8
1 တၭအံဖြံၫ့အၡၩစံၭအဝ့ၫဒၪ, ထီးနလ့ၩဒုၭဆၧလၧ ၦမံဒအၫ့ဖိၪနီၪ နလကိၭန့ဘၪပၧၩ, နမၩပၧၩဘဲၫယီၩ မွဲဘၪလဲၪး တၭအဝ့ၫၥံၪဂဲးလိၬတ့ၭလိၬ လၧအဝ့ၫဒၪ
2 ဆီၪ့ဆီၪ့လ့ၬလီၫ.- တၭအဝ့ၫဒၪစံၭအဝ့ၫၥံၪ, ယမၩ ဆၧနီၪ,ဆၧအ့ၪယိဎီၩ့လၧဆၧလၧနၥံၪမၩနီၪ, မွဲဆၧ နီၪလမံၩ့လဲၪ. စဘံၭၥၪအီၪလၩ့ထးလၧအံဖြံၫ့နီၪဆၧ အၪ့ထုၫ့ကီၪ့ဝ့ၫမွဲအဂ့ၩနဲၪ့ဒံၭ အၭဘအံဇၧၫစဘံၭအ
3 လးထီးအလူၬဒံၭနီၪ, မွဲအ့ၬဧၪ.- ယွၩဖ့ၪလၫ့မံဒအၫ့ အၦဒိၪဖၭဒိၪနံၫဂၩ, စအိရ့ၭဒဲစဇံအ့ၭ, လၧနၥံၪအ စူၪဖၧၩ့လီၫ. ဆၧလၧယမၩၥ့ၪတၭဆၧယိဎီၩ့လၧနၥံၪ မၩနီၪမိၥ့ၪဘဲၫၥ့ၪလဲၪ. ထီးနီၪလဖၧၫ့လၧအချဲၩ့ဆၧ ဘဲၫနီၪအကၠီၩ့တၭ, အဝ့ၫၥံၪအဆၧၥၭထၪ့ဝ့ၫနီၪ လၩ့ ဆါထဲၩ့ဝ့ၫလီၫ.
4 တၭစဂံဒအၧၫ့ လ့ၩခၫ့ဂၬယီၫဒၫ့, အဝ့ၫဒၪဒဲၦၥၧၫ့ ယၩအီၪလၧအၥိၭလီၫ. ဆၧပွံၭအၥၭ လါနၫ့တၭ,
5 လီၩ့ဆီးဝ့ၫဒၪလီၫ.- တၭအဝ့ၫစံၭ စၧကီၭအၡၩ, ဖ့ၪ လၫ့လါကိၪအလီၪ့လဖၪ လၧၦခမျၧးလၧအဖိၬ ယခဲၫ့ အဂးဆံၭ. အဂဲးဘဲၫယီၩ အဝ့ၫၥံၪအၥၭလၩ့ဘဲၩတၭ, ယလီၩ့ဆီးစဇံဘၫဒဲစဇၫလမၧၫနၫ, မံဒအၫ့အစဎွၩလ
6 ဖၪနီၪလီၫ.- တၭစၧကီၭအၦဒိၪဖၭဒိၪလဖၪစံၭဝ့ၫဒၪ, မွဲစဇံဘၫ, ဒဲစဇၫလမၧၫနၫ အစူၪလဖၪ အီၪလၧနစူၪ ဖၧၩ့ဘိၩ့နဲၪ့ယီၩလၧပမိဖ့ၪလၫ့ကိၪ လၧနၥုၭမုခမျၧးအ
7 ကၠီၩ့နီၪဆ့ဧၪ.- တၭစဂံဒအၧၫ့စံၭဝ့ၫဒၪ, မၩအၥၭ ဘဲၫနီၪတၭထီးယဟိဝၩ အ့ၪဖ့ၪလၫ့စဇံဘၫ ဒဲစဇၫလ မၧၫနၫလၧယစူၪဖၧၩ့ဂီၩ့တၭ, ယမိခွၬခွံၬနၥံၪအယၪ လၧမံၩ့လၬကျၩအဆၧဆူၪဆၧမဲၪလဖၪနီၪလီၫ.
8 အဝ့ၫလ့ၩထၪ့ခွံၬထီးနီၪ ထီၩ့လၧပနုၫအ့လၭတၭ, ချဲၩ့ဆၧလၧၦၡၩၥံၪဘဲၫနီၪအၥိၭတၭး ပနုၫအ့လၭအ ၦၡၩၥံၪစံၭဆၧၫ့ဝ့ၫ ဘဲၫစၧကီၭအၡၩ စံၭဆၧၫ့ဆၧအ
9 ၥိၭနီၪလီၫ.- တၭအဝ့ၫဒၪစံၭပနုၫအ့လၭ အၡၩၥံၪဆ့, ထီးယအ့ၪဂဲၫထဲၩ့မုၬမုၬတၭ, ယမိမၩလၩ့ဎီးခွံၬတၨၭ ထီၫလဖျိၪ့ယီၩလီၫ.
