3
1 လၧနီၪအမ့ၬယၫ, အဝ့ၫဒၪစံၭယၧၩ,ၦၡၩအဖိၪခွၫဧ့, အၪ့ဆၧလၧနဒၪနဝ့ၫဆံၭ. အၪ့လံၬအထူၫလထူၫယီၩ တၭ,လ့ၩချဲၩ့ဆၧ လၧအံၫစရ့လၭအၡၩဂံၪ့ဖိၪဆံၭ.
2 အခိးမွဲယအၩ့ထၪ့ယနိၭတၭ, အဝ့ၫဒၪဖ့ၪအၪ့ယၧၩ
3 လၧလံၬအထူၫလထူၫနီၪလီၫ.- အဝ့ၫစံၭယၧၩ, ၦၡၩ အဖိၪခွၫဧ့, အၪ့ဆၧတၭမၩဎွ့ၩနဂူၭဖိၫ့လၧလံၬအထူၫ လထူၫယီၩ လၧယဖ့ၪလၫ့နၧၩဆံၭ. ထီးနီၪလဖၧၫ့ယ အၪ့တၭ, ဆၧၫ့ဝ့ၫလၧယနိၭဖၧၩ့ ဘဲၫန့ၫစၩ့အၥိၭနီၪ
4 လီၫ.- အဝ့ၫဒၪစံၭယၧၩ,ၦၡၩအဖိၪခွၫဧ့, လ့ၩဘီၪ, လ့ၩလၧအံၫစရ့လၭအၡၩဂံၪ့ဖိၪအအီၪတၭ, ချဲၩ့ဆၧ
5 လၧအဝ့ၫၥံၪလၧယဆၧချဲၩ့ဆံၭ.- အဂဲးဘဲၫယီၩဆၧ အၪ့မၧၫ့လၩ့နၧၩလၧၦလခီၫဘၩ့မုးဖိၪအဆၧချဲၩ့, ဒဲၦ အဆၧချဲၩ့ကၪအအီၪအ့ၬး မွဲလၧအံၫစရ့လၭအၡၩဂံၪ့
6 ဖိၪအအီၪး- လၧၦအၪဆၨၩ လၧအဆၧချဲၩ့လၩ့မဲၩ ဒဲ ချဲၩ့ဆၧချဲၩ့ကၪလၧနနၪဝ့ၫလၥ့ၪဘၪနီၪ, မွဲအ့ၬ. ယအ့ၪ အၪ့မၧၫ့လၩ့နၧၩလၧအဝ့ၫၥံၪအအီၪတၭ, မိခိၭနၪတၡါ
7 နလူလီၫ.- မွဲလါနၫ့ၦအံၫစရ့လၭဖိၪအၡၩဂံၪ့ဖိၪခိၭနၪ နလူအ့ၬး အဂဲးဘဲၫယီၩခိၭနၪယလူအ့ၬ. အဂဲးဘဲၫ ယီၩအံၫစရ့လၭအၡၩဂံၪ့ဖိၪထီးအလူၬနီၪ, မၩကြၩ့
8 ထမးဆၧ,ဒဲအၥၭနီၩ့လီၫ.- ယိခွါ,ယအီၪက့ၪဆီၪ့နမ့ၬ
9 လၧအဝ့ၫၥံၪအမ့ၬထုးခိၪအလီၩ့လီၫ.- ယအီၪက့ၪနမ့ၬ ထုးခိၪဘဲၫလိးကျဲၩ့ထၫ့မျါအၥိၭ, နီၩ့နဲၪ့ဒံၭလိးမ့ၪလီၫ. အဝ့ၫၥံၪမွဲၦဂံၪ့ဖိၪပိၩ့ထၪ့ဆၧလါနၫ့တၭ, ထီးၥၭမဲၪအ ဝ့ၫၥံၪလဂ့ၩ, အၪ့ယိၪဆၧလၧအမ့ၬအကၠီၩ့လဂ့ၩ.
10 လၧနီၪအမ့ၬယၫအဝ့ၫဒၪစံၭယၧၩ, ၦၡၩအဖိၪခွၫဧ့, ကယဲဆၧချဲၩ့လၧယမိချဲၩ့လၧနၧၩထီးအလူၬနီၪ, ဒိၭ
11 န့လၧနၥၭခံဖၧၩ့တၭ, ခိၭနၪလၧနနါဆံၭ.- လ့ၩဘီၪ, လ့ၩလၧၦကဲၪဎီးလဖၪ, နၡၩခမျၧးဖိၪအအီၪတၭ, ချဲၩ့ ဆၧလၧအဝ့ၫၥံၪတၭ, မိခိၭနၪဆၧမွဲဂ့ၩ, လမိခိၭနၪဘၪ မွဲဂ့ၩ,ကဆါယဟိဝၩစံၭဘဲၫယီၩ, လီၩဘၪအဝ့ၫၥံၪ ဆံၭ.
