိမၩၡုၭဝ့ၫ ဒဲဒုၭစဲၪ့ခွံၬလၧ အဝ့ၫဒၪလီၫ. ၦလၧအဘၪဆၧရွံန့ဝ့ၫဘဲၫၥိၭ ယမိအီၪ က့ၪလၧအဖၫ့ခိၪနီၪ, မွဲပလၫလဂၩလဲၪ. ၦလၧအလၩ့ ဂၬယၧၩမွဲၦလဂၩလဲၪး မွဲၦမိအီၪက့ၪလၩ့ဝဲၩဆၧအ ဆၧၫ့အထီလၧယဂးလဂၩလဲၪ. ၦယိၥိၪလဂၩလၧအ မိဆၧၫ့ထုၪ့လၧယမ့ၬယၫ, မွဲၦလဂၩလဲၪ.
20 မၩအၥၭဘဲၫနီၪတၭ, ယဟိဝၩအဆၧဒုၭကိၪ့နီၪ, ခိၭနၪဘီၪး လၧအထၫ့ဒၩအံဒၧၫ့နီၪး ဒဲအဆၧစ့ၩရၫ့လ ဖၪးလၧအစ့ၩရၫ့ဝဲၩဝ့ၫထၫ့ဒၩ ၦတံမၫ့ဖိၪ လဖၪနီၪ လီၫ.မွဲမၬလၧအဆံၭထုၬလၧၥိၪအဒီၪ့အကျၩနီၪ မိမီၩ့ ထၪ့ခွံၬဝ့ၫတၭ, မွဲမၬအဝ့ၫဒၪမိဒုၭအီၪယူအဝ့ၫၥံၪ အီၪ
21 ဝ့ၫအလးလၧအကျၩနီၪလီၫ.- ဂၪ့ခိၪနီၪဝၭဝ့ၫလၧအ ဝ့ၫၥံၪလၩ့ထ့ၬနီၪအၥီၫအကၠီၩ့လီၫး လၧအဂၪ့ကိၭၡၭ ထၪ့အၥီၫနီၪဘၪဆၧဂၧၫ့ထၪ့ဝ့ၫ လၧထံၫဝီၩအဖၧၩ့နီၪ
22 လီၫ.-ယိခွါ,အဝ့ၫဒၪမိဂဲၫထၪ့ယူၩဝ့ၫဘဲၫလံၬကျီၪ့ကျီၪ့ အၥိၭနီၪ, ဒဲယၩ့ထၪ့အဒံၭၥံၪလၧဘီဇရၫအဖၫ့ခိၪလီၫ. လၧမုနံၩနီၪ အံဒၧၫ့အၡၩဆီၪ့လဖၪ အၥၭမိမၩအၥၭ ဘဲၫၦမုၪလၧအဘၪဆၧဂူၭဆၫအၥိၭနီၪလီၫ.
23 ဟၫမၭ ဒဲအၫဖၭ ဘၪဆၧမ့ၬမဲလီၫ. အဂဲးဘဲၫယီၩ အဝ့ၫၥံၪနါဂၧၫ့ဆၧပရၧၫ့အအၧၩ့တၭး အဝ့ၫၥံၪအၥၭ ဖံၪထၪ့ဝ့ၫး ဆၧၥုၪ့အုၭၥၭအုၭ အီၪလၧမၫဆမံၭဖၧၩ့
24 တၭး အီၪဂုးဖုးၥ့ၪအ့ၬ.- ဒမၭစကၧၭလၩ့ဆါထဲၩ့တၭ, ကၠၪထဲၩ့အၥၭလၧအမိစဲၪ့ဖျိၭနီၭ, ဆၧၥၭမဲၪဖီၪ့ထၬဝ့ၫ ဒၪတၭးဆၧဂၪ့အုၩဂၪ့ထိၬ, ဆၧၥုၪ့အုၭၥၭအုၭ ဘဲၫၦ
25 မုၪလၧအဘၪဆီၫ့အီၪန့အဖိၪအၥိၭနီၪလီၫ.- ဒိၩ့လၧ အဒိၭန့ဆၧစံၭထၪ့အၪ့အူၭ, ဆၧၥုၪ့ဎွံၫၥၭယီၫအဒိၩ့
26 နီၪ,မွဲဘၪနီၫဆၧလဒုၭအီၪလၩ့ထးဘၪနီၪလဲၪၬ- မၩ အၥၭဘဲၫနီၪတၭ, အဖိၪၥၪခွၫလဖၪ မိလၩ့ထံၩဖါဝ့ၫ လၧအဖၧၩ့ၥၭလဖၪအဖၧၩ့နီၪး ဒဲကယဲၦၡၩၥုၭဖိၪၥံၪ မိဘၪဆၧဒၪ့ထ့ၬခွံၬဝ့ၫ လၧမုနံၩနီၪ, ၥုၭမုခမျၧးအယ
27 ဟိဝၩစံၭဝ့ၫဒၪ.- တၭယမိဒုၭခဲၩထၪ့မ့ၪလၧဒမၭစကၧၭ အခိၪဒၧၩ့ဖၧၩ့နီၪတၭ, မွဲအမိအၪ့ခွံၬစဘံၫ့ဟဒၭအနီး လဖၪနီၪလီၫ.
