1 ယဟိဝၩစံၭဘဲၫယီၩ, မူၭခိၪမွဲယလးဆီၩ့ဆီတၭ, ဂၪ့ခိၪမွဲယခၪ့ယဲးလၩ့အလးလီၫ. ဂံၪ့လၧနၥံၪမိၥုၪ့လၧ ယဂးနီၪမွဲအအီၪခီၫခီၫလဲၪ. တၭယအီၪပွံၭအလးနီၪ 2 မွဲအအီၪခီၫခီၫလဲၪ.- ဆၧလဖၪနီၪထီးအလူၬယစူၪဒၪ ယဝ့ၫမၩဝ့ၫတၭ, ဆၧလဖၪနီၪထီးအလူၬအီၪယူၭ, ယ ဟိဝၩစံၭဝ့ၫဒၪ, အ့ၪမွဲယမိယိၦလဂၩယီၩ, ၦလၧအ ၥုၪ့ဆၧၩ့အၥၭဆၧၩ့ ဒဲအၥုၪ့ခါအၥၭလၩ့, ဒဲၥၭမဲၪယ လူယထၫနီၪလီၫ.

3 ၦလၧအမၩၥံၫချီဖၫလၧဆၧလုအလးနီၪ, မွဲၦလၧ အမၩၥံၫၦၡၩ, ၦလၧအလုထၪ့ၥိၪဖိၪနီၪမွဲၦလၧအမၩ ခါခွံၬထွံၪအခိၬ, ၦလၧအမၩဘိၪ့ဆၧမၩဘိၪ့ကိၪနီၪ, မွဲ ၦလၧအမၩဘိၪ့ထိၭအၥွံၪ, ၦလၧအဆူၭခဲၩဆၧနၧၫ့မၧၫ့ နီၪ,မွဲၦလၧအစံၭထၪ့အၪ့အူၭဆၧဂၩ့လီၫ.မွဲမၬ, အဝ့ၫ ၥံၪရွံန့ယူၭ အဖၧၩ့ၥၭဒၪဝ့ၫလဖၪယူၭ. တၭအၥၭမုၬ 4 လၩယူၭလၧအဆၧဘၪၥၭလိၪအဖၧၩ့ယူၭ.- ယဝ့ၫဒၪ ယီၩယမိရွံန့ဆ့အဝ့ၫၥံၪအဆၧနၭဆၧၡၪ့တၭ, ဆၧလၧ အၥၭမဲၪဝ့ၫလဖၪနီၪယမိဒုၭဂဲၫဘၪဝ့ၫလီၫ. အဂဲးဘဲၫ ယီၩယကိၭထၪ့တၭ,ၦလစံၭဆၧၫ့ဘၪဆၧး ယချဲၩ့ဆၧ တၭၦလခိၭနၪဘၪဆၧး မွဲအမၩဆၧအၧၩ့လၧယမ့ၬ ယၫတၭ, အဝ့ၫၥံၪရွံန့ဆၧလၧအလဘၪဘၪယၥၭနီၪ လီၫ.

5 ခိၭနၪယဟိဝၩ အလူအထၫဆံၭ, ၦလၧအဝၭထိၬ လၧအလူအကၠီၩ့ၥံၪဧ့, နၥံၪအထၧၫ့ဖုဝဲလၧအၥၭဂဲၫ့ နၥံၪတၭ, နၫ့ထၪ့ခွံၬနၥံၪလၧယမံၩ့အကၠီၩ့ စံၭဝ့ၫဒၪ, အ့ၪမွဲယဟိဝၩ ဘၪဆၧလၩဆၧဖၩ့ဆံၭ. အ့ၪမွဲအဝ့ၫ ဒၪမိဖိးထၪ့လၧနၥံၪ အဆၧၥုၪ့ထိၬၥၭထိၬအဂးလီၫ. တၭအဝ့ၫၥံၪအမ့ၬမိမဲလီၫ.

