1 အဆၧၫ့အထီထီးနီၪ ဆၧအခိၪဖၭဒိၪစမဲၫခအ့လၭ လၧအမၩဆၧၩ့ၦၡၩခမျၧးလဂၩနီၪ မိဆၧၫ့ထုၪ့ဝ့ၫလီၫ. တၭဆၧၡၪ့ဆၧနၭ အထီမိအီၪထၪ့ဝ့ၫလၧထီးဒၪၦလ ဆၨၩအီၪထၪ့ဝ့ၫ ခီၫလၧအထီလထီနီၪ, နၭဝ့ၫဘဲၫနီၪ ၥိၭလအီၪဘၪတၭ, ဆၧလၧအထီနီၪၦၡၩခမျၧး,ကယဲ ၦလၧအမံၩ့ကွ့ၭအၥၭ လၧလံၬဖၧၩ့လဂၩလါလါနီၪ 2 မိဖီၩ့ဖျ့ၭဝ့ၫလီၫ.- ၦလၧအမံၫဝ့ၫလၧဂၪ့ခိၪမုၬအကျၩ အၪဂၩနီၪမိနၪ့ထၪ့အၥၭ, လနၩ့နၩ့လၧဆၧမၧၫ့အဆိၩ အကၠၪအဂးတၭ, လနၩ့နၩ့လၧဆၧမ့ၬမဲဒဲဆၧမၩကြၩ့ 3 ထမးဝ့ၫအဆိၩအကၠၪအဂးလီၫ.- ၦလၧအကိၪ့ဆၧၥ့ၪ မိယုၩ့ယဲထၪ့ဘဲၫမူၭခိၪအဆၧဖၩ့အၥိၭတၭး ၦလၧအ ဒုၭတီၩဒုၭလီၩ့ၦအၪဂၩနီၪ ဘဲၫၡၪၥံၪအၥိၭအဆိၩဆိၩ အကၠၪကၠၪလီၫ.

4 နဝ့ၫဒၪယီၩ, စဒၫ့နအ့လၭဧ့, ကၭဘံၭထၬဆၧချဲၩ့ လဖၪအလးခဲၫ့နီၪတၭ, စဲၩနဲၪ့ထၬလံၬထီးဆၧအထီ အထုၬနီၪဆံၭ. ၦအၪဂၩမိယိဆီၫ့မီၪ့ဆၧထံၫထံၫဆၭ 5 ဆၭတၭ, ဆၧၥ့ၪယၫမိအၪထၪ့လီၫ.- ယၧၩ,စဒၫ့နအ့ လၭယီၩ,ယယိဆၧတၭ,ယိခွါ, ၦဂူၫဂၩနံၫဂၩဆၧၫ့ထုၪ့ ဝ့ၫ,လဂၩလၧထံၫနဲၩ့အယီၩလခီၫ, အလဂၩလၧထံၫ 6 နဲၩ့ဝါလခီၫလီၫ.- တၭၦစံၭၦကီၩ့ၥိၭဝ့ၫ လၧဆၧဘွၩ ဖျ့ၫလံၬကံၭလၧအအီၪဝ့ၫလၧထံၫအဖၫ့ခိၪနီၪ, ဆၧလၩ့ 7 လၭလဖၪအထုၬနီၪမိအီၪဆံၭယံၬလဲၪ.- ယနါဂၧၫ့ၦ လၧအကီၩ့ၥိၭဝ့ၫ လၧဆၧဘွၩဖျ့ၫလံၬကံၭလၧအအီၪ, ဝ့ၫလၧထံၫအဖၫ့ခိၪလဂၩအလူတၭ, ယူၬထၪ့အစူၪ ထွ့ၪဒဲအစူၪစ့ၪလၧမူၭခိၪတၭ, ဆိၪလၩ့အၥၭလၧဆၧ အမၧၫ့ဝ့ၫလၩ့ဆိၩလၩ့ကၠၪလဂၩအမ့ၬယၫတၭ, စံၭ ဝ့ၫ,မိအီၪဝ့ၫလၧအထီလထီ, ဒဲအထီလဖၪ,ဒဲဖိၭဖၫ့လ ထီအဂးလီၫ. တၭထီးဆၧမၩလၩ့ဘျ့ၭၦခမျၧးဆံၫ့ဎံၪ အစီၩ့အမၩ့တၭ, ဆၧထီးအလူၬနီၪမိမၩဎွ့ၩအၥၭလီၫ.

8 ယနါဂၧၫ့ဆၧလါနၫ့တၭ,ယနၪၥ့ၪအ့ၬ. တၭယစံၭ, ယကဆါဧ့, ဆၧလဖၪနီၪအထုၬ မိမၩအၥၭဘဲၫၥ့ၪ 9 လဲၪ.- အဝ့ၫဒၪစံၭဝ့ၫ, စဲၪ့ထၪ့တၭ, စဒၫ့နအ့လၭဧ့,အ ဂဲးဘဲၫယီၩဆၧချဲၩ့နီၪကၭဘံၭထၬယူၭအၥၭယူၭ, စဲၩ နဲၪ့ထၬယူၭအၥၭ ထီးဆၧအထီအထုၬ ဘၪဝ့ၫလီၫ. 10 ၦအၪဂၩမိဘၪဆၧမၩဆံၫ့ထၪ့ဝ့ၫတၭ, မိဘွၩဝ့ၫတၭ, မိဘၪဆၧမၩခွါဝ့ၫဒၪလီၫ. အ့ၪမွဲၦလတီၩလလီၩ့ဘၪ လဖၪနီၪမိမၩဆၧလတီၩလလီၩ့ဘၪတၭ, ၦလတီၩလ လီၩ့ဘၪနီၪမိနၪၥ့ၪဝ့ၫနးဂၩအ့ၬ. အ့ၪမွဲၦကိၪ့ဆၧၥ့ၪလ 11 ဖၪနီၪမိနၪၥ့ၪဆၧလီၫ.- လၧဆၧအထီလၧဆၧမိအီၪက့ၪ ခွံၬဆၧလုလနံၩဘၪလနံၩတၭ, လၧဆၧအီၪက့ၪထၪ့ ဆၧၥၭလိၪအဆၧလၧအမၩယူ ဆၧလံၩလံၩနီၪအနံၩ 12 မိအီၪလထီၫ့နံၫယၩခွံၫဆံၫလီၫ.- ၦလၧအအီၪခိၭဆၧ ဒဲထီၩ့ဝ့ၫလၧလထီၫ့ၥၧၫ့ယၩၥၧၫ့ဆံၫယဲနံၩနီၪ ဘၪဆိၪ 13 ဂ့ၩဝ့ၫလီၫ.- အ့ၪမွဲနဝ့ၫဒၪယီၩ, လ့ၩဆၧထီးအထုၬ ဆံၭ.တၭနမိအီၪပွံၭဒဲ ဆၧၫ့ထုၪ့လၧနလးဒၪနဝ့ၫလၧ မုနံၩလဖၪအထုၬနီၪလီၫ.