44
1 ထီးနီၪလဖၧၫ့အဆၧဆိၬကဒၩထဲၩ့ယၧၩလၧဖၧၩ့ၥၭ လၧဆၧအလးဆံၫ့ဎံၪအတရၫ့လၧခီၫ့, လၧအဖိးဝ့ၫလၧ
2 မုထၪ့လခီၫ,ဒဲကၭဘံၭထၬယူၭအၥၭလီၫ.- ထီးနီၪလ ဖၧၫ့ယဟိဝၩစံၭယၧၩ, တရၫ့ယီၩမိဘၪကၭဘံၭထၬ အၥၭတၭ,ဆၧဝဲထၪ့ဘၪအ့ၬ. တၭၦလ့ၩနုၬဘၪလၧ အဖၧၩ့နးဂၩအ့ၬ. အဂဲးဘဲၫယီၩယဟိဝၩအံၫစရ့လၭ အယွၩလ့ၩနုၬယူၭလၧအဖၧၩ့နီၪ, မၩအၥၭဘဲၫနီၪတၭ,
3 မိဘၪကၭဘံၭထၬအၥၭလီၫ.- မွဲလၧၦဒိၪဖၭဒိၪအဂး, ၦဒိၪဖၭဒိၪမိဆၧၫ့နၩ့ဝ့ၫလၧအဖၧၩ့ ဘဲၫၥိၭအမိအၪ့ ဆၧအၪ့လၧယဟိဝၩအမ့ၬယၫ, မိလ့ၩနုၬဝ့ၫလၧတရၫ့ အထိၬချိၫ့တၭ, မိစဲၪ့ထၪ့ဝ့ၫလၧအဖၧၩ့ၥၭလဘီၩ့ဎးနီၪ လီၫ.
4 ထီးနီၪလဖၧၫ့အဝ့ၫဒၪဆိၬထၪ့ယၧၩ လၧတရၫ့လၧ မုဖၩလခီၫလၧဂံၪ့အမ့ၬယၫတၭ, ယယိထၪ့တၭ,ယိ ခွါ,ယဟိဝၩအလၩအဖၩ့ မၩဎွ့ၩယဟိဝၩအဂံၪ့တၭ,
5 ယထိၪလၩ့ထံၩဖါချႃၬလၩ့ယၥၭလီၫ.- တၭယဟိဝၩ စံၭယၧၩ, ၦၡၩအဖိၪခွၫဧ့, ထီးန့လၧနၥၭ, ဒဲယိလၧ နမ့ၬ,ဒိၭနနါလၧကယဲဆၧလၧယစံၭနၧၩ လၧယဟိဝၩ အဂံၪ့အဆၧမၪလူၬအဂဲး,ဒဲအဆၧၥီၪ့ဆၧၥၫ့, ဒဲထီးနဲၪ့ လၧနၥၭလၧဆၧလ့ၩနုၬလၧဂံၪ့ဖၧၩ့, ဒဲကယဲဆၧစဲၪ့ထၪ့ လၧဆၧအလးဆံၫ့ဎံၪအဖၧၩ့ၥၭ လဘီၩ့လါလါနီၪဆံၭ.
6 နဘၪစံၭ, ၦအံၫစရ့လၭအၡၩဂံၪ့ဖိၪ လၧအပိၩ့ထၪ့ဒၪ ဆၧ,ကဆါယဟိဝၩစံၭဘဲၫယီၩ, ၦအံၫစရ့လၭအၡၩ
7 ဂံၪ့ဖိၪၥံၪဧ့,- လၧကယဲနၥံၪအဆၧမၩဘၪၥၭလိၪလဖၪ အဖၫ့ခိၪနီၪ, မွဲနၥံၪဒုၭဂဲၫနုၬၦလခီၫဘၩ့မုးဖိၪ, ၦလဒိၭ ဘၪဆၧကူၭတရံၭလၧၥၭ, ဒဲလဒိၭဘၪဆၧကူၭတရံၭ လၧယၪလၧယလးဆံၫ့ဎံၪအဖၧၩ့အကၠီၩ့တၭ, နၥံၪမၩ ဘၪၥၭလိၪယဂံၪ့, ထီးအထီလၧနၥံၪမၩယဆၧအၪ့,ဆၧ ၥိၪဒဲဆၧၥွံၪတၭ,မၩဂၭဂီၩ့ယဆၧအုၩ့လၩ့ လၧနၥံၪၥၭ လိၪခွံၬဝ့ၫအကၠီၩ့တၭ, မွဲနၥံၪမံၫ့ၥုၪ့မံၫ့ၥၭ လၧနၥံၪအ
8 ဆၧၥၭလိၪအဂဲးဆံၭ.- ဆၧပၧၩ့ယလးဆံၫ့ဎံၪနီၪနၥံၪ ယိဘၪအ့ၬ. အ့ၪမွဲနၥံၪအီၪက့ၪ ၦယိဆၧပၧၩ့အလး ဆံၫ့ဎံၪလၧနၥံၪအဂးဒၪနၥံၪဝ့ၫလီၫ.
