11
1 ၦဂံလအၭဖိၪစယ့ၭဖၥၫနီၪ မွဲၦအဆီၪ့လၧအၥၭဒူၩ လဂၩတၭ,မွဲၦမဲၩဎွဲၩမုၪလဂၩအဖိၪခွၫတၭ, စဂံလအၭ
2 ထၪ့ဖိၪစယ့ၭဖၥၫလီၫ.- စဂံလအၭအမၫအီၪဖျဲၪန့ဝ့ၫ လၧအဖိၪခွၫလဖၪတၭ, အမၫအဖိၪခွၫလဖၪနီၪဒိၪထၪ့ တၭ,အဝ့ၫၥံၪနၫ့ထၪ့ခွံၬစယ့ၭဖၥၫနီၪ, စံၭအဝ့ၫ,နန့ၥၫ ဆၧလၧပဖါအဂံၪ့ဖၧၩ့အ့ၬ. အဂဲးဘဲၫယီၩနမွဲၦမုၪအ
3 ဂူၫဂၩလဂၩအဖိၪခွၫလီၫ.- စယ့ၭဖၥၫစဲၪ့ထၪ့ခွံၬလၧ အထၧၫ့ဖုဝဲလဖၪအအီၪတၭ, အီၪဝ့ၫလၧခးထိဘၫအ ဖၧၩ့တၭ, ၦၡၩလၧအအီၪက့ၪဖိၫအၥၭ အီၪကိၩ့အီၪ ကီၪ့လၧစယ့ၭဖၥၫအအီၪတၭ, လ့ၩဖိၬအဝ့ၫဒၪအခဲၫ့ လီၫ.
4 တၭဆၧမၩအၥၭ လၧမုနံၩလဖၪအကျၩနီၪ ၦအၫ
5 မၧၫ့ဖိၪဒုၭဆၧထၫ့ဒၩအံၫစရ့လၭလီၫ.- ထီးၦအၫမၧၫ့ ဖိၪဒုၭဆၧထၫ့ဒၩ အံၫစရ့လၭတၭ, ဆၧမၩအၥၭလၧ ဂံလအၭ,အၦၥုၪ့က့ၭၥၭၡါလဖၪ လ့ၩဝ့ၫလၧထိဘၫနီၪ ဘဲၫၥိၭအမိမၩန့ဂဲၫထဲၩ့ၥိၫ့ စယ့ၭဖၥၫလဂၩနီၪလီၫ.
6 အဝ့ၫၥံၪစံၭစယ့ၭဖၥၫ, ဂဲၫထဲၩ့တၭ, ကဲၪထၪ့ပခိၪဘဲၫ
7 ၥိၭပမိဒုၭဆၧ လၧၦအၫမၧၫ့ဖိၪဆံၭ.- တၭစယ့ၭဖၥၫ စံၭဂံလအၭအၦၥုၪ့က့ၭၥၭၡါ, နၥံၪၥၭဂဲၫ့ယၧၩ, ဒဲနၫ့ ထၪ့ခွံၬယၧၩလၧယဖါအဂံၪ့ဖၧၩ့နီၪမွဲအ့ၬဧၪ. ထီးနၥံၪ ဘၪဆၧခိဆၧဝီၩဘိၩ့နဲၪ့ယီၩတၭ, နၥံၪဂဲၫလၧယအီၪ,
8 မွဲဘၪလဲၪ.- တၭဂံလအၭအၡၩၥုၪ့က့ၭၥၭၡါစံၭစယ့ၭ ဖၥၫ,ပကၠၪထဲၩ့ပၥၭလၧနအီၪဘိၩ့နဲၪ့ယီၩ, အဂဲးဘဲၫ ယီၩဘဲၫၥိၭနမိလ့ၩလၧပမ့ၬယၫ, ဒဲဒုၭဆၧထၫ့ဒၩၦအၫ မၧၫ့ဖိၪတၭ, ကဲၪထၪ့ပခိၪလၧၦဂံလအၭဖိၪထီးအလူၬ
9 အဖၫ့ခိၪနီၪလီၫ.- စယ့ၭဖၥၫစံၭ ၦဂံလအၭ အၡၩၥုၪ့ က့ၭၥၭၡါလဖၪ, နၥံၪအ့ၪထဲၩ့ၥိၫ့ယၧၩဘဲၫၥိၭယမိဒုၭ ဆၧလၧၦအၫမၧၫ့ဖိၪတၭ, ယဟိဝၩ အ့ၪဖ့ၪလၫ့ခွံၬအ ဝ့ၫၥံၪလၧယမ့ၬယၫတၭ မွဲယမိကဲၪထၪ့ နၥံၪအခိၪဆ့
10 ဧၪ.- တၭဂံလအၭအၡၩၥုၪ့က့ၭၥၭၡါစံၭ စယ့ၭဖၥၫ, ပအ့ၪလမၩဘၪဘဲၫနလူအီၪဝ့ၫအၥိၭတၭ, မွဲယဟိဝၩ
