51
1 ၦလၧအလီၩ့ဆၧတီၩဆၧလီၩ့ၥံၪဧ့, ခိၭနၪယလူဆံၭး ၦလၧအအၪ့ဎၬယဟိဝၩၥံၪဧ့, ယိထၪ့လိးမုလၧဆၧ ဘုၪ့ထၪ့နၥံၪ, ဒဲဆၧဖၧၩ့အအိၩဖၧၩ့ ထီးဆၧခုၪ့ထၪ့န
2 ၥံၪနီၪဆံၭ.- ယိထၪ့ဘၪနၥံၪအဖါစအၫဘြဟၫ့,ဒဲနးစၫ ရၫလၧအအီၪဖျဲၪန့နၥံၪဆံၭ. အဂဲးဘဲၫယီၩလၧအမွဲ လဂၩဎးနီၪ ယကိၭန့ဝ့ၫတၭ, ယဆိၪဂ့ၩအဝ့ၫဒဲမၩ
3 အၪထၪ့ဝ့ၫဆ့လီၫ.- အဂဲးဘဲၫယီၩ ယဟိဝၩမိမၩမုၬ ထၪ့ဇံအိၫ့တၭ, မိမၩမုၬထၪ့ထဲၩ့အလးအီၪယူဝ့ၫလ ဖၪတၭ, မိအီၪက့ၪအၡါမုနၧၫ့ဖၫဘဲၫအံဒံၫ့အၥိၭ, ဒဲအ မံၩ့ခိၪၥီၪ့လၬဘဲၫယဟိဝၩအကျိၭအၥိၭနီၪလီၫ. ဆၧ ၥုၪ့ဎွံၫၥၭယီၫ, ဆၧၥုၪ့ထိၬၥၭထိၬ မိအီၪလၧအဖၧၩ့, ဆၧစံၭထၪ့အၪ့အူၭလၧအလူမုၬနီၪလီၫ.
4 ခိၭနၪယလူ,ယၡၩခမျၧးၥံၪဧ့, ဒဲယၡၩလဆၨၩဧ့, ခိၭနၪယလူယထၫဆံၭ. အဂဲးဘဲၫယီၩ ဆၧမၪလူၬမိ စဲၪ့ထၪ့ခွံၬလၧယၧၩတၭ, ယမိဒုၭအီၪဂုးခၧၫ့ ယဆၧ
5 စ့ၩရၫ့လၧဆၧဖၩ့လၧၦခမျၧးအဂးလီၫ.- ယဆၧတီၩ ဆၧလီၩ့ ဘူၭထၪ့ယူၭ. ယဆၧထိးထဲၩ့တၩ့ထဲၩ့စဲၪ့ ထၪ့ယူၭတၭ, ယစူၪဒူၪမိစ့ၩရၫ့ၦမျၧးလီၫ. ထံၫယဲၩ့ ခးယဲၩ့မိယိလါယဖၧၩ့ၥၭတၭ, မိဒိၭနဲၩ့အၥၭလၧယ
6 စူၪဒူၪလီၫ.- စၪ့ထၪ့နၥံၪအမ့ၬၥၪလၧမူၭခိၪတၭ, ယိ လၩ့ဆၧလၧဂၪ့ခိၪ လၧလၬလခီၫနီၪဆံၭ. အဂဲးဘဲၫ ယီၩမူၭခိၪမိဒံၩခွံၬ ဘဲၫမ့ၪခူၪအၥိၭတၭ, ဂၪ့ခိၪမိလး လံၩဘဲၫဆဲၫ့လဘံၪ့အၥိၭနီၪတၭ, ဂၪ့ခိၪဖိၪမိၥံၫဘဲၫနီၪ ၥိၭလီၫ.အ့ၪမွဲယဆၧထိးထဲၩ့တၩ့ထဲၩ့နီၪ မိအီၪလၩ့ ဆိၩလၩ့ကၠၪတၭ, ယဆၧတီၩဆၧလီၩ့နီၪ လးလံၩဝ့ၫ အ့ၬ.
7 ၦလၧအၥ့ၪယၫဆၧတီၩဆၧလီၩ့ၥံၪဧ့, ခိၭနၪယလူ ဆံၭ. ၦခမျၧးလၧယဆၧၥီၪ့ဆၧၥၫ့ အီၪလၧအၥၭခံ ဖၧၩ့ၥံၪဧ့,ထီးၥၭမဲၪ ၦၡၩအဒုၪဒွ့ၪဆၧလဂ့ၩ. တၭ
8 အၪ့ယိၪဆၧလၧအစံၭအၧၩ့ဆၧအကၠီၩ့နီၪလဂ့ၩ.- အ ဂဲးဘဲၫယီၩ ဘဲၫဆဲၫ့လဘံၪ့အၥိၭနီၪ,ဆၧအဎါၥံၪမိအၪ့ ခွံၬအဝ့ၫၥံၪတၭ,ဘဲၫအဆီၪ့အၥိၭနီၪအဎိၩ့အဎါမိအၪ့ ခွံၬဝ့ၫလီၫ. အ့ၪမွဲယဆၧတီၩဆၧလီၩ့ မိအီၪဝ့ၫလၩ့ ဆိၩလၩ့ကၠၪ, ဒဲယဆၧထိးထဲၩ့တၩ့ထဲၩ့လဆိၩဘၪလ ဆိၩလီၫ.
