19
1 ယိခွါ, ယဟိဝၩထူၬဆၧအုၪ့ဎွံၫတၭ, လ့ၩဝ့ၫထီၩ့ လၧအံဇံၭတၭ, အံဇံၭအဆၧဂၩ့ဆၧဖၪ့ဝၭဝ့ၫလၧအ မ့ၬယၫတၭ, အံဇံၭအၥၭနီၪဖံၪထၪ့ဝ့ၫလၧအဖၧၩ့လီၫ.
2 တၭယမိထိၪဂဲၩၦအံဇံၭဖိၪထၫ့ဒုၪဒၩ ၦအံဇံၭဖိၪတၭ, အဝ့ၫၥံၪမိဒုၭလိၬအၥၭ, လဂၩဘၪလဂၩ ထၫ့ဒၩအ ထၧၫ့ဖုဝဲ,လဂၩဘၪလဂၩထၫ့ဒၩၦလၧအနဲၩ့ထံၭ, ဒိၩ့ လဖျိၪ့ထၫ့ဒၩဒိၩ့လဖျိၪ့, ဘၩ့မုးထၫ့ဒၩဘၩ့မုးလီၫ.
3 တၭအံဇံၭအၥၭမိအီၪပျီၩလၧအဖၧၩ့တၭ, အဆၧကိၪ့ ထၪ့ဖၭလၩ့နီၪယမိအၪ့ယုလၩ့ခွံၬတၭ,အဝ့ၫၥံၪမိအၪ့ ဎၬဝ့ၫလၧဆၧဂၩ့ဆၧဖၪ့အအီၪ, ၦၥ့ၪဆၧအူၪဆၧပီၩ အအီၪ,ဒဲၦအီၪလၧဆၧနၪအအီၪ, ဒဲလၧဆၧယူၬၥံၪအ
4 အီၪလီၫ.- ယမိဖ့ၪလၫ့အံဇံၭဖိၪၥံၪ လၧအကဆါကၪ လဂၩအစူၪဖၧၩ့တၭ, စဎွၩဆီၪ့လဂၩ မိပၧၩ့ဘၪဝ့ၫ
5 ကဆါဆၧၥုၭမုခမျၧးအယဟိဝၩစံၭဝ့ၫဒၪ.- ထံၫမိလၩ့ ၥံၭခွံၬလၧပၪ့လဲၪဖၧၩ့တၭ, ထံၫမိၡါအထံၫမိလူၬဝ့ၫဒဲ
6 လၩ့ၥံၭခွံၬလီၫ.- ထံၫမိၡါမိနၧၫ့အုၪ, အံဇံၭအထံၫကၠီၪ့ လဖၪမိအီၪပျီၩလၩ့ၥံၭခွံၬတၭ, ဖီးဒဲဎဲၪမိလၩ့ယံၭဎဲၫ့
7 ထၪ့ခွံၬဝ့ၫလီၫ.- တၭဆံၬၥံၪနၩၥံၪလၧထံၫမိၡါအနဲၩ့, လၧထံၫထၪဒဲဂၪ့ခိၪအဆၧချံၫဎွံၪအၥၭလၧအဖၧၩ့, ထံၫ လၧထံၫနဲၩ့ထီးအလူၬနီၪမိလၩ့ၥံၭခွံၬ, ဘၪဆၧနၫ့ထၪ့
8 ခွံၬတၭ,အီၪလၧၩ့အ့ၬး- ၦမၩယၪၥံၪမိၥၭအုၭတၭ, က ယဲၦလၧအအၪ့ခွ့ၫလၧထံၫမိၡါအဖၧၩ့ မိဂၪ့ဝ့ၫတၭ, ၦလၧအခွံၬၡၬလၧထံၫဖၫ့ခိၪနီၪ အဂဲးအဘၭမိလၩ့ဆါ
9 ဝ့ၫလီၫ.- တၭၦလၧအမၩဆၧလၧအလူၪၥီၫကဘၩ့ဒဲ ၦလၧအထၭထၪ ဘၩ့ဘွၩနီၪ မိအီၪက့ၪမဲအမ့ၬလီၫ.