11 ကဲၪထၪ့ဆၧထိးအၥၭ လၧပဘိၩ့ဆၧၩ့ဆံၭ.- ထီးနီၪ လဖၧၫ့စယ့ၭဖၥၫထဲၩ့ဝ့ၫ လၧဂံလအၭ အၡၩၥုၪ့က့ၭ ၥၭၡါတၭ, ၦခမျၧးအီၪက့ၪဝ့ၫလၧအခိၪ, ဒဲၦဒိၪဖၭဒိၪ လၧအဖၫ့ခိၪလီၫ. တၭစယ့ၭဖၥၫ ချဲၩ့အဆၧချဲၩ့ထီး အလူၬလၧယဟိဝၩအမ့ၬယၫ လၧမံဇပၫအဖၧၩ့နီၪ လီၫ.
12 စယ့ၭဖၥၫအၪ့မၧၫ့ အၥီၫ့လဖၪလ့ၩဝ့ၫလၧအၫမၧၫ့ ဖိၪအစဎွၩအအီၪတၭ, စံၭဝ့ၫ, လၧနဂဲၫထၫ့ဒၩယၧၩ ဘဲၫၥိၭနမိဒုၭဆၧလၧ ယခးဖၧၩ့အကၠီၩ့နီၪ, နၧၩဒဲ
13 ယၧၩဘၪဆဲၫ့လိၬပၥၭဘဲၫၥ့ၪလဲၪ.- တၭၦအၫမၧၫ့ဖိၪ အစဎွၩစံၭဆၧၫ့စယ့ၭဖၥၫအၥီၫ့လဖၪ, အဂဲးဘဲၫယီၩ လၧအံၫစရ့လၭဂဲၫစဲၪ့ထၪ့ခွံၬ လၧအံဇံၭအဖၧၩ့နီၪ,အ ဝ့ၫၥံၪမၩန့ခွံၬယထံၫယခး လၧအၫနၫ့ဖိးလၧယၫဘီၭ, ဒဲဖိးလၧယီၫဒၫ့တၭ, ဘိၩ့နဲၪ့ယီၩဖ့ၪထဲၩ့ဆၧနီၪလဖၪ မုၬမုၬဆံၭ.
14 စယ့ၭဖၥၫအၪ့မၧၫ့ဒီၭအၥီၫ့လဖၪ လ့ၩလၧၦအၫမၧၫ့
15 ဖိၪအစဎွၩအအီၪတၭ,- စံၭအဝ့ၫ, စယ့ၭဖၥၫစံၭဘဲၫ ယီၩ,မိအၭအခး, ဒဲၦအၫမၧၫ့ဖိၪအခးနီၪအံၫစရ့လၭ
16 မၩန့ခွံၬအ့ၬ.- အ့ၪမွဲလၧအံၫစရ့လၭဂဲၫစဲၪ့ထၪ့ခွံၬလၧ အံဇံၭတၭ, လ့ၩခၫ့ဂၬ ၡါမုနၧၫ့ဖၫ လၧမၫဆမံၭဝီၩ
17 တၭ,လ့ၩထီၩ့လၧကၫဒ့ၭနီၪ,- အံၫစရ့လၭအၪ့မၧၫ့ အၥီၫ့လဖၪလ့ၩလၧအံဒၧၫ့အစဎွၩအအီၪတၭ, စံၭဝ့ၫ, ဒုၭလ့ၩခၫ့ဂၬလါယၧၩလၧနခးဘီၪ. မွဲလါနၫ့ အံဒၧၫ့ အစဎွၩခိၭနၪဆၧအ့ၬ. အဝ့ၫၥံၪအၪ့မၧၫ့လၩ့ ဆၧလၧ မိအၭအစဎွၩနီၪဘဲၫနီၪၥိၭဆ့လီၫ. မွဲလါနၫ့အၥၭအီၪ အ့ၬ.တၭအံၫစရ့လၭ အီၪဝ့ၫလၧ ကၫဒ့ၭအဖၧၩ့နီၪ
18 လီၫ.- အဝ့ၫၥံၪလ့ၩဆၧလၧၡါမုနၧၫ့ဖၫတၭ, လ့ၩဎဲၪ့ ခးအံဒၧၫ့, ဒဲခးမိအၭတၭ,လ့ၩလၧခးမိအၭအနဲၩ့လၧ မုထၪ့လခီၫတၭ, ၥုၪ့အတဲၩလၧအၫနၫ့ ဝါလခီၫလီၫ. မွဲလါနၫ့လ့ၩနုၬလၧမိအၭအနဲၩ့ထံၭအဖၧၩ့ လခီၫအ့ၬ.
