12
1 ၦအံဖြံၫ့ဖိၪအီၪကိၩ့အီၪကီၪ့တၭ, ခၫ့ဂၬဆၧလၧမု ဖၩလခီၫတၭ,စံၭစယ့ၭဖၥၫ, နလ့ၩခၫ့ဂၬဒုၭဆၧထၫ့ဒၩ ၦအၫမၧၫ့ဖိၪတၭ, လကိၭဘၪပၧၩ ဘဲၫၥိၭပမိလ့ၩဆၧ လၧနၥိၭနီၪ, မွဲဘၪလဲၪ. ပမိဆူၭထၪ့ခွံၬ နဂံၪ့လၧမ့ၪ
2 လၧနဖၫ့ခိၪလီၫ.- တၭစယ့ၭဖၥၫစံၭအဝ့ၫၥံၪ, ယဝ့ၫဒၪ ဒဲယၡၩခမျၧး ပအဲၪ့လိၬဆိၭချဲၩ့လိၬပၥၭ လၧၦအၫ မၧၫ့ဖိၪနၭမၬလီၫ. တၭလၧယကိၭန့နၥံၪနီၪ နၥံၪမၩ
3 ဖီၩ့ဖျ့ၭယၧၩ လၧအဝ့ၫၥံၪအစူၪဖၧၩ့အ့ၬ.- ထီးယဒၪ ဘၪနၥံၪလမၩဖီၩ့ဖျ့ၭဘၪယၧၩလၧ အဝ့ၫၥံၪအစူၪဖၧၩ့ တၭးယအီၪက့ၪလၩ့ယၥၭ လၧယစူၪဒၪယဝ့ၫအဖၧၩ့ တၭ,ယခၫ့ဂၬထၫ့ဒၩၦအၫမၧၫ့ဖိၪနီၪ, ယဟိဝၩဖ့ၪလၫ့ အဝ့ၫၥံၪလၧယစူၪဖၧၩ့လီၫ. တၭနၥံၪဂဲၫဘဲၫၥိၭနၥံၪမိ ဒုၭဆၧထၫ့ဒၩယၧၩလၧမုဆၫလနံၩယီၩမွဲဘၪလဲၪ.
4 ထီးနီၪလဖၧၫ့ စယ့ၭဖၥၫဒုၭအီၪကိၩ့အီၪကီၪ့ဂံလ အၭအၡၩထီးအလူၬတၭ, ဒုၭဆၧလၧအံဖြံၫ့တၭ,ၦဂံ လအၭအၡၩ ဖ့ၬခွံၬအံဖြံၫ့လီၫ. အဂဲးဘဲၫယီၩ အဝ့ၫ ၥံၭစံၭဝ့ၫ,နၥံၪဝ့ၫ, ၦဂံလအၭဖိၪမွဲၦစဲၪ့ဖျိၭဖီၩ့ဖျ့ၭဆၧ လၧအံဖြံၫ့အစူၪဖၧၩ့လီၫ. ဂံလအၭအီၪဝ့ၫလၧအံဖြံၫ့
5 ဒဲမနၭစ့ၫအဘိၩ့ဆၧၩ့လီၫ.- တၭၦဂံလအၭဖိၪမၩန့ ဆိၫဖၧၩ့ၥၭခၫ့ဂၬ ယီၫဒၫ့လဖၪ လၧၦအံဖြံၫ့ဖိၪအမ့ၬ ယၫလီၫ.တၭထီးၦအံဖြံၫ့ဖိၪ လၧအဖီၩ့ဖျ့ၭနီၪစံၭဝ့ၫ, ဒုၭခၫ့ဂၬယၧၩဘီၪး တၭဆၧမၩအၥၭလၧဂံလအၭအ ၡၩစံၭအဝ့ၫ,နမွဲၦအံဖြံၫ့ဖိၪဆ့ဧၪ. အဝ့ၫဒၪအ့ၪစံၭဝ့ၫ,
6 မွဲအ့ၬး- ထီးနီၪလဖၧၫ့အဝ့ၫၥံၪစံၭ, စံၭလါၡံၭဘိၫလ့ၭ နီၪဘီၪ,တၭအဝ့ၫဒၪစံၭဝ့ၫ လၧစံဘိၫလ့ၭနီၪလီၫ.တၭ တဲၩ့ဝဲၩအနိၭ ဘဲၫၥိၭအမိကိၭကျၩၥ့ၪအ့ၬ. ထီးနီၪလ ဖၧၫ့အဝ့ၫၥံၪဖီၪ့ထၬဝ့ၫတၭ, မၩၥံၫဝ့ၫ ထီးဖၧၩ့ၥၭခၫ့ ဂၬယီၫဒၫ့အလးလီၫ. တၭအဆၧၫ့အထီထီးနီၪ ၦအံ ဖြံၫ့ဖိၪလၩ့ထ့ၬဝ့ၫလံလၬနံၫထီၫ့လီၫ.