6 ဆၧတုၩ့ထၪ့တုၩ့လၩ့အၥီၫလၧဒိၩ့ဖၧၩ့ ဆၧၥီၫလၧ ဆၧလုဂံၪ့ဖၧၩ့မၬလဲၪ, မွဲယဟိဝၩအလူလၧအမၩဆၧၫ့ 7 ဆၧအၧၩ့လၧအဒုၪအဒၩနီၪလီၫ.- ဇံအိၫ့အဖိၪမုၪအ ဂူၭလချႃၭဆၫဒံၭဘၪနီၪ အီၪဖျဲၪဆၧဘိၩ့အလချႃၭဘၪ 8 ဆၧဂူၭဆၫဒံၭဘၪနီၪ ဖိၪၥၪခွၫအီၪဖျဲၪဝ့ၫဒၪလီၫ.- မွဲ 9 ပလၫနါဂၧၫ့ဘၪယူၭ ဆၧဘဲၫနီၪၥိၭလမံၩ့ လဂၩလဲၪ. မွဲပလၫဒၪဘၪယူၭ ဆၧဘဲၫနီၪၥိၭလဖၪလဲၪ. ဆၧလၧ ဂၪ့ခိၪနီၪဒုၭအီၪဖျဲၪဆၧလနံၩဎးဆ့ဧၪ. ၦလဆၨၩမိ အီၪဖျဲၪလဖၧၫ့ဎးဆ့ဧၪ. အဂဲးဘဲၫယီၩထီးဇံအိၫ့ဘၪ ဆၧဂူၭဆၫတၭ, မိအီၪဖျဲၪန့အဖိၪလဖၪ ချဲၫ့မၬလီၫ. ယမိဒုၭဂဲၫလၧဆၧအီၪဖျဲၪအလးတၭ, လဒုၭအီၪဖျဲၪ ဘၪဆ့ဧၪ, ယဟိဝၩစံၭဝ့ၫဒၪး ဆၧလၧယဒုၭကဲၪထၪ့တၭ,လဒုၭအီၪဖျဲၪဘၪဆ့ဧၪ, နယွၩစံၭဝ့ၫဒၪ.- 10 ၥုၪ့ထိၬ ၥၭထိၬလၧယရုစလံၫ့အၥိၭ, ဒဲၥုၪ့ဎွံၫၥၭယီၫဆ့ဘီၪ, ကယဲၦလၧအအဲၪဝ့ၫၥံၪဧ့, ကယဲၦလၧအၥုၪ့အုၭၥၭ အုၭလၧအၥိၭနၥံၪဝ့ၫဧ့, ၥုၪ့ဎွံၫၥၭယီၫဎုၬလၧအဝ့ၫၥံၪ 11 အၥိၭဆံၭ.- ဘဲၫၥိၭနၥံၪမိအၪ့ဆူၭဆၧတၭ, ဘျဲၩအၪ့ လၧအနူဘၪဆဲၫ့လၧဆၧမၩမုၬထၪ့ထဲၩ့, ဘဲၫၥိၭနၥံၪမိ အၪ့ဆူၭန့ဆၧတၭ, ၥုၪ့ဎွံၫၥၭယီၫလၧအလၩအဖၩ့အ 12 လၧၫ့အဎွ့ၩလီၫ.- အဂဲးဘဲၫယီၩယဟိဝၩစံၭဝ့ၫဘဲၫ ယီၩ,ယိခွါ, ယမိဒုၭဘၪဝ့ၫလၧဆၧမုၬဆၧဎၩ့ဘဲၫထံၫ မိၡါအၥိၭ, ဒဲၦဆၨၩလဖၪအလၩအဖၩ့ဘဲၫထံၫချိၬလၧ အလုၬဘံၭဆၧအၥိၭနီၪလီၫ. ထီးနီၪလဖၧၫ့နၥံၪမိအၪ့ ဆူၭဆၧတၭ,ဆၧမိဆိၬနၥံၪလၧအယးဒံၩ့း တၭဆၧမိ 13 အဲၪဂါနၥံၪလၧခၪ့လုးခိၪအလီၩ့လီၫ.- ဘဲၫၦလၧအမိ မၩမုၬထၪ့ထဲၩ့ဝ့ၫအၥိၭနီၪ, ယဝ့ၫဒၪယီၩ ယမိမၩမုၬ ထၪ့ထဲၩ့နၥံၪဘဲၫနီၪၥိၭတၭ, နၥံၪမိဘၪဆၧမၩမုၬထၪ့ 14 ထဲၩ့နၥံၪလၧယရုစလံၫ့အဖၧၩ့လီၫ.- နၥံၪမိဒၪဘၪဆၧ တၭ,နၥံၪအၥၭမိၥုၪ့ဎွံၫၥၭယီၫတၭ, နၥံၪအဎွံၪၥံၪမိဂ့ၩ ထၪ့ဘဲၫနၪ့ၥံၪမံၩ့ၥံၪအၥိၭနီၪတၭ, ယဟိဝၩအစူၪမိ အီၪဖျီၪထၪ့လၧအခ့ၫအၡၩ အမ့ၬယၫတၭ, မိၥၭထၪ့ ဘၪအဒုၪအဒၩနီၪလီၫ.