12 ထီးနီၪလဖၧၫ့ၥၭနီၪဆိၬထၪ့ယၧၩတၭ, ယနါဂၧၫ့ ဆၧၥီၫလၧယလးခဲၫ့ ဘဲၫၦခမျၧးလ့ၩဆၧဆီၪ့အၥိၭ တၭ,စံၭဝ့ၫဒၪ, ယဟိဝၩအလၩအဖၩ့နီၪ,မွဲအဘၪဆၧ
13 ဆိၪဂ့ၩလၧအလးဖၧၩ့ဆံၭ.- ယနါဂၧၫ့ဆ့ဆၧအမၧၫ့ အဒံၭလၧအထိၭလိၬအၥၭအၥီၫ, ဒဲလဲၪ့ပၪလၧအနဲၩ့
14 ထံၭအၥီၫ, ဒဲၦခမျၧးလ့ၩဆၧဆီၪ့အၥီၫလီၫ.- ထီးနီၪ လဖၧၫ့ၥၭနီၪဆိၬထၪ့ယၧၩတၭ, မၩန့ခွံၬယၧၩတၭ, ယ လ့ၩဆၧလၧယၥၭလမုၬဘၪလၧယၥၭခိလီၫ. တၭယ ဟိဝၩအစူၪအီၪဝ့ၫလၧယလီၩ့ဆီၪ့ဆီၪ့လ့ၬလီၫ.
15 ထီးနီၪလဖၧၫ့ ယဂဲၫလၧၦလၧအကဲၪဎီးလၧတ့ၫလၫ ဘ့ၭအဖၧၩ့လၧအအီၪဝ့ၫလၧထံၫမိၡါ ခံဘၫအနဲၩ့ တၭ,ယအီၪထီးအဝ့ၫၥံၪအီၪဝ့ၫအလးနီၪ, ယအီၪလၩ့ ထးထီးနီၪလၧဆၧထီၫမံၫထီၫမၪအဖၧၩ့ လၧအဝ့ၫၥံၪ အကျၩနွ့ၫၥၫ့လီၫ.
(အဇံၫ ၃၃:ၥ-၉).
16 လၧနွ့ၫၥၫ့အထုၬနီၪ ဆၧမၩအၥၭလၧယဟိဝၩအလူ
17 လၩ့ဘၪယၧၩတၭ,စံၭဝ့ၫ,- ၦၡၩအဖိၪခွၫဧ့, ယအီၪ က့ၪနၧၩလၧၦခိၭဆၧ လၧၦအံၫစရ့လၭအၡၩဂံၪ့ဖိၪအ ဂးတၭ,အခိးမွဲဘဲၫနီၪတၭ, ခိၭနၪဆၧချဲၩ့လၧယနိၭဒဲ
18 ၥီၪ့ထဲၩ့အဝ့ၫၥံၪလၧယလူဆံၭ.- ထီးယအ့ၪစံၭၦလတီၩ လလီၩ့ဘၪနီၪ, နမိၥံၫတၡါတၭ, နအ့ၪလၥီၪ့ထဲၩ့ဘၪ ဝ့ၫ,ဒဲလချဲၩ့ဘၪဆၧဘဲၫၥိၭ ၦလတီၩလလီၩ့ဘၪမိကၠၪ ခွံၬအၥၭလၧအဖၧၩ့ၥၭလတီၩလလီၩ့ဘၪ ဘဲၫအၥၭ မိမၧၫ့ဝ့ၫအၥိၭနီၪ, ၦလတီၩလလီၩ့ဘၪနီၪ,မိၥံၫဝ့ၫလၧ အဆၧအၧၩ့အဖၧၩ့း အ့ၪမွဲယမိအၪ့ဎၬအၥွံၪလၧနစူၪ
19 ဖၧၩ့လီၫ.- မွဲလါနၫ့တၭ,နအ့ၪၥီၪ့ထဲၩ့ၦလတီၩလလီၩ့ ဘၪနီၪ, အ့ၪလကၠၪခွံၬဘၪအၥၭလၧဆၧလတီၩလလီၩ့ ဘၪ,ဒဲလၧအဖၧၩ့ၥၭလတီၩလလီၩ့ဘၪနီၪ, မိၥံၫဝ့ၫလၧ အဆၧအၧၩ့အဖၧၩ့း အ့ၪမွဲနမၩဖီၩ့မၩဖျ့ၭယူၭ နၥၭ ယူၭလီၫ.