9 ကဆါယဟိဝၩစံၭဘဲၫယီၩ, ၦလခီၫဘၩ့မုးဖိၪလဒိၭ ဘၪဆၧကူၭတရံၭလၧၥၭ, ဒဲလဒိၭဘၪဆၧကူၭတရံၭ လၧယၪလၧၦလခီၫဘၩ့မုးဖိၪအီၪ လၧၦအံၫစရ့လၭဖိၪ အကျၩနီၪ လ့ၩနုၬဘၪလၧယလးဆံၫ့ဎံၪအဖၧၩ့နးဂၩ
10 အ့ၬ.- အ့ၪမွဲၦလံဝဲၫဖိၪဒၪလ့ၬ လၧအဂၭဖျိၭဖၧၩ့ၥၭ ထီးအထီလၧအံၫစရ့လၭဂၭဖျိၭဖၧၩ့ၥၭ လၧအစဲၪ့ဒၪ ယၧၩတၭ, လ့ၩဖိၬအဆၧဂၩ့ဆၧဖၪ့အခဲၫ့နီၪး အဝ့ၫၥံၪ
11 မိဘၪထိးအဆၧဒဲၩဘၭလီၫ.- လါနၫ့တၭမိမၩယခ့ၫ ယၡၩအဆၧလၧယလးဆံၫ့ဎံၪအဖၧၩ့, မိပၧၩ့ဆၧထီး ဂံၪ့အတရၫ့တၭ, မိမၩဂံၪ့အခ့ၫအၡၩအဆၧမၩလီၫ. မိမၩၥံၫဆၧလုမ့ၪ, ဒဲဆၧလုလၧၦခမျၧးအဂးတၭ,မိ ဆၧၫ့ထုၪ့လၧအမ့ၬယၫဘဲၫၥိၭအမိမၩ ၦခမျၧးအခ့ၫအ
12 ၡၩအဆၧလီၫ.- မွဲအမၩဆၧအခ့ၫအၡၩအဆၧလၧအ ဆၧဂၩ့ဆၧဖၪ့အမ့ၬယၫ ဒဲဒုၭလၩ့မၪဘၪအံၫစရ့လၭ အၡၩဂံၪ့ဖိၪတၭ, ယယၩ့ထၪ့ယူၭယစူၪ ထၫ့ဒၩအဝ့ၫ ၥံၪတၭ,အဝ့ၫၥံၪမိဘၪထိးအဆၧဒဲၩဘၭ, ကဆါယဟိ
13 ဝၩစံၭဝ့ၫဒၪ.- အဝ့ၫၥံၪၥုၭဘူၭဘၪအၥၭ လၧယအီၪ ဘဲၫၥိၭအမိမၩၦလုဆၧအဆၧလၧယဂးတၭ, ၥုၭဘူၭ ဘၪအၥၭဘဲၫၥိၭအမိမၩယဆၧဆံၫ့ဎံၪလမံၩ့လါလါ လၧဆၧအလးဆံၫ့ဎံၪထုၬနီၪနးမံၩ့အ့ၬ. အ့ၪမွဲမိဘၪ ထိးအဆၧမ့ၬမဲဒဲအဆၧၥၭလိၪ လၧအမၩယူၭဆၧလီၫ.
14 လါနၫ့တၭ,ယမိအီၪက့ၪအဝ့ၫၥံၪ လၧၦယိဆၧပၧၩ့ဂံၪ့ လၧအဆၧမၩထီးအလူၬအဂး,ဒဲလၧကယဲဆၧလၧၦမိ မၩဝ့ၫလၧအဖၧၩ့ထီးအလူၬအဂးလီၫ.
