7
1 တၭစယရၧၭဘ့ၫအ့လၭ, အနီၪမွဲစဂံဒအၧၫ့,ဒဲၦ ခမျၧးထီးအလူၬ လၧအအီၪဝ့ၫလၧအစူၪဖၧၩ့နီၪဂဲထုၪ့ လၧဆၧဖၩ့ထၪ့ဂီၩဂီၩတၭ, ၥုၪ့အတဲၩလၧထံၫဖၧၩ့ဟၫ ရီၭအနဲၩ့လီၫ. တၭၦမံဒအၫ့အၥုၭမုခမျၧးအီၪဝ့ၫလၧ မုဖၩလခီၫ လၧဆၧစီၩ့ခိၪ မိရံၫအခၪ့ထံၭလၧဆၧပျၩ့
2 ဖၧၩ့လီၫ.- ယဟိဝၩစံၭစဂံဒအၧၫ့, ၦခမျၧးလၧအအီၪ လၧနစူၪဖၧၩ့နီၪအီၪအၪလၨၪတၭ, ယဖ့ၪလၫ့ၦမံဒအၫ့ ဖိၪၥံၪလၧအဝ့ၫၥံၪ အစူၪဖၧၩ့ၥ့ၪအ့ၬ. အံၫစရ့လၭမိ အီၪက့ၪဖိၫလိၫဘၪခိၬအၥၭလၧယဖၫ့ခိၪတၭ, စံၭ,ယ
3 စူၪဒၪယဝ့ၫယီၩ မၩဖီၩ့မၩဖျ့ၭယၧၩလီၫ.- မၩအၥၭ ဘဲၫနီၪတၭ, ဘိၩ့နဲၪ့ယီၩ, လ့ၩဘီၪး ကိၭထၪ့လါလၧ ၦခမျၧးအနါဖၧၩ့တၭ, စံၭ,ၦလၧအၥၭမဲၪဆၧဒဲအၪ့ ယိၪဆၧနီၪ, မွဲအထဲၩ့ထဲၩ့တၭ, စဲၪ့ထၪ့ခွံၬလၧခိၪလီၩ့ ဂံလအၭချဲၫ့ချဲၫ့ဘီၪ, တၭၦထဲၩ့ထဲၩ့ လၧၦခမျၧးအ ကျၩနီၪၦနံၫလၬနံၫထီၫ့တၭ, အီၪလၩ့ထးၦလလၬလီၫ.
4 ယဟိဝၩစံၭစဂံဒအၧၫ့, ၦခမျၧးနီၪအၪလၨၪဒံၭလီၫ. ဒုၭဂဲၫလၩ့အဝ့ၫၥံၪလၧထံၫနဲၩ့တၭ, ယမိမၩခွါဝ့ၫထီး နီၪလၧနဂးတၭ, ထီးဒၪၦလၧယစံၭနၧၩ, အဝ့ၫဒၪလဂၩ ယီၩမိလ့ၩဖိၬနခဲၫ့, ဆၧမိမၩအၥၭလၧအဝ့ၫနီၪမိဘၪ လ့ၩလီၫ. တၭထီးဒၪၦလၧယစံၭနၧၩ, အဝ့ၫလဂၩ ယီၩလ့ၩဖိၬနခဲၫ့အ့ၬ, လဂၩလါလါနီၪ, အဝ့ၫဒၪနီၪလ့ၩ
5 ဘၪဆ့အ့ၬ.- အဝ့ၫဒုၭလ့ၩလၩ့ၦခမျၧးၥံၪလၧထံၫနဲၩ့ တၭ,ယဟိဝၩ စံၭစဂံဒအၧၫ့, ကယဲၦလၧအအၪ့လဲၪ့ ထံၫလၧအဖျ့ၩဘဲၫထွံၪအၪ့လဲၪ့ဆၧအၥိၭနီၪ, အဝ့ၫဒၪ နီၪနမိဘၪအီၪက့ၪလၩ့ အလးလစီၪ့ဒၪကိၭအဂၩဒ့ၭး ဒဲလခီၫကယဲၦလၧအချံၭလၩ့ လၧအခၪ့လုးခိၪဘဲၫၥိၭ အမိအီၩဆၧကိၭဂၩဒ့ၭနီၪဆ့လီၫ.
