41
1 ထံၫယဲၩ့ခးယဲၩ့ၥံၪဧ့, အီၪလၩ့မါပံၭလၧယမ့ၬယၫ ဆံၭ.တၭၦဆၨၩလဖၪနီၪမွဲအဂဲးအဘၭဆီၪ့ထၪ့ဆံၭး မွဲအၥုၭဘူၭအၥၭဆံၭး မွဲအချဲၩ့ဆၧဆံၭး မွဲပၥုၭဘူၭ ၡီၩ့ပၥၭလၧဆၧစ့ၩရၫ့ခွးနီၪဆံၭ.
2 မွဲပလၫထိၪဂဲၩဆၧတီၩ လၧမုထၪ့လခီၫလဂၩလဲၪ. ဆၧတီၩကိၭဝ့ၫလၧအခၪ့ထံၭး မိဖ့ၪလၫ့ခွံၬၦဆၨၩလ ဖၪလၧအမ့ၬယၫတၭ, ဒုၭယဲးလၩ့ဝ့ၫစဎွၩလဖၪတၭ, မွဲအဖ့ၪလၫ့ခွံၬအဝ့ၫၥံၪလၧနၭဒဲဖၩ့ ဘဲၫဂၪ့ခိၪမုၬအ ၥိၭ,ဒဲလၧချံၪၥံၪဖျါၥံၪဘဲၫလီထိၭနၫလၩ့ဘျ့ၭလၧလံၩ
3 အူၪဘၪအၥိၭနီၪလီၫ.- လၧဖၧၩ့ၥၭအခၪ့လဖိၬဘၪနး ဆိၭအဖၧၩ့နီၪး လီၩ့ဆီးဝ့ၫတၭ, လ့ၩဆၧမုၬမုၬလီၫ.
4 မွဲပလၫကိၭန့ၦၡၩအဆိၩလဖၪ လၧအခၪ့ထံၭမၩဆၧ နီၪလဂၩလဲၪ. ယဝ့ၫဒၪ,ယဟိဝၩ, ဆၧအခၪ့ထံၭဒဲအ ထုၬနီၪမွဲယၧၩလီၫ.
5 ထံၫယဲၩ့ခးယဲၩ့ဒၪဘၪဝ့ၫတၭ, ၥၭမဲၪဆၧ, ဂၪ့ခိၪ အထုၬလဖၪဝၭထိၬဝၭတ့ၭတၭ, ၥုၭဘူၭအၥၭ, ဂဲၫဝ့ၫ
6 တၭ,အီၪကိၩ့အီၪကီၪ့ဝ့ၫလီၫ.- အဝ့ၫၥံၪမၩဘိၭမၩ ဆၧၩ့လိၬအၥၭလဂၩဒဲလဂၩဆုၬဆုၬတၭ,စံၭအထၧၫ့ ဖုဝဲ,အီၪက့ၪဒူၩနၥၭဆံၭ.
7 တၭလဲၬၥမါနီၪဒုၭဆီၪ့ထၪ့ထမၬထီၫ့,ၦမၩဖျ့ၪဆၧ လၧစၭခုၪနီၪၦလၧအထးဆၧ လၧထၭလၬ အဖၫ့ခိၪ တၭ,စံၭဝ့ၫ, ဆၧဘုၭထၬမွဲအဂ့ၩလီၫ. ဘဲၫၥိၭဆၧဂၩ့ နီၪထီးဝၭထီးဂဲၩလဂ့ၩတၭ, ဒိၪထၬဝ့ၫလၧထၭစဲၩလ
8 ဖၪလီၫ.- တၭနဝ့ၫဒၪ,ယခ့ၫယၡၩအံၫစရ့လၭဧ့, စယၫ ကူၭလၧယရွံန့ဝ့ၫ, ယထံၩယၥိၭစအၫဘြဟၫ့အချံၫ
9 အၥၪ,- နဝ့ၫဒၪလၧယမၩန့နၧၩလၧဂၪ့ခိၪအထုၬတၭ, ကိၭန့နၧၩလၧဂၪ့ခိၪအၡၩၥံၪအခိၪလဖၪတၭ, စံၭနၧၩ, နဝ့ၫဒၪနမွဲယခ့ၫယၡၩလီၫ. ယရွံန့ယူၭနၧၩယူၭတၭ, ယခွံၬၡိၭနၧၩဆ့အ့ၬ.