15 အ့ၪမွဲၦလုဆၧလဖၪ, ၦလံဝဲၫဖိၪ စဇၫဒီၭအဖိၪခွၫၥံၪ လၧအယိဆၧပၧၩ့ ယလးဆံၫ့ဎံၪ ထီးအထီလၧၦအံၫစ ရ့လၭဖိၪ ဂၭဖျိၭလၧယအီၪနီၪး အဝ့ၫၥံၪမိၥုၭဘူၭအ ၥၭလၧယအီၪ ဘဲၫၥိၭအမိမၩယခ့ၫယၡၩအဆၧ, ဒဲမိ ဆၧၫ့ထုၪ့လၧယမ့ၬယၫ ဘဲၫၥိၭ အမိလုထၪ့ယၧၩလၧ
16 ဆၧၥိၪ ဒဲဆၧၥွံၪနီၪ, ကဆါယဟိဝၩစံၭဝ့ၫဒၪ.- အဝ့ၫ ၥံၪမိလ့ၩနုၬဝ့ၫလၧယလးဆံၫ့ဎံၪအဖၧၩ့, ဒဲမိၥုၭဘူၭ အၥၭလၧ ယစပွဲအအီၪ ဘဲၫၥိၭအမိမၩယခ့ၫယၡၩအ
17 ဆၧ, ဒဲယိယဆၧပၧၩ့လီၫ.- ထီးအဝ့ၫၥံၪလ့ၩနုၬလၧ ဆၧအဝၩ့လၧအဖၧၩ့လစီၪ့အတရၫ့နီၪ ဆၧမိမၩအၥၭ လၧအမိၥိၭဆၧဘွၩ ဖျ့ၫလံၬကံၭတၭ, လၧအမၩဆၧ လၧဝၩ့လၧအဖၧၩ့လစီၪ့အတရၫ့, ဒဲလၧဂံၪ့လၧအဖၧၩ့
18 လခီၫအဘိၩ့ဘၭနီၪၥိၭဘၪၥိၪအဆီၪ့အ့ၬ.- အဝ့ၫၥံၪမိ ဘၪအီၪလၧ အခိၪဖုၪ့ဆၧဘွၩဖျ့ၫလံၬကံၭ လၧအခိၪ ဎွံၪ, ဒဲဆၧဖျၪ့ခဲၫ့ဆၧဘွၩ ဖျ့ၫလံၬကံၭ လၧအယးဒံၩ့ တၭ, ခဲးထူၬဘၪအၥၭ လၧဆၧဒုၭထၪ့ခိၥွ့ၫနီၪ နးမံၩ့
19 အ့ၬ.- ထီးအဝ့ၫၥံၪအ့ၪစဲၪ့ထၪ့နုၬလၧဆၧဝၩ့လၧခီၫ့လ စီၪ့လၧဆၧအဝၩ့လၧခီၫ့လၧၦမျၧး အအီၪတၭ, မိဘၪ ဘဲၪ့လၩ့ခွံၬ အကီၩ့အၥိၭ လၧအမၩဆၧ လၧအဖၧၩ့ တၭ,အီၪက့ၪဝ့ၫလၧဒူၭဖိၪဆံၫ့ဎံၪလဖၪအဖၧၩ့တၭ, မိဘၪကီၩ့ထၪ့ၥိၭထၪ့ ဆၧအကီၩ့အၥိၭအဂူၫဂၩ,ဘဲၫ ၥိၭအထီးမၩဆံၫ့ဎံၪ ၦခမျၧးလၧအကီၩ့အၥိၭလဂ့ၩ
20 လီၫ. အဝ့ၫၥံၪမိလိၩ့ခွံၬအခိၪအ့ၬ, ဒဲဒုၭထီၫထၪ့အခိၪ
21 ၥူၫထီၫထီၫလ့ၬဆ့အ့ၬး မိဘၪထံၬအခိၪၥူၫလီၫ.- ထီးၦ လုဆၧလဂၩဂၩ အ့ၪလ့ၬနုၬ လၧဆၧဝၩ့လၧအဖၧၩ့လ
22 စီၪ့တၭ, မိအီၩဘၪစဘံၭထံၫနးဂၩအ့ၬ.- အဝ့ၫၥံၪန့ ဘၪအမၫ လၧၦမုၪမဲၫမွဲဂ့ၩ, ၦမုၪလၩ့ၡၪ လၧအဝၩမွဲ ဂ့ၩ, နးဂၩအ့ၬ. မိဘၪမၩန့ၦမုၪနၩ့လၧအံၫစရ့လၭအ ဂံၪ့ဖိၪ အချံၫအၥၪ အကျၩလီၫ. အ့ၪလမွဲဘၪဘဲၫနီၪ တၭ, ဘၪမၩန့ၦမုၪမဲၫ လၧအမွဲယူၭ ၦလုဆၧအမၫလၧ
23 အခီၫနီၪလီၫ.- အဝ့ၫၥံၪမိၥီၪ့လိၪယၡၩခမျၧးလၧဆၧ ဆံၫ့ဎံၪ, ဒဲဆၧလဆံၫ့ဘၪအဆၧၫ့, ဒဲဒုၭအၪ့နၩ့ဖၭအ ဝ့ၫၥံၪလၧဆၧဆံၫ့ဎံၪ ဒဲဆၧလဆံၫ့ဘၪအဆၧၫ့လီၫ.