19 အဂဲးဘဲၫယီၩ အၫနၫ့ မွဲမိအၭ အနဲၩ့ထံၭလီၫ.- တၭ အံၫစရ့လၭ အၪ့မၧၫ့အၥီၫ့လဖၪ လ့ၩလၧၦအၫမိၫဖိၪ အစဎွၩစဲဟၫ့, ဟ့ၭၡဘၫ့ အစဎွၩတၭ, အံၫစရ့လၭ စံၭဝ့ၫ,ဒုၭခၫ့ဂၬလါပၧၩ လၧနခးဖိး လၧပလးဆံၭ.
20 တၭစစဲဟၫ့နဲၩအံၫစရ့လၭအလူ ဘဲၫၥိၭအမိခၫ့ဂၬအ ထံၫအခးအ့ၬ. အ့ၪမွဲစစဲဟၫ့ ဒုၭအီၪကိၩ့အီၪကီၪ့အ ၡၩခမျၧးတၭ, ၥုၪ့တဲၩလၧယၫဟၭတၭ, ဒုၭဆၧထၫ့
21 ဒၩအံၫစရ့လၭလီၫ.- တၭယဟိဝၩအံၫစရ့လၭအယွၩ ဖ့ၪလၫ့ခွံၬစစဲဟၫ့, ဒဲအၡၩခမျၧးလၧအံၫစရ့လၭအစူၪ ဖၧၩ့တၭ, အဝ့ၫၥံၪဖ့ၬခွံၬဝ့ၫလီၫ. တၭအံၫစရ့လၭမၩ
22 န့ၦအၫမိၫဖိၪ, ၦခးဖိၪအခးထၧၫ့ဘံၪ့ယၫလီၫ.- မၩန့ အၫမိၫဖိၪအခးနဲၩ့ထံၭ ထီးအလူၬ လၧအၫနၫ့ဖိးလၧ ယၫဘီၭတၭ, လၧၡါမုနၧၫ့ဖၫနီၪ ဖိးလၧယီၫဒၫ့လီၫ.
23 တၭဘိၩ့နဲၪ့ယီၩ ယဟိဝၩအံၫစရ့လၭ အယွၩနၫ့ထၪ့ ခွံၬၦအၫမိၫဖိၪလၧအၡၩခမျၧးအမ့ၬယၫတၭ, နဝ့ၫဒၪ
24 ယီၩ,မွဲနမိမၩဘၪဆ့ဧၪ.- ဆၧလၧနယွၩခံမီၭဖ့ၪလၫ့ နၧၩနီၪ,မွဲနမိမၩန့အ့ၬဧၪ. တၭကယဲဆၧလၧယဟိဝၩ ပယွၩနၫ့ထၪ့ခွံၬလၧပမ့ၬယၫနီၪ ပမိမၩန့ပဝ့ၫဆ့လီၫ.
