65
1 ၦလၧအလအၪ့စၪ့ဘၪယဂဲးယကၠီၪ့တၭ, အၪ့ဎူၫ အၪ့ဎၬယၧၩ, ဒဲၦလၧအလအၪ့ဎူၫအၪ့ဎၬဘၪယၧၩ လဖၪနီၪဒၪန့ယၧၩလီၫ. တၭယစံၭၦလဆၨၩလၧဆၧ လကိၭထၪ့ဘၪလၧယမံၩ့, ယိခွါယၧၩဘီၪးယိခွါယၧၩ
2 ဘီၪ.- ယယူၬထၪ့ယစူၪၥံၫ့နံၩချီၩ့လၧၦပိၩ့ထၪ့ဆၧ လဆၨၩ, ၦလၧအဖိၬဖၧၩ့ၥၭအလဂ့ၩဘၪဘဲၫအဆၧး
3 ဆီၫ့မီၪ့ဒၪဝ့ၫအၥိၭ,- ၦလဆၨၩလၧအမၩၥၭထၪ့ဒၪ ယၧၩလၧယမ့ၬယၫလထံၪဎး လၧအလုထၪ့ဆၧလၧ ကျိၭဖၧၩ့, ဆူၭခဲၩဆၧနၧၫ့မၧၫ့လၧဆၧလုလးအၩ့ကတဲၩ
4 အဖၫ့ခိၪး- လၧအဆၧၫ့နၩ့လၧဆၧၥွၪခိၪအကျၩ, လၧ အအီၪၥၫ့နၩချီၩ့လၧဆၧအိၩဖၧၩ့, လၧအအၪ့ထိၭယၪ,
5 ဒဲဆၧလဆံၫ့ဘၪအၥၧၫ့အီၪဝ့ၫလၧအဖၧၩ့ဖၧၩ့,- ၦလၧ အစံၭ,ဆၧၫ့ထုၪ့လစီၪ့ဒၪ, ၥုၭဘူၭနၥၭလၧယအီၪလ ဂ့ၩ,အဂဲးဘဲၫယီၩယဆံၫ့ဎံၪနဲၪ့ဒံၭနၧၩလီၫ. အဝ့ၫၥံၪ မွဲမ့ၪခူၪလၧယနၫဖၧၩ့, ဒဲမ့ၪလၧအအၪ့ခွံၬဆၧၥံၫ့နံၩ
6 ချီၩ့လီၫ.- ယိခွါ,ဆၧကွ့ၭအၥၭလၧယမ့ၬယၫ, ယအ့ၪ လဖ့ၪထဲၩ့ဘၪတၭ, ယလအီၪပွံၭဘၪယမိဖ့ၪထဲၩ့ဆၧ
7 လၧအၥၭနၫၡါအဖၧၩ့လီၫ.- နၥံၪအဆၧဒဲၩဘၭ, ဒဲနၥံၪ အဖါလဖၪအဆၧဒဲၩဘၭလဖၧၫ့ဎး လၧနၥံၪအၥၭနၫ ၡါအဖၧၩ့ ယဟိဝၩစံၭဝ့ၫဒၪ, အဝ့ၫၥံၪဆူၭခဲၩဆၧနၧၫ့ မၧၫ့လၧခိၪလီၩ့ခိၪတၭ, အဝ့ၫၥံၪဒုၪဒွ့ၪယၧၩလၧဆၧ စီၩ့ခိၪအလီၩ့လီၫ. မၩအၥၭဘဲၫနီၪတၭ, ယမိတိၪ့ဖ့ၪ လၫ့အမၩဆၧလၧအခၪ့ထံၭနီၪ လၧအၥၭနၫၡါအဖၧၩ့
8 လီၫ.- တၭယဟိဝၩစံၭဘဲၫယီၩ, ဘဲၫစဘံၭထံၫအၥၫ့ အီၪဝ့ၫလၧစဘံၭၥၪ အဆဲၩဖၧၩ့အၥိၭတၭ, ၦစံၭထီး မၩဂၭဂီၩ့လဂ့ၩး အဂဲးဘဲၫယီၩဆၧဆိၪဂ့ၩအီၪလၧအ ဖၧၩ့နီၪတၭ, ယမိမၩဘဲၫနီၪအၥိၭလၧယခ့ၫယၡၩအ
9 ဂးဘဲၫၥိၭယထီးမၩဂၭဂီၩ့ထီးအလူၬလဂ့ၩလီၫ.- တၭ ယမိဒုၭဂဲၫထၪ့ဆၧအချံၫအၥၪ လၧစယၫကူၭဒဲဆၧန့ၥၫ ယခိၪလီၩ့လဖျိၪ့လၧယုဒၫတၭ,ယၡၩရွံန့ဖိၪမိန့ၥၫဝ့ၫ
10 တၭ,ယခ့ၫယၡၩမိအီၪထီးနီၪလီၫ.- ၡၫရၧၫ့မိကဲၪထၪ့ ၥိၪအဖီၩ့, ဒဲအၫခီၫအခိၪလီၩ့ဆူၭနီၪလၧချီခိၬလၩ့အ လး,လၧယၡၩခမျၧး လၧအအၪ့ဎၬယူၭယၧၩအဂးနီၪ လီၫ.
