43
1 လၧခဲၫ့ထဲၩ့အဝ့ၫဒၪဂဲၫဆိၬယၧၩ လၧတရၫ့နီၪ,တရၫ့
2 လၧအဖိးလၧမုထၪ့လခီၫ,- တၭယိခွါ,အံၫစရ့လၭအ ယွၩအလၩအဖၩ့ဂဲၫဝ့ၫလၧမုထၪ့အဖၧၩ့ၥၭတၭ, အၥီၫ မၩအၥၭ ဘဲၫထံၫအၪအၥီၫ အၥိၭနီၪတၭ, ဂၪ့ခိၪဖၩ့
3 ထၪ့ဝ့ၫလၧအလၩအဖၩ့လီၫ.- ဆၧဖျီၪထၪ့ဝ့ၫမၩအၥၭ ဘဲၫဆၧလၧယဒၪဘၪလၧယၫလခီၫအၥိၭ, ဘဲၫဆၧဒၪ လၧယၫလခီၫလၧယဒၪဘၪ ထီးအထီလၧအဂဲၫမၩဂၭ ဂီၩ့ဒိၩ့အၥိၭနီၪ, ဒဲဆၧဒၪလၧယၫလခီၫနီၪ, မၩအၥၭ ဘဲၫဆၧလၧယဒၪဘၪ လၧခံဘၫအထံၫနဲၩ့ အၥိၭနီၪး
4 တၭယထိၪလၩ့ထံၩဖါချႃၬလၩ့ယၥၭလီၫ.- ယဟိဝၩ အလၩအဖၩ့ဂဲၫနုၬလၧဂံၪ့ဖၧၩ့ လၧဖၧၩ့ၥၭအတရၫ့
5 အဖၧၩ့လၧအဒိၭအၥၭ လၧမုထၪ့လခီၫလီၫ.- ၥၭနီၪ မၩန့ထၪ့ယၧၩတၭ, ဆိၬထၪ့ယၧၩလၧဝၩ့လၧအဖၧၩ့ လခီၫလစီၪ့တၭ, ယိခွါ,ယဟိဝၩအလၩအဖၩ့မၩဎွ့ၩ
6 ဂံၪ့လီၫ.- ယနါဂၧၫ့အဝ့ၫချဲၩ့ဆၧလၧယၧၩလၧဂံၪ့ဖၧၩ့ တၭ,ၦၡၩလဂၩဆၧၫ့ထုၪ့လၧယနဲၩ့ထံၭလီၫ.
7 အဝ့ၫစံၭယၧၩ,ၦၡၩအဖိၪခွၫဧ့, ယလးဆီၩ့ဆီအ လး,ဒဲယခၪ့ယၫၥၭအလး, ထီးယမိအီၪလၧအံၫစရ့ လၭဖိၪအကျၩ လၩ့ဆိၩလၩ့ကၠၪ မွဲထီးယီၩလီၫ. တၭ ၦအံၫစရ့လၭဖိၪ မိမၩဘၪၥၭလိၪလၧၩ့ ယမံၩ့ဆံၫ့ဎံၪ အ့ၬ.- အဝ့ၫၥံၪမွဲဂ့ၩ, အစဎွၩလဖၪမွဲဂ့ၩ, မၩဘၪၥၭ လိၪဝ့ၫလၧအမၩ ဆၧလဲးဆၧဘျၪအကၠီၩ့, လၧစဎွၩ
8 အစွၪလၧအၥွၪခိၪဖၧၩ့အကၠီၩ့အ့ၬ.- မွဲအအီၪက့ၪအ တရၫ့အခၧၪ့ လၧယတရၫ့အခၧၪ့အနဲၩ့ထံၭ, ဒဲအထုၪ့ လၧယထုၪ့အနဲၩ့ထံၭတၭ, အီၪန့ၫဆၧဒီၪ့လဒီၪ့လၧ ယၧၩဒဲအဝ့ၫၥံၪ အဘိၩ့ဆၧၩ့တၭ, မၩဘၪၥၭလိၪယူၭ ယမံၩ့ဆံၫ့ဎံၪ လၧအဆၧဘၪၥၭလိၪလၧအမၩဝ့ၫလီၫ. တၭယမၩလူၬခွံၬယူၭ အဝ့ၫၥံၪလၧယၥၭထၪ့နီၪလီၫ.
9 ဘိၩ့နဲၪ့ယီၩ မွဲအဝ့ၫၥံၪအီၪက့ၪခွံၬ အမၩဆၧလဲးဆၧ ဘျၪယဲၩ့လၧယၧၩ, ဒဲစဎွၩအစွၪလဖၪ ယဲၩ့လၧယၧၩ ဆံၭ. တၭယမိအီၪလၧအကျၩ လၩ့ဆိၩလၩ့ကၠၪလီၫ.
