35
1 စမိစ့ၭဒုၭအီၪကီၪ့ ၦအံၫစရ့လၭဖိၪ အဆၧအီၪကီၪ့ ထီးအလူၬတၭ, စံၭဝ့ၫ, အယီၩမွဲဆၧချဲၩ့လၧယဟိဝၩ
2 မၪလူၬဝ့ၫလၧနၥံၪဘၪထီးန့ဝ့ၫလီၫ.- ဎူၫနံၩလဖၪနၥံၪ ဘၪမၩဆၧမၩလီၫ. အ့ၪမွဲနွ့ၫနံၩလနံၩနီၪ မိကဲၪထၪ့ ဆၧအီၪပွံၭဆံၫ့ဎံၪ လၧနၥံၪအဂး, ဆၧအီၪပွံၭလၧယ ဟိဝၩအဂးလီၫ. ကယဲၦလၧအမၩဆၧမၩ လၧအဖၧၩ့
3 နီၪမိဘၪဆၧမၩၥံၫဝ့ၫကိၭဂၩဒ့ၭလီၫ.- လၧမးၥံၫအနံၩ နီၪထီးမၩခဲၩမ့ၪလၧနၥံၪအီၪ အလးနးစီၪ့လဂ့ၩ.
(၂မိ ၂၅:ၥ-၉).
4 စမိစ့ၭချဲၩ့ဒုၪ့ ၦအံၫစရ့လၭဖိၪ အဆၧအီၪကီၪ့ထီး အလူၬတၭ, စံၭဝ့ၫဒၪ, ဆၧယီၩမွဲဆၧလၧယဟိဝၩမၪ
5 လူၬဝ့ၫတၭ, စံၭဝ့ၫဒၪ,- အၪ့မၩန့ဆၧမၩဘိၪ့လၧယဟိ ဝၩအဂး လၧနၥံၪအကျၩနီၪဆံၭ. ထီးဒၪၦလၧအၥၭ အီၪလၧအမိဖ့ၪလၫ့ဒၪဆၧ လဂၩလါလါနီၪ, မွဲအဂဲၫဆိၬ ဆၧမၩဘိၪ့လၧယဟိဝၩအအီၪဆံၭ. ထီၫ့, ဒဲစ့ၩ,ဒဲထီး
6 ဝီၩ,- ဒဲဆၧလၫ, ဒဲဆၧဝီၩလုၭ, ဒဲဆၧဝီၩ, ဒဲဆၧဘွၩ
7 ဖျ့ၫလံၬကံၭ ဒဲဘ့ၪအဆီၪ့,- ဒဲၥိၪဖၫအဖံၭဝီၩ ဒဲတဟၫ
8 ၡၭအဖံၭ, ဒဲၥံၪ့ၡံၭတၫ,- ဒဲၥိၪလၧမ့ၪဒိၩ့အဂး, ဒဲဆၧ နၧၫ့မၧၫ့လၧၥိၪဂုၪဆၧအဂး, ဒဲလၧဆၧဆူၭခဲၩနၧၫ့မၧၫ့
9 အဂး,- ဒဲထၫ့မျါမဟူၫယၫ, ဒဲလိးလၧအမၩဎွ့ၩထၪ့ လၧအ့ဖိၭအဂး, ဒဲလၧၥၭနၫပဒၩ့အဂးလီၫ.
(၂မိ ၃၉;၃၂-၄၃).
10 တၭကယဲၦလၧအၥၭကိၪ့ဆၧၥ့ၪ လဂၩလါလါနီၪ ဘၪဂဲၫ, ဒဲမၩ ဆၧလၧယဟိဝၩမၪလူၬဝ့ၫ ထီးအလူၬလီၫ.
