46
1 တၭအံၫစရ့လၭ စဲၪ့ထၪ့ ဒဲကယဲအဆၧအီၪထီးအ လူၬနီၪဂဲၫလၧဘံအၧၫၡံၫဘၫတၭ, လုထၪ့ဆၧလုလဖၪ
2 လၧအဖါစအံစၭ အယွၩလီၫ.- တၭယွၩစံၭ စအံၫစရ့ လၭလၧအဒၪဆၧ လၧယၫလခီၫလၧမုနၩနီၪ စံၭဝ့ၫဒၪ, စယၫကူၭဧ့, စယၫကူၭဧ့, တၭအဝ့ၫဒၪစံၭဝ့ၫ, ယအီၪ
3 ထီးယီၩလီၫ.- တၭၦလဂၩနီၪစံၭဝ့ၫ, ယဝ့ၫဒၪယီၩယ မွဲယွၩ, နဖါအယွၩလီၫ. နလ့ၩလၩ့လၧအံဇံၭ အဖၧၩ့ နီၪ, ထီးၥၭမဲၪလဂ့ၩ, အဂဲးဘဲၫယီၩ ယမိဒုၭကဲၪထၪ့
4 နၧၩလၧၦလဆၨၩဖၭဒိၪထီးနီၪလီၫ.- ယမိလ့ၩလၩ့ လၧနၥိၭလၧအံဇံၭအဖၧၩ့တၭ, ယမိဂဲၫထဲၩ့ဆိၬထဲၩ့ နၧၩတၡါတၭ, စယိၥၭမိအီၪက့ၪအစူၪ လၧနမ့ၬၥၪအ
5 လီၩ့လီၫ.- စယၫကူၭ ဂဲထုၪ့ဝ့ၫ လၧဘံအၧၫၡံၫဘၫ တၭ,စအံၫစရ့လၭအဖိၪခွၫလဖၪ, ဒုၭထူၬအဖါစယၫ ကူၭဒဲအဖိၪဒံၩဖိၪၥၪလဖၪ, ဒဲအဖိၪအမၫၥံၪလၧ လဲၪ့
6 ဖၧၩ့လၧဖၫရိၫအၪ့မၧၫ့လၩ့ဝ့ၫလီၫ.- အဝ့ၫၥံၪမၩန့ဆၧ ဖိၪဆၧဎါ, ဒဲအဆၧဖိၪဆၧလံၩ လၧအန့ဘၪဝ့ၫလၧခး ကၫနအၫ့အဖၧၩ့တၭ, လ့ၩလၩ့လၧအံဇံၭအဖၧၩ့တၭ, စယၫကူၭဒဲအချံၫအၥၪအီၪလၧအၥိၭ ထီးအလူၬလီၫ.
7 အဖိၪခွၫၥံၪ, ဒဲအဖိၪခွၫအဖိၪခွၫၥံၪ အီၪလၧအၥိၭ, ဒဲ အဖိၪမုၪၥံၪ, ဒဲအဖိၪခွၫအဖိၪမုၪၥံၪ, ဒဲအချံၫအၥၪထီး အလူၬလဖၪနီၪ, အဝ့ၫနီၪဆိၬလၩ့ဝ့ၫလၧ အံဇံၭအဖၧၩ့ လီၫ.
8 တၭအယီၩ, မွဲၦအံၫစရ့လၭဖိၪ လၧအဂဲၫလၧအံဇံၭ
9 အဖၧၩ့, စယၫကူၭဒဲအဖိၪခွၫလဖၪအမံၩ့,- စယၫကူၭ အဖိၪဝဲၡါ, စရုဘံၫ့, စရုဘံၫ့အဖိၪခွၫၥံၪ, စဟၫနီၭ, ဒဲစဖၫလုၫ, ဒဲစဟ့ဇရၧၫ့, ဒဲစကၫမဲၫလီၫ.
