13
1 စအၫဘြၫ့စဲၪ့ထၪ့ခွံၬလၧအံဇံၭ, အဝ့ၫဒၪ, ဒဲအမၫ, ဒဲကယဲအဆၧအီၪထီးအလူၬ, ဒဲစလီၭ အီၪလၧအၥိၭ
2 တၭ, လ့ၩစိၩဝ့ၫလၧမုခံၫ့လခီၫလီၫ.- တၭစအၫဘြၫ့ လၧၫ့ဎွ့ၩဝ့ၫ လၧဆၧဖိၪဆၧဎါ, ကျိၪၥံၪစ့ၩၥံၪ, ထီၫ့ၥံၪ
3 လွ့ၫၥံၪအၪမၬလီၫ.- တၭလ့ၩဝ့ၫထူထူ လၧမုခံၫ့လခီၫ, ထီၩ့လၧဒိၩ့ဘ့ၫၥလၭ ထီးအလး လၧအတဲၩအီၪလၧ အခၪ့ထံၭလၧဒိၩ့ဘ့ၫၥလၭ ဒဲဒိၩ့ဟၫအဲၫအဘိၩ့ဆၧၩ့,
4 ထီၩ့လၧဆၧလုအလးအီၪ လၧအမၩဝ့ၫလၧအခၪ့ထံၭ လီၫ. တၭစအၫဘြၫ့ ကိၭထၪ့ယဟိဝၩအမံၩ့ ထီးနီၪ လီၫ.
5 တၭစလီၭလၧအလ့ၩဆၧ လၧစအၫဘြၫ့အၥိၭအီၪ ဆ့လၧၥိၪအဒီၪ့လဖၪ, ဒဲချီအဒီၪ့လဖၪ, ဒဲတဲၩလဖၪနီၪ
6 လီၫ.- ဘဲၫၥိၭအဝ့ၫၥံၪမိအီၪစီၪ့ဎးတၭ, ခးလဘံၪ့နီၪ ထီဝါအ့ၬ. အဂဲးဘဲၫယီၩ အဆၧဖိၪဆၧလံၩ အီၪအၪ
7 မၬတၭ, အီၪဝ့ၫလစီၪ့ဎးၥ့ၪဝါအ့ၬ.- တၭၦလၧအယိ စအၫဘြၫ့အဆၧဖိၪဆၧဎါအဒီၪ့လဖၪ, ဒဲၦလၧအယိ စလီၭ အဆၧဖိၪဆၧဎါ အဒီၪ့လဖၪနီၪ, အဲၪ့လိၬဆိၭ ချဲၩ့လိၬအၥၭလီၫ. တၭအထီထီးနီၪ ၦကၫနအၫ့ဖိၪ
8 ဒဲၦပံရ့ၭဖိၪ အီၪဝ့ၫလၧခးဖၧၩ့နီၪလီၫ.- တၭစအၫဘြၫ့ စံၭစလီၭ မွဲဆၧအဲၪ့လိၬဆိၭချဲၩ့ထီးအီၪ လၧယၧၩဒဲနၧၩ, ဒဲၦၡၩယိယဆၧဖိၪဆၧဎါ, ဒဲၦၡၩယိနဆၧဖိၪဆၧဎါ လဖၪနီၪလဂ့ၩ, အဂဲးဘဲၫယီၩ ပဝ့ၫဒၪယီၩပမွဲထၧၫ့ဖုဝဲ
9 လီၫ.- ခးလဘံၪ့ယီၩ အီၪလၧနမ့ၬယၫထၧၫ့ဘံၪ့ယၫ, မွဲအ့ၬဧၪ. မၩလၩ့မုလၩ့ဖၭလါနၥၭ လၧယၧၩဆံၭ, အ့ၪ မွဲလၧနစူၪစ့ၪလခီၫတၭ, ယမိလ့ၩယဝ့ၫလၧစူၪထွ့ၪလခီၫ လီၫ. အ့ၪမွဲလၧစူၪထွ့ၪလခီၫတၭ, ယမိလ့ၩယဝ့ၫလၧ စူၪစ့ၪလခီၫလီၫ.