6 တၭၦလၧအအၪ့လဲၪ့ ဆၧလၧအအီၪက့ၪအစူၪလၧ အနိၭနီၪဆၧဝံထၪ့နၬထၪ့ဝ့ၫၥၧၫ့ယၩလီၫ. အ့ၪမွဲၦဂူၫ ဂၩလဖၪထီးအလူၬ ချံၭလၩ့လၧအခၪ့လုးခိၪ ဘဲၫၥိၭအ
7 မိအီၩထံၫလီၫ.- ယဟိဝၩစံၭစဂံဒအၧၫ့, ယမိမၩဖီၩ့ မၩဖျ့ၭနၥံၪလၧၦၥၧၫ့ယၩလၧအအၪ့လဲၪ့ဆၧနီၪ, ဒဲဖ့ၪ လၫ့ၦမံဒအၫ့ဖိၪၥံၪ လၧနစူၪဖၧၩ့တၭ, မွဲၦခမျၧးထီး အလူၬထဲၩ့ထဲၩ့ဒၪဝ့ၫ လဂၩလၧအလးဒၪဝ့ၫ ဆုၬဆုၬ
8 ဘီၪ.- တၭၦခမျၧးမၩန့ဆၧအၪ့ဆၧအီၩ လၧအစူၪဖၧၩ့ ဒဲအခွ့ၩလဖၪတၭ, အဝ့ၫဒၪဖျါခွံၬၦအံၫစရ့လၭထီးအ လူၬ,လဂၩလၧအတဲၩဒၪဝ့ၫဆုၬဆုၬတၭ, မၩန့ထၬၦ ၥၧၫ့ယၩနီၪလီၫ. တၭၦမံဒအၫ့ ၥုၭမုၥုၪ့တဲၩအလးနီၪ အီၪဝ့ၫလၧအဖၫ့လၬ လၧဆၧပျၩ့ဖၧၩ့လီၫ.
9 လၧမုလနၩဎးနီၪ, ဆၧမၩအၥၭလၧယဟိဝၩစံၭအ ဝ့ၫလဂၩနီၪဂဲထုၪ့တၭ, လ့ၩလၩ့လၧၦၥုၪ့တဲၩအလး နီၪဆံၭ, အဂဲးဘဲၫယီၩယဖ့ၪလၫ့ယူၭအဝ့ၫၥံၪလၧနစူၪ
10 ဖၧၩ့ယူၭ.- မွဲလါနၫ့နလ့ၩအ့ၪလဘုၪ့ဘၪတၭ, လ့ၩဎုၬ
11 လၧနခ့ၫနၡၩစဖုရၫလၧၦၥုၭမုအအီၪနီၪဆံၭ.- နမိနါ ဂၧၫ့ဆၧလၧအဝ့ၫၥံၪချဲၩ့ဝ့ၫတၭ, လၧခဲၫ့နစူၪမိဆီၪ့ထၪ့ ဘဲၫၥိၭနမိလ့ၩလၩ့ လၧၦၥုၭမုအအီၪလီၫ. တၭအဝ့ၫ ဒၪလ့ၩလၩ့လၧအခ့ၫအၡၩစဖုရၫအၥိၭ ထီၩ့လၧၦၥုၭ မုလဖၪၥုၪ့တဲၩအလး လၧအအီၪဝ့ၫလၧခီၫ့လခီၫလီၫ.
