47
1 လၧခဲၫ့ထဲၩ့အဝ့ၫဒၪဆိၬထၪ့ယၧၩ လၧဂံၪ့အတရၫ့ ထံၭတၭ,ယိခွါ, ထံၫထၪ့လၧဂံၪ့အတရၫ့အခၧၪ့အဖၫ့ လၬလၧမုထၪ့လခီၫလီၫ. အဂဲးဘဲၫယီၩ,ဂံၪ့အမ့ၬယၫ ဒိၭဝ့ၫလၧမုထၪ့လခီၫတၭ, ထံၫလၩ့ယွၩလၧဂံၪ့အနဲၩ့ ထံၭစူၪထွ့ၪလခီၫလၧဆၧလုအလးလၧမုခံၫ့လခီၫလီၫ.
2 ထီးနီၪလဖၧၫ့ အဝ့ၫဆိၬထၪ့ယၧၩလၧတရၫ့အဖၧၩ့ၥၭ လၧမုဖၩလခီၫတၭ, ၥိၫ့ထၪ့ယၧၩ လၧဖၧၩ့ၥၭ လၧခီၫ့ လၧတရၫ့လၧခီၫ့လဖၧၩ့လၧအဖိးထၪ့လၧမုထၪ့လခီၫ တၭ, ယိခွါ,ထံၫထၪ့တၭ,လၩ့ယွၩဝ့ၫလၧစူၪထွ့ၪလခီၫ
3 လီၫ.- ထီးၦအီၪလၧဖျံၩလၧအစူၪဖၧၩ့လဂၩနီၪစဲၪ့ထၪ့ လၧမုထၪ့လခီၫတၭ,ထိၪအဖျါလထီၫ့နီၪ, ၥိၫ့ထၪ့ယၧၩ
4 လၧထံၫကျၩတၭ, ထံၫအီၪဘံၭခၪ့ယၫၥၭလီၫ.- အဆၧ ထိၪဒီၭ အဖျါလထီၫ့တၭ, ၥိၫ့ထၪ့ယၧၩ လၧထံၫကျၩ တၭ, ထံၫယိၬထၪ့ဘၭ ပခၪ့လုးခိၪလီၫ. ထိၪဒီၭဝ့ၫအ ဖျါလထီၫ့တၭ,ၥိၫ့ထၪ့ယၧၩလၧထံၫကျၩတၭ, ထံၫယိၬ
5 ထၪ့ဘၭပယးဒံၩ့လီၫ.- ထိၪဒီၭအဖျါလထီၫ့တၭ, ထံၫ မွဲထံၫမိၡါ လၧပခၫ့ဂၬ လန့ဘၪ, အဂဲးဘဲၫယီၩ, ထံၫ ယိၬ, ထံၫလၧၦဘၪယါဝ့ၫ, ထံၫမိၡါ လၧၦခၫ့ဂၬလန့ ဘၪလီၫ.
6 တၭအဝ့ၫဒၪစံၭယၧၩ, ၦၡၩအဖိၪခွၫဧ့, အယီၩနဒၪ ဘၪယူၭဧၪ. အဝ့ၫဆိၬထၪ့ယၧၩတၭ, ဒုၭထဲၩ့ထဲၩ့
7 ယၧၩလၧထံၫမိၡါအနဲၩ့လီၫ. ထီးယထဲၩ့ထဲၩ့တၭ, ယိခွါ, ၥံၪ့အၪထံၭအီၪဝ့ၫလၧ ထံၫနဲၩ့နံၫခီၫလူၬလီၫ.
