12
1 တၭယဟိဝၩစံၭစအၫဘြၫ့နီၪ, စဲၪ့ထၪ့ခွံၬနဝ့ၫလၧ နထံၫနခးအဖၧၩ့, ဒဲလၧနဘူၭနထံးအအီၪ, ဒဲလၧနဖါ အဂံၪ့ဖၧၩ့, လ့ၩလၧခးလဘံၪ့ လၧယမိဒုၭနဲၪနၧၩနီၪ
2 ဆံၭ.- ယမိဒုၭကဲၪထၪ့နၧၩ လၧၦလဆၨၩဖၭဒိၪတၭ, ယမိဆိၪဂ့ၩနၧၩ ဒဲယမိမၩဒိၪနမံၩ့တၭ, နမိကဲၪထၪ့ဆၧ
3 ဆိၪဂ့ၩလီၫ.- တၭၦလၧအဆိၪဂ့ၩနၧၩနီၪ, ယမိဆိၪ ဂ့ၩအဝ့ၫၥံၪ, ဒဲၦလၧအမၩကြၩ့ထမးနၧၩနီၪ, ယမိဆိၪ အၧၩ့အဝ့ၫၥံၪလီၫ. တၭၦဂၪ့ခိၪဖိၪ အဂံၪ့ဒီၪ့လဖၪထီး အလူၬနီၪ မိဘၪဆၧဆိၪဂ့ၩ လၧနဖၧၩ့လီၫ.
4 စအၫဘြၫ့စဲၪ့ထၪ့ခွံၬ ဘဲၫယဟိဝၩ မၪလူၬဝ့ၫအၥိၭ နီၪတၭ, စလီၭလ့ၩဝ့ၫ လၧအၥိၭလီၫ. တၭလၧစအၫ ဘြၫ့စဲၪ့ထၪ့ခွံၬဝ့ၫ လၧဟၫရၫ့အဖၧၩ့နီၪ, အၥၭၡါယူၭ
5 အနံၪ့နွ့ၫဆံၫယဲနံၪ့လီၫ.- စအၫဘြၫ့မၩန့အမၫ နးစၫ ရ့ၫဒဲအမၧၩ့စလီၭ, ဒဲကယဲအဆၧဖိၪဆၧလံၩ လၧအ မၩန့ဝ့ၫ, ဒဲၦၡၩလၧအန့ဘၪဝ့ၫ လၧဟၫရၫ့အဖၧၩ့တၭ, စဲၪ့ထၪ့ခွံၬဝ့ၫ ဘဲၫၥိၭအမိလ့ၩ လၧခးကၫနအၫ့တၭ, လ့ၩနုၬလၧခးကၫနအၫ့ အဖၧၩ့လီၫ.
6 တၭစအၫဘြၫ့ ခၫ့ဂၬဆၧလၧခးနီၪ အဖၧၩ့ဖိးလၧၡံ ခံၫ့အလး, ထီးမိရံၫအၥံၪ့ထိၭဖၫနီၪလီၫ. အထီထီးနီၪ
7 ၦကၫနအၫ့ဖိၪအီၪဝ့ၫ လၧခးနီၪလီၫ.- ယဟိဝၩမၩဖျီၪ ထၪ့အၥၭလၧစအၫဘြၫ့တၭ, စံၭဝ့ၫဒၪ, ယမိဖ့ၪလၫ့ခး လဘံၪ့ယီၩလၧနချံၫနၥၪလီၫ. တၭထီးနီၪမွဲအမၩထၪ့ ဆၧလုအလး လၧယဟိဝၩ လၧအမၩဖျီၪထၪ့အၥၭလၧ အမ့ၬယၫအဂးလီၫ.
8 အဝ့ၫဒၪစဲၪ့ထၪ့ခွံၬဝ့ၫထီးနီၪ ထီၩ့လၧခိၪလီၩ့လဖျိၪ့ အီၪလၧဒိၩ့ဘ့ၫၥလၭ အမုထၪ့လခီၫတၭ, ၥုၪ့အတဲၩ နီၪ,ဒိၩ့ဘ့ၫၥလၭ အီၪလၧမုနုၬလခီၫ, ဒဲဒိၩ့ဟၫအဲၫလၧ မုထၪ့လခီၫလီၫ. မၩဆၧလုအလးထီးနီၪ လၧယဟိဝၩ
9 အဂးတၭ, ကိၭထၪ့ယဟိဝၩအမံၩ့လီၫ.- စအၫဘြၫ့စဲၪ့ ထၪ့ခွံၬဝ့ၫတၭ, ၥုၭအလးစိၩမုခံၫ့ လခီၫလီၫ.