28 ကံဒၧၫအဂဲးအကၠီၪ့, ဒဲဟၫဇိၫအဘၩ့အမုးၥံၪအဂဲး အကၠီၪ့း လၧဘၭဘလၧၫ့အစဎွၩန့ၭဘူၫခၭန့ဇၫကျီၪ့ ခွံၬဝ့ၫဒၪ,ယဟိဝၩစံၭဝ့ၫဘဲၫယီၩး ဂဲထုၪ့နၥံၪဝ့ၫလ့ၩ
29 ထၪ့လၧကံဒၧၫတၭ, မၩဂၭဂီၩ့ၦမုထၪ့ဖိၪဘီၪ.- အဝ့ၫ ၥံၪအတဲၩလဖၪ ဒဲအၥိၪဒီၪ့ၥံၪနီၪ, ဆၧမိမၩန့ခွံၬဝ့ၫဒၪ တၭး ၦၡၩမိမၩန့အဝ့ၫၥံၪအကလကၫလဖၪ, ဒဲအဖၧၩ့ ၥံၪထွ့ၫၥံၪထီးအလူၬ, ဒဲအကလအူၭၥံၪ လၧအနၫ့ဆါ ဒၪဝ့ၫအဂးတၭ, အဝ့ၫၥံၪမိကိၭၡၭထၪ့ဆၧနီၪး ဆၧၥၭ
30 မဲၪအီၪထၪ့ဝၬဝၬဝ့ၫဒၪနီၪလီၫ.- စဲၪ့တၭလ့ၩဖိးလၧအ ယဲၩ့ဘီၪး ၦဟၫဇီၫဖိၪၥံၪဧ့,အီၪနၥံၪဝ့ၫလၧဆၧယိၬအ ဖၧၩ့ဘီၪး ယဟိဝၩစံၭဝ့ၫဒၪး အဂဲးဘဲၫယီၩ ဘၭဘ လၧၫ့အစဎွၩန့ၭဘူၫခၭန့ဇၫကိၪ့လိၬ, ကၩ့ကၩထၫ့ဒုၪ ဒၩနၥံၪတၭ, မွဲအကၩ့ကၩဝဲၩဆၧစ့ၩရၫ့လမံၩ့ ထၫ့ဒၩ
31 နၥံၪလီၫ.- ဂဲထုၪ့လ့ၩထၪ့လၧၦဆၨၩ အီၪလၧစူၪလး ခၪ့ခိၪနီၪ, လၧအအီၪဝ့ၫလၧအၪ့ယိၪဆၧလအီၪဘၪနီၪ ဘီၪးယဟိဝၩစံၭဝ့ၫဒၪး အဝ့ၫၥံၪအတရၫ့ဒဲအနိၪဘီၩ့
32 ၥံၪလအီၪဘၪး အီၪဒၪဆၧဘဲၫနီၪလီၫ.- အဝ့ၫၥံၪအက လအူၭလဖၪး မိကဲၪဆၧအၪ့ဂူၬန့း ဒဲအချီၥံၪအၪအၪ လ့ၬနီၪၦမိအၪ့ဂူၬန့း ဒဲၦလၧအလိၩ့အခၪလၬဆီၪ့နိၪ့ လဖၪယမိဒုၭလၩ့ပြံၩလၩ့ပၩလၧကယဲလံၩအီၪကိၭ ခီၫဒ့ၭလီၫ. တၭယမိဒုၭအီၪထၪ့ အဆၧၡၪ့ဆၧနၭနီၪ လၧအဂဲၫထၪ့ဝ့ၫ လၧဆၧနဲၩ့ဖၩကိၭခီၫဒ့ၭ, ယဟိဝၩ
33 စံၭဝ့ၫဒၪ.- တၭဟၫဇၧၫမိကဲၪထၪ့အလးလၧၡီၩ့ၥံၪအ ဂး,ဒဲအလးအီၪယူဝ့ၫအဆိၩအကၠၪလီၫ. ၦၡၩမိအီၪ ထီးနီၪနးဂၩအ့ၬး ဒဲၦၡၩဖိၪခွၫအီၪဂုးခၧၫ့ လၧအဖၧၩ့ နးဂၩဆ့အ့ၬ.