12 တၭၦမံဒအၫ့ဖိၪ, ဒဲၦအၫမလ့ၭဖိၪ, ဒဲၦမုထၪ့ဖိၪထီး အလူၬ, မံၫနၩ့လၧဆၧပျၩ့ဖၧၩ့အၪဘဲၫထွ့ၥံၪခၩ့ၥံၪအၥိၭ နီၪ,ဒဲအကလအူၭလဖၪနီၪ ၦဝံထၪ့နၬထၪ့ၥ့ၪအ့ၬး အၪ
13 ဝ့ၫဘဲၫမ့ၭလၧမၫဆမံၭနဲၩ့အၥိၭနီၪလီၫ.- ထီးစဂံဒအၧၫ့ ဂဲၫထီၩ့ဝ့ၫတၭ, ယိခွါ, ၦလဂၩလီၩလၩ့အဆၧမံၫမး လၧအၥိၭလဂၩတၭ, စံၭဝ့ၫဒၪ, ယိခွါ,ယမံၫမးဆၧမံၫ မးတၭ,ယိခွါ, ဘုၪမုယီၩအကိၪပၪပဲၪလဘံၪ့လၩ့ထ့ၬ ချံးအၥၭလၧမံဒအၫ့အၥုၭမုခမျၧးအကျၩတၭ, ထီၩ့ဝ့ၫ လၧအတဲၩအအီၪ, ဘၪဝ့ၫတၭ, တဲၩနီၪလၩ့ဎီးဝ့ၫတၭ, ဆၧမၩဘျံၭဒၪဝ့ၫတၭ, တဲၩအီၪဒၩလၩ့အၥၭ လၧဂၪ့
14 ခိၪချိၫ့လီၫ.- အၥိၭလဂၩစံၭဆၧၫ့ဆၧတၭ, စံၭဝ့ၫဒၪ, အနီၪမွဲဆၧနးမံၩ့အ့ၬ, န့ၫၦအံၫစရ့လၭဖိၪစယိအၭ အဖိၪခွၫစဂံဒအၧၫ့အနၭလဘံၪ့နီၪလီၫ. တၭယွၩဖ့ၪ လၫ့ယူၭၦမံဒအၫ့ဖိၪ, ဒဲၦၥုၭမုထီးအလူၬ လၧအဝ့ၫဒၪ
15 အစူၪဖၧၩ့ယူၭ.- တၭထီးစဂံဒအၧၫ့နါဂၧၫ့ ၦလီၩလၩ့ ဆၧမံၫမး, ဒဲအဆၧဖၭဝ့ၫနီၪ, ဆၧမၩအၥၭလၧအဘိၪ့ ထၪ့ဘၩထၪ့ဆၧ, ဒဲထဲၩ့ထဲၩ့ဝ့ၫလၧအံၫစရ့လၭအၡၩ ၥုၭမုခမျၧးအကျၩတၭ, စံၭဝ့ၫဒၪ, ဂဲထုၪ့ဘီၪ, အဂဲး ဘဲၫယီၩယဟိဝၩဖ့ၪလၫ့ယူၭ မံဒအၫ့အၥုၭမုခမျၧးလၧ
16 နၥံၪအစူၪဖၧၩ့ယူၭ.- အဝ့ၫဒၪအၪ့နၩ့ဖၭၦၥၧၫ့ယၩလၧ ၦၥၧၫ့ဒီၪ့တၭ, ဖ့ၪလၫ့ခွ့ၩလဖျိၪ့, ဒဲဖၧၩ့အီၪခီၫလဖျိၪ့, ဒဲမ့ၪၡီၫလၧဖၧၩ့ဖၧၩ့ လၧၦအစူၪဖၧၩ့ လဂၩဘၪလဂၩ
17 ဆုၬဆုၬလီၫ.- စံၭဝ့ၫ,ယိလိၪယၧၩတၭ, မၩဘဲၫနီၪအ ၥိၭဆံၭ.တၭယိခွါ, ထီးယအ့ၪထီၩ့လၧၥုၪ့တဲၩအလး လၧခီၫ့လခီၫဆၧမိမၩအၥၭ, ဘဲၫယမၩအၥိၭနီၪနၥံၪ
18 မိဘၪမၩဘဲၫနီၪၥိၭလီၫ.- ထီးယအ့ၪအူၪထၪ့ခွ့ၩ, ယ ဝ့ၫဒၪဒဲကယဲၦလၧအအီၪ လၧယၥိၭယီၩ, ထီးနီၪလ ဖၧၫ့,နၥံၪဝ့ၫ အူၪထၪ့ခွ့ၩဆ့ လၧၥုၪ့တဲၩအလးအနဲၩ့ ကိၭစီၪ့ဒ့ၭတၭ, စံၭ,ယဟိဝၩ, ဒဲစဂံဒအၧၫ့အနၭနီၪဘီၪၬ
