4
1 ထီးစအ့ဟၧၭၥံၫဝ့ၫတၭ, ၦအံၫစရ့လၭဖိၪ မၩဒီၭ
2 ဆၧအၧၩ့လၧယဟိဝၩအမ့ၬယၫလီၫ.- တၭယဟိဝၩ အၪ့ဆၫခွံၬဝ့ၫ လၧကၫနအၫ့အစဎွၩ ယၫဘံၫ့လၧအ ပၧၩ့ဆၧလၧဟၫဇၫအဖၧၩ့တၭ, အၥုၭမုအခိၪ မွဲစံစ ရၫလၧအအီၪဝ့ၫလၧဟၫရိၡ့ၭ ဘၪဆဲၫ့လၧၦဆၨၩလ
3 ဖၪလီၫ.- တၭၦအံၫစရ့လၭဖိၪကိၭထၪ့ယဟိဝၩလီၫ. အဂဲးဘဲၫယီၩ အဝ့ၫဒၪအီၪလၧ လဲၪ့ၥုၭထၭခွံၫယၩ တၭ, မၩအၧၩ့မၩၥၫ့ ၦအံၫစရ့လၭဖိၪ အနံၪ့နံၫဆံၫ
4 နၭမၬလီၫ.- တၭအထီထီးနီၪ စလၭပဒီၭ အမၫ, မီၪ
5 မုၪ,နးဒ့ၭဘိၫရၫစ့ၩရၫ့ ၦအံၫစရ့လၭလီၫ.- တၭအီၪ ဝ့ၫလၧဒ့ၭဘိၫရၫအၥံၪ့စီၩ့မလီၫ့အဖၫ့လၬ လၧရၫမၫ, ဒဲဘ့ၥလၭအဘိၩ့ဆၧၩ့, လၧခိၪလီၩ့ အံဖြံၫ့အလီၩ့ တၭ,ၦအံၫစရ့လၭဖိၪ လ့ၩထၪ့လၧအအီၪ ဘဲၫၥိၭအ
6 မိဒိၭဆၧစ့ၩရၫ့လီၫ.- ၦမုၪနီၪ အၪ့မၧၫ့လၩ့ ဆၧလၧ ကၫဒ့ၭနၭၥလဲၫအဖၧၩ့တၭ, ကိၭန့စအဘံၫ့နိၫအၫ့အ ဖိၪခွၫစဘၫရၭတၭ, စံၭဝ့ၫ, ယဟိဝၩအံၫစရ့လၭအ ယွၩမၪလူၬဝ့ၫ, လ့ၩဆၧ, ၥုၭဘူၭနၥၭလၧခိၪလီၩ့တၫ ဘီၫတၭ,မၩန့ၦနၭၥလဲၫဖိၪ, ဒဲၦဇ့ၭဘလၧၫ့ဖိၪလလၬ
7 ၥံၪလၧနၥိၭဆံၭ.- တၭယမိဒုၭဂဲၫစယၫဘံၫ့အၥုၭမု အခိၪစံစရၫလၧနအီၪ, လၧထံၫချိၬကံၡၧၫ့, အီၪလၧအ လဲၪ့ၥုၭလဖၪ, ဒဲအၡၩခမျၧးတၭ, ယမိဖ့ၪလၫ့ခွံၬအ
8 ဝ့ၫဒၪလၧနစူၪဖၧၩ့နီၪလီၫ.- စဘၫရၭ စံၭအဝ့ၫ, နအ့ၪ လ့ၩလၧယၥိၭတၭ, ယမိလ့ၩလီၫ. အ့ၪမွဲနအ့ၪလလ့ၩ
9 ဘၪလၧယၥိၭတၭ, ယလ့ၩအ့ၬ.- တၭအဝ့ၫဒၪစံၭဝ့ၫ ယမိလ့ၩတၡါလၧနၥိၭလီၫ. မွဲလါနၫ့နဖၧၩ့ၥၭလၧန လ့ၩဆၧကဲၪထၪ့ဘၪ လၧနလၩနဖၩ့အဂးအ့ၬ. အဂဲး ဘဲၫယီၩယဟိဝၩမိအၪ့ဆၫခွံၬ စံစရၫ လၧၦမုၪလဂၩ အစူၪဖၧၩ့လီၫ. တၭနးဒ့ၭဘိၫရၫဂဲထုၪ့တၭ, လ့ၩဆၧ
10 လၧစဘၫရၭအၥိၭ ဖိးလၧကၫဒ့ၭနီၪလီၫ.- တၭစဘၫ ရၭကိၭန့ စဇ့ၭဘလၧၫ့, ဒဲစနၭၥလဲၫ ဂဲၫလၧကၫဒ့ၭ တၭ,အနၫ့ဆါဒၪဝ့ၫ လ့ၩထၪ့လၧၦၡၩၥံၪလလၬဖိၬအ ခဲၫ့နီၪတၭ, နးဒ့ၭဘိၫရၫ လ့ၩဝ့ၫလၧအၥိၭဆ့လီၫ.
