1 ဆၧလၧနံၪ့လၧစတၫတၩ့ ဂဲၫလၧအၭစဒီၭ(ထီးအစံ ရအၫအစဎွၩစၫဂၧၫ့အၪ့မၧၫ့လၩ့အဝ့ၫ) ဒဲဒုၭဆၧလၧ 2 အၭစဒီၭတၭမၩန့ဝ့ၫဒၪနီၪး- ဆၧလၧအထီနီၪယဟိ ဝၩချဲၩ့ဆၧလၧစအၫမူၭအဖိၪခွၫ စအဲၫစ့ယၫအစူၪဖၧၩ့ တၭ,စံၭဝ့ၫဒၪ, လ့ၩဘဲၪ့လၩ့ခွံၬရၧၬဆၧယၬ လၧနယး ဒံၩ့လီၩ့,ဒဲဘဲၪ့လၩ့ခွံၬနခၪ့ဖံၭ လၧနခၪ့ဆံၭ. တၭမၩ 3 ဝ့ၫဘဲၫနီၪစဲၪ့အီၪဘိၪ့, ဒဲအီၪဘိၪ့ခၪ့လီၫ.- တၭယဟိ ဝၩစံၭဝ့ၫဒၪ, ဘဲၫယခ့ၫယၡၩ စအဲၫစ့ယၫစဲၪ့အီၪဘိၪ့ ဒဲအီၪဘိၪ့ခၪ့ၥၧၫ့နံၪ့လၧဆၧနဲၪ့ ဒဲဆၧအဒီၩ့အထ့ၬလၧ 4 အံဇံၭအဂဲး, ဒဲကုၡၫအဂဲးအၥိၭနီၪး- အစံရအၫအ စဎွၩမိမီၩ့ၦလၧအဖီၪ့န့ဝ့ၫလၧအံဇံၭ ဒဲၦလၧဆၧအၪ့ မၧၫ့ဎီးဝ့ၫလၧကုၡၫ, ၦအၥၭဘၪ့, ဒဲၦအၥၭၡါ, အီၪ ဘိၪ့,အီၪဘိၪ့ခၪ့, အခဲၫ့ခွးအီၪဘိၪ့အံဇံၭအဆၧမ့ၬမဲ 5 ဘဲၫနီၪၥိၭဆ့လီၫ.- တၭအဝ့ၫၥံၪမိၥၭမဲၪဝ့ၫလၧကုၡၫ လၧအဒိၭနဲၩ့အၥၭ လၧအဖၧၩ့အကၠီၩ့, ဒဲလၧအံဇံၭ လၧအအီၪက့ၪဖိၫလိၫအၥၭ လၧအဝ့ၫဒၪအကၠီၩ့နီၪ 6 လီၫ.- တၭဆၧလၧမုလနံၩနီၪ ၦမၫဆမံၭနဲၩ့ဖိၪမိစံၭ, ယိခွါ,ဆၧလၧပယိလါအဖၧၩ့ၥၭနီၪ, ဆၧလၧပစဲၪ့ ထီးအအီၪ လၧဆၧမၩဆၧၩ့ပၧၩအဂး လၧပမိဖီၩ့ဖျ့ၭ လၧအစံရအၫအစဎွၩအမ့ၬယၫမွဲဘဲၫနီၪတၭး ပမိဂၭ ဖျ့ၭပနၫ့ဆါဒၪပဝ့ၫဘဲၫၥ့ၪလဲၪ.