10 တၭအဆၧခၪ့ထံၭလဖၪနီၪ မိလၩ့ဎီးခွံၬ, ကယဲၦဒိၭ အၪ့လံၩ့အၥၭအၥုၪ့ခိအၥၭဝီၩထီးအလူၬလီၫ.
11 ဇိၫအၫ့အၦဒိၪဖၭဒိၪ, မွဲန့ၫၦအဂီၩ့လီၫ. ဖၫရိၫအၡၩ ကိၪ့လိၬအၥၭ အဆၧဒုၭကိၪ့လိၬနီၪ ကဲၪထၪ့ဘဲၫဆၧ ဖိၪဆၧဎါအၥိၭလီၫ. နၥံၪစံၭဖၫရိၫ, ယမွဲၦကိၪ့ဆၧၥ့ၪ အဖိၪခွၫ,စဎွၩလၧဖျိၩ့အဖိၪခွၫနီၪ , မိၥ့ၪဘဲၫၥ့ၪလဲၪ.
12 အဝ့ၫၥံၪအီၪခီၫခီၫလဲၪ. နၡၩကိၪ့ဆၧၥ့ၪနီၪအီၪခီၫခီၫ လဲၪ.မွဲအလီၩဘၪနၧၩတၭ,မွဲအၥ့ၪယၫဆၧလၧဆၧၥုၭ မုခမျၧးအယဟိဝၩ ကိၪ့ထၪ့ထၫ့ဒၩ လၧအံဇံၭအဂဲး
13 အကၠီၩ့နီၪဆံၭ.- ဇိၫအၫ့အၦဒိၪဖၭဒိၪနီၪကဲၪထၪ့ယူၭ ၦအဂီၩ့တၭး ဆၧအၪ့လီၫန့နီဖၭအခိၪလဖၪလီၫ. အ ဝ့ၫၥံၪအုၩ့လၩ့မၪၦအံဇံၭဖိၪ, အဒီၪ့လဖၪအနိၩ့လီၫ.
14 ယဟိဝၩလူၫလၩ့ၥၭအၧၩ့လမံၩ့ လၧအဝ့ၫၥံၪအကျၩ တၭ,ၦဒုၭလၩ့မၪအံဇံၭ လၧအမၩဆၧထီးအလူၬအ ဖၧၩ့,ဘဲၫၦအီၩမၧၩ့အၥၭလ့ၩဆၧ ဒံၩ့ခံၫ့ဒၪ့ဎၩ့လၧအ ပၠိၭအဖၧၩ့အၥိၭနီၪလီၫ.
15 တၭဆၧမၩလၧအံဇံၭ အခိၪဎွံၪမွဲဂ့ၩ, အမ့မွဲဂ့ၩ, ဆၧအထဲၩ့မွဲဂ့ၩ, ဖီးမွဲဂ့ၩ, မိမၩဘၪဝ့ၫနီၪအီၪအ့ၬ.
16 ဆၧလၧမုလနံၩနီၪ အံဇံၭမိမၩအၥၭဘဲၫၦမုၪၥံၪအ ၥိၭလီၫ. တၭမိဝၭထိၬဒဲၥၭမဲၪၥၭဖျဲၩ့ဆၧလၧဆၧၥုၭမု ခမျၧးအယဟိဝၩအစူၪအမ့ၬယၫ လၧအမၩဂဲၩဝ့ၫလၧ
17 အဖၫ့ခိၪလီၫ.- တၭယုဒၫအခးမိကဲၪထၪ့ဆၧၥၭမဲၪအ လးလၧအံဇံၭအဂးလီၫ. ကယဲၦလၧအနၪ့ထၪ့ထဲၩ့ဝ့ၫ နီၪ,မိၥၭမဲၪဒၪဝ့ၫလၧဆၧၥုၭမုခမျၧးအယဟိဝၩအကိၪ့ ဆၧလၧအကိၪ့ထၫ့ဒုၪဒၩဝ့ၫအကၠီၩ့နီၪလီၫ.