20 မၩဒီၭလဖၧၫ့, ထီးၦအတီၩအလီၩ့အ့ၪကၠၪခွံၬအၥၭ လၧအဆၧတီၩဆၧလီၩ့, ဒဲမၩဆၧဒဲၩဘၭနီၪယအီၪ က့ၪဆၧဘၪထၧၩ့အလး လၧအမ့ၬယၫတၭ,မိၥံၫဝ့ၫ လီၫ.မွဲနလၥီၪ့ထဲၩ့ဘၪအဝ့ၫအကၠီၩ့တၭ, မိၥံၫဝ့ၫလၧ ဆၧဒဲၩဘၭအဖၧၩ့တၭ, အဆၧတီၩဆၧလီၩ့လၧအမၩ ဝ့ၫလဖၪနီၪဆၧနၪ့ထၪ့ထဲၩ့လၧၩ့အ့ၬး အ့ၪမွဲယမိအၪ့
21 ဎၬအၥွံၪလၧနစူၪဖၧၩ့လီၫ.- မွဲလါနၫ့တၭ, နအ့ၪၥီၪ့ ထဲၩ့ၦအတီၩအလီၩ့ဘဲၫၥိၭၦတီၩၦလီၩ့နီၪ, ထီးမၩ ဆၧဒဲၩဘၭလဂ့ၩတၭ, ၦတီၩၦလီၩ့နီၪအ့ၪလမၩဘၪ ဆၧဒဲၩဘၭနီၪ,မိမၧၫ့ဝ့ၫတၡါလီၫ. အဂဲးဘဲၫယီၩမွဲအ ဘၪဆၧၥီၪ့ထဲၩ့အဝ့ၫဒၪ နဝ့ၫဒၪယီၩ နမၩဖီၩ့မၩဖျ့ၭ နၥၭဆ့လီၫ.
22 တၭယဟိဝၩအစူၪအီၪဝ့ၫလၧယလီၩ့ ထီးနီၪတၭ, စံၭယၧၩဂဲထုၪ့လ့ၩလၧဆၧပျၩ့ဖၧၩ့တၭ, ယမိချဲၩ့ဆၧ
23 လၧနၧၩထီးနီၪလီၫ.- ယဂဲထုၪ့လ့ၩလၧဆၧပျၩ့ဖၧၩ့ တၭ,ယိခွါ, ယဟိဝၩအလၩအဖၩ့ ဆၧၫ့ထုၪ့ထီးနီၪ ဘဲၫဆၧလၩဆၧဖၩ့လၧယဒၪဘၪ လၧထံၫမိၡါခံဘၫအ
24 နဲၩ့အၥိၭနီၪတၭ,ယလၩ့ထံၩဖါချႃၬလၩ့လီၫ.- ထီးနီၪ လဖၧၫ့ၥၭနီၪဂဲၫနုၬဝ့ၫလၧယဖၧၩ့တၭ, ဒုၭဆၧၫ့ထုၪ့ ယၧၩနီၪချဲၩ့ဆၧလၧယၧၩတၭ, စံၭယၧၩ, လ့ၩအီၪက့ၪ
25 ၥူၪနၥၭလၧနဂံၪ့ဖၧၩ့ဆံၭ.- နဝ့ၫဒၪ,ၦၡၩအဖိၪခွၫဧ့,ယိ ခွါ,အဝ့ၫၥံၪမိအီၪက့ၪဖျံၩစၧၩ့ထၬ လၧနလီၩ့တၭ, မိ စၧၩ့ထၬနၧၩလၧဆၧလဖၪနီၪတၭ, နလ့ၩထၪ့ဘၪလၧ
26 ၦလဖၪနီၪအကျၩအ့ၬ.- ယမိဒုၭဘုၭထၬနဖျ့ၩ လၧ နထၫချၬတၭ, နမိအီၪအုၭအၭတၭ,ကဲၪထၪ့ၦအၪ့ၥီၪ့ ဆၧလၧအဂးအ့ၬ.အဂဲးဘဲၫယီၩမွဲဝ့ၫၦဂံၪ့ဖိၪလၧအ
27 ပိၩ့ထၪ့ဒၪဆၧလီၫ.- မွဲလါနၫ့ဘိၩ, ထီးယအ့ၪချဲၩ့ဆၧ လၧနၧၩတၭ, ယမိဒုၭအၩ့ထၪ့နနိၭတၭ,နမိဘၪစံၭအ ဝ့ၫၥံၪ,ကဆါယဟိဝၩစံၭဘဲၫယီၩ, ၦလၧအမိခိၭနၪ ဆၧနီၪ,မွဲအဝ့ၫခိၭနၪဒၪဆံၭး ၦလၧအလခိၭနၪဘၪနီၪ, မွဲအအီၪဒၪဝ့ၫဆံၭ. မွဲဝ့ၫၦဂံၪ့ဖိၪၥံၪလၧအပိၩ့ထၪ့ဆၧ လီၫ.