4
1 နဝ့ၫဒၪဆ့,ၦၡၩအဖိၪခွၫဧ့, မၩန့အၩ့ကတဲၩလဘံၪ့ တၭ,အီၪက့ၪဝ့ၫလၧနမ့ၬယၫတၭ, ကွ့ၭဒိၩ့ယရုစလံၫ့
2 အဂၩ့လၧအလီၩ့,- တၭဝၩ့ထၬထၫ့ဒၩအဝ့ၫ, မၩထၪ့ ထိၬထၫ့ဒၩအဝ့ၫ, ဒဲမၩထၪ့ခိၪဒၧၩ့ထၫ့ဒၩအဝ့ၫ,ဒဲၥုၪ့ တဲၩထၫ့ဒၩအဝ့ၫဆ့, ဒဲအီၪက့ၩစဲၭဘုၪ့ဖိးဆၧဝၬဖီၩ့ထၫ့
3 ဒၩအဝ့ၫဆံၭ.- လၧနီၪအမ့ၬယၫနဝ့ၫဒၪယီၩမၩန့ဖၧၩ့ ထၭပၪပဲၪနးဘံၪ့တၭ, အီၪက့ၪအဝ့ၫလၧအခိၪဒၧၩ့ထၭ အဂးလၧနၧၩဒဲဒိၩ့အဘိၩ့ဆၧၩ့တၭ, အီၪက့ၪနမ့ၬလၧ အလီၩ့ဘဲၫၥိၭအမိဘၪဆၧဝၩ့ထၬဝ့ၫတၭ, ဝၩ့ထၬထၫ့ ဒၩအဝ့ၫဆံၭ. အဝ့ၫနီၪမိကဲၪထၪ့ဆၧမၩနဲၪ့လၧအံၫ စရ့လၭအၡၩဂံၪ့ဖိၪအဂးလီၫ.
4 တၭနဝ့ၫဒၪယီၩ မံၫနၩ့ဒံၩ့ခံၫ့လၧစူၪစ့ၪလခီၫတၭ, အီၪက့ၪအံၫစရ့လၭအၡၩဂံၪ့ဖိၪ အဆၧအၧၩ့လၧနက ဖၩနီၪအလီၩ့ဆံၭ. နမိဘၪဆိၬဆၧအၧၩ့ဘဲၫမုနံၩလဖၪ လၧနမံၫနၩ့ဒံၩ့ခံၫ့ အဆၧဝံထၪ့နၬထၪ့အၥိၭနီၪလီၫ.
5 အဂဲးဘဲၫယီၩလၧဆၧအၧၩ့အနံၪ့ လဖၪအဂးယအီၪ က့ၪလၩ့မုနံၩလဖၪလၧနဂး အနံၩၥၧၫ့ယၩခွံၫဆံၫလီၫ. တၭနမိဘၪဆိၬအံၫစရ့လၭအၡၩဂံၪ့ဖိၪ အဆၧအၧၩ့
6 အနံၩဎွ့ၩနီၪလီၫ.- ထီးနမၩဎွ့ၩမုနံၩလဖၪဂီၩ့နီၪ,မံၫ နၩ့ဒံၩ့ခံၫ့ဒီၭလၧနစူၪထွ့ၪလခီၫဆံၭ. တၭနဘၪဆိၬယု ဒၫအၡၩဂံၪ့ဖိၪအဆၧအၧၩ့အနံၩလံဆံၫလီၫ. တၭယ အီၪက့ၪလၩ့န့နၧၩလၧမုလနံၩလၧနနံၪ့အဂး, မုလနံၩ လနံၪ့အဂးဆုၬဆုၬလီၫ.
7 မၩအၥၭဘဲၫနီၪတၭ, အီၪက့ၪနမ့ၬတီၩလၧယရုစလံၫ့ လၧဆၧဝၩ့ထၬဝ့ၫတၭ, မၩအီၪဘိၪ့နစူၪဒူၪတၭ, ချဲၩ့
8 ဆၧလၧမီၪအချိၬထၫ့ဒၩအဝ့ၫဆံၭ.- ယိခွါ, ယမိအီၪ က့ၪဆၧစၧၩ့ထၬ လၧနလီၩ့တၭ,ထီးနမၩဝၩ့ထၬဆၧ အမုနံၩလဖၪအ့ၪလဂီၩ့ဒံၭဘၪနီၪ, နကၠၪဘၪနၥၭလါ ခီၫလါခီၫအ့ၬ.
