1 ယိခွါ, ယဟိဝၩလူၫလၩ့ခွံၬခးနီၪတၭ,ဒုၭအီၪယူ ဝ့ၫဒဲအီၪက့ၪချႃၬလၩ့ဝ့ၫတၭ, မိမၩလၩ့ပြံၩလၩ့ပၩ ၦ 2 ခးဖိၪလဖၪနီၪလီၫ.- တၭဆၧမိမၩအၥၭ ဘဲၫၦခမျၧး အၥိၭနီၪ, ၦလုဆၧမွဲဘဲၫနီၪၥိၭး ဘဲၫၦအခ့ၫအၡၩ အ ၥိၭနီၪ,အကဆါမွဲဘဲၫနီၪအၥိၭး ဘဲၫၦအခ့ၫအၡၩ အ မုၪအၥိၭနီၪ, အကဆါမုၪမွဲဘဲၫနီၪၥိၭး ဘဲၫၦဎွ့ၩဆၧ အၥိၭနီၪ,ၦအၪ့ဆၫဆၧမွဲဘဲၫနီၪၥိၭ ဘဲၫၦအၪ့လီးဆၧ အၥိၭနီၪ,ၦဒုၭအၪ့လီးဆၧမွဲဘဲၫနီၪအၥိၭ, ဘဲၫၦလၧ အမါအီၪဝ့ၫအၥိၭနီၪ အမါဆါမွဲဘဲၫနီၪအၥိၭလီၫ.

3 ထံၫၥံၪခးၥံၪနီၪမိအီၪပျီၩဝ့ၫဆံၫ့ဆၫ့ပျၩ့တၭ, ဆၧမိ အၪ့ဂူၬန့အဆၧကျံၩ့နံၩ့လီၫ. အဂဲးဘဲၫယီၩယဟိဝၩ 4 ချဲၩ့ဆၧချဲၩ့လထံၪနီၪလီၫ.- ဂၪ့ခိၪဖိၪၥုၪ့အုၭၥၭအုၭ, လၩ့ဘဲၩ,ခးၥဲၫလၩ့ဆါလၩ့ဘျၭ, လၩ့ဘဲၩၦဂၪ့ခိၪဖိၪ 5 အထီၫထုၬလၩ့ဆါလၩ့ဘျၭဝ့ၫလီၫ.- တၭထံၫၥံၪခးၥံၪ နီၪစံၪစၪလၧၦအီၪဝ့ၫလၧအဖၧၩ့လဖၪအဖၫ့လၬလီၫ. အဂဲးဘဲၫယီၩ ၦလၨၪခၫ့ဖၬဆၧၥီၪ့ဆၧၥၫ့, အၪ့လဲၩ ခွံၬဆၧမၪလူၬၥံၪမၩဂၭဂီၩ့ ဆၧအုၩ့လၩ့အဆိၩအကၠၪ 6 လီၫ.- မၩအၥၭဘဲၫနီၪတၭ, ဆၧဆိၪအၧၩ့အၪ့ခွံၬဂၪ့ခိၪ ဖံၭခိၪတၭ, ၦလၧအအီၪလၧအဖၧၩ့လဖၪနီၪ ထိးဆၧ 7 ဒဲၩဘၭလီၫ.- မၩအၥၭဘဲၫနီၪတၭ, ဂၪ့ခိၪဖိၪလူၬခွံၬဝ့ၫ တၭ,ၦၡၩလၧအအီၪလၩ့ထးလဖၪနီၪမွဲ ၡၩခိၬလီၫ. 8 စဘံၭထံၫအၥၫ့နီၪၥုၪ့အုၭၥၭအုၭတၭ, စဘံၭမုလၩ့ ဆါလၩ့ဘျၭလီၫ. ကယဲၦလၧအၥၭဎွံၫၥံၪဂၪ့အုၩဂၪ့ ထိၬထီးအလူၬလီၫ. တၭအဆၧၥၭထိၬနီၪအီၪထီဝ့ၫ, ၦလၧအၥုၪ့ဎွံၫၥၭယီၫအီၪလၩ့မါပံၭ, နါဒံၩ့အဆၧၥၭ 9 ထိၬအီၪထီဝ့ၫလီၫ.- အီၩလၧၩ့စဘံၭထံၫအီၪလၧထၭ ခိၪအ့ၬ.ၥံၭထံၫဂၬထံၫခၪဝ့ၫလၧၦလၧအအီၩဝ့ၫအဂး 10 လီၫ.- ဆၧအီၪပျီၩအဒိၩ့နီၪလၩ့ဎီးဝ့ၫလီၫ. ကယဲဂံၪ့ 11 ကၭဘံၭထၬအၥၭဘဲၫၥိၭ ၦထီးနုၬလဂ့ၩလီၫ.- ဆၧ ကိၭလၧစဘံၭထံၫအဂးနီၪ အီၪဝ့ၫလၧအဖၧၩ့ၥၭအ ဖၧၩ့,ကယဲဆၧၥၭထိၬနီၪ, လ့ၩဖီၩ့ခွံၬဝ့ၫလၧဂၪ့ခိၪအ ဆၧၥုၪ့ဎွံၫၥၭယီၫစဲၪ့ထၪ့ခွံၬဝ့ၫလီၫ.- 12 ဆၧအီၪလၩ့ထး လၧဒိၩ့ဖၧၩ့နီၪအီၪယူဝ့ၫတၭ, တရၫ့နီၪဆၧဒိၪလၩ့ဎီး ဝ့ၫဒၪလီၫ.