25 တၭဘိၩ့နဲၪ့ယီၩမွဲနဂ့ၩနဲၪ့ မိအၭအစဎွၩစဇံၭဖီၫအ ဖိၪခွၫစဘၫလၭနီၪဒံၭဧၪ. မွဲအဝ့ၫဒၪဂဲးလိၬလၧအံၫစ
26 ရ့လၭတၭ, ဒုၭဆၧထၫ့ဒၩ လၧအဝ့ၫၥံၪဆ့ဧၪ.- လၧ အံၫစရ့လၭ အီၪဝ့ၫလၧဟ့ၭၡဘၫ့ ဒဲအတဝၫ့လဖၪအ ဖၧၩ့,ဒဲလၧအရိအၧၫဒဲအတဝၫ့လဖၪအဖၧၩ့, ဒဲလၧက ယဲဒိၩ့လဖၪ လၧအအီၪဝ့ၫလၧအၫနၫ့ အနဲၩ့အဎီၩ့အ နံၪ့ၥၧၫ့ယၩအထးဖၧၩ့နီၪ, နၥံၪလမၩန့ထဲၩ့ဘၪဝ့ၫလၧ
27 အဆၧၫ့အထီထီးနီၪ, မွဲဘၪလဲၪ.- တၭယဝ့ၫဒၪယီၩ ယမၩမၪဘၪနၧၩအ့ၬ, အ့ၪမွဲနဒုၭၥုၭထၫ့ဒၩယၧၩယီၩ နမၩအၧၩ့ယၧၩလီၫ. မွဲယဟိဝၩၦစ့ၩရၫ့ခွးလဂၩစ့ၩ ရၫ့ဆၧလၧမုဆၫလနံၩယီၩ လၧၦအံၫစရ့လၭဖိၪ ဒဲၦ အၫမၧၫ့ဖိၪအဘိၩ့ဆၧၩ့နီၪဆံၭ.
28 မွဲလါနၫ့တၭ စယ့ၭဖၥၫအဆၧချဲၩ့ လၧအဖ့ၪယုဝ့ၫ နီၪၦအၫမၧၫ့ဖိၪအစဎွၩခိၭနၪဝ့ၫအ့ၬ.
29 ထီးနီၪလဖၧၫ့ယဟိဝၩအၥၭလၩ့ဘၪဝ့ၫ လၧစယ့ၭ ဖၥၫအလီၩ့တၭ, အဝ့ၫဒၪခၫ့ဂၬဂံလအၭဒဲမနၭစ့ၫဒဲခၫ့ ဂၬမံဇပၫဘၪဆဲၫ့လၧဂံလအၭနီၪ, စဲၪ့ထၪ့ခွံၬလၧမံဇ ပၫဘၪဆဲၫ့လၧဂံလအၭနီၪ, ခၫ့ဂၬဆၧဖိးလၧအၫမၧၫ့ ဖိၪအအီၪနီၪလီၫ.
30 စယ့ၭဖၥၫ ဆိၪလၩ့အၥၭလၧယဟိဝၩအမ့ၬယၫ တၭ,စံၭဝ့ၫဒၪ, နအ့ၪဖ့ၪလၫ့တၡါၦအၫမၧၫ့ဖိၪလၧယ
31 စူၪဖၧၩ့တၭ,- ထီးယအ့ၪဂဲၫထဲၩ့ထဲၩ့မုၬမုၬလၧၦအၫ မၧၫ့ဖိၪအအီၪတၭ, ဆၧမိမၩအၥၭထီးဒၪဆၧလၧအ ဂဲၫထၪ့အၪ့ဂၬယၧၩလၧယဂံၪ့အတရၫ့နီၪ, မိကဲၪထၪ့ ယဟိဝၩအဆၧတၡါတၭ, အ့ၪလမွဲဘၪယမိလုထၪ့ လၧဆၧလုမ့ၪလီၫ.
32 စယ့ၭဖၥၫခၫ့ဂၬဆၧဖိး လၧၦအၫမၧၫ့ဖိၪအအီၪဘဲၫ ၥိၭအမိဒုၭဆၧထၫ့ဒၩအဝ့ၫၥံၪတၭ, ယဟိဝၩဖ့ၪလၫ့ ခွံၬအဝ့ၫၥံၪလၧအစူၪဖၧၩ့လီၫ.
33 တၭအဝ့ၫဒၪဖ့ၬခွံၬအဝ့ၫၥံၪ လၧအရိအၧၫဖိးလၧန လ့ၩနုၬလၧမံၫ့နံၭ, ဒိၩ့နံၫဆံၫ,ဒဲဖိးလၧစဘံၭအလးလဖၪ အဆၧပျၩ့ဖၧၩ့, ဆၧမၩၥံၫဖၭဒိၪလီၫ. တၭၦအၫမၧၫ့ ဖိၪစၪဝ့ၫလၧၦအံၫစရ့လၭဖိၪ အမ့ၬယၫဘဲၫနီၪၥိၭလီၫ.