11 အ့ၪမွဲနၥံၪဝ့ၫဒၪယီၩ, နၥံၪမွဲၦလၧအစဲၪ့ဒၪခွံၬယဟိ ဝၩ, လၧအၥၭထၪ့ယခိၪလီၩ့ဆံၫ့ဎံၪ, လၧအတဲၩ့ဝဲၩ စပွဲခိၪလၧဂၭအဂးတၭ, လဲၩဎုၬဆၧလုအီၩလၧမံနံၫ
12 အဂးနီၪ,- ယဝံထၪ့နၬထၪ့ယူၭနၥံၪလၧဖၩ့ၥံၪနၭၥံၪအ ဂးတၭ, နၥံၪထီးအလူၬမိခိၬလၩ့လၧဆၧမၩၥံၫနၥံၪအ ဂးလီၫ. အဂဲးဘဲၫယီၩယကိၭထၪ့တၭ,နၥံၪလစံၭဆၧၫ့ ဘၪ,ယချဲၩ့ဆၧတၭ နၥံၪခိၭနၪအ့ၬ. တၭနၥံၪမၩဆၧ အၧၩ့လၧယမ့ၬယၫတၭ, ဆၧလၧအလဘၪဘၪယၥၭ
13 နီၪနၥံၪရွံန့ဝ့ၫလီၫ.- မၩအၥၭဘဲၫနီၪတၭ,ကဆါယဟိ ဝၩစံၭဘဲၫယီၩ, ယိခွါ,ယခ့ၫယၡၩမိအၪ့ဆၧနီၪ, အ့ၪ မွဲနၥံၪဝ့ၫဆၧမိၥၭဝံနၥံၪအၥၭလီၫ. ယိခွါ, ယခ့ၫယၡၩ မိအီၩဆၧနီၪ, အ့ၪမွဲနၥံၪဝ့ၫဆၧမိၥူၫအီၩနၥံၪအၥၭလၧ ထံၫလီၫ. ယိခွါ,ယခ့ၫယၡၩမိၥုၪ့ဎွံၫၥၭယီၫနီၪ, အ့ၪမွဲ
14 နၥံၪဝ့ၫနၥံၪအမ့ၬမိမဲလီၫ.- ယိခွါ,ယခ့ၫယၡၩမိၥံၫကျံၩ ဆၧလၧအၥၭမုအကၠီၩ့နီၪး အ့ၪမွဲနၥံၪဝ့ၫနၥံၪမိဂၪ့ဝ့ၫ လၧဆၧၥၭအုၭအကၠီၩ့တၭး မိဂၪ့ကိၭၡၭထၪ့လၧၥုၪ့
15 ခါၥၭလၩ့အကၠီၩ့လီၫ.- တၭနၥံၪမိအီၪက့ၪလၩ့ထးနၥံၪ အမံၩ့လၧဆၧဆိၪအၧၩ့အလးလၧယၡၩရွံန့ဖိၪအဂး လီၫ.တၭကဆါယဟိဝၩမိမၩၥံၫနၧၩတၭ, မိဖျိၬအခ့ၫ
16 အၡၩအမံၩ့လမံၩ့ဒၪလီၫ.- ၦလၧအဆိၪဂ့ၩလၩ့အ ၥၭလၧခးဖၧၩ့နီၪ မိဘၪဆိၪဂ့ၩလၩ့အၥၭ လၧဆၧမွဲဆၧ တီၩအယွၩအမ့ၬယၫလီၫ. တၭၦလၧအဆိၪလၩ့အၥၭ လၧခးဖၧၩ့နီၪမိဘၪဆိၪလၩ့အၥၭ လၧဆၧမွဲဆၧတီၩ အယွၩအမ့ၬယၫလီၫ. အဂဲးဘဲၫယီၩဆၧခိဆၧဝီၩလၧ အခၪ့ထံၭလဖၪနီၪၥၭနၪ့ခွံၬယူၭအၥၭယူၭး အဂဲးဘဲၫ ယီၩဆၧလဖၪနီၪအီၪဘံၭခွံၬယူၭလၧယမ့ၬၥၪယူၭ.