9 နၪ့ထၪ့နၥၭၬနၪ့ထၪ့နၥၭၬ ၥိၭထၪ့ဆၧအဂဲးအဘၭ, ယဟိဝၩအစူၪဒူၪဧ့,နၪ့ထၪ့နၥၭၬ ဘဲၫလၧမုနံၩလဖၪ လၧဖျိၩ့လၧအဆိၩလဖၪ လၧဖျိၩ့အၥိၭနီၪဘီၪ. နမွဲၦ လဂၩဎး ဒဲၦလၧအကျီၪ့ခွံၬရၫဟၭ, ဒဲဆ့ၭနုၬၡီၩ့နီၪမွဲ
10 အ့ၬဧၪ.- နမွဲၦလဂၩဎးလၧအမၩလၩ့ၥံၭမၫဆမံၭဆၧ ယိၬဖၭဒိၪအထံၫ,လၧအအီၪက့ၪမၫဆမံၭ အဆၧယိၬ ဖၧၩ့လၧဖၧၩ့ၥၭလဘီၩ့ ဘဲၫၥိၭၦလၧအဘၪဆၧဎွ့ၩန့
11 ထဲၩ့ဝ့ၫနီၪမိခၫ့ဂၬဆၧမွဲအ့ၬဧၪ.- မၩအၥၭဘဲၫနီၪတၭ, ၦလၧယဟိဝၩ ဎွ့ၩန့ထဲၩ့ဝ့ၫလဖၪနီၪ မိဂဲၫထဲၩ့ကဒၩ ထဲၩ့တၭ, မိဂဲၫထဲၩ့ၥံၫကျံၩ ဆၧလၧဇံအိၫ့အအီၪ,ဒဲ ဆၧၥုၪ့ထိၬၥၭထိၬအဆိၩအကၠၪ အၥရဖူၩအီၪလၧအ ခိၪဎွံၪတၭ, ဆၧၥုၪ့ဎွံၫၥၭယီၫ, ဒဲဆၧၥုၪ့ထိၬၥၭထိၬမိ ချႃၭန့ဝ့ၫတၭ, ဆၧၥုၪ့အုၭၥၭအုၭ, ဒဲဆၧဂၪ့အုၩဂၪ့
12 ထိၬစဲၪ့ထၪ့ခွံၬယူၭ.- ယဝ့ၫဒၪယီၩယမွဲၦလၧအမၩမုၬ ထၪ့ထဲၩ့နၥံၪလီၫ. နမွဲပလၫလၧနမိၥၭမဲၪၦၡၩလၧအ မိၥံၫ,ဒဲၦၡၩအဖိၪခွၫ လၧအမိကဲၪထၪ့ဘဲၫနၪ့ၥံၪမံၩ့ၥံၪ
13 အၥိၭနီၪလဂၩလဲၪ.- တၭနၥၭနၪ့ယဟိဝၩလၧအတဲၩ့ လၩ့နၧၩ လၧအပၠၪထၪ့မူၭခိၪ, ဒဲအီၪက့ၪလၩ့ဂၪ့ခိၪအ ခၪ့ထံၭလဖၪ, ဒဲနဘၪယိၪဆၧလထံၪဎး ကိၭမုနံၩဒ့ၭ လၧၦမၩအၧၩ့ဆၧ အၥၭထၪ့အကၠီၩ့, ဘဲၫအတဲၩ့ဝဲၩ ဆၧလၧအမိမၩဂၭဂီၩ့ဆၧအၥိၭနီၪဆ့ဧၪ. တၭၦမၩ
14 အၧၩ့ဆၧအၥၭထၪ့နီၪ, မွဲအအီၪခီၫခီၫလဲၪ.- ၦလၧအ ဘၪထိးအခၠူၭလဖၪနီၪၥံၫလၧထီၫ့ဖၧၩ့အ့ၬ, မိထီၩ့ဝ့ၫ လၧဆၧမၩဖီၩ့ဖျ့ၭချဲၫ့ချဲၫ့တၭ, အကိၪမိလူၬဆ့အ့ၬ.