10 စဇံဘၫ ဒဲစဇၫလမၧၫနၫ အီၪလၧကၫကီၫ အဖၧၩ့ တၭ,အၥုၭမုခမျၧးအီၪလၧအၥိၭဆ့, ၦလလၬယဲထီၫ့ ၥံၪမွဲကယဲၦမုထၪ့ဖိၪအၥုၭမု လၧအအီၪလၩ့ထးဒံၭ ထီးအလူၬလီၫ. အဂဲးဘဲၫယီၩၦလကုၬနံၫလၬလၧအ ဆိၬနၭနီၪလၩ့ထံၩဖါယူၭလီၫ.
11 တၭစဂံဒအၧၫ့ဖိၬၦလၧအအီၪဝ့ၫ လၧတဲၩဖၧၩ့လဖၪ အဖၧၩ့ၥၭလၧနိၫဘၫ, ဒဲယီၭဘံအၫ့ လၧမုထၪ့လခီၫ တၭ,ကျီၪ့ခွံၬၦၥုၭမုခမျၧးလီၫ. အဂဲးဘဲၫယီၩၦၥုၭမု
12 ခမျၧးနီၪအီၪက့ၪဂုးအၥၭလီၫ.- ထီးစဇံဘၫ, ဒဲစဇၫ လမၧၫနၫစဲၪ့ဖျိၭတၭ, အဝ့ၫလီၩ့ဆီးတၭ, ဖီၪ့ထၬမံဒအၫ့ အစဎွၩနံၫဂၩ, စဇံဘၫ, ဒဲစဇၫလမၧၫနၫတၭ, မၩနၧၩ့မၩ စၪၦၥုၭမုထီးအလူၬလီၫ.
13 တၭစယိအၭအဖိၪခွၫစဂံဒအၧၫ့ ဂဲၫထဲၩ့ထဲၩ့လၧအ
14 ဒုၭၥုၭ, လၧဆၧထၪ့ထီၫဎ့ရ့ၭအလီၩ့လီၫ.- မွဲအဖီၪ့န့ ဖိၪၥၪခွၫလဂၩလၧစၧကီၭအၦၡၩ လဖၪအကျၩတၭ, အၪ့စၪ့ဝ့ၫတၭ, အဝ့ၫဒၪလီၩဘၪဝ့ၫလၧစၧကီၭအၦဒိၪ လဖၪ,ဒဲအၡၩၥုၪ့က့ၭၥၭၡါအမံၩ့, ၦနွ့ၫဆံၫနွ့ၫဂၩ
15 လီၫ.- အဝ့ၫဂဲၫထဲၩ့လၧစၧကီၭအၡၩအအီၪတၭ, စံၭ ဝ့ၫဒၪ, ယိခွါစဇံဘၫ, ဒဲစဇၫလမၧၫနၫ လၧနၥံၪဒုၪဒွ့ၪ ယၧၩလၧအကၠီၩ့နီၪတၭ, နၥံၪစံၭ, စဇံဘၫ, ဒဲစဇၫလ မၧၫနၫၥံၪအစူၪလဖၪ အီၪလၧနစူၪဖၧၩ့ ဘိၩ့နဲၪ့ယီၩ, ဘဲၫၥိၭပမိဖ့ၪလၫ့ကိၪ လၧနခ့ၫနၡၩလၧအပွံၭအၥၭအ
16 ကၠီၩ့ဆ့ဧၪ.- တၭအဝ့ၫမၩန့ဒိၩ့အၡၩၥုၪ့က့ၭၥၭၡါၥံၪ, ဒဲမံၩ့လၬကျၩအဆၧဆူၪဆၧမဲၪလဖၪတၭ, အၪ့ၥီၪ့စၧ
17 ကီၭအၡၩလၧဆၧနီၪလဖၪလီၫ.- အဝ့ၫမၩလၩ့ဎီးခွံၬ ပနုၫအ့လၭ အတၨၭထီၫလဖျိၪ့နီၪတၭ, မၩၥံၫဒိၩ့အ ၦၡၩလီၫ.