10 ဆၧၥၭဝံလၩ့ဒိၩ အီၪထၪ့လၧခးဖၧၩ့နီၪတၭ, စအၫ ဘြၫ့လ့ၩလၩ့ဝ့ၫ လၧအံဇံၭ ဘဲၫၥိၭအမိအီၪၦမွံၩ ထီး နီၪလီၫ. အဂဲးဘဲၫယီၩ ဆၧၥၭဝံလၩ့ဒိၩနီၪ အီၪနၭမၬ
11 လၧခးဖၧၩ့နီၪလီၫ.- တၭဆၧမၩအၥၭ ဘူၭလၧအမိ လ့ၩနုၬလၧအံဇံၭနီၪ, စံၭအမၫနးစၫရ့ၫ, ယိခွါ, ၦယိ နၧၩလမံၩ့ယၥ့ၪယၫ လၧနမွဲၦမုၪ အဎံၫအလၩလီၫ.
12 ဆၧမိမၩအၥၭ ထီးၦအံဇံၭဖိၪဒၪဘၪနၧၩတၭ, မိစံၭဝ့ၫ, ၦလဂၩယီၩ မွဲအဝ့ၫနီၪ အမၫလီၫ. အဝ့ၫၥံၪ မိမၩၥံၫ
13 ယၧၩတၭ, အ့ၪမွဲနဝ့ၫဒၪ မိဒုၭမၧၫ့ဒံၭနၧၩလီၫ.- တၭ စံၭလါလၧနမွဲ ယထၧၫ့ဖုဝဲမုၪ ဘဲၫၥိၭဆၧမိမၩဂ့ၩယၧၩ လၧနကၠီၩ့နီၪဆံၭ. တၭယၥၭမိမၧၫ့ဒံၭ လၧနကၠီၩ့လီၫ.
14 ဆၧမၩအၥၭ ထီးစအၫဘြၫ့ နုၬလၧအံဇံၭအဖၧၩ့ တၭ,ၦအံဇံၭဖိၪ ဒၪဘၪၦမုၪနီၪ လၧအဎံၫလၩဒိၪမၬ
15 လီၫ.- ဖၫရိၫအၦဒိၪဖၭဒိၪလဖၪ ဒၪဘၪဝ့ၫနီၪ စံၭထၪ့ အၪ့အူၭဝ့ၫ လၧဖၫရိၫအမ့ၬယၫတၭ, ဆၧမၩန့ၥိၫ့ထၪ့
16 ဝ့ၫလၧဖၫရိၫအဂံၪ့ဖၧၩ့လီၫ.- အဝ့ၫဒၪမၩဂ့ၩ စအၫ ဘြၫ့လၧအကၠီၩ့တၭ, အဝ့ၫနီၪအီၪလၧၥိၪဒဲချီ, ဒဲကၥ့ၪ ယီၩ့အဖၫ, ဒဲဎီးခွၫ, ဒဲဎီးမုၪ, ဒဲကၥ့ၪယီၩ့အမိဒဲကလအူၭ
17 ၥံၪလီၫ.- တၭယဟိဝၩစ့ၩရၫ့ ဖၫရိၫဒဲအဂံၪ့ဖိၪလၧဆၧ ဆၫဖၭဒိၪလဖၪ လၧစအၫဘြၫ့အမၫ နးစၫရ့ၫအကၠီၩ့
18 လီၫ.- ဖၫရိၫကိၭန့စအၫဘြၫ့တၭ, စံၭဝ့ၫဒၪ, နမၩယၧၩ လၧဆၧနီၪလမံၩ့လဲၪ. အဝ့ၫလဂၩယီၩမွဲနမၫနီၪ, နလ
19 လီၩဘၪယၧၩမွဲဘၪလဲၪ.- အယီၩမွဲယထၧၫ့ဖုဝဲမုၪနီၪ, နစံၭမွဲဘၪလဲၪ. တၭယမိမၩန့ကၪယူၭ လၧယမၫလီၫ. တၭဘိၩ့နဲၪ့ယီၩ, ယိခွါ, မၩန့နမၫတၭ, စဲၪ့ထၪ့ခွံၬဘီၪ.
20 ဖၫရိၫမၪလူၬ အခ့ၫအၡၩ လၧအဂဲးအကၠီၪ့တၭ, အဝ့ၫၥံၪၥိၫ့ထၪ့ခွံၬ အဝ့ၫဒၪဒဲအမၫ, ဒဲကယဲဆၧလၧအ အီၪလၧအစူၪဖၧၩ့ ထီးအလူၬလီၫ.