10 စစံမအၧၫ့အဖိၪခွၫ, မွဲစယ့ၫမုၫအ့လၭ, ဒဲစဟၫမံၫ့, ဒဲစအိၫဟၭ,ဒဲစယၫခံၫ့, ဒဲစဇိဟၫ,ဒဲကၫနအၫ့မုၪအဖိၪခွၫ,
11 စၡၫအၧလၭလီၫ.- တၭစလံဝဲၫအဖိၪခွၫၥံၪ မွဲစဂၧၫ
12 ၡၧၫ့,စကိဟၭ, ဒဲစမရၫရဲၫလီၫ.- တၭစယုဒၫအဖိၪခွၫ ၥံၪ,စအံၫရၫ, စအိနၫ့,ဒဲစၡ့လၫ, ဒဲစဖၫရ့ၭ,ဒဲစဇၫရၫ လီၫ. အ့ၪမွဲစအံၫရၫဒဲစအိနၫ့နီၪ, ၥံၫဝ့ၫလၧခးကၫနအၫ့ အဖၧၩ့လီၫ. တၭစဖၫရ့ၭအဖိၪခွၫၥံၪ, စဟ့ဇရၧၫ့, ဒဲစ
13 ဟၫမၧလၭလီၫ.- တၭစအံစခၫအဖိၪခွၫၥံၪ, စထိလၫ,
14 ဒဲစဖူဝၫ, ဒဲစယိဘၭ, ဒဲစၡံမရၧၫ့လီၫ.- တၭစဇ့ၭဘ လၧၫ့အဖိၪခွၫၥံၪ စစ့ရ့ၭ,ဒဲစအံလၧၫ့, ဒဲစယၫလံလၭ
15 လီၫ.- အနီၪလဖၪမွဲနးလံအၫအဖိၪခွၫ, ဒဲအဖိၪမုၪနးဒံ နၫလၧအဆီၫ့အီၪန့လၧစယၫကူၭအဂး, လၧပၫဒၫ့အၫ ရၫ့အဖၧၩ့နီၪလီၫ. အဖိၪခွၫဒဲအဖိၪမုၪ ထီးအလူၬမွဲၦ
16 ၥၧၫ့ဆံၫၥၧၫ့ဂၩလီၫ.- တၭစဂၭအဖိၪခွၫၥံၪ, စဇံဖအၧၫ့, ဒဲစဟၭဂဲၫ, ဒဲစရှုနဲၫ, ဒဲစအ့ဇဘၫ့, ဒဲစအံရဲၫ, ဒဲစအရိ
17 ဒံၫ,ဒဲစအရံလံၫလီၫ.- တၭစအၭၡၧၫအဖိၪခွၫၥံၪ, စယံ မနၫ, ဒဲစအံရှုၫအၫ, ဒဲစအံစူၫအဲၫ, ဒဲစဘရဲအၫ, ဒဲအ ထၧၫ့ဖုဝဲမုၪနးစံရၫလီၫ. တၭစဘရဲအၫ အဖိၪခွၫၥံၪ,
18 စဟံဘၧၫ, ဒဲစမၫလခံၫအ့လၭလီၫ.- အနီၪမွဲနးဇံလဖၫ လၧစလၫဘၫ့ဖ့ၪလၫ့အဖိၪမုၪ နးလံအၫလဂၩအဖိၪခွၫ ၥံၪလီၫ. တၭၦမုၪနီၪဆီၫ့အီၪန့အဝ့ၫၥံၪ လၧစယၫကူၭ
19 အဂးၦလဆံၫဎူၫဂၩလီၫ.- တၭစယၫကူၭအမၫနးရၫခ့
20 လၭအဖိၪခွၫၥံၪ, မွဲစယိၥၭ, ဒဲစဘံၪ့ယမံၫ့လီၫ.- စမနၭ စ့ၫဒဲစအံဖံၫ့အီၪဖျဲၪဝ့ၫ လၧခးအံဇံၭအဖၧၩ့ လၧစယိ ၥၭအဂးလီၫ. ဒိၩ့အၫ့အၦလုဆၧ, စပီၭတဖံရၫအဖိၪ
21 မုၪ,နးအၭစနၭဆီၫ့ အီၪန့ဝ့ၫလၧအဂးလီၫ.- တၭစဘံၪ့ ယမံၫ့အဖိၪခွၫၥံၪ, စဘံလၫ, ဒဲစဘ့ခၧၫ, ဒဲစအၭၡဘ့ လၭ,စဂံရၫဒဲစနၫအမၫ, ဒဲစအံဟဲၫ, ဒဲစရိၡၫ,စမၧၭပံၫ့,
22 ဒဲစဟၧၭပံၫ့, ဒဲစအၫဒၭလီၫ.- အနီၪလဖၪမွဲနးရၫခ့လၭ အဖိၪခွၫ လၧအအီၪဖျဲၪ လၧစယၫကူၭအဂး, ၦအၥၭ
23 ထီးအလူၬနီၪမွဲလဆံၫလံဂၩလီၫ.- တၭစဒၫ့အဖိၪခွၫ, စဟုၡံၫ့လီၫ. တၭစနၭၥလဲၫ အဖိၪခွၫၥံၪ, စယၫဇအ့
24 လၭ,ဒဲစဂုနဲၫ, ဒဲစယံဇၧၫ, ဒဲစၡံလံၫ့လီၫ.- အနီၪမွဲနး ဘံလဟၫ, လၧစလၫဘၫ့ဖ့ၪလၫ့အဖိၪမုၪ နးရၫခ့လၭ
25 လဂၩအဖိၪခွၫၥံၪလီၫ.- တၭအနီၪဆီၫ့အီၪန့ဝ့ၫ လၧ စယၫကူၭအဂး, ၦအၥၭထီးအလူၬနီၪ မွဲနွ့ၫဂၩလီၫ.