18 ထီးနီၪလဖၧၫ့အဝ့ၫစံၭစဇံဘၫ, ဒဲစဇၫလမၧၫနၫနီၪ, ၦလၧနၥံၪမၩၥံၫလၧဒိၩ့တၫဘီၫနီၪ, မွဲၦမၩအၥၭဘဲၫ ၥ့ၪလဲၪး တၭအဝ့ၫၥံၪစံၭဆၧၫ့ဝ့ၫ, ဘဲၫနၧၩအၥိၭအဝ့ၫ ၥံၪနီၪမွဲဘဲၫနီၪၥိၭ, လဂၩဒဲလဂၩလၩ့ဂၬဘဲၫစဎွၩအဖိၪ အၥိၭဆုၬဆုၬလီၫ. တၭအဝ့ၫဒၪစံၭ အဝ့ၫၥံၪနီၪ မွဲယ
19 ထၧၫ့ဖုဝဲယမိအဖိၪခွၫၥံၪလီၫ.- ယဟိဝၩမၧၫ့ဝ့ၫတၭ, နၥံၪအ့ၪမၩဖီၩ့မၩဖျ့ၭယူၭအဝ့ၫၥံၪ, ဒဲအီၪက့ၪမၧၫ့ဒံၭ
20 တၭ,ယမၩၥံၫနၥံၪအ့ၬ.- တၭစံၭအဖိၪဝဲၡါစယံၥၧၫ ဂဲထုၪ့မၩၥံၫအဝ့ၫၥံၪဘီၪ, မွဲလါနၫ့ဖိၪၥၪခွၫလဂၩနီၪ ထုၭထၪ့အနၭအ့ၬ. အဂဲးဘဲၫယီၩ ၥၭမဲၪဝ့ၫလၧအမွဲ ဖိၪၥၪခွၫဒံၭအကၠီၩ့လီၫ. ထီးနီၪလဖၧၫ့စဇံဘၫ, ဒဲစဇၫ
21 လမၧၫနၫစံၭဝ့ၫဒၪ, နဝ့ၫဒၪယီၩ ဂဲထုၪ့ဒၪနဝ့ၫ ဖ့ၬခွံၬ ပၧၩဆံၭ,အဂဲးဘဲၫယီၩ ဘဲၫၦၡၩအၥိၭနီၪအဂဲးအဘၭ အီၪဘဲၫနီၪၥိၭလီၫ. စဂံဒအၧၫ့ဂဲထုၪ့တၭ, မၩၥံၫစဇံ ဘၫ,ဒဲစဇၫလမၧၫနၫတၭ, မၩန့ဆၧကယၧၩ့လဖၪလၧ
22 အအီၪလၧကလအူၭအခိၬလီၩ့လီၫ.- တၭအံၫစရ့လၭ အၦၡၩစံၭစဂံဒအၧၫ့, ပၧၩ့ပၧၩနဝ့ၫဒၪ, ဒဲနဖိၪခွၫ, ဒဲန ဖိၪခွၫအဖိၪခွၫနီၪဆ့ဆံၭ. အဂဲးဘဲၫယီၩ နမၩဖီၩ့မၩ ဖျ့ၭပၧၩလၧမံဒအၫ့အစူၪဖၧၩ့လီၫ. တၭစဂံဒအၧၫ့စံၭ
23 အဝ့ၫၥံၪ,ယမိပၧၩ့နၥံၪအ့ၬ.- ဒဲယဖိၪခွၫမိပၧၩ့ဘၪနၥံၪ
24 ဆ့အ့ၬ,ယဟိဝၩမိပၧၩ့နၥံၪလီၫ.- တၭစဂံဒအၧၫ့စံၭအ ဝ့ၫၥံၪ, ယမိအၪ့ကံၩ့ဆၧလမံၩ့လၧနၥံၪ, ဘဲၫၥိၭနၥံၪ မိဖ့ၪလၫ့ယၧၩ လၧနၥံၪအဆၧအၪ့ဂူၬန့ အနါဒံၭ ကိၭ ဂၩဒ့ၭလီၫ. အဂဲးဘဲၫယီၩ အဝ့ၫၥံၪအီၪဝ့ၫ လၧအနါ ဒံၭထီၫ့လီၫ. မွဲဝ့ၫလၧၦအံၫစမၫအ့လၭဖိၪအဂဲးလီၫ.