10 ထီးၥၭမဲၪဆၧလဂ့ၩ, အဂဲးဘဲၫယီၩယအီၪလၧနၥိၭး ထီးအၪ့ယိၪဆၧလဂ့ၩ, အဂဲးဘဲၫယီၩယမွဲနယွၩလီၫ. ယမိဒုၭဆီၪ့ထၪ့နဂဲးနဘၭး မွဲမၬ, ယမိမၩဆၧၩ့နၧၩ
11 လၧယဆၧတီၩဆၧလီၩ့အစူၪထွ့ၪလီၫ.- ယိခွါ, ကယဲ ၦလၧအၥၭထၪ့ဘၪနၧၩနီၪအမ့ၬမိမဲတၭ, မိအီၪက့ၪမဲ အမ့ၬလီၫ. ၦလၧအဂဲးလိၬတ့ၭလိၬ ဆၧလၧနၧၩလဖၪ နီၪမိကဲၪထၪ့ဆၧနးမံၩ့အ့ၬတၭ, မိထီၩ့ဝ့ၫလၧဆၧဂၭ
12 ဂီၩ့ဂၭစၪလီၫ.- နမိအၪ့ဎၬတၭ, နဒၪန့ဘၪၦလၧအဂဲး လိၬတ့ၭလိၬလၧနၧၩအ့ၬ. ၦလၧအဒုၭဆၧထၫ့ဒုၪဒၩ နၧၩလဖၪမိကဲၪထၪ့ဘဲၫဆၧနးမံၩ့အ့ၬအၥိၭ, ဒဲဘဲၫဆၧ
13 လမွဲဘၪဆၧအၥိၭလီၫ.- အဂဲးဘဲၫယီၩယဝ့ၫဒၪယဟိ ဝၩနယွၩယီၩယမိဖီၪ့ထၬနစူၪထွ့ၪတၭ, စံၭနၧၩ, ၥၭမဲၪ
14 ဆၧလဂ့ၩ, ယမိမၩဆၧၩ့နၧၩလီၫ.- အၪ့ယိၪဆၧလဂ့ၩ, လိၪ့ၥံၪ,စယၫကူၭဒဲအံၫစရ့လၭအၡၩၥံၪဧ့, ယမိမၩ ဆၧၩ့နၧၩယဟိဝၩၦလၧအဎွ့ၩန့ထဲၩ့နၧၩအံၫစရ့လၭ
15 အဆၧဆံၫ့ဎံၪလဂၩ စံၭဝ့ၫဒၪလီၫ.- ယအီၪက့ၪ ယူၭနၧၩလၧနိၪထးဘုၪအၥၫ့လၧအနၭအဲၪ့ဝ့ၫ, အီၪလၧ အမဲၪအၥွၫလီၫ. နမိထးခိၪလီၩ့လဖၪ, ဒဲထးလၩ့ဘျ့ၭ ဝ့ၫတၭ, နမိအီၪက့ၪဆၧစီၩ့ခိၪလဖၪ ဘဲၫဖ့ၫအၥိၭနီၪ