11 တၭစမိစ့ၭအမံၩ့ၡါစဟိဘၭအဖိၪ, စဟံဘၧၫၦကံၫ့နဲၭ ဖိၪလဂၩနီၪ မၩလၩ့ဖၭအၥၭ လၧၦကံၫ့နဲၭဖိၪလဖၪ တၭၥုၪ့အတဲၩလၧဆၧပျၩ့ဖၧၩ့ ဇၫအန့အံၫ့လၧအအီၪ
12 လၧကၫဒ့ၭအနဲၩ့နီၪလီၫ.- တၭလၧၦလဖၪဒုၭနဲၪစံစ ရၫလၧစအဘံၫ့နိၫအၫ့အဖိၪခွၫ စဘၫရၭလ့ၩထၪ့ယူၭ လၧခိၪလီၩ့တၫဘီၫလီၫ. တၭစံစရၫဒုၭအီၪကီၪ့အလဲၪ့
13 ၥုၭထီးအလူၬ,- လဲၪ့ၥုၭထၭခွံၫယၩ, ဒဲၦခမျၧးထီးအ လူၬလၧအအီၪလၧအစူၪဖၧၩ့ လၧဟၫရိၫၡ့ၭဘၪဆဲၫ့ လၧၦဆၨၩလဖၪ ဖိးလၧထံၫချိၬကံၡၧၫ့လီၫ.
14 တၭနးဒ့ၭဘိၫရၫစံၭစဘၫရၭ, ဂဲထုၪ့ဘီၪ,အဂဲးဘဲၫ ယီၩအယီၩမွဲမုလနံၩ လၧယဟိဝၩဖ့ၪလၫ့ယူၭစံစရၫ လၧနစူၪဖၧၩ့ယူၭ, ယဟိဝၩလ့ၩထၪ့ယူၭလၧနမ့ၬယၫ မွဲအ့ၬဧၪ. တၭစဘၫရၭထဲၩ့လၩ့ထဲၩ့ လၧခိၪလီၩ့တၫ
15 ဘီၫတၭ, ၦၡၩလလၬဖိၬအခဲၫ့လီၫ.- တၭယဟိဝၩ မၩစၪစံစရၫ,ဒဲအလဲၪ့ၥုၭၥံၪထီးအလူၬ, ဒဲအၥုၭမုထီး အလူၬလၧနၭအနါလၧစဘၫရၭ အမ့ၬယၫလီၫ. တၭ စံစရၫစဲၪ့လၩ့ခွံၬဝ့ၫ လၧအလဲၪ့ၥုၭတၭ, စဲၪ့ဖျိၭဝ့ၫလၧ
16 အခၪ့လီၫ.- တၭစဘၫရၭလီၩ့ဆီးလဲၪ့ၥုၭလဖၪ, ဒဲၥုၭ မုခမျၧးလဖၪဖိးလၧဟၫရိၫၡ့ၭ ဘၪဆဲၫ့လၧၦဆၨၩလ ဖၪနီၪလီၫ. တၭစံစရၫအၥုၭမု ထီးအလူၬလၩ့ထံၩဖါ ဝ့ၫလၧနၭအနါအဖၫ့ခိၪလီၫ. ၦအီၪလၩ့ထးဘၪနးဂၩ အ့ၬ.
