34
1 တၭယဟိဝၩစံၭစမိစ့ၭ, တဲၩန့လိးပၪနံၫဘံၪ့လၧနဂး မၩအၥၭဘဲၫအခၪ့ထံၭလဖၪ အၥိၭနီၪဆံၭ. တၭလၧ ဆၧပၪပဲၪလဖၪယီၩ အလီၩ့ယမိကွ့ၭဆၧချဲၩ့ လၧအ
2 ဝံခိၪလဖၪအလီၩ့ လၧနမၩထ့ဖၭခွံၬဝ့ၫနီၪလီၫ.- အီၪ တဲၩ့ဝဲၩနၥၭလၧဂီၩလခီၫတၭ, ဂဲၫထၪ့လၧခိၪလီၩ့စဲနၫ လၧဂီၩလခီၫတၭ ဒုၭနဲၪနၥၭလၧယၧၩထီးနီၪ လၧခိၪ
3 လီၩ့ဒၩ့ခိၪနီၪဆံၭ.- တၭဒုၭဂဲၫထၪ့ၦၡၩလၧနၥိၭနးဂၩ လဂ့ၩ, ဒုၭအီၪဖျီၪၦၡၩလၧခိၪလီၩ့အလီၩ့နးစီၪ့နးဂၩ လဂ့ၩ, ဒဲၥိၪဒဲဘ့ၪဒဲချီလဖၪနီၪ, ဒုၭအၪ့အဆၪလၧခိၪ လီၩ့အမ့ၬယၫနီၪလဂ့ၩ.
4 တၭအဆၧတဲၩန့ လိးပၪနံၫဘံၪ့, မၩအၥၭဘဲၫအဝံ ခိၪလဖၪအၥိၭနီၪလီၫ. မုဆဲၪ့ထၪ့နီၪ စမိစ့ၭဂဲထုၪ့ဂီၩ ဂီၩတၭ, လ့ၩထၪ့လၧခိၪလီၩ့စဲနၫအလီၩ့, ဘဲၫယဟိဝၩ မၪလူၬဝ့ၫအၥိၭနီၪ, လ့ၩန့လိးပၪနံၫဘံၪ့ လၧအစူၪဖၧၩ့
5 လီၫ.- ယဟိဝၩဂဲၫလၩ့လၧဆၧအုၪ့အဖၧၩ့တၭ, ဆၧၫ့ ထုၪ့လၧအၥိၭထီးနီၪတၭ လီၩဖျီၪထၪ့ယဟိဝၩ အမံၩ့
6 လီၫ.- ယဟိဝၩလ့ၩဖီၩ့လၧအမ့ၬယၫတၭ, လီၩဖျီၪ ထၪ့,ယဟိဝၩနီၪ, ယဟိဝၩယွၩနီၪ, လၧအၥၭအီၪဆၧ, ဒဲယၫ့ၥၭဆၧ,ၥၭထၪ့ကၪ, ဒဲအခိးအတၩ, ဒဲအမွဲအတီၩ
7 အီၪဝ့ၫအၪမၬလီၫ.- ခိၭထၬဆၧအခိးအတၩ လဖၪလၧ ၦအထီၫ့လဖၪအဂး, ဖျါခွံၬဆၧအၧၩ့ဆၧၥၫ့ ဒဲဆၧၥူၭ ဆၧမၪ, ဒဲဆၧဒဲၩထူၬဆၧဒဲၩဘၭလီၫ. မွဲလါနၫ့တၭၦ လၧဆၧမၪအီၪလၧအလီၩ့နီၪ, မိကွဲၪဖျါခွံၬပျီၩပျီၩဆ့ အ့ၬး တၭမိအီၪက့ၪဆၧမၪလၧဖါလဖၪ ဒဲလၧဖိၪလဖၪ, ဒဲလၧအဖိၪလဖၪအဖိၪလဖၪအလီၩ့ ထီၩ့လၩ့လၧၥၧၫ့
8 ဆိၩလဆိၩ, ဒဲလံဆိၩလဆိၩလီၫ.- စမိစ့ၭမၩချဲၫ့ချဲၫ့
9 တၭ,ၡီၫ့လၩ့အခိၪလၧဂၪ့ခိၪတၭ, ဘၩဆၧလီၫ.- စံၭဝ့ၫ ဒၪ,ယအ့ၪဘၪခိးဘၪတၩလၧနမ့ၬယၫ, ကဆါဧ့,မွဲယ ကဆါလ့ၩဆၧလၧပကျၩဆံၭ. အဂဲးဘဲၫယီၩအယီၩ မွဲၦခမျၧးအခိၬဆီၪ့း မၩဖီၩ့မၩဖျ့ၭပဆၧၥူၭပဆၧမၪ, ဒဲပဆၧဒဲၩထူၬဆၧဒဲၩဘၭတၭ, အီၪက့ၪပၧၩလၧနန့ၥၫ ဆၧနီၪဆံၭ.