7 တၭယ့ၭဖၥၫစ့ၩရၫ့အံၫစရ့လၭဎူၫနံၪ့လီၫ. ထီးနီၪ လဖၧၫ့ၦဂံလအၭဖိၪ စယ့ၭဖၥၫၥံၫဝ့ၫတၭ, ၦခုၪ့လၩ့ ဘၧၩ့ခွံၬဝ့ၫလၧဂံလအၭအဒိၩ့လဖျိၪ့အဖၧၩ့လီၫ.
8 တၭအဝ့ၫဒၪအလးခဲၫ့နီၪ စအံဘဇၫ့ လၧဘ့ၭၥလံၫ
9 ဟံၫ့စ့ၩရၫ့အံၫစရ့လၭလီၫ.- တၭအဝ့ၫအီၪလၧအဖိၪ ခွၫၥၧၫ့ဆံၫ ဒဲအဖိၪမုၪ ၥၧၫ့ဆံၫတၭ, အၪ့မၧၫ့လၩ့ဆၧ လၧခီၫ့,မၩန့ၦအဖိၪမုၪလၧခီၫ့ၥၧၫ့ဆံၫ လၧအဖိၪခွၫအ
10 ဂးတၭ,စ့ၩရၫ့အံၫစရ့လၭနွ့ၫနံၪ့လီၫ.- စအံဘဇၫ့နီၪ ၥံၫဝ့ၫတၭ,ၦခုၪ့လၩ့ဘၧၩ့ခွံၬဝ့ၫ လၧဘ့ၭၥလံၫဟံၫ့အ ဖၧၩ့နီၪလီၫ.
11 တၭအဝ့ၫဒၪအလးခဲၫ့နီၪ, ၦဇ့ၭဘလၧၫ့ဖိၪစအံလၧၫ့ စ့ၩရၫ့အံၫစရ့လၭတၭ အဝ့ၫဒၪစ့ၩရၫ့အံၫစရ့လၭဆံၫ
12 နံၪ့လီၫ.- ၦဇ့ၭဘလၧၫ့ဖိၪ စအံလၧၫ့နီၪၥံၫဝ့ၫတၭ, ၦ ခုၪ့လၩ့ဘၧၩ့ခွံၬဝ့ၫ လၧအၭဇလၧၫ့အဖၧၩ့ လၧဇ့ၭဘ လၧၫ့အခးဖၧၩ့နီၪလီၫ.
13 တၭအဝ့ၫဒၪအလးခဲၫ့နီၪ ၦပံၫရၥၧၫ့ဖိၪစဟံလလၭ
14 အဖိၪခွၫစအၭဘဒၫ့ စ့ၩရၫ့အံၫစရ့လၭလီၫ.- တၭအ ဝ့ၫဒၪအီၪလၧအဖိၪခွၫလံဆံၫ, ဒဲအလံၩခွၫၥၧၫ့ဆံၫလၧ အထူၬကၥ့ၪယီၩ့ဖိၪ နွ့ၫဆံၫလီၫ. တၭအဝ့ၫလဂၩစ့ၩ
15 ရၫ့အံၫစရ့လၭဎိၭနံၪ့လီၫ.- တၭၦပံရၥၧၫ့ဖိၪ စဟံလ လၭအဖိၪခွၫစအၭဘဒၫ့နီၪၥံၫဝ့ၫတၭ, ၦခုၪ့လၩ့ဘၧၩ့ ခွံၬဝ့ၫလၧပံရၥၧၫ့အဖၧၩ့ လၧအံဖြံၫ့အခးဖၧၩ့, လၧၦ အၫမလ့ၭဖိၪအခိၪလီၩ့ အလီၩ့လီၫ.