16 လီၫ.- နမိၡိၫခွံၬအဝ့ၫၥံၪတၭ, လံၩမိအူၪခွံၬဝ့ၫဆ့, ဒဲ လံၩၥဝံၭမိမၩလၩ့ပြံၩလၩ့ပၩဝ့ၫလီၫ. တၭနမိၥၭထိၬ လၧယဟိဝၩအဖၧၩ့တၭ, လၧအံၫစရ့လၭအၡၩဆံၫ့
17 ဎံၪလဂၩအဖၧၩ့နီၪနမိအီၪက့ၪဖိၫလိၫနၥၭလီၫ.- ၦၡၩလၧ လၧအဘၪၡၪ့ဘၪနၭ,ဒဲၦၡၪ့ဖိၪယၬဖိၪနီၪ, အၪ့ဎၬထံၫ တၭ,လဒၪဘၪနီၪး ဆၧၥၭဝံအၥၭလၧထံၫတၭ, အဖျ့ၩ ဎဲၫ့ဝ့ၫတၭ,ယၧၩယဟိဝၩယီၩယမိခိၭနၪအလူ, ယဝ့ၫ
18 ဒၪ, အံၫစရ့လၭအယွၩယလ့ၩဒၪအဝ့ၫၥံၪအ့ၬ.- တၭ ယမိဝဲထၪ့ထံၫချိၬ လၧခိၪလီၩ့ပျၩ့အလီၩ့, ဒဲထံၫထၪ့ ဖျိၭလၧခိၪလီၩ့ဆူၭအၥၭခံဖၧၩ့တၭ, ယမိအီၪက့ၪၡါ မုနၧၫ့ဖၫဘဲၫကမၫအၥိၭ, ဒဲဂၪ့ခိၪဎဲၫ့နီၪလၧထံၫထၪ့ဖျိၭ
19 လဖၪလီၫ.- ယမိၥုၪ့ၥံၪ့ၡိၫအ့ရ့ၭဒဲၥံၪ့ၡံၭတၫဒဲၥမ့ၫဟ ဒၭ,ဒဲၥံၪ့အလဲအိၫ့ အမံၩ့လဖၪ လၧၡါမုနၧၫ့ဖၫလီၫ. တၭလၧမံၩ့လၬၥီၪ့ကျၩနီၪယမိအီၪက့ၪၥံၪ့ၡိၫ, ၥံၪ့ထိၭ
20 အၪ့,ဒဲၥံၪ့ၡိၫတအၫၡုၫလစီၪ့ဎး,- ဘဲၫၥိၭအဝ့ၫၥံၪမိဒၪ ဆၧ,ဒဲၥ့ၪယၫဝ့ၫ, ဒဲဆီၫ့မီၪ့လၧအၥၭ, ဒဲနၪၥ့ၪလစီၪ့ဎး လၧယဟိဝၩအစူၪမၩဆၧနီၪ, ဒဲအံၫစရ့လၭအဆၧ ဆံၫ့ဎံၪလဂၩဒုၭကဲၪထၪ့ဝ့ၫလီၫ.
21 နဲၪဖျီၪထၪ့နၥံၪအမူၭဆံၭ, ယဟိဝၩစံၭဝ့ၫဒၪ, ထုၭ ထၪ့ဒုၭနဲၪ နၥံၪအၡၩ ထိးအၥၭ လၧအဂုးခၧၫ့ဆံၭ.
