47
1 စယိၥၭဂဲၫလီၩဘၪဖၫရိၫတၭစံၭဝ့ၫဒၪ ယဖါ, ဒဲယ ထၧၫ့ဖုဝဲလဖၪ, ဒဲအၥိၪဒဲအဘ့ၪၥံၪ, ဒဲအချီလဖၪ, ဒဲက ယဲအဆၧအီၪထီးအလူၬနီၪဂဲၫထၪ့ လၧခးကၫနအၫ့အ ဖၧၩ့တၭ, ယိခွါ, အဝ့ၫၥံၪအီၪဝ့ၫ လၧခးဂိၡံၫ့အဖၧၩ့နီၪ
2 လီၫ.- တၭအဝ့ၫမၩန့အထၧၫ့ဖုဝဲလနၩ့, ၦယဲဂၩတၭ,
3 အီၪက့ၪဝ့ၫလၧဖၫရိၫအမ့ၬယၫလီၫ.- တၭဖၫရိၫစံၭအ ထၧၫ့ဖုဝဲနီၪ, မွဲနၥံၪမၩဆၧနီၪလမံၩ့လဲၪ, တၭအဝ့ၫၥံၪ စံၭဖၫရိၫ, နဎီးနၡၩ, မွဲၦယူၬၥိၪဒဲဘ့ၪ, ပဝ့ၫဒၪ, ဒဲပဖါလ
4 ဖၪဆ့လီၫ.- တၭအဝ့ၫၥံၪစံၭဖၫရိၫ, ဘဲၫၥိၭပမိအီၪမွံၩ လၧခးဖၧၩ့ယီၩ အၥိၭတၭ, ပဂဲၫပဝ့ၫလီၫ. အဂဲးဘဲၫ ယီၩနဎီးနၡၩအၥိၪဒဲအဘ့ၪလဖၪ အဆၪအီၪအ့ၬ. ဆၧ ၥၭဝံလၩ့ဒိၩအီၪဝ့ၫ လၧခးကၫနအၫ့အဖၧၩ့နၭမၬ အ ဂဲးလီၫ. တၭဘိၩ့နဲၪ့ယီၩ, ဒုၭအီၪလါနဎီးနၡၩ, လၧ ခးဂိၡံၫ့အဖၧၩ့နီၪဆံၭ.
5 ဖၫရိၫစံၭစယိၥၭတၭ, စံၭဝ့ၫဒၪ, နဖါဒဲနထၧၫ့ဖုဝဲဂဲၫ
6 လၧနအီၪလီၫ.- ခးအံဇံၭအီၪဝ့ၫလၧနမ့ၬယၫလီၫ. ဒုၭ အီၪနဖါ, ဒဲနထၧၫ့ဖုဝဲလဖၪ, လၧအလးအဂ့ၩထုၬလၧ ခးဖၧၩ့ဒုၭအီၪလၧခးဂိၡံၫ့နီၪဆံၭ. နအ့ၪၥ့ၪယၫၦလၧ အကျၩနီၪလၧအမၩဆၧၥ့ၪတၭ, အီၪက့ၪအဝ့ၫၥံၪလၧ ယဆၧဖိၪဆၧဎါအဒီၪ့အဒိၪလဖၪဆံၭ.
7 စယိၥၭၥိၫ့ထၪ့အဖါစယၫကူၭ, အီၪက့ၪဝ့ၫ လၧဖၫ
8 ရိၫအမ့ၬယၫတၭ, စယၫကူၭဆိၪဂ့ၩဖၫရိၫလီၫ.- တၭ
9 ဖၫရိၫစံၭစယၫကူၭနီၪ, မွဲနၥၭၡါဎွ့နံၪ့ယူၭလဲၪ.- တၭ စယၫကူၭစံၭဖၫရိၫ, ယအီၪမွံၩအနံၪ့အလၩလဖၪနီၪ မွဲအနံၪ့လယၩၥၧၫ့ဆံၫလီၫ. ယၥၭမၧၫ့အနံၪ့အလၩ လဖၪနီၪ, မွဲၡၩနံၩၡၩၥၫ့တၭ, အၧၩ့ဝ့ၫနၭဝ့ၫလီၫ. တၭ ယဖါလဖၪအၥၭမၧၫ့အနံၪ့ အလၩအမုနံၩလဖၪ, လၧ
10 အအီၪမွံၩအမုနံၩအကျၩနီၪ, ယချႃၭန့ဒံၭအ့ၬ.- စယၫ ကူၭဆိၪဂ့ၩဖၫရိၫတၭ, စဲၪ့ထၪ့ခွံၬလၧအမ့ၬယၫလီၫ.
