42
1 ယိယခ့ၫယၡၩလၧယဖီၪ့ထၬလဂၩနီၪဆံၭး ၦလၧ ယရွံန့ဝ့ၫလၧအဘၪယၥၭလဂၩနီၪ, ယအီၪက့ၪယူၭ ယၥၭလၧအလီၩ့လီၫ. အဝ့ၫဒၪမိလီၩလၩ့လၬလၩ့
2 ဆၧစ့ၩရၫ့လၧၦဆၨၩလဖၪလီၫ.- မွဲအကိၭၡၭထၪ့ အ့ၬ,ထုၭထၪ့အလူအ့ၬ, တၭဒုၭနါဂၧၫ့ဘၪအလူလၧ
3 ဖၧၩ့ၥၭနီၪဆ့အ့ၬ.- ဖီးလဘီၩ့လၧအဆ့ၩဖိနီၪ မွဲအလ မၩထ့ၬခွံၬဘၪတၭ, မ့ၪဒိၩ့အဆၪလၧအဖၩ့ဖံၬဖံၬလ့ၫ လ့ၫနီၪ,မွဲအမၩလၩ့ဖံၬဝ့ၫဆ့အ့ၬ. မွဲအမိဒုၭဂဲၫထၪ့
4 ဆၧစ့ၩရၫ့လၧဆၧမွဲဆၧတီၩလီၫ.- လဖၩ့ဘၪဖံၬဖံၬ လ့ၫလ့ၫတၭ, လဆ့ၩဖိဘၪ ထီးအအီၪက့ၪ ဆၧစ့ၩရၫ့ လၧဂၪ့ခိၪချိၫ့လီၫ. တၭထံၫယဲၩ့ခးယဲၩ့လဖၪနီၪ မိယိ
5 လါအဆၧၥီၪ့ဆၧၥၫ့ အဖၧၩ့ၥၭလီၫ.- ယဟိဝၩယွၩ လၧအတဲၩ့လၩ့မူၭခိၪတၭ, ပၠၪထၪ့ဝ့ၫ, လၧအဒၩလၩ့ ဂၪ့ခိၪ,ဒဲဆၧလၧအမဲၪထၪ့လၧအဖၧၩ့း ၦလၧအဖ့ၪ လၫ့ၥၪၡိၫလၧဆၧခမျၧး လၧအအီၪဝ့ၫလၧအလီၩ့, ဒဲ ၥၭၡီၩ့လၧၦလၧအလ့ၩဝ့ၫလၧအလီၩ့, လဂၩနီၪ, စံၭ
6 ဝ့ၫဘဲၫယီၩး- ယၧၩယဟိဝၩယီၩ,ယကိၭန့နၧၩလၧ ဆၧမွဲဆၧတီၩအဂး, ယမိဖီၪ့ထၬနစူၪတၭ,ယမိယိလၩ့ ခွါလၩ့နၧၩ, ဒဲဖ့ၪလၫ့နၧၩလၧဆၧအုၩ့လၩ့ၡီၩ့လၩ့လၧ
7 ၦခမျၧးအဂး,လၧဆၧဖၩ့လၧၦဆၨၩၥံၪအဂး- ဘဲၫၥိၭ နမိဝဲထၪ့ၦမ့ၬဘျီၪအမ့ၬၥၪ, ဘဲၫၥိၭနမိမၩဂၭဖျ့ၭၦလၧ အဘၪဆၧခၠူၭထၬလဖၪ, ဘဲၫၥိၭနမိထုၭထၪ့အၪ့မၩ န့ၦခံၭဖိၪလၧအအီၪလၧဆၧခံၭအထီၫ့ဖၧၩ့လီၫ.
8 ယဝ့ၫဒၪယီၩယမွဲယဟိဝၩ,အနီၪမွဲယမံၩ့လီၫ. တၭယလၩယဖၩ့ယဖ့ၪလၫ့လၧၦဂူၫဂၩအ့ၬ. ယဆၧစံၭ
9 ထၪ့အၪ့အူၭယဖ့ၪလၫ့လၧဆၧဂၩ့ဆၧဖၪ့ဆ့အ့ၬ.- ယိ ခွါ,ဆၧအခၪ့ထံၭလဖၪနီၪမၩယူၭအၥၭယူၭတၭ, ဆၧ အၥၫ့လဖၪနီၪယဒုၭနဲၪလီၫ. ဘိၩ့အဝ့ၫၥံၪလချႃၭအီၪ ထၪ့ဒံၭဘၪတၭ, ယဒုၭနါဂၧၫ့နၥံၪ လၧအဂဲးအကၠီၪ့ လီၫ.