18 ဆၧလၧမုလနံၩနီၪဒိၩ့ယဲဖျိၪ့လၧအချဲၫ့ကၫနအၫ့အ လၨမိအီၪလၧခးအံဇံၭအဖၧၩ့တၭ, မိဆိၪလၩ့အၥၭ လၧၥုၭမုခမျၧးအယဟိဝၩအမ့ၬယၫလီၫ. တၭဒိၩ့လ
19 ဒိၩ့နီၪဆၧကိၭဝ့ၫလၧဆၧဂၭဂီၩ့အဒိၩ့လီၫ.- ဆၧလၧ မုလနံၩနီၪ ဆၧလုအလးလၧယဟိဝၩအဂး မိအီၪလၧ ခးအံဇံၭအၥၭကျၩနးဖျိၪ့, ဒဲအထုၪ့လထုၪ့လၧအနဲၩ့
20 ထံၭလၧယဟိဝၩအဂးလီၫ.- တၭမိကဲၪထၪ့ဆၧမၩ နဲၪ့,ဒဲဆၧထိးအၥၭ, လၧဆၧၥုၭမုခမျၧးအယဟိဝၩ အဂးလၧအံဇံၭအဖၧၩ့တၭ, လၧၦမၩအၧၩ့ဆၧအ ကၠီၩ့ၦလဖၪမိကိၭထၪ့ယဟိဝၩတၭ, အဝ့ၫဒၪမိအၪ့ မၧၫ့လၩ့ဆၧထိးထဲၩ့တၩ့ထဲၩ့ဖၭဒိၪလဂၩတၭ, အဝ့ၫ
21 ဒၪမိမၩဖီၩ့မၩဖျ့ၭအဝ့ၫၥံၪလီၫ.- လၧအံဇံၭအဖၧၩ့ နီၪ,ၦမိၥ့ၪယၫယဟိဝၩတၭ, လၧမုလနံၩနီၪၦအံဇံၭ ဖိၪၥံၪမိၥ့ၪယၫယဟိဝၩ ဒဲမိမၩဆၧလၧဆၧလု,ဒဲဆၧ မၩဘိၪ့တၭ, မွဲမၬမိဆိၪလၩ့အၥၭ လၧယဟိဝၩအ
22 ဂး,ဒဲမိမၩတီၩအလူလီၫ.- တၭယဟိဝၩမိထးၦအံ ဇံၭဖိၪ,မိထးဝ့ၫတၭ, မိမၩဘျၪထဲၩ့ဝ့ၫတၭ, အဝ့ၫၥံၪ မိဂဲၫထဲၩ့လၧယဟိဝၩအအီၪတၭ, အဝ့ၫဒၪမိထိးဆၧ အၪ့ကံၩ့အၪ့ယၫ လၧအဝ့ၫၥံၪအဂးတၭ, မိမၩဘျၪ ထဲၩ့ဝ့ၫလီၫ.
23 ဆၧလၧမုလနံၩနီၪဖၧၩ့ၥၭမုမိအီၪလၧအံဇံၭဖိးလၧ အစံရအၫတၭ, ၦအစံရအၫဖိၪမိလ့ၩနုၬလၧအံဇံၭ တၭ,ၦအံဇံၭဖိၪမိလ့ၩနုၬလၧအစံရအၫတၭ, ၦအံဇံၭ
24 ဖိၪမိမၩဎုၬဆၧလၧၦအစံရအၫဖိၪလီၫ.- ဆၧလၧမုလ နံၩနီၪအံၫစရ့လၭ မိကဲၪထၪ့ခးၥၧၫ့ခးလခး လၧအံ ဇံၭဒဲအစံရအၫအၥိၭ, ဆၧဆိၪဂ့ၩ လၧထံၫဖိၪခးဖိၪ
25 အၥၭကျၩး- တၭဆၧၥုၭမုခမျၧးအယဟိဝၩ မိဆိၪဂ့ၩ ဝ့ၫတၭ, စံၭဝ့ၫဒၪ, ယၡၩခမျၧးအံဇံၭဒဲအစံရအၫဆၧ မၩလၧယစူၪး ဒဲအံၫစရ့လၭ ယဆၧန့ၥၫနီၪမွဲအဘၪ ဆိၪဂ့ၩဝ့ၫဆံၭ.