11 စယိၥၭအီၪက့ၪအဖါ, ဒဲအထၧၫ့ဖုဝဲၥံၪအလးတၭ, ဖ့ၪလၫ့အဝ့ၫၥံၪ အဆၧဖီၪ့ထၬ လၧခးအံဇံၭအဖၧၩ့, လၧအလး အဂ့ၩထုၬ လၧခးဖၧၩ့, လၧရၫမစ့ၫ အခး
12 ဖၧၩ့ဘဲၫဖၫရိၫမၪလူၬဝ့ၫအၥိၭနီၪလီၫ.- တၭစယိၥၭ လုအၪ့လုအီၩအဖါ, ဒဲအထၧၩ့ဖုဝဲၥံၪ, ဒဲအဖါအဂံၪ့ဖိၪ ထီးအလူၬလၧဆၧအၪ့, ဘဲၫဖိၪဒံၩဖိၪၥၪအနိၭအီၪဝ့ၫ အၥိၭနီၪလီၫ.
13 တၭဆၧအၪ့ လၧထံၫၥံၪခးၥံၪ ထၧၫ့ခးယၫ အဖၧၩ့ နီၪ,အီၪလၧၩ့ဝ့ၫအ့ၬ. အဂဲးဘဲၫယီၩ ဆၧၥၭဝံလၩ့ဒိၩ နၭနၭလ့ၬလီၫ. တၭၦအံဇံၭဖိၪဒဲၦကၫနအၫ့ဖိၪအၥၭ
14 လၩ့ဆါလၧဆၧၥၭဝံလၩ့ဒိၩအကၠီၩ့နီၪလီၫ.- တၭစယိ ၥၭအၪ့ထုၫ့ကီၪ့စ့ၩ လၧကယဲဆၧဒၪန့ဝ့ၫ လၧခးအံဇံၭ အဖၧၩ့, ဒဲလၧခးကၫနအၫ့အဖၧၩ့, လၧၦဎွ့ၩဘုၪၥံၪဂူၫ ၥံၪအဂးလီၫ. စယိၥၭဂဲၫဆိၬစ့ၩနီၪ လၧဖၫရိၫအဂံၪ့
15 ဖၧၩ့လီၫ.- စ့ၩလူၬဝ့ၫလၧခးအံဇံၭအဖၧၩ့, ဒဲလၧခး ကၫနအၫ့အဖၧၩ့တၭ, ကယဲၦအံဇံၭဖိၪဂဲၫလၧစယိၥၭ အအီၪတၭ, စံၭဝ့ၫဒၪ, ဖ့ၪလၫ့ပၧၩလၧဆၧအၪ့ဆံၭ. မွဲ ဘၪနီၫလၧပမိၥံၫ လၧနမ့ၬယၫနီၪလဲၪ. မွဲစ့ၩလူၬယူၭ
16 အဂဲးလီၫ.- စယိၥၭစံၭဝ့ၫဒၪ, စ့ၩအ့ၪလူၬတၭ, ဖ့ၪလၫ့ ယၧၩလၧနၥံၪအဆၧဖိၪဆၧဎါအဒိၩ့နီၪဆံၭ. တၭယ မိဖ့ၪနၥံၪအဆၧလၧနၥံၪ အဆၧဖိၪဆၧဎါအဒိၩ့အဂး
17 လီၫ.- အဝ့ၫၥံၪဂဲၫဆိၬဆၧဖိၪဆၧဎါအဒိၩ့ လၧစယိၥၭ အအီၪတၭ, စယိၥၭဖ့ၪလၫ့အဝ့ၫၥံၪ ဆၧအၪ့လၧကၥ့ၪ အဂး, လၧၥိၪဒဲဘ့ၪအဂး, လၧဆၧဖိၪဆၧဎါအဒိၩ့အ ဂး, ဒဲလၧကၥ့ၪယီၩ့အဂးလီၫ. တၭဆၧလၧနံၪ့လနံၪ့ နီၪ,အဝ့ၫဖ့ၪလၫ့အဝ့ၫၥံၪ ဆၧအၪ့ဆၧအီၩ လၧဆၧဖိၪ ဆၧဎါအဒိၩ့ ထီးအလူၬ အဂးလီၫ.