10 ၦလၧအလ့ၩလၩ့လၧမၫဆမံၭဖၧၩ့, ဒဲဆၧလၧအမၩ ဎွ့ၩဝ့ၫး ကျိၩ့လဖၪ,ဒဲၦလၧအအီၪလၧအဖၧၩ့ၥံၪဧ့,ၥံၫ ကျံၩထၪ့ယဟိဝၩလၧဆၧၥံၫကျံၩအၥၫ့ဆံၭး ဒဲအဆၧ
11 စံၭထၪ့အၪ့အူၭလၧဂၪ့ခိၪအထုၬလဖၪနီၪဆံၭ.- မံၩ့ လၬကျၩဒဲအဒိၩ့လဖၪမိထုၭထၪ့အလူ, အတဝၫ့လဖၪ လၧကံဒၧၫအီၪဝ့ၫလၧအဖၧၩ့နီၪ ၦအီၪဝ့ၫလၧလိးအိၩ ဖၧၩ့လဖၪမိကိၭလၧအလူဖၭဒိၪ, မိကိၭၡၭထၪ့လၧခိၪ
12 လီၩ့ခိၪလီၫ.- မွဲအဝ့ၫၥံၪအီၪက့ၪလၩဖၩ့ ယဟိဝၩ,ဒဲ ဒုၭနဲၪအဆၧစံၭထၪ့အၪ့အူၭ လၧထံၫယဲၩ့ခးယဲၩ့ဆံၭ.
13 ယဟိဝၩမိလ့ၩထၪ့ဘဲၫၦအဆီၪ့အၥိၭနီၪ, မိထိၪ ဂဲၩအၥၭဆီၪ့ဘဲၫၦၥုၭဖိၪအၥိၭနီၪ, မိကိၭထၪ့လၧအလူ ဖၭဒိၪ,မိကိၭၡၭထၪ့, မိမၩနၧၩ့မၩစၪအဒုၪအဒၩလီၫ.
14 ယအီၪလၩ့မါပံၭယူၭ ယံၬယံၬယူၭး ယအီၪဒၪဆၧ တၭ,ယထုၭယၥၭလီၫ. အ့ၪမွဲဘိၩ့နဲၪ့ယီၩ, ယမိကိၭ ၡၭဘဲၫၦမုၪလၧအဂူၭဆၫအၥိၭ, ယမိမၩဂၭဂီၩ့ဆၧ,
15 ယမိယုလၩ့ခွံၬဆၧလစီၪ့ဎးလီၫ.- ယမိမၩယူခိၪလီၩ့ လဖၪ,ဒဲဆၧထၪ့စီၩ့လဖၪ, ဒဲဒုၭဎဲၫ့ထၪ့ခွံၬအနၪ့ၥံၪမံၩ့ ၥံၪထီးအလူၬတၭ, ယမိအီၪက့ၪ အထံၫမိၡါလၧခီၫ့
16 တၭ,ယမိဒုၭလၩ့ၥံၭခွံၬကမၫၥံၪလီၫ.- ယမိဒုၭလ့ၩၦ မ့ၬဘျီၪလၧဖၧၩ့ၥၭမုလၧအလၥ့ၪယၫဘၪဝ့ၫတၭ, ယမိ ဒုၭဖိၬဝ့ၫ လၧဖၧၩ့ၥၭဖိၪလၧအလၥ့ၪယၫဘၪဝ့ၫတၭ, ဆၧခံၭလမံၩ့ယမိဒုၭကဲၪထၪ့ဆၧဖၩ့လၧအမ့ၬယၫ, ဒဲ ဆၧအကဲၪ့လဖၪ ယမိဒုၭလီၩ့ထၪ့ဝ့ၫနီၪလီၫ. ဆၧလ ဖၪနီၪယမိမၩ လၧအဝ့ၫၥံၪအဂးတၭ, ယစဲၪ့ဒၪဝ့ၫ
17 အ့ၬ.- ၦလၧအဒိၭနဲၩ့အၥၭလၧဆၧဂၩ့စိၭဖျၩအၥၭ, လၧအစံၭဆၧဂၩ့ၥိၫ့န့ဝ့ၫ,နၥံၪမွဲပယွၩလဖၪ, ဧီၪး တၭ အဝ့ၫၥံၪမိဂၧၩ့ထဲၩ့အၥၭလၧအလးခဲၫ့, မိအီၪက့ၪမဲအ မ့ၬဖၭဒိၪဆ့လီၫ.
