50
1 ယဟိဝၩစံၭဘဲၫယီၩ, နၥံၪအမိလၧယခွံၬၡိၭဝ့ၫလ ဂၩအလံၬလၩ့ၡၪလဘံၪ့နီၪ, မွဲအအီၪခီၫခီၫလဲၪ. တၭ ယအၪ့ဆၫခွံၬနၥံၪ, လၧယဒ့ၪယမါ ကဆါဂၩဂၩလဲၪ. ယိခွါ,လၧနၥံၪအဆၧအၧၩ့အကၠီၩ့နီၪ, နၥံၪဘၪဆၧ အၪ့ဆၫခွံၬဝ့ၫတၭး နၥံၪအမိဘၪဆၧခွံၬၡိၭခွံၬဝ့ၫလၧ
2 နၥံၪအဆၧမၪအကၠီၩ့လီၫ.- လၧယဂဲၫထီၩ့တၭး ၦလ အီၪဘၪနီၪမွဲဘၪလဲၪ. လၧယကိၭထၪ့ဝ့ၫတၭ, ၦစံၭ ဆၧၫ့ဆၧလအီၪဘၪမွဲဘၪလဲၪ. မွဲယစူၪလၩ့ဖၨၪထီး ယဎွ့ၩန့ထဲၩ့ဆၧလၥ့ၪဘၪဆ့ဧၪ. တၭဘဲၫၥိၭယမိမၩ ဖီၩ့မၩဖျ့ၭဆၧတၭ, ယစီၩ့ယမၩ့လအီၪဘၪဧၪ. ယိခွါ, ယအၪ့ၥီၪ့ဆၧတၭ, ယမၩလၩ့ၥံၭမၫဆမံၭတၭ, ယ အီၪက့ၪထံၫမိၡါ ကဲၪထၪ့လၧၡါမုနၧၫ့ဖၫလီၫ. အဒ့ၪ အယၪနၧၫ့အုၪ လၧထံၫလအီၪဘၪအကၠီၩ့တၭ, ၥံၫဝ့ၫ
3 လၧဆၧၥူၫအၥၭလၧထံၫအကၠီၩ့လီၫ.- ယဒုၭၥိၭမူၭခိၪ လၧဆၧၥၧၫ့တၭ, ယဒုၭလုၬဝ့ၫ လၧရၧၬအဆၧယၬ လီၫ.
4 ကဆါယွၩဖ့ၪလၫ့ယူၭယၧၩ လၧၦၥီၪ့လိၪဆၧအဖျ့ၩ ဘဲၫၥိၭ ယမိၥ့ၪယၫ ဒုၭဆီၪ့ထၪ့ ၦလၧဆၧပွံၭအၥၭ လၧဆၧချဲၩ့လထံၪ ဘဲၫၥ့ၪလဲၪ ဘဲၫၥ့ၪလဲၪနီၪလီၫ. ၦ လၧအထိၪဂဲထုၪ့ဝ့ၫလဂီၩဘၪလဂီၩ, ထိၪဂဲထုၪ့ယနါ ဘဲၫၥိၭယမိနါဂၧၫ့ဆၧဘဲၫ ၦမၩလိၪဆၧအၥိၭနီၪလီၫ.
5 ကဆါယွၩဝဲထၪ့ယူၭယနါတၭ, ယလပိၩ့ထၪ့ဘၪဆၧး
6 တၭ,ယဂၧၩ့ထဲၩ့လၧယလးခဲၫ့ဆ့အ့ၬ.- ယဖ့ၪလၫ့ယ ချိၫ့လၧၦထးဆၧတၭ, ယဖ့ၪလၫ့ယနိၭဖၩထံၭ လၧၦ လၧအထ့ၭထၪ့ခွံၬၦခၪဆီၪ့လီၫ.ယအီၪက့ၪပဲၩယမ့ၬ
7 လၧဆၧမ့ၬမဲဒဲဆၧထိၪဖျံၭအ့ၬ.- အဂဲးဘဲၫယီၩကဆါ ယွၩမိမၩဆၧၩ့ယၧၩယီၩး မၩအၥၭဘဲၫနီၪတၭယမ့ၬ မဲအ့ၬ.မၩအၥၭဘဲၫနီၪတၭ, ယအီၪက့ၪယမ့ၬဘဲၫလိး မ့ၪအၥိၭနီၪတၭ, ယၥ့ၪယၫလၧယမ့ၬလမိမဲဘၪလီၫ.
8 ၦလၧအအီၪက့ၪတီၩယၧၩ လဂၩနီၪအီၪဘူၭဝ့ၫလီၫ. မွဲပလၫမိလိၭခွးလၧယၧၩလဂၩလဲၪ. မွဲပဆၧၫ့ထုၪ့ၡီၩ့ ဆံၭ.မွဲပလၫမိထၫ့ဒၩယၧၩလဂၩလဲၪ. မွဲအၥုၭဘူၭ
9 အၥၭဆံၭ.- ယိခွါ, ကဆါယဟိဝၩမိမၩဆၧၩ့ယၧၩ တၭ,မွဲပလၫမိစ့ၩရၫ့စၪယၧၩလဂၩလဲၪ. ယိခွါ, အဝ့ၫ ၥံၪထီးအလူၬနီၪ မိလးလံၩဘဲၫဆဲၫ့လဘံၪ့အၥိၭနီၪ, အဎိၩ့အဎါမိအၪ့ခွံၬဝ့ၫလီၫ.
10 ၦလၧနၥံၪအကျၩလၧအၥၭမဲၪယဟိဝၩတၭ, ခိၭနၪ အခ့ၫအၡၩအလူအထၫ လၧအလ့ၩဆၧလၧဆၧခံၭ ကျၩတၭ, ဆၧဖၩ့လအီၪဘၪနီၪမွဲပလၫလဂၩလဲၪ. မွဲ အဒိၭနဲၩ့အၥၭလၧယဟိဝၩအမံၩ့တၭ, ပထဲအၥၭလၧ
11 အယွၩနီၪဆံၭ.- ယိခွါ,ကယဲၦလၧအဆူၭခဲၩမ့ၪလၧအ ဒုၭအီၪဝၬဖီၩ့နၥံၪအၥၭ လၧမ့ၪဖီၫလဖၪထီးအလူၬၥံၪ ဧ့,လ့ၩဆၧလၧနၥံၪအမ့ၪအဆၧဖၩ့အကျၩ, ဒဲလၧမ့ၪ ဖီၫလဖၪလၧနၥံၪဆူၭခဲၩဝ့ၫအကျၩနီၪဆံၭ. နၥံၪမိဘၪ ဆၧယီၩလၧယစူၪ, နၥံၪမိမံၫနၩ့လၧဆၧဆိၭက့ၭအ ဖၧၩ့နီၪလီၫ.