စ ဟိၫ စံ အၫ အ လံၬ.
1
1 ယဟိဝၩ အလူလၩ့ဘၪစဘအံရဲၫအဖိၪခွၫစဟိၫ စံအၫလၧယုဒၫအစဎွၩလဖၪ, စအၧၭဇဲအၫ, စယိၥၫ့, စအၫဟဇၭ, ဒဲစဟ့ၭဇကဲအၫအမုနံၩလဖၪအထးဖၧၩ့, ဒဲလၧအံၫစရ့လၭအစဎွၩစယိအၭအဖိၪခွၫ, စယ့ၫရဘိ အၫ့အမုနံၩလဖၪအထးဖၧၩ့နီၪလီၫ.
2 ယဟိဝၩအလူလၩ့ဘၪဆိၫစဟိၫစံအၫ, ယဟိဝၩ စံၭစဟိၫစံအၫနီၪ,လ့ၩဘီၪ, မၩန့နမၫဘၪဆဲၫ့လၧဆၧလဲး ဆၧဘျၪ, ဒဲဆၧလဲးဆၧဘျၪအဖိၪလဖၪဆံၭ. အဂဲးဘဲၫ ယီၩခးနီၪလၩ့မုလၩ့ဖၭလၧယဟိဝၩတၭ, မၩဆၧလဲး ဆၧဘျၪဒိၪမၬလီၫ.
3 အခိးမွဲအဝ့ၫဒၪလ့ၩဝ့ၫတၭ, မၩန့ဒ့ၭဘလ့အံၫ့အဖိၪ မုၪနးဂိမၧၫတၭ,အဝ့ၫနီၪဒၧၩ့ထၪ့တၭ, ဆီၫ့အီၪန့အဖိၪ
4 ခွၫလၧအဝ့ၫအဂးလီၫ.- ယဟိဝၩစံၭအဝ့ၫ, ဖျိၬအမံၩ့ လၧယ့ၭစအ့လၭဆံၭ. အဂဲးဘဲၫယီၩ အီၪဒံၭလဆိဖိၪ တၭ,ယမိမၩဆၧၫ့ ဆၧလၧယ့ၭစအ့လၭ အၥွံၪအဂး လၧစယံဟုၫအဂံၪ့အဖၫ့ခိၪတၭ, ယမိဒုၭထုၬ အံၫစရ့
5 လၭအၡၩဂံၪ့ဖိၪအဘၩ့အမုးလီၫ.- ဆၧမၩအၥၭလၧ မုလနံၩနီၪ, လၧယမိဘိၭခါခွံၬ အံၫစရ့လၭအချံၪလၧ ယ့ၭစအ့လၭအခိၪလီၩ့ဆူၭဖၧၩ့လီၫ.
6 ၦမုၪနီၪဒၧၩ့ထၪ့ဒီၭတၭ, အီၪဖျဲၪန့ဒီၭအဖိၪမုၪလဂၩ လီၫ.ယဟိဝၩစံၭအဝ့ၫ, ဖျိၬအမံၩ့လၧလိၫရုၫဟၪမၫ ဆံၭ.အဂဲးဘဲၫယီၩ ယယၫ့ၥၭလၧၩ့အံၫစရ့လၭအၡၩ ဂံၪ့ဖိၪအ့ၬ. မွဲယမိဆိၬထၪ့ခွံၬ အဝ့ၫၥံၪလူၬထူၬဆံၫ့ဘၩ့
7 လီၫ.- အ့ၪမွဲယုဒၫအၡၩဂံၪ့ဖိၪနီၪ ယမိယၫ့ၥၭအဝ့ၫ ၥံၪတၭ, ယမိထိးထဲၩ့တၩ့ထဲၩ့အဝ့ၫၥံၪလၧယဟိဝၩအ ဝ့ၫၥံၪအယွၩတၭး ယမိထိးထဲၩ့တၩ့ထဲၩ့အဝ့ၫၥံၪလၧ ချံၪ,လၧနၭ, လၧဆၧဒုၭၥုၭ,လၧကၥ့ၪ, လၧၦကၥ့ၪၥုၭ ဖိၪလဖၪနီၪမွဲအ့ၬ.
8 ထီးၦမုၪနီၪထုၭဖၭအနူ လၧနးလိၫရုၫဟၪမၫတၭ,
9 ဒၧၩ့ထၪ့ဝ့ၫတၭ, အီၪဖျဲၪန့အဖိၪခွၫလဂၩလီၫ.- တၭ ယဟိဝၩစံၭဝ့ၫဒၪ, ဖျိၬအမံၩ့လၧလိၫအၫ့မဲၫဆံၭ.အဂဲး ဘဲၫယီၩ နၥံၪမွဲလၧၩ့ယၡၩခမျၧးအ့ၬ. ဒဲယကဲၪလၧၩ့ ဆၧလၧနၥံၪအဂးဆ့အ့ၬ.
10 လါနၫ့တၭ,ၦအံၫစရ့လၭဖိၪ မိမၩအၥၭဘဲၫ မၫ ဆမံၭအမ့ၭလဖၪ လၧၦတိၪ့ဝ့ၫလၥ့ၪဘၪ,ဒဲဝံထၪ့နၬထၪ့ လၥ့ၪဘၪအၥိၭနီၪတၭ, ဆၧမိမၩ အၥၭထီးအလး လၧဆၧစံၭအဝ့ၫၥံၪ, နၥံၪလမွဲလၧၩ့ ဘၪယၡၩခမျၧး နီၪ,ဆၧမိစံၭအဝ့ၫၥံၪ, နၥံၪမွဲယွၩလၧအမၧၫ့ဝ့ၫအ
11 ဖိၪလီၫ.- ထီးနီၪလဖၧၫ့ၦယုဒၫဖိၪၥံၪ, ဒဲၦအံၫစရ့ လၭဖိၪၥံၪမိအီၪကိၩ့အီၪကီၪ့လစီၪ့ဎးတၭ, မိအီၪက့ၪ ဆၧအခိၪလဂၩဎး လၧအဂးဒၪဝ့ၫတၭ, မိဂဲၫထၪ့ လၧခးလဘံၪ့အဖၧၩ့နီၪလီၫ. အဂဲးဘဲၫယီၩ ယ့ၭစအ့ လၭအမုလနံၩနီၪမွဲအဒိၪလီၫ.