18 ဆၧလၧနံၪ့လနံၪ့နီၪ ဖီၩ့ခွံၬဝ့ၫတၭ, နံၫနံၪ့လနံၪ့နီၪ အဝ့ၫၥံၪဂဲၫလၧအအီၪတၭ, စံၭဝ့ၫ, ပလအီၪက့ၪၥူၪခွံၬ ဘၪလၧယကဆါလၧစ့ၩလူၬယူၭတၭ, ယကဆါအီၪ လၧဆၧဖိၪဆၧဎါအဒိၩ့လဖၪလီၫ. ဆၧအီၪလၩ့ထး လၧယကဆါအမ့ၬယၫ ကယဲပနၫ့ဆါ, ဒဲပဂၪ့ခိၪလီၫ.
19 ပမိၥံၫလၧနမ့ၬယၫပဝ့ၫဒၪ, ဒဲပဂၪ့ခိၪနီၪမွဲဘၪလဲၪ. ဎွ့ၩ န့ပၧၩ ဒဲပဂၪ့ခိၪ လၧဆၧအၪ့အဂးဆံၭ, တၭပဝ့ၫဒၪ, ဒဲပဂၪ့ခိၪနီၪမိကဲၪထၪ့ဖၫရိၫအဎီးၥံၪလီၫ. တၭဖ့ၪလၫ့ ဆၧချံၫဆၧၥၪ ဘဲၫၥိၭပမိမၧၫ့ဒံၭ, ဘဲၫပထီးၥံၫလဂ့ၩ,
20 ဒဲဂၪ့ခိၪထီးအီၪယူလဂ့ၩနီၪဆံၭ.- တၭစယိၥၭဎွ့ၩန့ ဂၪ့ခိၪလၧခးအံဇံၭ ထၧၫ့ခးယၫအဖၧၩ့ လၧဖၫရိၫအ ဂးလီၫ. အဂဲးဘဲၫယီၩ ၦအံဇံၭဖိၪ အၪ့ဆၫခွံၬ လဂၩ အဆံၬ လဂၩအဆံၬ ဆုၬဆုၬလီၫ. မွဲဆၧၥၭဝံလၩ့ဒိၩ ဘၪဝ့ၫနၭမၬအဂဲးလီၫ. တၭဂၪ့ခိၪကဲၪထၪ့လၧဖၫရိၫ
21 အဆၧလီၫ.- တၭလၧခးအံဇံၭ အနဲၩ့ထံၭထုၬလခီၫ ထီၩ့လၧအထုၬလခီၫဒၪနီၪ, ဒုၭအီၪကီၪ့ၦခမျၧး လၧ
22 ဒိၩ့လဖၪအဖၧၩ့လီၫ.- အ့ၪမွဲၦလုဆၧလဖၪ အဂၪ့ခိၪနီၪ ဎွ့ၩဘၪဝ့ၫအ့ၬး အဂဲးဘဲၫယီၩ အဝ့ၫၥံၪအဆၧလၧဖၫ ရိၫဖ့ၪလၫ့ဝ့ၫနီၪအီၪယူၭတၭ, အဝ့ၫၥံၪအၪ့အဆၧလၧ ဖၫရိၫဖ့ၪလၫ့ဝ့ၫနီၪလီၫ. အခိးမွဲဘဲၫနီၪတၭ, အဝ့ၫၥံၪ
23 အၪ့ဆၫခွံၬအဂၪ့ခိၪအ့ၬ.- တၭစယိၥၭစံၭၦခမျၧးၥံၪ, ယိခွါ,ဆၧလၧမုလနံၩယီၩ, ယဎွ့ၩယူၭနၥံၪဒဲနၥံၪအ ဂၪ့ခိၪလၧဖၫရိၫအဂးယူၭ, ယိခွါ, ဆၧချံၫဆၧၥၪအီၪ
24 လၧနၥံၪအဂးတၭ, နၥံၪမိဎွံၪဆၧလၧဂၪ့ခိၪလီၫ.- တၭ ဆၧမၩအၥၭလၧဆၧအၪထၪ့နီၪ, နၥံၪဘၪဖ့ၪလၫ့လၧ ဖၫရိၫယဲပိၩ့လပိၩ့တၭ, လံပိၩ့နီၪမိကဲၪထၪ့နၥံၪအဆၧ ဒၪနၥံၪဝ့ၫလီၫ. လၧဆံၬၥံၪနၩၥံၪ အချံၫအၥၪအဂး, ဒဲ လၧနၥံၪအဆၧအၪ့ဆၧအီၩအဂး, ဒဲၦလၧနၥံၪအဂံၪ့ ဖိၪအကျၩအဂး, ဒဲလၧနၥံၪအဖိၪဒံၩဖိၪၥၪအဂးလီၫ.
