46
1 ကဆါယဟိဝၩစံၭဘဲၫယီၩ, ဆၧဝၩ့လၧအဖၧၩ့လခီၫ အတရၫ့လၧအဖိးဝ့ၫလၧမုထၪ့လခီၫနီၪ, မိကၭဘံၭထၬ အၥၭလၧမုနံၩမၩဆၧဎူၫနံၩအထးဖၧၩ့နီၪလီၫ. အ့ၪမွဲ လၧမးၥံၫအနံၩနီၪဆၧမိဘၪဝဲထၪ့ဝ့ၫ, ဒဲလၧလၩၥံၫအ
2 နံၩနီၪဆၧမိဘၪဝဲထၪ့ဝ့ၫဆ့လီၫ.- ၦဒိၪဖၭဒိၪနီၪမိလ့ၩ နုၬလၧထိၬချိၫ့အတရၫ့ လၧခီၫ့လခီၫအဖၧၩ့တၭ, မိ ဆၧၫ့ထုၪ့လၧတရၫ့အထုၪ့အနဲၩ့ထံၭတၭ, ၦလုဆၧ မိလုထၪ့အဆၧလုမ့ၪဒဲအဆၧလုမၩဘၪလိၬအိၭလိၬ လီၫ.မိဘၩဆၧလၧတရၫ့အခၪ့ထံၭတၭ, မိစဲၪ့ထၪ့ဝ့ၫ လီၫ.လါနၫ့တၭမုလချႃၭဂၪလၩ့ဒံၭဘၪနီၪ, ဆၧမိကၭ
3 ဘံၭထၬတရၫ့နီၪဒံၭအ့ၬ.- ၦခးဖိၪနီၪမိဘၩဆၧလၧ တရၫ့ယီၩအခၪ့ထံၭ လၧယဟိဝၩအမ့ၬယၫလၧမးၥံၫ
4 အနံၩလဖၪ, ဒဲလၧလၩၥံၫအနံၩလဖၪနီၪလီၫ.- ဆၧလု မ့ၪလၧၦဒိၪဖၭဒိၪ မိဘၪလုထၪ့ယဟိဝၩလၧမးၥံၫအ နံၩနီၪမွဲၥိၪဖိၪ အလၧၫ့အဎွ့ၩဎူၫဒုၩ, ဒဲၥိၪဖၫအလၧၫ့
5 အဎွ့ၩလဒုၩလီၫ.- ဆၧမၩဘိၪ့ကိၪမုၬနီၪမိမွဲလအ့ဖၭ လၧၥိၪဖၫလဒုၩအဂးတၭ, ဆၧမၩဘိၪ့လၧၥိၪဖိၪလဒုၩ အဂးနီၪ, မိမွဲဆၧအီၪဝ့ၫလၧအစူၪဖၫ့လၬတၭ, ၥိၪလ
6 ဟံၫ့မိအီၪဝ့ၫလၧလအ့ဖၭအဂးလီၫ.- တၭလၩၥံၫအ နံၩနီၪချီဖၫဖိၪအလၧၫ့အဎွ့ၩလဒုၩ မိအီၪလၧၥိၪဖိၪ ဎူၫဒုၩဒဲၥိၪဖၫဖိၪလဒုၩလီၫ. မိမွဲအလၧၫ့အဎွ့ၩလီၫ.
7 မိဘၪမၩဘိၪ့ကိၪမုၬ လအ့ဖၭလၧချီဖၫလဒုၩအဂး,ဒဲ လအ့ဖၭလၧၥိၪဖၫလဒုၩအဂး ဒဲလၧၥိၪဖိၪလဖၪအဂး နီၪ,ဆၧအီၪဝ့ၫလၧအစူၪဖၫ့လၬ, ဒဲၥိၪလဟံၫ့လၧလအ့
8 ဖၭအဂးလီၫ.- ထီးၦဒိၪဖၭဒိၪအ့ၪလ့ၩနုၬဝ့ၫတၭ, မိ ဘၪလ့ၩနုၬလၧထိၬချိၫ့အတရၫ့တၭ, မိဘၪစဲၪ့ထၪ့လၧ
9 ဖၧၩ့ၥၭထီးနီၪလီၫ.- ထီးၦခးဖိၪဂဲၫနုၬ လၧယဟိဝၩ အမ့ၬယၫလၧမၩဘိၪ့နံၩလဖၪအဖၧၩ့တၭ, ၦလၧအ လ့ၩနုၬဘၩဆၧလၧတရၫ့ လၧမုဖၩလခီၫနီၪမိဘၪစဲၪ့ ထၪ့လၧတရၫ့လၧမုခံၫ့လခီၫအဖၧၩ့ၥၭလီၫ. တၭၦလၧ အဂဲၫနုၬလၧတရၫ့မုခံၫ့လခီၫနီၪ မိဘၪစဲၪ့ထၪ့လၧတရၫ့ လၧမုဖၩလခီၫ အဖၧၩ့ၥၭနီၪလီၫ. ထဲၩ့ထဲၩ့ဘၪလၧ တရၫ့ဖၧၩ့ၥၭထီးအလ့ၩနုၬဝ့ၫအ့ၬ. မွဲအဘၪစဲၪ့ထၪ့