26 တၭလၧစယၫကူၭ အဖိၪခွၫၥံၪအမၫလဖၪအဖၫ့ခိၪ, ကယဲၦအၥၭ လၧအဂဲၫ လၧစယၫကူၭအၥိၭ လၧအံ ဇံၭအဖၧၩ့, လၧအဂဲၫလၧအယးဒံၩ့, ၦအၥၭ ထီးအ
27 လူၬနီၪ, မွဲဎူၫဆံၫဎူၫဂၩလီၫ.- တၭစယိၥၭအဖိၪခွၫလၧ ဆၧအီၪဖျဲၪန့ လၧအဂးလၧအံဇံၭအဖၧၩ့နီၪ မွဲၦအၥၭ နံၫဂၩလီၫ. ကယဲၦအၥၭဘၪဆဲၫ့ လၧစယၫကူၭအဂံၪ့ ဖိၪလဖၪ လၧအဂဲၫလၧအံဇံၭနီၪ, မွဲနွ့ၫဆံၫလီၫ.
28 တၭအဝ့ၫအၪ့မၧၫ့လၩ့ စယုဒၫလ့ၩလၧအမ့ၬယၫ လၧစယိၥၭအအီၪ, ဘဲၫၥိၭအမိဒုၭနဲၪဖၧၩ့ၥၭ လၧအ မ့ၬယၫလၧဂိၡံၫ့တၭ, အဝ့ၫၥံၪထီၩ့လၧခးဂိၡံၫ့အဖၧၩ့
29 နီၪလီၫ.- စယိၥၭတဲၩ့ဝဲၩအလဲၪ့ဖၭဒိၪတၭ, လ့ၩအၪ့ ဂၬအဖါ စအံၫစရ့လၭ လၧဂိၡံၫ့နီၪ, အီၪဖျီၪထၪ့လၧ အမ့ၬယၫတၭ, ထိၪလၩ့ထံၩဖါအၥၭ လၧအခိၬအလီၩ့ တၭ, အမ့ၬထံၫလၩ့ လၧအခိၬအလီၩ့ ထံၪဎးလီၫ.
30 စအံၫစရ့လၭစံၭစယိၥၭ, ယဒၪဘၪနမ့ၬယီၩလၧနမၧၫ့ ဒံၭအကၠီၩ့တၭ, ဘိၩ့နဲၪ့ယီၩ, မွဲယၥံၫဒၪယဝ့ၫဖီၩ.
31 စယိၥၭစံၭအထၧၫ့ဖုဝဲ, ဒဲအဖါအဂံၪ့ဖိၪလဖၪ, ယမိ လ့ၩထၪ့လီၩဘၪဖၫရိၫတၭ, စံၭအဝ့ၫဒၪ ယထၧၫ့ဖုဝဲ ဒဲယဖါအဂံၪ့ဖိၪ, လၧအအီၪယူၭ လၧခးကၫနအၫ့အ
32 ဖၧၩ့နီၪဂဲၫထီၩ့ယူၭလၧယအီၪယူၭ.- တၭၦလဖၪနီၪမွဲ ၦယူၬၥိၪဒဲဘ့ၪလီၫ. အဂဲးဘဲၫယီၩ မွဲၦဘၪဆဲၫ့လၧဆၧ ဖိၪဆၧဎါအဒိၩ့တၭ, ဂဲၫဆိၬအၥိၪဒဲအဘ့ၪလဖၪ, ဒဲအ
33 ချီလဖၪ,ဒဲကယဲ အဆၧအီၪထီးအလူၬလီၫ.- ဆၧမိမၩ အၥၭထီးဖၫရိၫမိကိၭန့နၥံၪတၭ, စံၭ,မွဲနၥံၪမၩဆၧနီၪ
34 လမံၩ့လဲၪနီၪတၭ,- နၥံၪမိဘၪစံၭ,နဎီးနၡၩ, ပဝ့ၫဒၪ, ဒဲပဖါလဖၪ လၧအဖိၪၥၪခွၫထၪ့လံၩလံၩ ခီးဘိၩ့နဲၪ့ ယီၩ,ဘၪဆဲၫ့လၧ ဆၧဖိၪဆၧဎါအဒိၩ့နီၪ, ဘဲၫၥိၭနၥံၪ မိအီၪဘၪလၧခးဂိၡံၫ့အဖၧၩ့လီၫ. အဂဲးဘဲၫယီၩ ကယဲ ၦလၧအယူၬၥိၪဒဲဘ့ၪထီးအလူၬနီၪ, မွဲဆၧဘၪၥၭလိၪ လၧၦအံဇံၭဖိၪအမ့ၬယၫလီၫ.