11 တဲၩဆံၫ့ဎံၪ, ဒဲအတဲၩ, ဒဲအဆၧခိၪကျၭအနိၪပုၭလဖၪ, ဒဲအၥံၪ့ပၪလဖၪ, အနိၪယိၭဘီၩ့လဖၪ, အထုၪ့လဖၪ,
12 ဒဲအခၪ့ဖျၪ့လဖၪ,- တလၫဒဲအနိၪယိၭဘီၩ့လဖၪ, ဆၧယၫ့ၥၭအလး, ဒဲဆၧချႃၬဘံၭအဆၧကဲၩ့ယၬတၭ,
13 စပွဲ,ဒဲအနိၪယိၭဘီၩ့လဖၪ, ဒဲအထွ့ၫထီးအလူၬ, ဒဲဆၧ
14 မ့ၬယၫအကိၪ,- ဒဲမ့ၪဒိၩ့မိၡါလၧဆၧဖၩ့အဂး, ဒဲအဆၧ ဖိၪဆၧလံၩလဖၪ, ဒဲအမ့ၪဒိၩ့လဖၪ, ဒဲၥိၪလၧဆၧဖၩ့
15 အဂး,- ဒဲဆၧလုလးဆူၭခဲၩဆၧနၧၫ့မၧၫ့, ဒဲအနိၪယိၭဘီၩ့ လဖၪ ဒဲၥိၪဂုၪဆၧဒဲဆၧဆူၭခဲၩနၧၫ့မၧၫ့, ဒဲဆၧလၩ့ဆဲၩနီၪ လၧတရၫ့အဂး လၧဆၧလ့ၩနုၬလၧတဲၩဆံၫ့ဎံၪအဖၧၩ့,
16 ဒဲဆၧလုမ့ၪအလး, ဒဲအဖံၫ့ချၪထီးဝီၩ, အနိၪယိၭဘီၩ့ လဖၪ, ဒဲအဆၧဖိၪဆၧလံၩထီးအလူၬ, အံၪ့ဒိၩ့ဒဲအ
17 ခၪ့,- ဆၧအဝၩ့အဆၧလၩ့ဆဲၩလဖၪ, အထုၪ့လဖၪဒဲအ ခၪ့ဖျၪ့လဖၪ, ဒဲဝၩ့အတရၫ့အဆၧလၩ့ဆဲၩလဖၪတၭ,
18 တဲၩဆံၫ့ဎံၪအနိၪစဲၩလဖၪ, ဒဲဝၩ့အနိၪစဲၩလဖၪ, ဒဲအ
19 ဖျံၩလဖၪ,- ဆၧအကီၩ့အၥိၭဘၪဆဲၫ့ လၧဆၧမၩအခ့ၫ အၡၩအဆၧ လၧအမိမၩဆၧလၧလးဆံၫ့ဎံၪအဖၧၩ့, ဆၧအကီၩ့အၥိၭဆံၫ့ဎံၪ လၧၦလုဆၧစအၫရၧၫ့အဂး, ဒဲအဖိၪခွၫလဖၪ အကီၩ့အၥိၭ ဘဲၫၥိၭအမိမၩၦလုဆၧ အဆၧမၩလီၫ.
20 တၭၦအံၫစရ့လၭဖိၪ အဆၧအီၪကီၪ့ ထီးအလူၬနီၪ
21 စဲၪ့ထၪ့ခွံၬလၧစမိစ့ၭအမ့ၬယၫလီၫ.- တၭအဝ့ၫၥံၪဂဲၫ ထီၩ့ဝ့ၫကယဲၦလၧအၥၭထိၪဂဲၩဝ့ၫ ဒဲကယဲၦလၧအၥၭ အီၪထၪ့ဒၪဆၧလဖၪဆုၬဆုၬနီၪ, မွဲအဂဲၫဆိၬဆၧမၩ ဘိၪ့ယဟိဝၩ လၧဆၧမၩဘၪဆဲၫ့ လၧဆၧအီၪကီၪ့အ တဲၩဆံၫ့ဎံၪအဂး, ဒဲလၧအဆၧမၩထီးအလူၬ အဂး,
22 ဒဲလၧဆၧအကီၩ့အၥိၭဆံၫ့ဎံၪအဂးလီၫ.- အဝ့ၫၥံၪ ဂဲၫလၧၦခွၫဒဲၦမုၪ ကယဲၦလၧအၥၭ အီၪထၪ့ဒၪဆၧ တၭ,ဂဲၫဆိၬအထဲၫ့ဎွံၪ, ဒဲနါဒံၭ, ဒဲစူၪၥံၭဒဲဖဲၫ, အက ယၧၩ့ထီၫ့ထီးအလူၬလီၫ. ၦလၧအမၩဘိၪ့ဆၧနီၪ, မၩ ဘိၪ့ထီၫ့ၥံၪ လွ့ၫၥံၪ လၧယဟိဝၩအဂး ကိၭအဂၩဒ့ၭ
23 လီၫ.- တၭကယဲၦလၧအအီၪလၧဆၧလၫ, ဒဲဆၧဝီၩလုၭ, ဒဲဆၧဝီၩ, ဒဲဆၧဘွၩဖျ့ၫလံၬကံၭ, ဒဲဘ့ၪအဆီၪ့ ဒဲၥိၪဖၫ ဖံၭဝီၩ, ဒဲတဟၫၡၭအဖံၭနီၪ ဂဲၫဆိၬဝ့ၫကိၭအဂၩဒ့ၭ