10 နဝ့ၫဒၪၦၡၩအဖိၪခွၫဧ့, ဒုၭနဲၪၦအံၫစရ့လၭအၡၩ ဂံၪ့ဖိၪလဂံၪ့လဖျိၪ့ယီၩ, ဘဲၫၥိၭအမ့ၬမိမဲ လၧအဆၧ ဒဲၩဘၭလကၠီၩ့, ဒဲဘဲၫၥိၭအမိထိၪန့ ဆၧအဒီၩ့အထ့ၬ
11 နီၪဆံၭ.- အမ့ၬအ့ၪမဲလၧကယဲဆၧလၧ အမၩဝ့ၫအကၠီၩ့ တၭ, ဒုၭၥ့ၪယၫအဝ့ၫၥံၪလၧဂံၪ့ အဒီၩ့အထ့ၬ, ဒဲအခံး အဂၩ့, ဒဲဖၧၩ့ၥၭဂဲၫနုၬဒဲလ့ၩထၪ့လဖၪ, ဒဲအဂၩ့လဖၪ ထီးအလူၬဒဲအဆၧမၪလူၬထီးအလူၬ, ဒဲအဒီၩ့အထ့ၬ ထီးအလူၬ, ဒဲအဆၧၥီၪ့ဆၧၥၫ့လဖၪ ထီးအလူၬနီၪ တၭ, ကွ့ၭဆၧနီၪလၧအမ့ၬယၫဆံၭး မွဲဘဲၫၥိၭအဝ့ၫ ၥံၪမိထီးန့ ဆၧအဒီၩ့အထ့ၬထၧၫ့ဖျိၪ့ယၫ, ဒဲအဆၧမၪ
12 လူၬၥံၪထီးအလူၬ, ဒဲမၩဝ့ၫဆ့လီၫ.- အယီၩမွဲဂံၪ့အဆၧ ၥီၪ့ဆၧၥၫ့ လၧခိၪလီၩ့ဒၩ့ခိၪနီၪ, ဆၧအီၪဝ့ၫလၧအနဲၩ့ ထံၭဝၬဖီၩ့ဝ့ၫ ထၧၫ့ဖျိၪ့ယၫ မိမွဲဝ့ၫဆၧဆံၫ့ဎံၪထုၬလီၫ. ယိခွါ,အနီၪမွဲဂံၪ့အဆၧၥီၪ့ဆၧၥၫ့လီၫ.
13 ဆၧထိၪဆၧလုလး အဖျါလဖၪဘဲၫယီၩ, (လဖျါနီၪ မွဲလဖျါဒဲလထၫလီၫ.) ဆၧလၧလၬလခီၫနီၪအဆီၩ့ဆီ ထၪ့မွဲလဖျါ, အဒၪ့ဎၩ့လဖျါ,ဒဲအခိၪဒၧၩ့လၧအနဲၩ့ထံၭ ဝၬဝၬနီၪမွဲလထၫလီၫ. တၭအနီၪမွဲဆၧလုလးအလး
14 လၧအချိၫ့လီၫ.- လၧလၬလခီၫ လၧဂၪ့ခိၪအဖၫ့ခိၪဖိး လၧအနဲၩ့ထံၭ, လၧလၬလခီၫနီၪမွဲနံၫဖျါ, ဒဲအဒၪ့ဎၩ့ လဖျါ, ဒဲအနဲၩ့ထံၭအအံၪ့ဖိးလၧအနဲၩ့ထံၭအလဲနီၪ
15 မွဲလံဖျါဒဲအဒၪ့ဎၩ့မွဲလဖျါလီၫ.- ဆၧလုအလးမွဲလံဖျါ တၭ,လၧဆၧလုအလးလၧထၭလခီၫနီၪ, အနိၩ့လံနိၩ့
16 မိအီၪဝ့ၫလီၫ.- ဆၧလုအလးအဖၭထီၫမိမွဲလဆံၫနံၫ ဖျါ,အဒၪ့ဎၩ့လဆံၫနံၫဖျါ, ဆၧလံနိၪ့အနဲၩ့ဖၩန့ၫဎီၩ့လီၫ.
17 အနဲၩ့ထံၭအဖၭထီၫမွဲလဆံၫလံဖျါ, ဒဲအဒၪ့ဎၩ့လဆံၫ လံဖျါလၧဆၧလံဖၩလီၫ. တၭအခိၪဒၧၩ့လၧအနဲၩ့ထံၭ မိမွဲလထၫတၭ, အခၪ့ထံၭနီၪမိမွဲလဖျါဝၬဝၬတၭ,အ ဎၩ့နီၪမိဆဲၫဎၩ့ဝ့ၫလၧမုထၪ့လခီၫလီၫ.