25 တၭအဝ့ၫၥံၪစံၭဆၧၫ့အဝ့ၫ, ပမိဖ့ၪလၫ့ဒၪနၧၩမုၬမုၬဆ့ လီၫ.အဝ့ၫၥံၪဒၩလၩ့ဖၬဘဲၩ့လဘံၪ့တၭ, ခွံၬလၩ့အ
26 ဆၧအၪ့ဂူၬန့အနါဒံၭလၧအဖၧၩ့ကိၭဂၩဒ့ၭလီၫ.- တၭ နါဒံၭထီၫ့ လၧအအၪ့ကံၩ့ဝ့ၫနီၪ လၩ့လယၧးၡက့လၭ လထီၫ့နွ့ၫယၩလီၫ. လၧနီၪအမ့ၬယၫဆၧကၠၧၩ့လဖၪ, နါဒံၭနါကၫစ့ၩလဖၪ, ဒဲဆၧအကီၩ့အၥိၭဝီၩလုၭလၧမံ ဒအၫ့အစဎွၩကီၩ့ဝ့ၫၥိၭဝ့ၫနီၪ, ဒဲလၧနီၪအမ့ၬယၫအ ကလအူၭအၥွ့ၫလဖၪလၧအအီၪ လၧအခိၬလီၩ့နီၪအီၪ
27 ဝ့ၫလီၫ.- တၭလၧဆၧနီၪလဖၪ စဂံဒအၧၫ့မၩကဲၪထၪ့ အ့ဖိၭလဘံၪ့အီၪက့ၪဝ့ၫလၧအဒိၩ့ဖၧၩ့, လၧအီၭဖၫ အဖၧၩ့တၭ, အံၫစရ့လၭထီးအလူၬလ့ၩလၧနီၪမၩလဲး မၩဘျၪထွ့ၫဝ့ၫအခဲၫ့လီၫ. တၭဆၧနီၪလမံၩ့ကဲၪထၪ့ ဆၧဖျံၩခွၩ့လၧစဂံဒအၧၫ့ဒဲအဂံၪ့ဖိၪအဂးလီၫ.
28 ဘဲၫနီၪၥိၭမံဒအၫ့စၪဝ့ၫ လၧၦအံၫစရ့လၭဖိၪအမ့ၬ ယၫတၭ,မိၬထၪ့လၧၩ့အခိၪအ့ၬ. တၭထံၫၥံၪခးၥံၪနီၪ အီၪပွံၭဝ့ၫအနံၪ့လံဆံၫ လၧဂံဒအၧၫ့ အမုနံၩလဖၪအ ဖၧၩ့နီၪလီၫ.
29 စယိအၭအဖိၪခွၫ စယရၧၭဘ့ၫအ့လၭ ထဲၩ့ထဲၩ့
30 တၭ,အီၪလၧအဂံၪ့ဒၪဝ့ၫအဖၧၩ့နီၪလီၫ.- တၭစဂံဒအၧၫ့ အီၪလၧအဖိၪခွၫ လၧအထၪ့ဖိၪဝ့ၫလဖၪနီၪ နွ့ၫဆံၫဂၩ လီၫ.အဂဲးဘဲၫယီၩ မွဲအအီၪလၧအမၫအၪဂၩလီၫ.
31 တၭအၥံၫမၫလၧအအီၪဝ့ၫ လၧၡံခံၫ့လဂၩနီၪ အီၪဖျဲၪန့ အဝ့ၫလၧအဖိၪခွၫလဂၩဆ့တၭ, ကိၭဝ့ၫအမံၩ့လၧစအ
32 ဘံမလ့ၭလီၫ.- တၭစယိအၭအဖိၪခွၫစဂံဒအၧၫ့ၥံၫဝ့ၫ, လၧအခိၪဘွၩဂ့ၩနီၪလီၫ. တၭၦခုၪ့လၩ့ဘၧၩ့ခွံၬဝ့ၫ လၧ အဖါစယိအၭအၥွၪခိၪဖၧၩ့ လၧအီၭဖၫအဖၧၩ့, လၧၦ အဘံအ့ၭဖိၪအကျၩလီၫ.
33 ထီးစဂံဒအၧၫ့ၥံၫဝ့ၫတၭ, ဆၧမၩအၥၭလၧၦအံၫစ ရ့လၭဖိၪကၠၪဒီၭအၥၭတၭ, လ့ၩမၩလဲးမၩဘျၪထွ့ၫဘၫ အလၭလဖၪအခဲၫ့တၭ, အီၪက့ၪဘၫအလၭဘံရ့ၭလၧ
34 အယွၩလီၫ.- တၭၦအံၫစရ့လၭဖိၪ နၪ့ထၪ့ထဲၩ့ယဟိ ဝၩအဝ့ၫၥံၪအယွၩ, လၧအမၩဖီၩ့ဖျ့ၭယူၭဝ့ၫလၧအဒုၪ အဒၩထီးအလူၬ အစူၪဖၧၩ့ လၧအအီၪဝၬဖီၩ့ဝ့ၫနီၪ
35 လၧၩ့အ့ၬ.- တၭအဝ့ၫၥံၪမၩခိးမၩတၩလၧၩ့စယရၧၭ ဘ့ၫအ့လၭ, စဂံဒအၧၫ့အၡၩဂံၪ့ဖိၪ, ဘဲၫကယဲဆၧလၧ အဝ့ၫဒၪမၩဂ့ၩၦအံၫစရ့လၭဖိၪ အၥိၭနီၪဆ့အ့ၬ.