25 တၭအဝ့ၫၥံၪစံၭ, နဒုၭမၧၫ့ယူၭပၧၩယူၭ, မွဲပဘၪဆၧ အခိးအတၩလၧယကဆါအမ့ၬယၫဆံၭ. တၭပမိကဲၪ
26 ထၪ့ဖၫရိၫအဎီးအၡၩလီၫ.- တၭစယိၥၭမၩအီၪထၪ့ ဆၧအထူၫအရူၫလၧခးအံဇံၭအဖၧၩ့ ထၧၫ့ခးယၫ, ထီး မုလနံၩယီၩ ယဲပိၩ့လပိၩ့မိကဲၪထၪ့ဖၫရိၫအဆၧလီၫ. အ့ၪမွဲၦလုဆၧလဖၪအဂၪ့ခိၪနီၪ ကဲၪထၪ့ဖၫရိၫအဆၧ အ့ၬ.
27 စအံၫစရ့လၭအီၪလၧခးအံဇံၭ လၧခးဂိၡံၫ့အဖၧၩ့ တၭ,အီၪလၧဆၧဖီၪ့ထၬလဖၪ လၧအဖၧၩ့တၭ, ၥၪထၪ့
28 ဒဲအၪထၪ့ဝ့ၫဒၪအၪအၪလ့ၬလီၫ.- တၭစယၫကူၭအီၪ ဝ့ၫလၧခးအံဇံၭအဖၧၩ့ လဆံၫနွ့ၫနံၪ့တၭ, စယၫကူၭ
29 အမုနံၩလဖၪနီၪ မွဲလယၩလံဆံၫနွ့ၫနံၪ့လီၫ.- တၭမုနံၩ လၧစအံၫစရ့လၭမိၥံၫနီၪ, ၥုၭဘူၭအၥၭတၭ, အဝ့ၫကိၭ အဖိၪခွၫစယိၥၭတၭ, စံၭဝ့ၫ, ယအ့ၪဘၪခိးဘၪတၩ လၧနမ့ၬယၫတၭ, အီၪက့ၪလါနစူၪ လၧယကံၪထံၭအ ဖၫ့လၬတၭ, မၩယၧၩလၧဆၧအခိးတၩ ဒဲလၧဆၧမွဲဆၧ တီၩဆံၭ. ထီးခုၪ့လၩ့ဘၧၩ့ခွံၬလါယၧၩ လၧအံဇံၭအ
30 ဖၧၩ့လဂ့ၩ.- အ့ၪမွဲယမိမံၫလၧယဖါလဖၪ အၥိၭတၭ, နဘၪဆိၬထၪ့ခွံၬယၧၩ လၧအံဇံၭအဖၧၩ့တၭ, ခုၪ့လၩ့ ဘၧၩ့ယၧၩ လၧအဝ့ၫၥံၪအၥွၪခိၪဖၧၩ့လီၫ. တၭအဝ့ၫ
31 ဒၪစံၭ,ယမိမၩဘဲၫနဆၧချဲၩ့အီၪဝ့ၫအၥိၭလီၫ.- တၭ အဆၧစံၭဝ့ၫဒၪ, ဆိၪလၩ့နၥၭလၧယၧၩဆံၭ. တၭအ ဝ့ၫဆိၪလၩ့အၥၭလီၫ. တၭစအံၫစရ့လၭဘၩဆၧလၧ အလးမံၫအဖၫ့ခိၪလီၫ.