18 အဝ့ၫဒၪစံၭယၧၩ, ၦၡၩအဖိၪခွၫဧ့,ကဆါယဟိဝၩ စံၭဘဲၫယီၩ, အယီၩလဖၪမွဲဆၧၥီၪ့ဆၧၥၫ့ဘၪဆဲၫ့လၧ ဆၧလုအလးလၧမုလနံၩ လၧၦမိတဲၩ့ဝ့ၫဘဲၫၥိၭအမိ လုထၪ့ဆၧလုမ့ၪလၧအဖၫ့ခိၪ, ဒဲဎွံၪဆၧၥွံၪလၧအလီၩ့
19 နီၪလီၫ.- နဘၪဖ့ၪလၫ့ၦလုဆၧလဖၪ,ၦလံဝဲၫဖိၪစဇၫဒီၭ အချံၫအၥၪလၧအၥုၭဘူၭအၥၭ လၧယအီၪဘဲၫၥိၭအ မိမၩယဆၧနီၪလၧချီဖၫဖိၪလဒုၩ လၧဆၧလုဆၧဒဲၩဘၭ
20 အဂးကဆါယဟိဝၩစံၭဝ့ၫဒၪ.- နဘၪမၩန့အၥွံၪတၭ, အီၪက့ၪလၧဆၧအနိၩ့လံနိၩ့, ဒဲအနဲၩ့ထံၭအနိၪ့လံနိၪ့ အလီၩ့, ဒဲလၧအခိၪဒၧၩ့ဝၬဖီၩ့ဝ့ၫအလီၩ့လီၫ. နမိဘၪ
21 မၩဆၧဖီၩ့ဖျ့ၭလၧအဂးနီၪလီၫ.- နမိဘၪမၩန့ဆၧလု ဆၧဒဲၩဘၭအချီဖၫလဒုၩတၭ, ၦမိဘၪဆူၭထၪ့ခွံၬအ ဝ့ၫလၧဆၧမၪလူၬဝဲၩအလး လၧဂံၪ့ဖၧၩ့လၧဆၧအလး
22 ဆံၫ့ဎံၪလၧခီၫ့လီၫ.- မုနံၫနံၩလနံၩနီၪနမိဘၪလုထၪ့ ဘ့ၪဖိၪလၧအလၧၫ့အဎွ့ၩလဒုၩ လၧဆၧလုဆၧဒဲၩဘၭ အဂးတၭ,ၦမိမၩဆံၫ့ဆၧလုအလး ဘဲၫအမၩဆံၫ့ဝ့ၫ
23 လၧချီဖၫလဒုၩအၥိၭနီၪလီၫ.- ထီးနမၩဆံၫ့ဂီၩ့တၭ,န မိဘၪလုထၪ့ချီဖၫအလၧၫ့အဎွ့ၩလဒုၩ, ဒဲဆၧအဖၫလၧ
24 ၥိၪဒဲဘ့ၪအကျၩလၧအလၧၫ့အဎွ့ၩလဒုၩလီၫ.- နမိဘၪ လုထၪ့ဝ့ၫလၧယဟိဝၩအမ့ၬယၫ, ဒဲၦလုဆၧလဖၪမိ ဘၪဖၧၫ့လၩ့ထံၫလၪလၧအဖၫ့ခိၪတၭ, လုထၪ့ဝ့ၫလၧ
25 ဆၧလုမ့ၪလၧယဟိဝၩအဂးလီၫ.- နွ့ၫနံၩအထးဖၧၩ့ နီၪနမိဘၪလုထၪ့ဘ့ၪလဒုၩ လၧဆၧလုဆၧဒဲၩဘၭအဂး လနံၩလဒုၩလနံၩလဒုၩ ကိၭနံၩဒ့ၭလီၫ. တၭၦမိဘၪ လုထၪ့ချီဖၫဖိၪလဒုၩ, ဒဲဆၧအဖၫအလၧၫ့အဎွ့ၩလဒုၩ
26 လၧၥိၪဒဲဘ့ၪအကျၩလီၫ.- နွ့ၫနံၩအထးဖၧၩ့နီၪ ၦမိ ဘၪမၩဆံၫ့ထၪ့, ဒဲမၩဆၧဖီၩ့ဖျ့ၭလၧဆၧလုလးအဂး
27 ဒဲအဝ့ၫၥံၪဘၪမၩဆံၫ့ဎံၪအနၫ့ဆါဒၪဝ့ၫဆ့လီၫ.- ဆၧ လၧမုနံၩလဖၪနီၪဖီၩ့ခွံၬတၭ, ဆၧမိမၩအၥၭလၧမုဎိၭ နံၩလနံၩဒဲစူၩယၫလခီၫနီၪ, ၦလုဆၧလဖၪမိဘၪလုထၪ့ နၥံၪအဆၧလုမ့ၪ, ဒဲနၥံၪအဆၧလုမၩဘၪလိၬအိၭလိၬ လၧနၥံၪအဆၧလုလးအဖၫ့ခိၪတၭ, နၥံၪမိဘၪယၥၭ, ကဆါယဟိဝၩစံၭဝ့ၫဒၪ.