18 ၦလၧအနါအၧၩ့ၥံၪဧ့, ခိၭနၪဆံၭး ၦလၧအမ့ၬဘျီၪ ၥံၪဧ့, ယိထံၫယိဆၭ ဘဲၫၥိၭနၥံၪမိဒၪဘၪဆၧဆံၭ.
19 အ့ၪလမွဲဘၪ ယခ့ၫယၡၩတၭ, မွဲပလၫအမ့ၬဘျီၪလ ဂၩလဲၪ.တၭမွဲပလၫအနါအၧၩ့ ဘဲၫယၥီၫ့လၧယအၪ့ မၧၫ့လၩ့အခဲၫ့ အၥိၭနီၪလဂၩလဲၪ. မွဲပလၫမ့ၬဘျီၪ ဘဲၫၦအလၧၫ့အဎွ့ၩ အၥိၭနီၪလဂၩလဲၪ. တၭမွဲပလၫ မ့ၬဘျီၪဘဲၫယဟိဝၩအခ့ၫအၡၩအၥိၭနီၪလဂၩလဲၪ.
20 နဒၪဘၪဆၧအၪမံၩ့လါနၫ့တၭနထီးန့အ့ၬ. နါအိၭထၪ့ အၥၭလါနၫ့တၭ,နါဂၧၫ့ဘၪဆၧအ့ၬ.
21 ဘၪယဟိဝၩအၥၭလၧဆၧတီၩဆၧလီၩ့အကၠီၩ့, မိ အီၪက့ၪဒိၪဆၧၥီၪ့ဆၧၥၫ့တၭ, အီၪက့ၪဝ့ၫလၧအလၩ
22 အဖၩ့လီၫ.- မွဲလါနၫ့တၭၦလဆၨၩယီၩ, မွဲၦလၧဆၧ အၪ့ဂူၬဆီၪ့ဒဲမၩဂၭဂီၩ့ဆီၪ့အဆၧတၭ, ဘၪဖျံၩခွၩ့လၧ ဆၧအိၩဖၧၩ့ထီးအလူၬတၭ, ဘၪဆၧဒုၭအီၪခိၭၥူၪ လၧထီၫ့လဖၪအဖၧၩ့လီၫ. ကဲၪထၪ့ဆၧလၧၦအၪ့ဂူၬ ဆီၪ့တၭ,ဆၧမၩဖီၩ့မၩဖျ့ၭလအီၪဘၪတၭ, ဆၧလၧ ၦမၩန့ဆီၪ့ဝ့ၫနီၪ, ၦလၧအစံၭ, ဖ့ၪထဲၩ့ဆၧဆံၭနီၪအီၪ
23 နးဂၩအ့ၬ.- မွဲပလၫလၧနၥံၪအကျၩ မိခိၭနၪဆၧနီၪလ ဂၩလဲၪ. မွဲပလၫမိဒိၭအနါဒဲခိၭနၪဆၧကဲၪခိၬအဆၧၫ့
24 အထီနီၪလဂၩလဲၪ.- မွဲပလၫဖ့ၪလၫ့စယၫကူၭလၧဆၧ မၩန့ဆီၪ့, ဒဲအံၫစရ့လၭလၧၦအၪ့ဂူၬဆီၪ့အစူၪဖၧၩ့နီၪ လဂၩလဲၪ. ယဟိဝၩလၧပမၩမၪဘၪဝ့ၫမွဲအ့ၬဧၪး အ ဝ့ၫဒၪအဖၧၩ့ၥၭနီၪအဝ့ၫၥံၪလမိဖိၬဘၪဝ့ၫတၭ, ခိၭနၪ
25 ဝ့ၫအဆၧၥီၪ့ဆၧၥၫ့ဆ့အ့ၬ.- မၩအၥၭဘဲၫနီၪတၭ, အ ဝ့ၫလူၫလၩ့အၥၭထၪ့ဆီၪ့ ဒဲဆၧဒုၭၥုၭဆီၪ့နီၪ လၧအ လီၩ့လီၫ. တၭဆၧနီၪလမံၩ့ ဆူၭခဲၩဝ့ၫ လၧမ့ၪအီၪဝၬ ဖီၩ့ဝ့ၫလါနၫ့တၭ,အဝ့ၫၥံၪၥ့ၪယၫအ့ၬ. တၭမ့ၪအၪ့ဝ့ၫ လါနၫ့တၭ, လဆီၫ့မီၪ့လၩ့ဘၪအၥၭနီၪလီၫ.