10 တၭအဝ့ၫဒၪစံၭ, ယိခွါ, ယမၩဆၧအုၩ့လၩ့လမံၩ့, နီၪ, လၧနၡၩခမျၧးထီးအလူၬအမ့ၬယၫတၭ, ယမိမၩ ဆၧလၩ့လိလၩ့လၭလၧအလမၩဒံၭဘၪအၥၭ လၧဂၪ့ ခိၪချိၫ့ယီၩ, ဒဲလၧၦၡၩနးဆၨၩဒံၭဘၪအကျၩတၭ, က ယဲၦခမျၧးလၧနအီၪ လၧအကျၩနီၪမိဒၪဘၪ ယဟိဝၩ အဆၧမၩနီၪလီၫ. အဂဲးဘဲၫယီၩ, ဆၧလၧယမိမၩနၧၩ
11 နီၪ,မွဲဆၧၥၭမဲၪၥၭဖျဲၩ့လီၫ.- ဆၧလၧယမၪလူၬနၧၩ လၧမုဆၫလနံၩယီၩထီးန့ဆံၭ. ယိခွါ, ယမိနၫ့ထၪ့ခွံၬ ၦအၫမိၫဖိၪ, ဒဲၦကၫနအၫ့ဖိၪ, ဒဲၦဟ့ၥၭဖိၪ, ဒဲၦပံရ့ၭ
12 ဖိၪ,ဒဲၦဟ့ဝဲၭဖိၪ, ဒဲၦယ့ဘုၫဖိၪလၧနမ့ၬယၫလီၫ.- ထီး လၩ့နၥၭဘဲၫၥိၭနထီးမၩဆၧအုၩ့လၩ့ လၧၦခးဖိၪထီး နလ့ၩဆၧနီၪလဂ့ၩ. မိကဲၪထၪ့ဘၪခိၬ ဆၧအဖျံၩခွၩ့လၧ
13 နၥံၪအကျၩလီၫ.- အ့ၪမွဲနၥံၪဘၪမၩဂၭဂီၩ့ အဝ့ၫၥံၪ အဆၧလုလး, ဒဲမၩခါခွံၬအဆၧဂၩ့, ဒဲခူၬခွံၬအရှ့ရိၫနီၪ
14 ဆံၭ.- အဂဲးဘဲၫယီၩနဘၩယွၩအဂူၫဂၩအ့ၬ. အဂဲးဘဲၫ ယီၩ ယဟိဝၩမွဲယွၩလၧအမံၩ့ မွဲဆၧၥၭကဲၪ့လဂၩနီၪ,
15 မွဲအၥၭကဲၪ့ဆၧလီၫ.- မၩအၥၭဘဲၫနီၪတၭ, အုၩ့လၩ့ ဆၧလၧၦခးဖိၪလဂ့ၩ. အဝ့ၫၥံၪနီၪ မိမၩမၪဖိၬအယွၩ လဖၪနီၪအခဲၫ့, ဒဲလုထၪ့အယွၩလဖၪတၭ, ၦၡၩကိၭ
16 နၧၩတၭ, နမိအၪ့ဘၪခိၬအဆၧလုလီၫ. နမိမၩန့ဘၪခိၬ အဖိၪမုၪလဖၪလၧနဖိၪခွၫလဖၪအဂးတၭ, အဝ့ၫၥံၪအ ဖိၪမုၪလဖၪနီၪမိလ့ၩမၩမၪဖိၬအယွၩလဖၪအခဲၫ့, ဒဲမိ ဒုၭမၩမၪဘၪခိၬနဖိၪခွၫလဖၪ လၧအမိဖိၬအဝ့ၫၥံၪ အ ကဆါအခဲၫ့လီၫ.
17 ထီးတဲၩ့ယွၩလဖၪၥိၫ့အၥၭလၧနဂးလဂ့ၩ.