34 စယ့ၭဖၥၫထဲၩ့ထဲၩ့လၧမံဇပၫ ထီၩ့လၧအဂံၪ့တၭ, ယိခွါ,အဖိၪမုၪလဂၩ ဂဲၫထၪ့အၪ့ဂၬဝ့ၫ အီၪလၧဒိၩ့ ၥံၪဒဲဆၧဂဲထုၪ့လံလီၫ. တၭအဝ့ၫဒၪမွဲအဖိၪလဂၩဎး လီၫ.လၧအဝ့ၫဒၪအမ့ၬယၫနီၪ အမုၪမွဲဂ့ၩ, အခွၫမွဲ
35 ဂ့ၩ,အီၪနးဂၩအ့ၬ.- ထီးအဒၪဘၪဝ့ၫတၭ, ဆၧမၩအ ၥၭလၧအၡၫ့အကီၩ့အၥိၭတၭ, စံၭဝ့ၫဒၪ,အၩလါ,ယ ဖိၪမုၪဧ့ၬ နဆၪ့လၩ့ယၧၩနၭမၬလီၫ. နကဲၪထၪ့ၦမၩ ခိမၩဝီၩယၧၩလဂၩလီၫ. အဂဲးဘဲၫယီၩယအၩ့ထၪ့ ယနိၭလၧယဟိဝၩအမ့ၬယၫတၭ, ယထဲၩ့ထဲၩ့နီၪၥ့ၪ
36 အ့ၬ.- အဝ့ၫဒၪစံၭဝ့ၫ, ယဖါဧ့, နအ့ၪအၩ့ထၪ့နနိၭလၧ ယဟိဝၩအမ့ၬယၫတၭ, မၩဆၧဘဲၫဆၧထၪ့ဖျ့ၭလၧန နိၭအၥိၭနီၪဆံၭ. အဂဲးဘဲၫယီၩ ယဟိဝၩ မၩဆၧၫ့န
37 ဒုၪနဒၩ,ၦအၫမၧၫ့ဖိၪလၧနဂးလီၫ.- တၭစံၭအဖါ,မွဲ ဆၧလမံၩ့ယီၩမၩအၥၭလၧ ယဂးဘီၪး လၩနံၫဘံၪ့အ ထးဖၧၩ့နီၪမၩယၧၩဆၧနးမံၩ့လဂ့ၩ, မွဲဘဲၫၥိၭယမိစဲၪ့ ဝံၩ့ဝၩ့လၧခိၪလီၩ့ထိၩ့ချိၬ, ဒဲဂၪ့လၧယမုၪနၩ့အကၠီၩ့,
38 ယဝ့ၫဒၪဒဲယထံၩယၥိၭလဖၪဆ့လီၫ.- တၭအဝ့ၫဒၪ စံၭဝ့ၫ,လ့ၩဘီၪ. တၭကွဲၪဖျါခွံၬဝ့ၫလၩနံၫဘံၪ့နီၪ,အ ဝ့ၫဒၪလ့ၩဝ့ၫလၧအထံၩအၥိၭတၭ, ဂၪ့ဝ့ၫလၧအမုၪနၩ့
39 အကၠီၩ့လၧခိၪလီၩ့ထိၩ့ချိၬနီၪလီၫ.- တၭလၧလၩနံၫ ဘံၪ့အထုၬနီၪဆၧမၩအၥၭလၧအဂဲၫထဲၩ့ထဲၩ့လၧအ ဖါအအီၪနီၪ, အဝ့ၫဒၪမၩဝ့ၫဘဲၫအဆိၪလၩ့အၥၭအ ၥိၭနီၪတၭး ၦမုၪနီၪၥ့ၪယၫၦခွၫအ့ၬ. တၭဆၧကဲၪထၪ့ ဝ့ၫလၧဆၧအထူၫအရူၫ လၧအံၫစရ့လၭအဖၧၩ့လီၫ.
40 လနံၪ့ဘၪလနံၪ့, လနံၪ့ဘၪလနံၪ့ၦအံၫစရ့လၭအဖိၪမုၪ လဖၪလ့ၩထၪ့ဂၪ့ဆၧယၧၩ့ဆၧ လၧၦဂံလအၭဖိၪစယ့ၭ ဖၥၫအဖိၪမုၪအကၠီၩ့, လနံၪ့အထးဖၧၩ့နီၪလံနံၩလီၫ.