24 လီၫ.- တၭကယဲၦလၧအမၩဘိၪ့ဆၧလၧစ့ၩ, ဒဲထီးဝီၩ နီၪ, ဂဲၫဆိၬယဟိဝၩအဆၧမၩဘိၪ့လီၫ. တၭကယဲၦခွၫ လၧအအီၪလၧၥံၪ့ရှံၭတၫလၧဆၧမၩ လမံၩ့လါလါအ
25 ဂးနီၪ, ဂဲၫဆိၬဝ့ၫကိၭအဂၩဒ့ၭလီၫ.- ကယဲၦမုၪလၧအ ကိၪ့ဆၧၥ့ၪလဂၩလါလါနီၪ, ဝံၭဎဲၩ့လူၪလၧအစူၪတၭ, ဂဲၫဆိၬဆၧလၧအဝံၭဝ့ၫနီၪ, ဆၧလၫ, ဒဲဆၧဝီၩလုၭ, ဒဲ
26 ဆၧဝီၩ, ဒဲဆၧဘွၩဖျ့ၫလံၬကံၭလီၫ.- ကယဲၦမုၪလၧအ
27 ၥၭထိၪဂဲၩအကိၪ့ဆၧၥ့ၪနီၪ, ဝံၭဘ့ၪအဆီၪ့လီၫ.- တၭ ၦဒိၪလဖၪဂဲၫဆိၬထၫ့မျါမဟူၫယၫ, ဒဲလိးလၧအမိမၩ
28 ဎွ့ၩအ့ဖိၭအဂး, ဒဲလၧၥၭနၫပဒၩ့အဂး,- ဒဲဆၧနၧၫ့မၧၫ့, ဒဲၥိၪလၧဆၧဖၩ့အဂး, ဒဲၥိၪလၧဂုၪဆၧအဂး, ဒဲလၧဆၧ
29 ဆူၭခဲၩနၧၫ့မၧၫ့အဂးလီၫ.- တၭၦအံၫစရ့လၭဖိၪ, ဘဲၫ အၥၭအီၪထၪ့ဒၪဆၧအၥိၭနီၪ, ဂဲၫဆိၬအဆၧမၩဘိၪ့ လၧယဟိဝၩအအီၪ, ကယဲၦမုၪ ဒဲၦခွၫ လၧအၥၭထိၪ ဂဲၩဝ့ၫ, ဘဲၫၥိၭအမိဂဲၫဆိၬဆၧ လၧကယဲဆၧမၩအဂး, လၧယဟိဝၩမၪလူၬ လၧအမိဘၪဆၧမၩဝ့ၫ လၧစမိစ့ၭ အစူၪဖၧၩ့ ထီးအလူၬလီၫ.
(၂မိ ၃ဝ:ၥ-ၥၥ).
30 တၭစမိစ့ၭစံၭၦအံၫစရ့လၭဖိၪ, ယိခွါဘီၪ, ယဟိဝၩ ကိၭထၪ့ၦယုဒၫအဒီၪ့ဖိၪ, စဟၧအဖိၪခွၫ, စယုရဲၫအ
31 ဖိၪခွၫ, စဘ့ၫဇလံလၭလၧအမံၩ့,- တၭမၩဎွ့ၩဝ့ၫလၧ ယွၩအၥၭ, ဒဲဆၧကိၪ့ၥ့ၪ ဒဲဆၧကိၪ့ဆၧဆၭ, ဒဲဆၧၥ့ၪ
32 ယၫ,ဒဲဆၧမၩဆၧကိၭအမံၩ့ဒ့ၭ,- ဘဲၫၥိၭအမိကိၪ့ထၪ့ ဖၭလၩ့ဆၧကိၪ့, လၧအမိမၩဆၧလၧထီၫ့ဒဲစ့ၩ, ဒဲထီး
33 ဝီၩ,- ဒဲလၧအမိတဲၩလိးၥံၪ, ဒဲအီၪက့ၪဝ့ၫလၧအလး, ဒဲလၧအစိၭဖျၩၥံၪ့ၥံၪ, ဘဲၫၥိၭအမိမၩဆၧအကိၪ့ထၪ့
34 ဖၭလၩ့အဆၧမၩကိၭမံၩ့ဒ့ၭလီၫ.- တၭမွဲအဒုၭနုၬဆၧ လၧအၥၭခံဖၧၩ့ဘဲၫၥိၭအမိၥီၪ့လိၪဆၧ, အဝ့ၫနီၪ,ဒဲၦဒၫ့ အဒီၪ့ဖိၪ, စအဟံစမၭအဖိၪခွၫ, စအဟိလအၭလီၫ.
35 မၩဎွ့ၩအဝ့ၫၥံၪအၥၭ လၧဆၧကိၪ့ၥ့ၪ ဘဲၫၥိၭအမိမၩ ကယဲဆၧမၩ, ၦစိၭဖျၩဆၧအဆၧမၩ, ဒဲၦအကိၪ့ထၪ့ ဖၭလၩ့အဆၧမၩ, ဒဲၦလၧအဆၭကံၪဆၧလၧဆၧလၫ ဒဲလၧဆၧဝီၩလုၭ, လၧဆၧဝီၩ, ဒဲလၧဆၧဘွၩဖျ့ၫလံၬ ကံၭ, ဒဲၦလၧအထၭထၪ, ၦလၧအမၩဆၧမၩလမံၩ့ လါလါ, ဒဲၦလၧအကိၪ့ထၪ့ဖၭလၩ့ ဆၧကိၪ့လဖၪလီၫ.