8 အဝ့ၫစံၭယၧၩ, ထံၫလဖၪယီၩလၩ့ယွၩဝ့ၫ လၧခးလၧ မုထၪ့လခီၫတၭ, လၩ့ယွၩဝ့ၫလၧၡါမုနၧၫ့ဖၫတၭ, လၩ့ ယွၩလၧမၫဆမံၭဖၧၩ့တၭ, ထီၩ့လၧမၫဆမံၭဖၧၩ့အ
9 ကၠီၩ့နီၪ ထံၫလဖၪမိဘျၪထဲၩ့ဝ့ၫလီၫ.- ဆၧမိမၩအၥၭ လၧကယဲဆၧၥၭလၧအမၧၫ့ဝ့ၫလၧအဂဲၫဝ့ၫလၧအလး လစီၪ့လါလါလၧထံၫမိၡါထီၩ့ဝ့ၫနီၪမိမၧၫ့ဝ့ၫလီၫ. တၭ ဒ့ၪၥံၪယၪၥံၪအၪအၪလ့ၬမိအီၪထီးနီၪလီၫ. အဂဲးဘဲၫ ယီၩမိဘျၪထဲၩ့ဝ့ၫလီၫ. တၭထီးထံၫမိၡါမိဂဲၫဝ့ၫလစီၪ့
10 လါလါနီၪ,ကယဲဆၧလမံၩ့လါလါမိမၧၫ့ဝ့ၫလီၫ.- ဆၧ မၩအၥၭလၧၦမၩယၪလဖၪမိဆၧၫ့ထုၪ့လၧအနဲၩ့လၧ အံၪ့ဂံၫဒဲၫ, ဖိးလၧအံၪ့ဂလ့အံၫ့နီၪ ဆၧအလးလၧၦခွံၬ ၡၬၥံၪ မိအီၪဝ့ၫလီၫ. တၭဒ့ၪၥံၪယၫၥံၪ မိအီၪဘဲၫအ ဆၨၩဒၪဝ့ၫအၥိၭနီၪ, ဘဲၫမၫဆမံၭဖၭဒိၪအယၪအၥိၭ
11 နီၪအၪအၪလ့ၬလီၫ.- အ့ၪမွဲဖံၬအလး, ဒဲလိၬဖၧၩ့လဖၪ နီၪမိဘျၪထဲၩ့အ့ၬ. ဆၧမိအီၪက့ၪလၩ့အဝ့ၫၥံၪလၧထံၫ
12 လၪအဂးလီၫ.- လၧထံၫနဲၩ့လၧအယီၩလခီၫ, ဒဲလၧအ နီၪလခီၫနီၪၥံၪ့ကိၭမံၩ့ဒ့ၭ မိမဲၪထၪ့လၧဆၧအၪ့အဂး တၭ, အလၪလလၩ့ယံၭဘၪ ဒဲအဆၧၥၪလမိလူၬဘၪ, မိၥၪထၪ့ဆၧၥၪကိၭလၩအဘံၪ့ဒ့ၭလီၫ. အဂဲးဘဲၫယီၩ အထံၫလဖၪလၩ့ယွၩဝ့ၫလၧဆၧအလးဆံၫ့ဎံၪအဖၧၩ့ နီၪလီၫ. တၭဆၧၥၪမိအီၪလၧဆၧအၪ့အဂးတၭ, အ လၪနီၪမိအီၪလၧ ၥံၪ ဎၥံၪ့ဎွံၭ အဂးလီၫ.
13 ကဆါယဟိဝၩစံၭဘဲၫယီၩ အယီၩမွဲဆၧအနဲၩ့ထံၭ လၧနၥံၪမိဘၪအၪ့နၩ့ဖၭ ထံၫၥံၪခးၥံၪနီၪ, ဘဲၫအံၫစရ့ လၭအဒီၪ့လဆံၫနံၫဒီၪ့အၥိၭ, စယိၥၭမိန့ဘၪအဂးနံၫ
14 စီၪ့လီၫ.- နၥံၪမိန့ၥၫဆၧလဂၩဂၩဘဲၫအဂူၫဂၩအၥိၭ ဆုၬဆုၬလီၫ. ယယူၬထၪ့ယစူၪလၧယမိဖ့ၪလၫ့ဝ့ၫလၧ နၥံၪအဖါလဖၪလီၫ. ခးလဘံၪ့ယီၩမိလၩ့ဘၪလၧနၥံၪ
15 အကျၩလၧနၥံၪန့ၥၫဆၧအဂးလီၫ.- အယီၩမွဲခးအနဲၩ့ ထံၭလၧမုဖၩလခီၫလၧ မၫဆမံၭဖၭဒိၪ လၧဖၧၩ့ၥၭလၧ