15 အ့ၪမွဲယဝ့ၫဒၪယီၩ, ယမွဲယဟိဝၩနယွၩလၧအအၪ့နၩ့ ဖၭမၫဆမံၭဒဲအလပီၩၥီၫထၪ့လီၫ. တၭဆၧၥုၭမုခမျၧး
16 အယဟိဝၩမွဲအမံၩ့လီၫ.- ယအီၪက့ၪနဆၧချဲၩ့လၧ နနိၭအဖၧၩ့တၭ, ယချႃၬဘံၭနၧၩလၧယစူၪအလၩဒုၩ ဘဲၫၥိၭယမိၥုၪ့လၩ့မူၭခိၪ, ဒဲအီၪက့ၪဂၪ့ခိၪအခၪ့ထံၭ လဖၪ,ဒဲစံၭဇံအိၫ့, နဝ့ၫဒၪယီၩနမွဲယၡၩခမျၧးလီၫ.
17 နၪ့ထၪ့နၥၭၬနၪ့ထၪ့နၥၭၬ ဂဲထုၪ့ထၪ့ယရုစလံၫ့လၧ အအီၩယူၭယဟိဝၩအဆၧၥၭထၪ့အလိၫ့ လၧအစူၪ, နဝ့ၫဒၪဧ့,နအီၩယူၭအဆၧဒုၭဝၭထိၬ အလိၫ့လဖျိၪ့အ
18 ၥံၭအခၩယူၭး နဘံၭဆံၭထၪ့ခွံၬယူၭ.- လၧကယဲဖိၪ ခွၫလၧနအီၪဖျဲၪန့ဝ့ၫအကျၩနီၪမိၥိၫ့နၧၩ အီၪနးဂၩအ့ၬ. လၧကယဲၦလၧနအၪ့လုဖိၪဝ့ၫအကျၩနီၪ,မိဖီၪ့မီၩ့နစူၪ
19 အီၪနးဂၩအ့ၬ.- ဆၧၥၭဝံလၩ့ဒိၩ, ဒဲဆၧအီၪယူတၭ, နၭၥံၪဖၩ့ၥံၪ, ဒဲဆၧလၩ့ဎီး, ဆၧနံၫမံၩ့ယီၩ မိဂဲၫဘၪ နၧၩ,မွဲပလၫမိဂၪ့မိယၧၩ့ဆၧ လၧနဂးလဂၩလဲၪ. အ့ၪ လမွဲဘၪယၧၩတၭ,မွဲပလၫမိမၩမုၬထၪ့ထဲၩ့နၧၩလဲၪ.
20 နဖိၪခွၫလဖၪ လၩ့ဘဲၩဝ့ၫလီၫ. အဝ့ၫၥံၪမံၫနၩ့ဝ့ၫလၧ ဖၧၩ့ၥၭထီးအလူၬ အခၪ့ထံၭဘဲၫချီမံၩ့အဖၫ လၧဖျံၩ ခွၩ့ဖၧၩ့အၥိၭနီၪလီၫ. မွဲအဎွ့ၩဝ့ၫလၧယဟိဝၩအဆၧ
21 ၥၭထၪ့,နယွၩအအၪ့ၥီၪ့ဆၧလီၫ.- မၩအၥၭဘဲၫနီၪ တၭ,ခိၭနၪလါဆၧယီၩ, ၦလၧအဘၪၡၪ့ဘၪနၭဒဲအီၩ
22 မၧၩ့အၥၭလါနၫ့လမွဲဘၪလၧစဘံၭထံၫနီၪဧ့,- နကဆါ ယဟိဝၩဒဲနယွၩမိချဲၩ့ခွးလၧအၡၩခမျၧးအဂးနီၪ, စံၭ ဝ့ၫဘဲၫယီၩ, ယိခွါ, ယမၩန့ခွံၬယူၭဆၧဒုၭဝၭထိၬအ လိၫ့လဖျိၪ့လၧနစူၪဖၧၩ့, ယဆၧၥၭထၪ့အလိၫ့အၥံၭအ
23 ခၩနမိဘၪအီၩလၧၩ့ဝ့ၫအ့ၬ.- အ့ၪမွဲယမိအီၪက့ၪဝ့ၫ လၧၦလၧအမၩၡၪ့မၩနၭနၧၩအစူၪဖၧၩ့, လၧအစံၭန ၥၭ,ထွံၩလၩ့ဆံၭ, တၭပမိခၫ့ဖၬနၧၩလီၫ. တၭနအီၪ က့ၪနမိၡါလၧဂၪ့ခိၪအလီၩ့နီၪ, ဒဲဘဲၫဖၧၩ့ၥၭအၥိၭလၧ ၦလၧအဖိၬဖၧၩ့ၥၭနီၪအဂးလီၫ.