17 အဂဲးဘဲၫယီၩ,ယိခွါ, ယမၩကဲၪထၪ့မူၭခိၪအၥၫ့ဒဲ ဂၪ့ခိၪအၥၫ့တၭ, ဆၧအခၪ့ထံၭလဖၪနီၪ ဆၧလနၪ့ထၪ့ ထဲၩ့ဘၪဝ့ၫတၭ, လအီၪထၪ့လၧၩ့ဘၪလၧပၥၭခံဖၧၩ့
18 နီၪလီၫ.- အ့ၪမွဲနၥံၪဝ့ၫဒၪယီၩၥုၪ့ထိၬၥၭထိၬဒဲၥုၪ့ဎွံၫၥၭ ယီၫလၧဆၧလၧယမၩကဲၪထၪ့ဝ့ၫအဖၧၩ့နီၪ လၩ့ဆိၩ လၩ့ကၠၪဆံၭ. အဂဲးဘဲၫယီၩ, ယိခွါ, ယမၩကဲၪထၪ့ ယရုစလံၫ့လၧဆၧၥုၪ့ဎွံၫၥၭယီၫအလး, ဒဲအၡၩခမျၧး
19 လၧဆၧၥုၪ့ထိၬၥၭထိၬအလးနီၪလီၫ.- တၭယမိၥုၪ့ဎွံၫ ၥၭယီၫလၧယရုစလံၫ့အဖၧၩ့ ဒဲၥုၪ့ထိၬၥၭထိၬလၧယ ၡၩခမျၧးအဖၧၩ့လီၫ. တၭဆၧလနါဂၧၫ့လၧၩ့ဘၪဆၧ ဂၪ့အၥီၫ, ဒဲဆၧဂၪ့ခံးဂၪ့ကိၭၡၭထၪ့အၥီၫလၧအဖၧၩ့
20 မိအီၪလၧၩ့အ့ၬ.- ထီးနီၪဖိၪဆံၭလၧအမုနံၩလဎွ့ၩဘၪ နီၪအီၪလၧၩ့အ့ၬ, ဒဲၦၥၭၡါလၧအနံၩအၥၫ့လဎွ့ၩဒံၭ ဘၪအီၪအ့ၬ. အဂဲးဘဲၫယီၩဖိၪၥၪအၥၭၡါအနံၪ့လ ယၩနီၪမိၥံၫတၭ, ၦဆၧဒဲၩဘၭဖိၪလၧအၥၭၡါလယၩ
21 နီၪမိဘၪဆၧဆိၪအၧၩ့ဝ့ၫလီၫ.- အဝ့ၫၥံၪမိၥုၪ့ဂံၪ့ဒဲမိအီၪ ဝ့ၫလၧအဖၧၩ့တၭ, မိၥုၪ့စဘံၭမုအလးဒဲမိအၪ့ဆၧၥၪ
22 လီၫ.- လမၩဘၪဂံၪ့လၧၦဂူၫဂၩအီၪဝ့ၫလၧအဖၧၩ့တၭ, လၥုၪ့လၩ့ဘၪဆၧလၧၦဂူၫဂၩအၪ့အဆၧၥၪး အဂဲးဘဲၫ ယီၩဘဲၫၥံၪ့လထံၭအမုနံၩအၥိၭနီၪ ယၡၩခမျၧးအမု နံၩမိအီၪဆ့လီၫ. တၭယၡၩရွံန့ဖိၪ မိအၪ့အဆၧမၩ
23 လၧအစူၪယံၬယံၬလီၫ.- မိမၩဆၧပျီၩပျီၩအ့ၬ. အီၪဖျဲၪ ဆၧလၧအၪ့ယိၪဆၧအဂးနီၪဆ့အ့ၬ. အဂဲးဘဲၫယီၩ အဝ့ၫၥံၪမွဲဆၧအချံၫအၥၪ ဘၪဆိၪဂ့ၩ လၧယဟိဝၩ
24 တၭ,အဆၨၩအဆၬအီၪလၧအဝ့ၫၥံၪအၥိၭလီၫ.- တၭ ဆၧမိမၩအၥၭ လၧအဝ့ၫၥံၪ လချႃၭကိၭထၪ့ဒံၭဘၪ တၭ,ယမိစံၭဆၧၫ့ဆၧလီၫ. အဝ့ၫၥံၪကိၭထၪ့ဝ့ၫအဘိၩ့
25 ဘၭနီၪတၭ, ယမိခိၭနၪလီၫ.- ထွံၪမံၩ့ဒဲၥိၪဖိၪမိအၪ့အ ဆၪလစီၪ့ဎးတၭ, ဆၬလၥၧၫ့မိအၪ့လီခၫ့ဘဲၫချီအၥိၭ နီၪတၭ, ဂၪ့ခိၪအမုၬမိကဲၪထၪ့ဂူၥံၪအဆၧအၪ့လီၫ. ဆၧ လမၩအၧၩ့ဘၪတၭ,မၩဂၭဂီၩ့ဆၧလၧယခိၪလီၩ့ဆံၫ့ ဎံၪထၧၫ့ဖျိၪ့ယၫအလီၩ့နးစီၪ့အ့ၬ, ယဟိဝၩစံၭဝ့ၫဒၪ လီၫ.