24 လၧၦချဲၩ့ခွးနီၪ အဝ့ၫၥံၪမိဆၧၫ့ထုၪ့ဝ့ၫ ဘဲၫၥိၭအမိစ့ၩ ရၫ့ခွး မိဘၪစ့ၩရၫ့ဝ့ၫဘဲၫ ယဆၧစ့ၩရၫ့အၥိၭနီၪတၭ, မိဘၪထီးန့ ယဆၧၥီၪ့ဆၧၥၫ့ ဒဲယဆၧမၪလူၬ လၧယ မၩဘိၪ့အဆၧၫ့အထီထီးအလူၬအဖၧၩ့တၭ, မိဘၪအီၪ
25 က့ၪဆံၫ့ဎံၪယမးၥံၫအနံၩလဖၪလီၫ.- ဂဲၫဘူၭဘၪလၧ ၦၥံၫယူၭ လၧအမိမၩစံၪစၪ အနၫ့ဆါဒၪဝ့ၫနးဂၩအ့ၬ. လါနၫ့တၭ, လၧဖါအဂးမွဲဂ့ၩ, လၧမိအဂးမွဲဂ့ၩ, လၧ ဖိၪခွၫအဂးမွဲဂ့ၩ, လၧဖိၪမုၪအဂးမွဲဂ့ၩ, လၧထၧၫ့ဖုဝဲ ခွၫအဂးမွဲဂ့ၩ, လၧထၧၫ့ဖုဝဲမုၪလၧအဝၩလအီၪဘၪအ
26 ဂးမွဲဂ့ၩ, မိမၩဘၪၥၭလိၪအၥၭလီၫ.- တၭလၧဆၧၥူၫ ဝၭဆံၫ့ဝ့ၫ အလးခဲၫ့နီၪ ၦမိဘၪဝံထၪ့နၬထၪ့ လၧအဂး
27 နွ့ၫနံၩလီၫ.- တၭမုလနံၩလၧအလ့ၩနုၬ လၧဆၧအလး ဆံၫ့ဎံၪအဖၧၩ့, လၧဆၧအဝၩ့လၧအဖၧၩ့လခီၫလစီၪ့, ဘဲၫၥိၭအမိမၩဆၧလၧ ဆၧအလးဆံၫ့ဎံၪအဖၧၩ့တၭ, မိဘၪလုထၪ့ အဆၧလုဆၧဒဲၩဘၭနီၪ, ကဆါယဟိဝၩ
28 စံၭဝ့ၫဒၪ.- ဆၧနီၪမိကဲၪထၪ့အဆၧန့ၥၫလီၫ. ယဝ့ၫဒၪ ယီၩ ယမွဲအဆၧန့ၥၫလီၫ. နၥံၪမိဖ့ၪလၫ့အဝ့ၫၥံၪလၧ ဆၧန့ၥၫလၧအံၫစရ့လၭအကျၩ နးမံၩ့အ့ၬ. ယဝ့ၫဒၪ
29 ယီၩယမွဲအဆၧန့ၥၫလီၫ.- အဝ့ၫၥံၪမိအၪ့ဘၪဆၧမၩ ဘိၪ့ကိၪမုၬ,ဒဲဆၧလုဆၧဒဲၩဘၭ, ဒဲဆၧလုမၪဘၪဆၧ, ဒဲကယဲဆၧမၩဘိၪ့ လၧအံၫစရ့လၭအကျၩ လမံၩ့လါ
30 လါနီၪ မိကဲၪထၪ့အဝ့ၫၥံၪအဆၧလီၫ.- ဆၧၥၪဆိၫအ ခၪ့ထံၭလၧဆၧထီးအလူၬအကျၩ, ဒဲကယဲဆၧမၩဘိၪ့ ထၪ့လၧနၥံၪမၩဘိၪ့ထီးအလူၬအကျၩ, ကိၭမံၩ့ဒ့ၭနီၪ, မိကဲၪထၪ့ၦလုဆၧလဖၪအဆၧလီၫ. နၥံၪမိဘၪဖ့ၪလၫ့ ဆိၫၦလုဆၧလၧနၥံၪအကိၪၥံၫ့ဆ့ၬ ဘဲၫၥိၭအမိဒုၭအီၪ
31 ဆၧဆိၪဂ့ၩလၧနၥံၪအဂံၪ့ဖၧၩ့လီၫ.- ထိၪၥံၪလံၪၥံၪမွဲ ဂ့ၩ,ဆၧဖိၪဆၧဎါမွဲဂ့ၩ, လၧအၥံၫဒၪအဆၧမွဲဂ့ၩ, လၧဆၧအဲၪ့ၡၫ့ခွံၬဝ့ၫနီၪမွဲဂ့ၩ, ၦလုဆၧအၪ့ဘၪဝ့ၫနးမံၩ့ အ့ၬ.