10 စလီၭကျဲၪ့ထၪ့အမ့ၬတၭ, ဒၪဘၪယီၫဒၫ့အဆၧပျၩ့ ဖၧၩ့ထၧၫ့ဘံၪ့ယၫ လၧအဘၪစီၪထၧၫ့ဘံၪ့ယၫ (ယဟိ ဝၩမၩဂၭဂီၩ့စီဒၧၫ့ဒဲဂမီရၫဒံၭအ့ၬ,) တၭဘဲၫယဟိဝၩ အကျိၭအၥိၭ, ဘဲၫခးအံဇံၭထီးနလ့ၩနုၬ လၧဇိအၫအ
11 ဖၧၩ့အလးနီၪလီၫ.- တၭစလီၭရွံန့ယီၫဒၫ့ အဆၧပျၩ့ ဖၧၩ့ထၧၫ့ဘံၪ့ယၫ လၧအနၫ့ဆါအဂးလီၫ. စလီၭစဲၪ့ ထၪ့လ့ၩဝ့ၫစိၩမုထၪ့လခီၫတၭ, အဝ့ၫၥံၪလၩ့မုလၩ့ဖၭ လိၬအၥၭလီၫ.
12 စအၫဘြၫ့အီၪဝ့ၫ လၧခးကၫနအၫ့အဖၧၩ့တၭ,စလီၭ အီၪဝ့ၫလၧဆၧပျၩ့အဒိၩ့ၥံၪ အဖၧၩ့တၭ, ၥုၪ့အတဲၩဖိး
13 လၧစီဒၧၫ့လခီၫလီၫ.- တၭစီဒၧၫ့အၦၡၩလဖၪနီၪ မွဲၦအ အၧၩ့ ဒဲၦဆၧဒဲၩဘၭဖိၪ လၧယဟိဝၩအမ့ၬယၫဒိၪမၬ လီၫ.
14 လၧစလီၭ လၩ့မုလၩ့ဖၭ လၧအဝ့ၫဒၪ အလးခဲၫ့နီၪ ယဟိဝၩ စံၭစအၫဘြၫ့, ကျဲၪ့ထၪ့နမ့ၬတၭ, ထီးနအီၪ အလးနီၪယိထၪ့လၧမုဖၩ, ဒဲမုခံၫ့, ဒဲမုထၪ့, ဒဲလၧမုနုၬ
15 နီၪဆံၭ.- အဂဲးဘဲၫယီၩ ခးလၧနဒၪဘၪနီၪ ယမိဖ့ၪလၫ့ နၧၩထၧၫ့ဘံၪ့ယၫ, ဒဲလၧနချံၫနၥၪ အဆိၩဆိၩအကၠၪ
16 ကၠၪလီၫ.- ယမိဒုၭအီၪနချံၫနၥၪ ဘဲၫဂၪ့ခိၪမုၬ အၥိၭ တၭ,ၦဝံထၪ့နၬထၪ့ ဂၪ့ခိၪမုၬနီၪအ့ၪၥ့ၪတၭ, မိဝံထၪ့
17 နၬထၪ့နချံၫနၥၪဆ့လီၫ.- ဂဲထုၪ့ဘီၪ, လ့ၩထၪ့လၧခး ဖၧၩ့ခၫ့ဂၬ လၧအဖၭထီၫလခီၫ, လၧအဒၪ့ဎၩ့လခီၫနီၪ ဆံၭ. အဂဲးဘဲၫယီၩ ယမိဖ့ၪလၫ့လၧနၧၩလီၫ.
18 စအၫဘြၫ့ ၥုၭအတဲၩတၭ, လ့ၩအီၪဝ့ၫထီၩ့မၫမရံၫ အၥံၪ့ထိၭဖၫ လၧအအီၪလၧဒိၩ့ဟံဘြၧၫ့တၭ, မၩထၪ့ ဆၧလုအလး လၧယဟိဝၩအဂး ထီးနီၪလီၫ.