25
1 ယဟိဝၩဧ့, နမွဲယယွၩလီၫ.ယမိအီၪက့ၪထၪ့ထီၫ နၧၩ,ယမိစံၭထၪ့အၪ့အူၭနမံၩ့လီၫ. အဂဲးဘဲၫယီၩ န မၩဆၧလၩ့လၭး ဆၧကိၪ့ထၪ့ဖၭလၩ့လၧဖျိၩ့လံၩလံၩ,
2 မွဲဆၧအလူတီၩ, ဆၧမွဲဆၧတီၩလီၫ.- အဂဲးဘဲၫယီၩ နအီၪက့ၪဒိၩ့လဖျိၪ့လၧဆၧပိၩ့, ဒိၩ့အီၪလၧအခိၪဒၧၩ့ လဒိၩ့လၩ့ဎီး, ၦလခီၫဘၩ့မုးဖိၪအနီးလမွဲလၧၩ့ဘၪ ဒိၩ့လဖျိၪ့လီၫ. လၩ့ဆိၩလၩ့ကၠၪဆၧမိမၩထၪ့ထဲၩ့ဝ့ၫ
3 အ့ၬ.-မၩအၥၭဘဲၫနီၪတၭ, ၦအဆီၪ့လဆၨၩမိစံၭထၪ့ အၪ့အူၭနၧၩ, ၦအဆၨၩလၧအဒုၭၥၭမဲၪဆၧအဒိၩ့ဖိၪ
4 နီၪမိၥၭမဲၪနၧၩလီၫ.- အဂဲးဘဲၫယီၩ နမွဲယူၭထိၬလၧၦ ၡၪ့ဖိၪယၬဖိၪအဂး ထိၬလၧၦဘၪနၭဘၪၡၪ့အဂးလၧ အဘၪဆၧကၪအဘိၩ့ဘၭ, ဆၧဖလ့ၬအလးလၧလံၩမု, ဆၧလၩၡုၪ လၧဆၧခိအကၠီၩ့း လၧပမၩၥၭမဲၪဆၧၥံၪ အအူၪၡိၫဆၧမၩအၥၭ ဘဲၫလံၩမုဘၪဆၧဒီၪ့အၥိၭနီၪ
5 အဘိၩ့ဘၭလီၫ.- ဘဲၫဆၧခိလၧအလးဎဲၫ့အၥိၭ, ၦလ ခီၫဘၩ့မုးဖိၪ အၥီၫ့နီၪနမိမၩလၩ့ဆါလီၫ. ဘဲၫဆၧခိ လၧဆၧအုၪ့အလၩၡုၪအဖၫ့လၬအၥိၭ, ၦအဆီၪ့အ ဆၧၥံၫကျံၩနီၪ လၩ့မါဝ့ၫဘဲၫနီၪၥိၭလီၫ.
6 တၭဆၧၥုၭမုခမျၧးအယဟိဝၩ မိမၩဘိၪ့လၧဆၧ အၪ့ဘီၪ့ၥိၪ, ဆၧဘိၪ့အီၩစဘံၭထံၫအီၪလၧစဘံၭၥၪ အဖၧၩ့,ဆၧဘီၪ့ၥိၪလၧအအွံၪ, စဘံၭထံၫအီၪလၧစဘံၭ ၥၪလၧအဖၧၩ့,လၧအဎံၪဝ့ၫလၧၦကိၭဆၨၩဒ့ၭအဂး
7 လၧခိၪလီၩ့ယီၩအလီၩ့လီၫ.- တၭလၧခိၪလီၩ့အလီၩ့ ယီၩမွဲအမိမၩဂၭဂီၩ့ဆၧမၩဘံၭမ့ၬ လၧအအီၪလၧၦ ကိၭဆၨၩဒ့ၭအဖၫ့ခိၪ, ဒဲဖၬဘဲၩ့လဘံၪ့လၧအချႃၬဘံၭ
8 ၦကိၭဆၨၩဒ့ၭလီၫ.- ဆၧၥံၫလၩ့ဘၧၩ့ယူၭလၩ့ဆိၩလၩ့ ကၠၪယူၭတၭ, ကဆါယဟိဝၩမိထူၭခွံၬမ့ၬထံၫလၧ ကယဲၦမ့ၬအလီၩ့ကိၭဂၩဒ့ၭတၭ, မိမၩန့ထၪ့ခွံၬအၡၩ ခမျၧးအဆၧဒုၪဒွ့ၪလၧဂၪ့ခိၪထၧၫ့ဖျိၪ့ယၫလီၫ. အဂဲး
9 ဘဲၫယီၩယဟိဝၩချဲၩ့ဆၧလီၫ.- တၭၦမိစံၭလၧမုလနံၩ နီၪ,ယိခွါ, အဝ့ၫဒၪယီၩမွဲပယွၩလီၫ. ပယိလါယူၭအ ဖၧၩ့ၥၭတၭ,မိထိးထဲၩ့တၩ့ထဲၩ့ပၧၩလီၫ. အဝ့ၫဒၪယီၩ မွဲယဟိဝၩလီၫ. ပယိလါယူၭအဖၧၩ့ၥၭလီၫ. ပမိၥုၪ့ ဎွံၫၥၭယီၫတၭ, ပမိၥၭထိၬလၧအဆၧထိးထဲၩ့တၩ့ထဲၩ့ အဖၧၩ့လီၫ.
10 အဂဲးဘဲၫယီၩ ယဟိဝၩအစူၪမိအီၪပွံၭလၧခိၪလီၩ့ ယီၩအလီၩ့တၭ,မိအၭမိဘၪဆၧယဲးထဲးဝ့ၫလၧအလး ဖၧၩ့,ဘဲၫလီခၫ့ဘၪဆၧယဲးထဲးဝ့ၫ လၧဆၧအ့ၪပိၩ့အ
11 ထံၫကျၩအၥိၭနီၪလီၫ.- မွဲအယၩ့ထၪ့အစူၪလၧအကျၩ, ဘဲၫၦယါထံၫယၩ့ထၪ့အစူၪ ဘဲၫၥိၭအမိယါထံၫလီၫ. တၭအဝ့ၫမိဆၪ့လၩ့ထၬ အဆၧထၪ့ထီၫ, ဒဲအမၩဆၧ
12 ဆီၪ့လၧအစူၪနီၪလီၫ.- တၭနဒိၩ့ခိၪဒၧၩ့ အထိၬထၪ့ ထီၫ,အထိၬလဖျိၪ့နီၪ အဝ့ၫဒၪမိရိလၩ့ခွံၬဆၪ့လၩ့ဝ့ၫ, မၩလၩ့ဎီးထီၩ့လၩ့လၧဂၪ့ခိၪ, မၩလၩ့ဒၩလၧဂၪ့ခိၪမုၬ အကျၩလီၫ.