18 ဘိၪ့ကိၪလအီၪဘၪလၧမံၪနီၪထီးန့ဆံၭ. နဘၪအၪ့ ကိၪလအီၪဘၪလၧမံၪနီၪနွ့ၫနံၩ, ဘဲၫယမၪလူၬနၧၩလၧ အဆၧၫ့အထီ လၧလၩအၫဘံၭအဖၧၩ့ အၥိၭနီၪလီၫ. အဂဲးဘဲၫယီၩ နဂဲၫထၪ့ခွံၬလၧအံဇံၭလၧလၩအၫဘံၭ
19 အဖၧၩ့နီၪလီၫ.- ကယဲဆၧလၧအဝဲထၪ့ဆိၫ အဒၧၩ့ လး, ဒဲကယဲနဆၧဖိၪဆၧဎါအဝဲၡါ, ချီမွဲဂ့ၩ, ၥိၪမွဲဂ့ၩ,
20 မွဲယဆၧထီးအလူၬလီၫ.- အ့ၪမွဲကၥ့ၪယီၩ့အဖိၪဝဲၡါ နီၪ,နဘၪဎွ့ၩန့ထဲၩ့ဝ့ၫ လၧၥိၪဖိၪလဒုၩလီၫ. တၭနအ့ၪ လဎွ့ၩန့ထဲၩ့ဘၪတၭ, နဘၪမၩခါအခိၬလီၫ. ကယဲနဖိၪ ဝဲၡါလဂၩလါလါနီၪ နဘၪဎွ့ၩန့ထဲၩ့ဝ့ၫလီၫ. တၭထီး အီၪထၪ့လၧယမ့ၬယၫ ပျီၩပျီၩနးဂၩလဂ့ၩ.
21 ဎူၫနံၩနီၪနမိဘၪမၩဆၧတၭ, အ့ၪမွဲနွ့ၫနံၩလနံၩနီၪ နဘၪအီၪပွံၭလီၫ. ထဲၫဆၧအဆၧၫ့အထီ, ဒဲကူၭဆၧအ
22 ဆၧၫ့အထီနီၪ, နဘၪအီၪပွံၭလီၫ.- တၭနဘၪထီးန့ ဘိၪ့နွ့ၫလဖၪ, ဒဲဘိၪ့ကူၭဘုၪကၠိၩ့အဆိၫ, ဒဲဘိၪ့အၪ့ ထုၫ့ကီၪ့ဆၧလၧ နံၪ့အထုၬနီၪလီၫ.
23 လနံၪ့အထးဖၧၩ့နီၪ ကယဲနၥံၪအခွၫၥံၪ ထီးအလူၬ ဘၪဒုၭနဲၪအၥၭလၧကဆါယွၩ, ၦအံၫစရ့လၭအယွၩ
24 အမ့ၬယၫၥၧၫ့ဖၧၫ့လီၫ.- အဂဲးဘဲၫယီၩ ယမိနၫ့ထၪ့ခွံၬ ၦဆၨၩလဖၪလၧနမ့ၬယၫ, ဒဲမၩလဲထၪ့နခးဆၧၫ့လဖၪ လီၫ. တၭထီးနလ့ၩမၩဖျီၪထၪ့နၥၭ လၧယဟိဝၩနယွၩ အမ့ၬယၫ လၧလနံၪ့အထးဖၧၩ့ၥၧၫ့ဘျၩ့တၭ, ၦၡၩမိ ဆိၫ့န့ဘၪနဂၪ့ခိၪနးဂၩအ့ၬ.
25 လုထၪ့ယဆၧလုအၥွံၪ အီၪလၧမံၪနီၪလဂ့ၩ. တၭ ဘိၪ့လ့ၩဖၬ အဆၧလုနီၪ, အီၪက့ၪဝ့ၫၥၫ့နၩချီၩ့ ထီးမု
26 ဆဲၪ့ထၪ့နီၪလဂ့ၩ,- ဂၪ့ခိၪအၥၪဆိၫအဝံခိၪလဖၪနီၪဂဲၫ ဆိၬလၧယဟိဝၩနယွၩအဂံၪ့ဖၧၩ့ဆံၭ. ထီးအၪ့ဎွံထၪ့ ဘ့ၪဖိၪလၧအမိအနူထံၫ အဖၧၩ့နီၪလဂ့ၩ.