10 ဆဲၫဎၩ့လၧအဝ့ၫလီၫ.- ထီးအဝ့ၫၥံၪလ့ၩနုၬတၭ, ၦဒိၪ ဖၭဒိၪမိလ့ၩနုၬ လၧအကျၩလီၫ. ထီးအဝ့ၫၥံၪစဲၪ့ထၪ့
11 တၭ,အဝ့ၫဒၪမိစဲၪ့ထၪ့ဆ့လီၫ.- ဒဲလၧဆၧမၩဘိၪ့နံၩ လဖၪအဖၧၩ့, ဒဲလၧဆၧအီၪကီၪ့လဖၪအဖၧၩ့နီၪ, ဆၧ မၩဘိၪ့ကိၪမုၬနီၪ မွဲလအ့ဖၭလၧချီဖၫလဒုၩအဂး, ဒဲ လအ့ဖၭ လၧၥိၪဖၫလဒုၩအဂး, ဒဲလၧၥိၪဖိၪၥံၪအဂး ဘဲၫအဖ့ၪလၫ့ဝ့ၫမိကဲၪအၥိၭ, ဒဲၥိၪလဟံၫ့လၧလအ့ဖၭ
12 အဂးလီၫ.- ထီးၦဒိၪဖၭဒိၪအ့ၪမၩဘိၪ့ယဟိဝၩလၧ ဆၧမၩဘိၪ့ဒၪဝ့ၫ, ဆၧလုမ့ၪမွဲဂ့ၩ, ဆၧလုမၩဘၪလိၬ အိၭလိၬ လၧအမၩဒၪဝ့ၫ လၧယဟိဝၩအဂးမွဲဂ့ၩတၭ, ၦမိဘၪဝဲထၪ့န့အဝ့ၫ လၧတရၫ့လဖၧၩ့တီၩဝ့ၫလၧမုထၪ့ လခီၫတၭ,အဆၧလုမ့ၪမွဲဂ့ၩ, အဆၧလုမၩဘၪလိၬအိၭ လိၬမွဲဂ့ၩ, မိမၩဘိၪ့ဝ့ၫဘဲၫအမၩဝ့ၫ လၧမးၥံၫအနံၩ အၥိၭလီၫ. ထီးနီၪလဖၧၫ့မိစဲၪ့ထၪ့ဝ့ၫတၭ, လၧအစဲၪ့ ထၪ့အလးခဲၫ့နီၪ ၦမိကၭဘံၭထၬတရၫ့လီၫ.
13 နမိဘၪလုထၪ့ ယဟိဝၩလၧၥိၪလနံၪ့ဖိၪ အလၧၫ့ အဎွ့ၩလဒုၩ, လၧဆၧလုမ့ၪအဂး, ကိၭမုနံၩဒ့ၭတၭ,
14 နမိဘၪထၪ့ဝ့ၫ လၧမုဂီၩကိၭဂီၩဒ့ၭလီၫ.- နမိဘၪ တဲၩ့ဝဲၩဆၧမၩဘိၪ့ ကိၪမုၬလအ့ဖၭဎူၫပိၩ့လပိၩ့,ဒဲၥိၪ လဟံၫ့ၥၧၫ့ပိၩ့လပိၩ့ လၧအမိလဲၩဎုၬဘၪစီၪကိၪအမုၬ လၧဆၧမၩဘိၪ့ကိၪ မုၬလၧယဟိဝၩအဂးကိၭမုဂီၩ ဒ့ၭလထံၪဎးလဘီၩ့ဎးတၭး မွဲဆၧမၪလူၬအဆိၩ
15 အကၠၪလီၫ.- အဝ့ၫၥံၪမိဘၪ တဲၩ့ဝဲၩၥိၪဖိၪလဒုၩ, ဒဲ ဆၧမၩဘိၪ့ကိၪမုၬ, ဒဲၥိၪလၧဆၧလုမ့ၪအဂးကိၭမုဂီၩ ဒ့ၭလထံၪဎးလဘီၩ့ဎးလီၫ.
16 ကဆါယဟိဝၩစံၭဘဲၫယီၩ, ၦဒိၪဖၭဒိၪအ့ၪဖ့ၪဆၧ ဖ့ၪလၫ့လၧအဖိၪခွၫလဂၩဂၩတၭ, အဖိၪခွၫလဖၪမိန့ ၥၫဝ့ၫလီၫ. မိကဲၪထၪ့ဝ့ၫလၧအန့ၥၫဆၧဖီၪ့ထၬလီၫ.