34 ယဟိဝၩအလူလၧအလၩ့ဘၪ မီၪစယ့ၫရမဲအၫ လၧအထၫ့ဒၩအံလၫ့နီၪ, လၧယုဒၫအစဎွၩဇ့ၭဒကဲအၫ ကဲၪထၪ့ၥၫ့စဎွၩနီၪ, စံၭဝ့ၫဒၪး
35 ၥုၭမုခမျၧးအယဟိဝၩစံၭဘဲၫယီၩး ယိခွါ,အံလၫ့ အချံၪနီၪ ယမိဘိၭခါခွံၬဝ့ၫ, အဝ့ၫၥံၪ အစီၩ့အမၩ့အ
36 ခိၪလီၫ.- တၭလၧအံလၫ့အလီၩ့နီၪယမိဒုၭဂဲၫထၪ့လံၩ လံမံၩ့လၧမူၭခိၪလံခီၫလူၬတၭ, ယမိမၩလၩ့ပြံၩလၩ့ ပၩအဝ့ၫၥံၪ လၧလံၩနီၪထီးအလူၬလီၫ. တၭၦဆၨၩ နီၪ,လၧၦလၧအဘၪဆၧနၫ့ထၪ့ခွံၬ လၧအံလၫ့အဖၧၩ့
37 လမိလ့ၩဘၪတၭ,အီၪဝ့ၫနးဆၨၩအ့ၬ.- တၭအံလၫ့ နီၪယမိဒုၭၥၭမဲၪ လၧအဒုၪအဒၩၥံၪ အမ့ၬယၫနီၪး ဒဲလၧၦလၧအအၪ့ဎၬ အၥၭမၧၫ့နီၪ အမ့ၬယၫဆ့လီၫ. တၭယမိဒုၭဂဲၫထၪ့ဆၧအၧၩ့ လၧအဝ့ၫၥံၪအလီၩ့,ယ ၥၭဆီၪ့ဒၪလ့ၬ, ယဟိဝၩစံၭဝ့ၫဒၪ. တၭယမိအၪ့မၧၫ့
38 နၭလ့ၩဆီးဝ့ၫ,ထီးယမၩလူၬခွံၬအဝ့ၫၥံၪလီၫ.- တၭယ မိအီၪက့ၪလၩ့ယလးဆီၩ့ဆီ လၧအံလၫ့အဖၧၩ့နီၪ,ဒဲမိ မၩဂၭဂီၩ့ခွံၬ အဝ့ၫၥံၪအစဎွၩ, ဒဲအၦဒိၪဖၭဒိၪလဖၪ နီၪးယဟိဝၩစံၭဝ့ၫဒၪ.
39 အ့ၪမွဲလၧမုနံၩအထုၬလဖၪနီၪ, ဆၧမိမၩအၥၭ,လၧ ယမိဒုၭဂဲၫထဲၩ့ထဲၩ့ဒီၭ အံလၫ့လၧအဆၧအၪ့မၧၫ့ဎီး ဝ့ၫအဖၧၩ့နီၪ, ယဟိဝၩစံၭဝ့ၫဒၪ.