27 တၭယဟိဝၩစံၭစမိစ့ၭ, ကွ့ၭလၩ့ဆၧချဲၩ့လဖၪနီၪ ဆံၭ. အဂဲးဘဲၫယီၩ ဘဲၫဆၧချဲၩ့လဖၪယီၩ အဂဲးအကၠီၪ့ အၥိၭနီၪ, ယမၩယူၭဆၧအုၩ့လၩ့ လၧနၧၩဒဲလၧအံၫစ
28 ရ့လၭအၥိၭဆ့လီၫ.- တၭမွဲအအီၪဝ့ၫထီးနီၪလၧယဟိ ဝၩအၥိၭအနံၩလံဆံၫ ဒဲအနၩလံဆံၫတၭ, မွဲအအၪ့ဘၪ ကိၪ ဒဲအီၩဘၪထံၫအ့ၬ. တၭအဝ့ၫကွ့ၭလၩ့ ဆၧအုၩ့ လၩ့အဆၧချဲၩ့, ဆၧမၪလူၬဆံၫထံၪၥံၪ လၧဆၧပၪပဲၪအ လီၩ့နီၪလီၫ.
29 တၭထီးစမိစ့ၭ ဂဲၫထဲၩ့လၩ့ လၧခိၪလီၩ့စဲနၫအလီၩ့ နီၪ, အီၪလၧဆၧအုၩ့လၩ့ အပၪပဲၪနံၫဘံၪ့ လၧစမိစ့ၭ အစူၪဖၧၩ့တၭ, ထီးအဂဲၫထဲၩ့လၩ့လၧခိၪလီၩ့နီၪ, ဆၧ မၩအၥၭလၧဆၧချဲၩ့ဒုၪ့အဝ့ၫ အဘိၩ့ဘၭနီၪ အမ့ၬဖံၭ
30 ဖၩ့ဂိးရှ့ၭဂိးၡီၫတၭ, ၥ့ၪယၫလၩ့အၥၭအ့ၬ.- ထီးစအၫ ရၧၫ့ ဒဲၦအံၫစရ့လၭဖိၪ ထီးအလူၬ ဒၪဘၪစမိစ့ၭတၭ, ယိခွါ, အမ့ၬဖံၭဖၩ့ဂိးရှ့ၭဂိးၡီၫတၭ, အဝ့ၫၥံၪၥုၭဘူၭ
31 အၥၭလၧအအီၪလဘုၪ့ဘၪလီၫ.- စမိစ့ၭကိၭထၪ့အ ဝ့ၫၥံၪတၭ, စအၫရၧၫ့ဒဲအဆၧအီၪကီၪ့ အၦဒိၪလဖၪထီး အလူၬဂဲၫထဲၩ့ထဲၩ့လၧအအီၪတၭ, စမိစ့ၭချဲၩ့ဒုၪ့အဝ့ၫ
32 ၥံၪလီၫ.- လၧခဲၫ့ထဲၩ့နီၪ ၦအံၫစရ့လၭဖိၪထီးအလူၬဂဲၫ ဘူၭဝ့ၫတၭ, အဝ့ၫဒၪမၪလူၬဝ့ၫ လၧကယဲဆၧလၧယဟိ ဝၩလီၩဘၪဝ့ၫလၧခိၪလီၩ့စဲနၫအလီၩ့ ထီးအလူၬလီၫ.
33 တၭစမိစ့ၭချဲၩ့ဒုၪ့အဝ့ၫၥံၪ အဘိၩ့ဘၭနီၪ အီၪက့ၪဆၧ
34 ချႃၬဘံၭလၧအမ့ၬလီၩ့လီၫ.- အ့ၪမွဲထီးစမိစ့ၭလ့ၩနုၬ လၧယဟိဝၩအမ့ၬယၫ ဘဲၫၥိၭအမိချဲၩ့ဒုၪ့ဝ့ၫတၭ, ဘဲၪ့ လၩ့ခွံၬ ဆၧချႃၬဘံၭ ထီးလၧအမိဂဲၫထဲၩ့ထဲၩ့နီၪလီၫ. မွဲအဂဲၫထဲၩ့ထဲၩ့လီၩလၩ့ ၦအံၫစရ့လၭဖိၪဆၧလၧဆၧ
35 မၪလူၬဝ့ၫလီၫ.- တၭၦအံၫစရ့လၭဖိၪဒၪဘၪစမိစ့ၭအ မ့ၬ လၧအမ့ၬဖံၭဖၩ့ဂိးရှ့ၭဂိးၡီၫလီၫ. ထီးလၧအလ့ၩ နုၬချဲၩ့ဒုၪ့ဆၧလၧအဝ့ၫဒၪနီၪတၭ စမိစ့ၭအီၪက့ၪထၪ့ ဒီၭဆၧချႃၬဘံၭ လၧအမ့ၬလီၩ့လီၫ.