16 ဟ့ၭၥလၫ့ ဘဲၫၦလ့ၩဝ့ၫလၧဇံဒၭ,- ဟၫမၭ, ဘရိၥၭ, စ့ၭဘြံအံၫ့ လၧအအီၪဝ့ၫ လၧဒမၭစကၧၭအနဲၩ့ထံၭ, လၧဟၫမၭအနဲၩ့ထံၭတၭး ဟ့ဇၫဟၭတကၧၫ့လၧ အအီၪဝ့ၫလၧဟီရၫ့ဆၧအနဲၩ့ထံၭလၧမၫဆမံၭလခီၫ
17 နီၪမွဲဟၫဇၫအံနၫ့, အနဲၩ့ထံၭလီၫ.-ဒမၭစကၧၭအနဲၩ့ ထံၭတၭ, လၧမုဖၩနီၪ, ဒဲဟၫမၭအနဲၩ့ထံၭလီၫ. အနီၪ
18 မွဲအနဲၩ့ထံၭလၧမုဖၩလခီၫနီၪလီၫ.- အနဲၩ့ထံၭလၧမု ထၪ့လခီၫနီၪ နၥံၪမိဘၪထိၪလၧဟီရၫ့ဒဲလၧဒမၭစကၧၭ အဘိၩ့ဆၧၩ့, ဒဲလၧဂံလအၭ,ဒဲခးအံၫစရ့လၭလၧယီၫ ဒၫ့အနဲၩ့, လၧအနဲၩ့ထံၭဖိးလၧမၫဆမံၭလၧမုထၪ့လ
19 ခီၫလီၫ. အနီၪမွဲအနဲၩ့ထံၭလၧမုထၪ့လခီၫလီၫ. အနဲၩ့ ထံၭလၧမုခံၫ့လခီၫ, လၧမုခံၫ့နီၪမိအီၪလၧတၫမၫဖိးလၧ ထံၫအဆၧအဲၪ့လိၬလၧကၫဒ့ၭအဖၧၩ့ဖိးလၧထံၫမိၡါ လၧမၫဆမံၭဖၭဒိၪအနဲၩ့ထံၭလီၫ. အနီၪမွဲအနဲၩ့ထံၭ
20 လၧမုခံၫ့လခီၫလီၫ.- အနဲၩ့ထံၭလၧ မုနုၬလခီၫနီၪမိမွဲ မၫဆမံၭဖၭဒိၪလၧအနဲၩ့ထံၭဖိးလၧၦဂဲၫစိၩ လၧဟၫ
21 မၭလီၫ. အနီၪမွဲအနဲၩ့ထံၭလၧမုနုၬလခီၫလီၫ.- နၥံၪ မိဘၪအၪ့နၩ့ဖၭခးလဘံၪ့ယီၩအဆၧၫ့ဘဲၫအံၫစရ့လၭ
22 အဒီၪ့လဖၪအၥိၭနီၪလီၫ.- ဆၧမိမၩအၥၭလၧနၥံၪဘၪ ဖၭဆၧတၭ, နၥံၪမိဘၪအၪ့နၩ့ဖၭခးအဆၧၫ့လၧဆၧန့ ၥၫအဂး, ဒဲလၧၦလခီၫဘၩ့မုးဖိၪ လၧအအီၪလၧနၥံၪ အကျၩ လၧအထၪ့ဖိၪ လၧနၥံၪအကျၩနီၪ အဂးလီၫ. အဝ့ၫၥံၪနီၪ မိမၩအၥၭဘဲၫၦအီၪဖျဲၪ လၧခးဖၧၩ့လၧၦ အံၫစရ့လၭဖိၪၥံၪအကျၩအၥိၭလီၫ. မိန့ၥၫဆၧလၧန
23 ၥံၪအၥိၭလၧအံၫစရ့လၭအဒီၪ့လဖၪအကျၩလီၫ.- တၭ ဆၧမိမၩအၥၭလၧထီးဒၪ ဆၧအဒီၪ့လၧၦလခီၫဘၩ့မုး ဖိၪအီၪဝ့ၫလၧအကျၩနီၪ, နၥံၪမိဘၪဖ့ၪလၫ့ဝ့ၫ လၧအ ဆၧန့ၥၫထီးနီၪ, ကဆါယဟိဝၩစံၭဝ့ၫဒၪ.