17 တၭစံစရၫစဲၪ့ဖျိၭဝ့ၫလၧအခၪ့ ဖိးလၧၦကံၫ့နဲၭဖိၪ စဟံဘၧၫအမၫ နးယၫအ့လၭ အတဲၩအအီၪလီၫ. အ ဂဲးဘဲၫယီၩ ဟၫဇၧၫအစဎွၩယၫဘံၫ့ ဘၪလိၬအိၭလိၬ ဝ့ၫလၧၦကံၫ့နဲၭဖိၪ စဟံဘၧၫအၡၩဂံၪ့ဖိၪလီၫ.
18 တၭနးယၫအ့လၭ လ့ၩထၪ့အၪ့ဂၬစံစရၫတၭစံၭဝ့ၫ, ကၠၪနၥၭ,ယကဆါဧ့, ကၠၪနၥၭလၧယအီၪဆံၭ. ထီး အၪ့ယိၪဆၧလဂ့ၩ. တၭထီးအဝ့ၫဒၪကၠၪအၥၭလၧအ အီၪ,လၧအတဲၩဖၧၩ့တၭၦမုၪနီၪ ဒုၭလုၬထၪ့ဝ့ၫလၧဖၬ ဘဲၩ့(ၡၫ့)လဘံၪ့လီၫ.
19 တၭအဝ့ၫဒၪစံၭ ဖ့ၪလၫ့ယၧၩ လၧထံၫနးဆံၭဘီၪ. အဂဲးဘဲၫယီၩ ဆၧၥူၫယၥၭလီၫ. တၭအဝ့ၫနီၪဝဲထၪ့ ဆၧနူထံၫထိၪ့ဆၧဖံၭတၭဒုၭအီၩဝ့ၫတၭ, ဒုၭလုၬထၪ့
20 ထဲၩ့ဝ့ၫလီၫ.- တၭအဝ့ၫဒၪစံၭဒီၭဝ့ၫဆၧၫ့ထုၪ့လၧတဲၩ အတရၫ့နီၪဘီၪ. ထီးၦလဂၩဂၩ အ့ၪဂဲၫအၪ့စၪ့နၧၩ တၭ,စံၭ, ၦၡၩအီၪထီးယီၩဧၪတၭ, ဆၧမိမၩအၥၭ
21 လၧနမိဘၪစံၭ, အီၪအ့ၬ.- တၭစဟံဘၧၫအမၫနးယၫ အ့လၭမၩန့တဲၩအနိၪဖျၭလဘီၩ့တၭ, မၩန့စၭခုၫလၧ အစူၪဖၧၩ့တၭ လ့ၩစီၩစီၩလၧအအီၪတၭ ဖျၩနုၬနိၪ ဖျၭလၧအနါကံၭထံၭတၭ မၩနုၬလၩ့ဝ့ၫလၧဂၪ့ခိၪဖၧၩ့ လီၫ.အဂဲးဘဲၫယီၩ မွဲအမံၫမၪဝ့ၫတၭ ဆၧပွံၭအၥၭ
22 တၭ,ၥံၫဝ့ၫဘဲၫနီၪလီၫ.- တၭယိခွါ, စဘၫရၭလီၩ့ဆီး စံစရၫတၭ,နးယၫအ့လၭ ဂဲၫအၪ့ဂၬဝ့ၫတၭ, စံၭဝ့ၫး ဂဲၫ ဘီၪ, ယမိဒုၭနဲၪနၧၩ လၧၦလၧနအၪ့ဎၬဝ့ၫ လဂၩနီၪ လီၫ.အဝ့ၫလ့ၩနုၬဝ့ၫလၧအတဲၩဖၧၩ့တၭ, ယိခွါ, စံစ ရၫမံၫနၩ့ၥံၫယူၭတၭ နိၪဖျၭအီၪဝ့ၫ လၧအနါကံၭထံၭ
23 အဖၧၩ့လီၫ.- တၭလၧမုလနံၩနီၪ ယဟိဝၩမၩစၪကၫ နအၫ့အစဎွၩယၫဘံၫ့ လၧၦအံၫစရ့လၭဖိၪအမ့ၬယၫ
24 လီၫ.- တၭၦအံၫစရ့လၭဖိၪအစူၪ ဘီၪထၪ့ယီၫထၪ့တၭ မၩနၧၩ့မၩစၪကၫနအၫ့အစဎွၩယၫဘံၫ့ ထီးအမၩဂၭ ဂီၩ့ကၫနအၫ့အစဎွၩယၫဘံၫ့နီၪလီၫ.