13 အဂဲးဘဲၫယီၩဆၧမိမၩအၥၭလၧဂၪ့ခိၪအၥၭကျၩ, လၧၦဆၨၩၥံၪအကျၩ ဘဲၫအလဲအိၫ့ဝၭဝ့ၫအၥိၭ, ဘဲၫ လၧဆၧအၪ့ထုၫ့ကီၪ့ဆၧဂီၩ့တၭ, ဆၧအီၪလၩ့ထ့ၬအ 14 ၥိၭနီၪလီၫ.- အဝ့ၫၥံၪမိကိၭၡၭထၪ့အလူ, မိၥံၫကျံၩ ထၪ့ဆၧလၧယဟိဝၩအကယးကဖးအကၠီၩ့ မိကိၭၡၭ 15 ထၪ့လၧမၫဆမံၭဖၧၩ့လီၫ.- မၩအၥၭဘဲၫနီၪတၭ, မၩ လၩဖၩ့ယဟိဝၩလၧဆၧဖၩ့လဖၪအကျၩ, ယဟိဝၩ အံၫစရ့လၭအယွၩအမံၩ့ လၧမၫဆမံၭအကျိၩ့ဖၧၩ့ၥံၪ 16 ဆံၭ.- လၧဂၪ့ခိၪအထုၬနီၪပနါဂၧၫ့ ထၭခိၪအၥီၫဘဲၫ ယီၩ,စံၭထၪ့အၪ့အူၭၦတီၩၦလီၩ့ဆံၭ. အ့ၪမွဲယစံၭ ယဘၪဆၧအၡၪ့, ယဘၪဆၧအၡၪ့, ယဘၪဆၧအၡၪ့ လီၫ.ၦအၪ့လီၫန့ဆၧလဖၪနီၪ အၪ့လီၫန့ဆီၪ့, မွဲမၬ, 17 ၦအၪ့လီၫန့ဆၧမၩဆီၪ့လ့ၬလီၫ.- မွဲဆၧကိၭဎီခွံၬ, ဒဲ 18 ဆၧဖၧၩ့ၥံၪ,ဒဲဖျံၩခွၩ့နီၪဘၪနၧၩၦခးဖိၪဧ့,- တၭဆၧ မိမၩအၥၭလၧၦလၧအစဲၪ့ဝ့ၫ လၧဆၧကိၭဎီအၥီၫအမ့ၬ ယၫနီၪ,မိလၩ့ထ့ၬလၧဆၧဖၧၩ့ၥံၪအဖၧၩ့တၭ, ၦလၧ အဂဲၫထၪ့လၧဆၧဖၧၩ့ၥံၪအဖၧၩ့နီၪ, မိဘၪဖျံၩခွၩ့လီၫ. အဂဲးဘဲၫယီၩ ဆၧဖိးလၧထၭလခီၫအီၪဝဲထၪ့အၥၭ 19 တၭ,ဂၪ့ခိၪအခၪ့ထံၭလဖၪၡိၩ့ၡိၬဝ့ၫဒၪလီၫ.- ထ့ဖၭ ယူၭ,ဂၪ့ခိၪထ့ဖၭလၩ့အၥၭယူၭး ခါလၩ့ယူၭး ဂၪ့ခိၪ 20 ခါလၩ့ယူၭအၥၭယူၭ,- ဂၪ့ခိၪလ့ၩဆၧဒံၩ့ခံၫ့ဒၪ့ဎၩ့ ဘဲၫၦမၧၩ့ဆၧအၥိၭတၭ, ဝၭဝ့ၫဘဲၫဆူၭအၥိၭနီၪလီၫ. တၭအဆၧဒဲၩဘၭနီၪဎၧၫ့ဝ့ၫလၧအဖၫ့ခိၪတၭ, မိလၩ့ ထံၩဖါဝ့ၫတၭ, ဂဲထုၪ့နၧၩ့အ့ၬ.

21 တၭလၧမုလနံၩနီၪဆၧမိမၩအၥၭ လၧယဟိဝၩမိ စ့ၩရၫ့ဆၧၥုၭမုထၪ့ထီၫအီၪလၧဆၧထၪ့ထီၫ, ဒဲဂၪ့ခိၪအ 22 စဎွၩလဖၪလၧဂၪ့ခိၪချိၫ့လီၫ.- တၭဆၧမိဒုၭအီၪကီၪ့ အဝ့ၫၥံၪလၧဆၧအီၪကီၪ့နးစီၪ့ ဘဲၫၦထီၫ့ဖိၪလၧထီၫ့ ဖၧၩ့အၥိၭတၭ,မိဘၪဆၧကၭထံၬထၬ အလးခဲၫ့လၧ ထီၫ့ဖၧၩ့တၭ, အၪနံၩအၪၥၫ့အလးခဲၫ့နီၪဆၧမိဒၪဘၪ 23 ဆၧလလၧၫ့လဎွ့ၩဘၪလီၫ.- ထီးနီၪလဖၧၫ့လၩမိအီၪ က့ၪမဲအမ့ၬတၭ, မုမိမ့ၬမဲလီၫး အဂဲးဘဲၫယီၩဆၧၥုၭမု ခမျၧးအယဟိဝၩနီၪမွဲစဎွၩလၧခိၪလီၩ့ဇံအိၫ့အလီၩ့ လၧယရုစလံၫ့အဖၧၩ့တၭ, ဆၧလၩဖၩ့အီၪဝ့ၫလၧၦ ၥုၪ့က့ၭၥၭၡါအမ့ၬယၫလီၫ.