9 နဝ့ၫဒၪယီၩမၩန့ဘုၪကၠိၩ့ဒဲဘုၪမုယီၩဆ့, ဒဲဘၩ့ဘၪ ၥၪ,ထိၭၥၪ,ဒဲၥွံၫၥၪ, ဒဲဘုၪကူၭစမ့ၭလဖၪလၧနဂးတၭ, ဒုၭလၩ့ဝ့ၫလၧဖၧၩ့လဖျိၪ့ဎးတၭ, မၩကိၪလၧအဝ့ၫၥံၪ လၧနဂးလၧမုနံၩလဖၪ လၧနမိမံၫနၩ့ဒံၩ့ခံၫ့ၥၧၫ့ယၩခွံၫ
10 ဆံၫအထးဖၧၩ့နီၪဆံၭ.- ဆၧအၪ့လၧနမိအၪ့ဘၪနီၪနမိ ဘၪခံၫ့အဝ့ၫလၧလနံၩအဂးနီၪ ၡက့ၭလၭနံၫဆံၫလီၫ.
11 နမိဘၪအၪ့အဝ့ၫလၧလဖၧၫ့ဘၪလဖၧၫ့လီၫ.- တိၪ့ထံၫ တၭ,နဘၪအီၩထံၫလဟံၫ့ဎူၫပိၩ့လပိၩ့လီၫ. နဘၪအီၩ
12 ဝ့ၫလၧလဖၧၫ့ဘၪလဖၧၫ့လီၫ.- နမိဘၪအၪ့ဘုၪမုယီၩ အကိၪပၪပဲၪတၭ, နမိဘၪအၪ့ဎူလၧဆၧအ့ၪလၧအဂဲၫ လၩ့လၧၦၡၩအဖၧၩ့လၧအဝ့ၫၥံၪအမ့ၬယၫလီၫ.
13 ယဟိဝၩစံၭဝ့ၫဒၪ, ဘဲၫနီၪၥိၭၦအံၫစရ့လၭဖိၪမိဘၪ အၪ့ကိၪလဆံၫ့ဘၪ လၧၦဆၨၩလဖၪအကျၩ,ထီးအ လးလၧယနၫ့စိၩအဝ့ၫၥံၪလီၫ.
14 ယစံၭ,အၩလါ,ကဆါယဟိဝၩဧ့ၬ ယိခွါ,ယဝ့ၫဒၪ ယီၩယဘၪဆၧလဆံၫ့ဘၪနးကၠၪအ့ၬ. အဂဲးဘဲၫယီၩ ခီၫဒၪလၧယဖိၪၥၪခွၫထၪ့ ထီၩ့လၩ့ခီၩ့ဘိၩ့နဲၪ့ယီၩဒၪ လ့ၬ,ဆၧလၧအၥံၫဒၪဆၧမွဲဂ့ၩ, ဆၧလၧဆၧအဲၪ့ၡၫ့ခွံၬ မွဲဂ့ၩ,ယအၪ့ဘၪအ့ၬ. ဆၧယၪလဆံၫ့ဘၪနီၪနုၬလၧ ယနိၭဖၧၩ့ဆ့အ့ၬ.
15 ထီးနီၪလဖၧၫ့အဆၧစံၭယၧၩ, ယိခွါ,ယအၪ့လဲၩခွံၬ ၦၡၩအအ့ၪ လၧချီအအ့ၪလၧနဂးတၭ, နမိဘၪအၪ့ဎူ ကိၪလၧအဝ့ၫလီၫ.
16 တၭအဝ့ၫစံၭယၧၩ, ၦၡၩအဖိၪခွၫဧ့,ယိခွါ,ယမိ မၩခါခွံၬကိၪအနိၪထိၭဘီၩ့ လၧယရုစလံၫ့အဖၧၩ့တၭ, ၦၡၩမိဘၪအၪ့ကိၪ လၧၦခံၫ့ဝ့ၫအီၪလၧအၥုၪ့ခိအၥၭ ဝီၩ,ဒဲအီၩထံၫလၧၦတိၪ့ဝ့ၫ လၧအၥၭထီၫမံၫထီၫမၪ,
17 ဘဲၫၥိၭအကိၪ ဒဲအထံၫလအၪဘၪတၭ, ထီၫမံၫထီၫမၪ ဝ့ၫလဂၩဒဲလဂၩတၭ, မိလူၬခွံၬဝ့ၫလၧအဆၧအၧၩ့အ ကၠီၩ့လီၫ.