17 လါနၫ့တၭအ့ၪဖ့ၪဆၧဖ့ၪလၫ့ လၧအန့ၥၫဆၧအဖၧၩ့ လမံၩ့လၧအခ့ၫအၡၩလဂၩဂၩတၭ,မိကဲၪထၪ့အဆၧ ထီၩ့လၧဆၧဖီၩ့ဖျ့ၭ အနံၪ့လနံၪ့နီၪလီၫ. လၧအလးခဲၫ့ နီၪမိကဲၪထၪ့ထဲၩ့ၦဒိၪဖၭဒိၪအဆၧလီၫ. အ့ၪမွဲအဆၧ
18 န့ၥၫဒၪဝ့ၫနီၪ မွဲလၧအဖိၪခွၫလဖၪအဂးလီၫ.- တၭၦဒိၪ ဖၭဒိၪမၩန့ဘၪဆၧ လၧၦခမျၧးအဆၧန့ၥၫအဖၧၩ့ဘဲၫ ၥိၭအမိနၫ့ထၪ့ခွံၬ အဝ့ၫၥံၪလၧအဆၧန့ၥၫအဖၧၩ့အ့ၬ. မိဘၪဖ့ၪၥၫအဖိၪခွၫလဖၪ အဆၧန့ၥၫလၧအဆၧဒၪဝ့ၫ အဖၧၩ့,ဘဲၫၥိၭယၡၩခမျၧး အထီးဘၪဆၧနၫ့ထၪ့ခွံၬ ဝ့ၫလၧအဆၧန့ၥၫအဖၧၩ့နးဂၩလဂ့ၩလီၫ.
19 ထီးနီၪလဖၧၫ့ဆၧဆိၬထၪ့ယၧၩ လၧဆၧလ့ၩနုၬလၧ အအီၪဝ့ၫလၧတရၫ့အနဲၩ့ထံၭ လၧၦလုဆၧလဖၪအဒူၭ ဆံၫ့ဎံၪလဖၪအဖၧၩ့, လၧအဒိၭဝ့ၫလၧမုဖၩလခီၫတၭ,
20 ယိခွါ,အလးအီၪဝ့ၫနံၫစီၪ့လၧမုနုၬလခီၫလီၫ.- ထီးနီၪ လဖၧၫ့အဝ့ၫဒၪစံၭယၧၩ, ဆၧထီးယီၩမွဲအလးထီးၦလု ဆၧလဖၪဘၪအၪ့ဎွံထၪ့ဆၧလုမၪဘၪဆၧ, ဒဲဆၧလုဆၧ ဒဲၩဘၭ, ဒဲထီးအမိဘၪဎူဆၧမၩဘိၪ့ကိၪမုၬဘဲၫၥိၭအ ထီးဆိၬထၪ့အဝ့ၫလၧဆၧဝၩ့လၧခီၫ့လစီၪ့ လၧအမိမၩ
21 ဆံၫ့ဎံၪၦခမျၧးနီၪလဂ့ၩလီၫ.- ထီးနီၪလဖၧၫ့ဆၧဆိၬ ထၪ့ယၧၩလၧဆၧဝၩ့လၧခီၫ့လစီၪ့တၭ, ဒုၭလ့ၩဖီၩ့ခွံၬ ယၧၩလၧဆၧအဝၩ့လံနိၪ့တၭ, ယိခွါ,ဆၧအဝၩ့ဖိၪလ စီၪ့အီၪဝ့ၫ လၧဆၧအဝၩ့အနိၪ့ဖၧၩ့ကိၭစီၪ့ဒ့ၭဆုၬဆုၬ
22 လီၫ.- လၧဆၧအဝၩ့လံနိၪ့အဖၧၩ့နီၪ, ဆၧအဝၩ့ဖိၪလ ဖၪအီၪဝ့ၫလံစီၪ့လီၫ. အဖၭထီၫမွဲအဖျါလံဆံၫ, ဒဲအဒၪ့ ဎၩ့အဖျါၥၧၫ့ဆံၫလီၫ. ဆၧလံနိၪ့နီၪန့ၫဎီၩ့လိၬအၥၭ
23 လီၫ.- ဆၧအဒီၪ့လဒီၪ့အီၪဝ့ၫလၧအဖၧၩ့ဝၬဖီၩ့ဝ့ၫလၧ ဆၧလံနိၪ့အဖၧၩ့ဒၪလ့ၬ, ဒဲအၪ့ဎွံဆၧအလးလဖၪအီၪ ဝ့ၫလၧဆၧအဒီၪ့နီၪ အဖၫ့လၬ ဝၬဖီၩ့ဝ့ၫလဖၪနီၪလီၫ.
24 တၭအဝ့ၫဒၪစံၭယၧၩ, အယီၩလဖၪယီၩမွဲၦအၪ့ဎွံဆၧ အလးထီးၦမၩဂံၪ့အခ့ၫအၡၩအဆၧနီၪ အၪ့ဎွံၦခမျၧး အဆၧလုလီၫ.