19 တၭလၧၦအီၪခိၭဆၧအထီ လၧအၥၭကျၩလဆၫ့ အခၪ့ထံၭနီၪ, စဂံဒအၧၫ့ဒဲၦလယၩအီၪလၧအၥိၭလ့ၩ ထီၩ့လၧၦၥုၪ့တဲၩအလး လၧခီၫ့လခီၫတၭ, (ဆၧအီၪ က့ၪလၩ့ၥၫ့ၦခိၭဆၧတၭ,) အဝ့ၫၥံၪနီၪအူၪထၪ့ခွ့ၩတၭ,
20 မၩထ့ဖၭဖၧၩ့လၧအစူၪဖၧၩ့လီၫ.- ၦၥၧၫ့ဒီၪ့နီၪအူၪထၪ့ ခွ့ၩဆ့တၭ, မၩထ့ဖၭဖၧၩ့တၭ, မၩန့မ့ၪလၧအစူၪစ့ၪ တၭ,ခွ့ၩနီၪလၧအစူၪထွ့ၪလၧအမိအူၪထၪ့ဆၧ, ဒဲကိၭ
21 ထၪ့ဆၧ, ယဟိဝၩ, ဒဲစဂံဒအၧၫ့အနၭနီၪဘီၪၬ- တၭၦ ဆၧၫ့ထုၪ့လဂၩ လၧအလးဒၪဝ့ၫ, လဂၩလၧအလးဒၪ ဝ့ၫ,အီၪဝၬဖီၩ့ၦၥုၪ့တဲၩအလးနီၪတၭ, ၦၥုၭမုခမျၧးစဲၪ့
22 ဝ့ၫ,ဒဲကိၭၡၭထၪ့,ဒဲစဲၪ့ဖျိၭဝ့ၫလီၫ.- ၦၥၧၫ့ယၩအူၪထၪ့ ခွ့ၩတၭ, ယဟိဝၩအီၪက့ၪၦအနၭထၫ့ဒၩအၥိၭလဂၩ ဘၪလဂၩကိၭဂၩဒ့ၭဆုၬဆုၬ, လၧၦၥုၭမုခမျၧးထၧၫ့ ဒီၪ့ယၫတၭ, ၦၥုၭမုခမျၧးစဲၪ့ဝ့ၫဖိးလၧဘ့ၭၥၡ့ဘၫလၧ ဇံၫရံၫရၭအဖၧၩ့ လၧအၫဘလၭမဟိလၫအနဲၩ့ လၧ တၫဘၭနီၪလီၫ.
23 တၭအံၫစရ့လၭအၡၩ အီၪကိၩ့အီၪကီၪ့ လၧအဂဲၫ ထၪ့ခွံၬလၧနၭၥလဲၫအဖၧၩ့, ဒဲလၧအၭၡၧၫ, ဒဲလၧမနၭ စ့ၫထီးအလူၬအကျၩတၭ, လီၩ့ဆီးၦမံဒအၫ့ဖိၪလဖၪ
24 နီၪလီၫ.- တၭစဂံဒအၧၫ့အၪ့မၧၫ့လၩ့အၥီၫ့လဖၪလ့ၩ လၧခိၪလီၩ့အံဖြံၫ့ထၧၫ့ဖျိၪ့ယၫတၭ, စံၭဝ့ၫဒၪ, ဂဲၫထဲၩ့ လၩ့ဒုၭဆၧထၫ့ဒၩၦမံဒအၫ့ဖိၪတၭ, မၩန့ထံၫချိၬ (ခၫ့ ဂၬအလး) လဖၪဖိးလၧဘ့ၭၥဘၫရၫ ဒဲယီၫဒၫ့ဘိၩ့အ ဝ့ၫၥံၪလချႃၭထီၩ့ဒံၭဘၪဆံၭ. တၭအံဖြံၫ့ အၡၩထီး အလူၬအီၪကိၩ့အီၪကီၪ့ မၩန့ထံၫလဖၪ ဖိးလၧဘ့ၭၥ
25 ဘၫရၫဒဲယီၫဒၫ့နီၪလီၫ.- တၭအဝ့ၫၥံၪမၩန့ ၦမံဒအၫ့ ဖိၪအၦဒိၪဖၭဒိၪနံၫဂၩ, စအိရ့ၭဒဲစဇံအ့ၭတၭ, အဝ့ၫ ၥံၪမၩၥံၫစအိရ့ၭ လၧလိးအိရ့ၭအလီၩ့တၭ, မၩၥံၫ စဇံအ့ၭလၧဆၧယဲး စဘံၭၥၪဇံအ့ၭအလးတၭ, လီၩ့ ဆီးမံဒအၫ့တၭ, ဂဲၫဆိၬစအိရ့ၭ, ဒဲစဇံအ့ၭအခိၪဎွံၪလ ဖၪလၧစဂံဒအၧၫ့အအီၪ လၧယီၫဒၫ့ဝါလခီၫနီၪလီၫ.