22 စယၫကူၭအစဎွၩစံၭဝ့ၫဒၪ.- မွဲအၥုၭဘူၭအၥၭတၭ, ဒုၭနဲၪဆၧလၧအမိအီၪထၪ့နီၪဆံၭ. ဆၧလၧအခၪ့ထံၭ လဖၪနီၪ နီၫလဲၪနီၫလဲၪနီၪ, မွဲအဒုၭနဲၪဆံၭ. တၭပမိထီး န့ဝ့ၫလၧပၥၭဒဲၥ့ၪယၫအထုၬလီၫ. အ့ၪလမွဲဘၪဘဲၫနီၪ တၭ,မွဲအဒုၭနါဂၧၫ့ပၧၩလၧဆၧ လၧအမိဂဲၫထၪ့လဖၪ
23 နီၪဆံၭ.- မွဲအဒုၭနဲၪဆၧလၧအမိဂဲၫထၪ့ လၧခဲၫ့လၧ ယၫဆံၭ.တၭပမိၥ့ၪယၫ လၧနၥံၪမွဲယွၩလဖၪနီၪလီၫ. မွဲမၬ,ဆၧဂ့ၩမွဲဂ့ၩ,ဆၧအၧၩ့မွဲဂ့ၩ, မၩဆံၭ. တၭပမိ
24 ယိဝၬဖီၩ့ဆၧတၭ, ဒၪဘၪလစီၪ့ဎးနီၪလီၫ.- ယိခွါ,နၥံၪ မွဲဆၧဆံၭနဲၪ့ ဆၧနးမံၩ့အ့ၬတၭ, နၥံၪမၩဆၧနီၪလမွဲ ဘၪဆၧကၭအ့ၬး ၦလၧအရွံန့နၥံၪနီၪမွဲဆၧဘၪၥၭလိၪ လီၫ.
25 ယဒုၭအီၪထၪ့ယူၭၦလဂၩ လၧမုဖၩလခီၫတၭ, ဂဲၫယူၭဝ့ၫယူၭ.မိဂဲၫလၧမုထၪ့လခီၫနီၪ မိကိၭၡၭထၪ့ယ မံၩ့လီၫ. တၭဘဲၫၦကၧၩ့ဖၧၩ့နီၪ ယဲးဂၪ့ခိၪဖံၬအၥိၭ နီၪ,အဝ့ၫဒၪမိအီၪက့ၪၦဒိၪဖၭဒိၪလဖၪ ဘဲၫဖၧၩ့ဂၪ့ခိၪ
26 အၥိၭတၭ,မိယဲးဝ့ၫလီၫ.- ပဝ့ၫဒၪယီၩဘဲၫၥိၭပမိၥ့ၪ ယၫအဂဲး, မွဲပလၫဒုၭနဲၪဝ့ၫ လၧအခၪ့ထံၭနီၪလဂၩ လဲၪ.ပဝ့ၫဒၪယီၩ, ဘဲၫၥိၭပမိလီၩဘၪ, တီၩဝ့ၫလီၩ့ဝ့ၫ နီၪ,မွဲပလၫလီၩလၩ့လၬလၩ့လဂၩလဲၪ. မွဲမၬ,ၦဒုၭနဲၪ ဝ့ၫအီၪနးဂၩအ့ၬ. မွဲမၬ,ၦလီၩလၩ့ဝ့ၫအီၪနးဂၩအ့ၬ. မွဲမၬ,ၦလၧအနါဂၧၫ့နၥံၪအဆၧချဲၩ့နီၪအီၪနးဂၩအ့ၬ.
27 ယစံၭဆိၫလၧဇံအိၫ့,ယိခွါ, ယိဝ့ၫဆံၭ. တၭယ မိဖ့ၪလၫ့ ၦဂဲၫဆိၬဆၧၥၭထိၬအပရၧၫ့ လၧယရုစလံၫ့
28 လီၫ.- ယယိဆၧထံၫထံၫဆၭဆၭတၭ, ၦၡၩအီၪအ့ၬ. ဘဲၫၥိၭယမိအၪ့စၪ့အဝ့ၫၥံၪ ဒဲအဝ့ၫၥံၪချဲၩ့ဆၧၫ့ဆၧလ မံၩ့မံၩ့တၭ, ၦလၧအမိကိၪ့လိၬ ဆၧလၧအဝ့ၫၥံၪအ
29 ကျၩအီၪနးဂၩအ့ၬ.- ယိခွါ, မွဲဆၧပျီၩပျီၩ ထီးအလူၬ လီၫ. အဆၧမၩနီၪမွဲဆၧလမွဲဘၪဆၧတၭ, အဆၧဂၩ့ ၥိၫ့အၥၭနီၪ, မွဲလံၩဒဲဆၧအီၪပျီၩနီၪလီၫ.