15 အဂဲးဘဲၫယီၩ, ယိခွါ,ယဟိဝၩမိဂဲၫလၧမ့ၪခဲၩအ ဖၧၩ့တၭ, အလဲၪ့မၩအၥၭဘဲၫလံၩၥဝံၭအၥိၭ,ဘဲၫၥိၭအ မိလူၬအၥၭထၪ့လၧၥၭခဲၩထၪ့အဖၧၩ့ ဒဲအဆၧအၪ့ၥီၪ့ 16 လၧမ့ၪလၪအကျၩလီၫ.- အဂဲးဘဲၫယီၩယဟိဝၩမိ လိၭခွးလၧဆၧဖံၭဆၧယၪ ထီးအလူၬလၧမ့ၪ,ဒဲလၧအနၭ လဘံၪ့နီၪတၭ, ၦဘၪဆၧမၩၥံၫဝ့ၫ လၧယဟိဝၩနီၪမိ 17 အီၪအၪဂၩလီၫ.- ၦလၧအမၩဆံၫ့ဎံၪအၥၭ, ဒဲမၩဆံၫ့ ထၪ့အၥၭ, လၧကျိၭဖၧၩ့နီၪ, အီၪလၧၦလဂၩလၧဆၧ အၥၭခံဖၧၩ့အလးခဲၫ့, အၪ့ထိၭယၪ, ဒဲဆၧၥၭလိၪ, ဒဲ 18 ယူနီၪ,မိဂၭဂီၩ့ဝ့ၫလစီၪ့ဎးယဟိဝၩစံၭဝ့ၫဒၪ.- တၭယ ဝ့ၫဒၪယီၩ ယၥ့ၪယၫအမၩဆၧ ဒဲအဆီၫ့မီၪ့ဆၧလီၫ. အဆၧၫ့အထီဘၪလၧယမိဒုၭအီၪကီၪ့ကယဲၦဆၨၩ,ဒဲ ၦချဲၩ့ဆၧအချိၬ ထီးအလူၬတၭ, အဝ့ၫၥံၪမိဂဲၫဝ့ၫတၭ, 19 မိဒၪဘၪယလၩယဖၩ့လီၫ.- ယမိအီၪက့ၪဆၧအနဲၪ့ လၧအကျၩတၭ, ယမိအၪ့မၧၫ့လၩ့ၦလၧအဂၭဖျ့ၭလ ဖၪလၧၦဆၨၩလဖၪအအီၪ, လၧတၫၡံၭ, ပၧလၭ,ဒဲ လၧၭ,ၦလၧအခၭချံၪ,လၧတုဘလၭ, ဒဲယၫဝၫ့,ဒဲလၧ မၫဆမံၭနဲၩ့ အီၪလၧအယဲၩ့ယိၬ လၧအလနါဂၧၫ့ဘၪ ယဂဲးတၭ,လၧအလဒၪဘၪယလၩယဖၩ့နီၪလီၫ. တၭ အဝ့ၫၥံၪမိလီၩလၩ့လၬလၩ့ယလၩယဖၩ့ လၧၦဆၨၩ 20 လဖၪနီၪအကျၩလီၫ.- တၭအဝ့ၫၥံၪမိဂဲၫဆိၬ နၥံၪအ ထၧၫ့ဖုဝဲထီးအလူၬ လၧဆၧမၩဘိၪ့ယဟိဝၩအဂး, လၧကယဲၦဆၨၩလဖၪအကျၩ, အီၪလၧကၥ့ၪခိၪဒဲလၧ လဲၪ့ဖၧၩ့,ဒဲဆၧဆူၭဖၧၩ့, ဒဲလၧကၥ့ၪလၩအခိၪ, ဒဲလၧ ကလအူၭအလီၩ့နီၪလၧယခိၪလီၩ့ဆံၫ့ဎံၪ, ယရုစလံၫ့ နီၪ,ယဟိဝၩစံၭဝ့ၫဒၪ, ဘဲၫၦအံၫစရ့လၭဂဲၫဆိၬဆၧ မၩဘိၪ့လၧထွ့ၫဆံၫ့ဎံၪအဖၧၩ့ လၧယဟိဝၩအဂံၪ့ဖၧၩ့ 21 အၥိၭနီၪလီၫ.- တၭယမိအၪ့မၩန့ဆ့လနၩ့နၩ့လၧအ ကျၩလၧအမိကဲၪထၪ့ၦလုဆၧဒဲၦလံဝဲၫဖိၪနီၪ, ယဟိ 22 ဝၩစံၭဝ့ၫဒၪ.- အဂဲးဘဲၫယီၩဘဲၫမူၭခိၪအၥၫ့, ဒဲဂၪ့ခိၪအ ၥၫ့လၧယမိမၩကဲၪထၪ့ဝ့ၫအီၪလၧယမ့ၬယၫအၥိၭနီၪ, နၥံၪအချံၫအၥၪ, ဒဲနၥံၪအမံၩ့အၥၪ မိအီၪဘဲၫနီၪၥိၭ, 23 ယဟိဝၩစံၭဝ့ၫဒၪ.- တၭဆၧမိမၩအၥၭလၧကယဲဆၧ ဖံၭဆၧယၪထီးအလူၬ မိဂဲၫဘိၪ့ဆၧဘၩဆၧလၧယမ့ၬ ယၫလၧလၩၥံၫအနံၩ, ဒဲမးၥံၫအနံၩ ကိၭဖၧၫ့ဒ့ၭး ယ 24 ဟိဝၩစံၭဝ့ၫဒၪ.- တၭအဝ့ၫၥံၪမိလ့ၩထၪ့ဝ့ၫတၭ,မိဒၪ ဘၪၦအစွၪလၧအမၩမၪဘၪယၧၩလဖၪနီၪလီၫ. အဂဲး ဘဲၫယီၩ အဝ့ၫၥံၪအလိၪ့လၥံၫဘၪတၭ, မ့ၪလလၩ့ဖံၬ ဘၪတၭ, အဝ့ၫၥံၪမိကဲၪထၪ့ဆၧၥၭလိၪ လၧကယဲဆၧ ဖံၭဆၧယၪအမ့ၬယၫထီးအလူၬလီၫ.